(طيف الصبه)
ياخذني طيف الصبه**يم شمسك الغايبه
گلبي البُعدعذبه** يمك تـــرد الروح
يحبيب يحبيب **يحبيب يامذبوح
************
أذكرليالي المضن**بالذكره گلبي أنسحن
كلما يمـــر ذكـــراك
نجماتي لتظن ضون**بضيم النوايب طفن
غــاب الضوه بفرگاك
ليلي سحابة هضم ** تمطرجروح وسگم
تصحه برجعتي أوياك
ذابح دليلي الهجر ** بعيوني خضر صبر
يهمل دمع بالنوح
يحبيب يحبيب **يحبيب يامذبوح
**********



بالدار أشوفن صور** غير شكلها القــدر
ظلت على الحيطان
أصفن عليها أبحزن**تجرح دمعتي الجفن
وأنحب عله الخوان
ياريته يحچي الرسم ** لوحتى مـره بحلم
وأحچيله ع الأحزان
*
من نايبه إل نايبه ** نار الگلب تلهبه
ماتخطي بيه أتلوح
يحبيب يحبيب **يحبيب يامذبوح

**

مــاظــل أمـل بالعـمر**طــول عليه الــهـجر
وأحبابي كلها أبــعاد
ذوبل طرف ناظري**من سهري وأمناطري
بلــكن تـجي الوفّـــاد
أغفه أوأفــزبالدمع**وصوابي حدر الضلع
وأچفوفك أنته أضماد
***
أرد أمشي وأتعنه إله**مدري أشّبعد كربله
ياگلبي خل أنروح
يحبيب يحبيب **يحبيب يامذبوح

*****



ياروحي كلشي أنگطع**ع الفارگ أومارجع
مـاأظن بعد نلگاه
صحره ورجعتك وهم** يلـچم جروحي الندم
لن مامشيت أوياه
أشــتم گمـت بـالأثـر** مـنكم يــرد لــو خبر
وأنسه الحزن والآه
***
غابت شمس رجعتك ** يـل ماتصح جيتك
أنحب نحيب الدوح
يحبيب يحبيب **يحبيب يامذبوح
*****



يعگوب عافه النظر ** وبعــد الغياب أستقر
من شم قميص الغــاب
بيوسف يــرد يلتقي ** أبـرد البصر يرتقي
أبـــلمة شــمل وأحــباب
وهيهات نرجع سوه ** يــمسافر إل نــينوه
وماأشوفن آني أمصاب
**
عيني تصد عالدرب ** يرجع عزيز الگلب
وأيــرد عطرها أيفوح
يحبيب يحبيب **يحبيب يامذبوح
*****


كلساعه أقره الحمد ** ظني أنتهى وما أترد
ريتك تشوف الحال
ذوبــــل ورد دنــيتي ** كـــر الحزن فـرحتي
مـاظل فكـر لا بــال
خيط وخيال أصبحت ** من ودعتني أورحت
نعشي بجفاك أنشال
***
تاليته وين العــمر** شيّب دلــيـلي أبزغر
وباب الهضم مفتوح
يحبيب يحبيب **يحبيب يامذبوح
**
كريم العطواني

