tgoop.com/krarmharbalmalki/558
Last Update:
يار قية الحسين
للماضي بالصفنه اتعود. وحسين كلها حجايه
أذن رقيه الآذان. فرشيلي لمصلايه
حالة رقيه ويحسين
بالصفنه بس متلاكين
ويلاه رقيه ويلاه
///////////////////////////////////////
إبصفنتها تشوف حسينها و تلكاه
إنتبهت ما لكته وتوها تحجي وياه
دمعة عينها اتسولف جرح معناه
راح الكلشي أنسى وهو ما أنساه
طبع اليفارك محبوب. بالصفنه رايح عنده
ومن ينتبه ما يلكاه. يلكه الدموع بخده
عشرة عمر راحت وين
بالصفنه بس متلاكين
ويلاه رقيه ويلاه
///////////////////////////////////////
رقيه اصيار أمس وامشيبه مال اسنين
ابكد دموع زينب حنت إعله حسين
خلص حجي الدلال اليحجي دمع العين
حنان حسين وين وبالخرايب وين
والتجت إعله الحيطان. امن الخوف ترجف كلها
إبعازة أبو والمسلوب. ما يكدر إيروح الها
والسوط رايد متنين
بالصفنه بس متلاكين
ويلاه رقيه ويلاه
/////////////////////////////////////////
يا خنكة رقيه من يصير اغروب
تريد حسينها و شيرجع المسلوب
ابطن جفها تشم ريحة حظن محبوب
وما يكدر يجيها البالسحك متعوب
ينحب عليها السجاد. ويكلها حكج خويه
توج مشيتي اعله الكاع محتاجه جلمة بويه
اشوي صبري وياه تمشين
بالصفنه بس متلاكين
ويلاه رقيه ويلاه
/////////////////////////////////////////
إذا نحسب عمرها ما انعد إبهام
ابثالث إصبع وياخذ عمرها الشام
مو سيف الذبحها الشوك يذبح كام
رقيه اول شهيده ما رمتها اسهام
كلتله أروحن وياك. ماريد أرد البيتي
كد ما أحبك يحسين. ضحيتلك عافيتي
خل نلتقِي عين إبعين
بالصفنه بس متلاكين
ويلاه رقيه ويلاه
/////////////////////////////////////////
نار الشوك تاكل بالقصر بيها
واليمها إيتفرج ما إيطفيها
إعله نار أوجاعها يتحمى سابيها
عساها إبذمة إلجاب الطشت ليها
جابوا طشت يمها وآه. صاحت رقيه ابعبره
ريحة أبوي إشتميت. امن ابعيد افرزن عطره
وشبكت عليه شبكة بين
بالصفنه بس متلاكين
ويلاه رقيه ويلاه
ويلاه رقيه ويلاه
/////////////////////////////////////////
كرار أبومهدي المالكي
BY كرار أبو مهدي المالكي🙏
Share with your friend now:
tgoop.com/krarmharbalmalki/558