(إناجعلنا)
أسمك يشع للكون بالضي
أنت الهوى يحسين والمي
أنا جعلنا من حُسيناًكل خادم حي
***
يشمس العافيه بيك الگلب يضمد
ياسر رحمة الله وعـــالعــباد أمتد
حــروف أسمك رسم قرآن تتجود
تاريـخك شــرف كل لحظه يتجدد
لأهـل المجد خطيت عنوان
بالدم كتبته وصغته برهان
ماغاب عنا من حُسيناًكل خادم حي
*
عليــك أبـكل زمـــان أگـلوب ولهانه
ي ثـــار الله العـظيم أبيوم طــوفــانه
مصـباح الهدى البيه ضـوّت أركانه
يــسفّان السفينه ال جمع صحبانه
مهما تهــيج أبـحور وأبـحور
حسين السفينه التعبر الطور
فيها ركبنا من حُسيناًكل خادم حي
***
مـــوبس زمانــك عــندك أنـصار
مــن كـل زمـــان أزغــار وأكبار
أعليهـــا الوكت كــلمـا قسه ودار
أبخــير الله كـــلّه أعــليها تـــندار
أبفيك تغطينه وتطش خير
فارش سفرتك حتى للطير
مهما لقينا من حُسيناًكل خادم حي
**
من دمـــك إل ديــن الله قربـــان
رويـــته دمـك وأنــته عـطشان
لــو مــا وريــدك مــــات الآذان
ومـن دم رضــيعك صار نيشان
شايـل محنّه ال ربعه والدين
ينزف عواطف گلب الحسين
للباري حنّا من حُسيناًكل خادم حي
***********
معنى الكتاب أو أسم الأســـلام
بدمك شريته أبطــــول الأعوام
أشمادارت أشما تمشي الأيام
بكثر السبايـه إل مشت للشام
لو 1000طف أعليك ينـعاد
غيره وشهامه وعزه تزداد
بالعزعشنا من حُسيناًكل خادم حي
***********
ياغيمه تمطر بس وفه أوجود
فــوگ الخـدم والخير ممـــدود
كـل يـوم سـفـرة خـيرك أتـزود
تعـــبر وصفّنه وكل الأحـــدود
يانعمة الله وبــاب الأحسان
أنته الوطن مابين الأوطان
مهما هوينا من حُسيناًكل خادم حي
*
كريم العطواني

خويه زينب * باچــر اوداع وأگلچ بالسلامه
خويه زينب*ضمي دمعاتچ أودمعات اليتامه
بالخرابه يـم رقيه *** صبي دمعات الرزيه
****
ياصبر بــاچريكفي أدموع عينچ
يلي من زغــرچ فلا بطل ونـينچ
شوگ كل الدنيا مايوصل حنينچ
أجيوش باچرتوگف أبيني لبينچ
أبسيف مگطوعات أديه** صبي دمعات الرزيه
*****
خويه خليّنه أنتــوادع دمعه دمعه
أيامنه خلصت حـــزن والعمرشمعه
روح ألله أويـاك صوتچ من أسمعه
أبگلبي يتردد صداه وماكو رجعه
بعد مانلـــتم سويه ** صبي دمعات الرزيه
**
عالنهرعيني ودليلي و روحي يمكم
راسي باچرخويه يطلع وي ظعــنكم
صعبه بظهور الهزل ممشاه دربـكم
بأذني أسمعها الشماته مـن تســبكم
أي يبت حامي الحميه ** صبي دمعات الرزيه
*****
هذا لـيــلچ ماأظن يگضي أبسلامه
أرد أكلــفچ يخــتي بأطفال أويتـامه
أشلون خدچ عالرمل يـصبح منامه
وأنتي باب الرحمه في يوم القيامه
من ظلم أرجاس أميه** صبي دمعات الرزيه
****
يادهر يسوّه أو أفك باب ال عِتـابه
أدري ضيم أوبالهضم ينطي جوابه
بالسبي وبالسلب كاتـــب كل كتـابه
أبلا سگف لازم تبــــاتون أبخرابـه
وسفه سموچ السبيه** صبي دمعات الرزيه
****
لخادم آل البيت (ع)
الشاعر كريم العطواني
ونسألكم الدعاء

(مانفترگ) (فائزي)
يل ماتمرني بطيف**حيف والف ياحيف
ماأظن ترديل مبتعد يل ماتمرني بطيف
****************
يل مابقت من ريحتك بس ذكرياتك
مثل النفس ما نفترگ چنه أبحياتك
خيط الشمس لون النده آيا صفاتك
بــلسم جـرح للمنذبح وأكبرغـلاتك
غايب يــماي العين
دربـك يوالي أمنين
عطرالورديل مبتعد
يل ماتمرني بطيف


طـــعم الأمـــان أبغـيبتك مــاي وتبده
عطشانه تـربة كربله دمــك تگصده
ياهـــــوّه وأشتمك نفس ينگط مـوده
ياناس أصيحن وأنتخي أبني أشيرده
ياهو الأنشده أعليك
صوت أمــك أيناديك
تاه الرشد يل مبتعد
يل ماتمرني بطيف
*



ماتبقه چاره ولاعذر من يحكم البين
فرهدشملنه وطشره چن يطلب أبدين
أنشدقميصك وأسأله چاصاحبك وين
آخركلامي أبهالعمر يوليدي يحسين
جرحك كبر ماطاب
مـــو ردت الغـياب
أقره الحمديل مبتعد
يل ماتمرني بطيف
***


ضميتك أبعيني ضوّه لـوأظلم الشوف
يبست عطش وأتفطرت ماتنفع طيوف
شيخيط جروح العشگ يلحبك يروف
شديتك بأيدي علگ گدماشفت خوف
تهمل دموع الشوگ
مـاتحن حنّي الـنوگ
ياعلّه أشد يل مبتعد
يل ماتمرني بطيف
***


طال السفر وبلا خبر گلبي أشيصبره
ذابحني بسيوفه الهجر موچنهاسفره
محتاجه منك شـوفتك لـو حتى نظره
بلكن يسويها الـقدر وأتــردلي مــره
بشفافي أضوگ الماي
وتـــطلع شمس دنياي
وهم أنسعد يل مبتعد
يل ماتمرني بطيف
***
ياخذسلامي الكربله چم طير أوصيه مكتوبي بدموع الوفه گلبي أشكتّب بيه
بجنحك أمانه سلمت كل شوگي وديه
لمن تصل لمخيمه حب راسه وايديه
گلّه أمــك أتـــــانيك
بغالي النفس تفديك
لدربك تصد يل مبتعد
يل ماتمرني بطيف
*******
لخادم البنين,ع,
الشاعركريم العطواني

(أمنياتي)
عشره كـون مــن الـــزلم عندي أمنيات
وعشره فوگ العشره عندي من البنات
وي روس العلسنن**عشرنسوان أنسبن
أمنياتي**أمنياتي
******
بــــأول أصيّارالولـــد واللهفه بيه
ويــّه كـــل واحـــد أخلف هاشميه
ريتــهم مــو أربعـــه أولادي مـيّه
كون أترس بيهم أرض الغاضريه
عشره من عدهـن يخدمن زينب أم عون
شرط كل وحده تحط جربه أعله الأمتون
دموع يسگنه الظعن**ويه روس العلسنن
**
أكثر مــن أخــوتّهن أيصيرن بناتي
وبيهن أرفع راسي وأتباهه برباتي
بلبن صدري أقسم عليهن وبحياتي
تراب صيرن حدر جــدم أمخدراتي
مـن تگب يـمه الخيم تلهب جــمر نــار
عالجمر دوسن وأسحگن گبل الأزغار
تنچون لا ينچون ** ويه روس العلسنن
*******
وحده منهن خادمه لسكنه أبسفرها
گعده مــاتگعد تخلص كــل عــمرها
أتصب لديها الماي وتباري بخدرها
وگفه طـــول الـوكت وتنفذ أمـــرها
گبل ماتحچي الأميره تگلها صار بخدمتج
عمري الچ منذوركله بعيني أنتي وخيمتج
الچ ولأم الحسن** ويه روس العلسنن
*******
ال خوله أحط أثنين وأثنين ال رقـيه
الهّـــن أيصيرن ذره أبـــذيچ المسيه
يمــشن أبـــدرب السبي گــبل السبيه
وشــرط زرگه أمتونهن بــسياط أميه
**********
فيّ يصيرن فوگهن لوحچه السان الشمس
حجاب للخــدّر يصيرن لو نظرليهن رجس
گبل مبچاهن بچن ** ويه روس العلسنن
********
أثلاثـــه لأم كلثوم خدامــات أحطهن
أحزام متحزمات وايخدمــن بأختهن
لـــيل وأنهار الــــيمر وأكـثر ردتهن
أمــناوب أبــلا نـــوم هيچ أمعلمتهن
*******
أحبال شدنهن بديچن چفها لايــاذيه حبل
سور صيرن عن أختچن لايگربلّها النذل
عنها لا تتفارگن ** ويه روس العلسنن
********
أويـــاچن أبــدمعاتي أخدمها العقيله
وعنها أشيل أحمول محنتها الثچيله
أخــت عــباس الكفل صــارت كـفيله
فوگ چتفي أتدوس تركب عالهزيله
آني عن زينب أحامي أشحده يدناهه الشمر
بطول درب الغاضريه وكثر شوغات اليسر
نمشي ويه الغربن** ويه روس العلسنن
****
لخادم آل البيت(ع)
الشاعر الحسيني كريم العطواني

(ياجرحنه)
****
يــاسنه جــرحك يداويه الزمن
ياطبيب أجروحنه يبن الحسن
******
عــايف أجـــروحك تـفـكر بينه
يــمن بيــدك بـلسم أيــــشافينه
جــــرح عــاشورأبــألم يـاذينه
وزادت أعليك النوايب والمحن
******
أشكبره جرحك والسنين أتراكمت
مـــن يــداويــها إلـك لـو خـــزنت
شبّت أويــه النار ذيـــچ الوجرت
من يضمدهن أجروحك سومـرن
*******
شيــبت من گبل ميعاد المشيب
حگك أشچم غالي فاگديلحبيب
طولت موكافي مولاي المغيب
أظهر وبگلوبنه أنحطلّك وطن
********
وين تاليته الصبر يل المنتظر
لوصخر طگ أوتفسر وأنفطر
أنـدوّر أبيا ديـره نـلگالك أثــر
لوعجاف أسنين 7 هم گضن
*******
كل سنه بعاشور ننصبلك عزه
ياإلاهي نــدعي وعــدك ينجزه
وثارك أترده أبرگب متحزحزه
أوترتفع رايتك أبـــعز رفـرفن

******


للعـــدل والـدين تنصب محكمه
تبــتدي بـأول جنايه أو مظـلمه
من رسول الله ومصيبة فاطمه
وتردع أصحاب الرذايل والفتن
****
كريم العطواني

موشح (ركن العرش)
فخــرصارت للعــوالـم كــربــله
حطهادم حسين بأشرف مـنزله
**
إلكربله متعني من مكه أرتحل
بيهاحط أرجابه أبن خير العمل
بموعد أويه الموت بعياله نزل
ونزلت أويه أحسين كل القافله
**
من لفوها أهل المجد وأتشرفت
بأثر جدم الساده خـدها أتعفرت
أتوضت من أنوارهم وأتطهرت
وأرتــفع كـل شانها أبهــالعائله
*****

صـلّه فـوگ أتـرابها أطـهر جسد
قـرت ويـاه الحمد وأسـم الصـمد
سجدت أعليها الملائك من سجد
وكل نبي من ربك العالي أرسله

****
أتـراب گاعــچ يختلف عن الـثره
غسلـوّچ أبدمــهم إل فوگچ جـره
صوره من الجـنه أنتي أمصوره
أبــدفـتر الرحمن كعـبه أمسـجـلّه
***

وصلّه من الـنور صاغولچ ضـوّه
أتميزت شمّــة هـواچ أعله الهـوّه
يـلـگه كــل معــلول بـترابــچ دوّه
ومايـرد خالي الدعه أبچف شايله

****
يل حضنتي أهل المراجل والشيم
فـاض جودچ خير من چف الكرم
قــبله يتعــناچ كــل حــر بــالأمــم
يطوف بيچ أويعــتمر هوه وهــلّه

***

ال يقصدچ سبعين كل خطوه يعـد
أهمومه تنزاح أعله بابـچ يـنسعد
وردة ألله أوبيــج ريـحان أو ورد
أيفوح عـطر العرش منج بأكملّه
****
كريم العطواني

ماظل أمل)
****
ماظل أمل من هليت*روحي الحزن يطويها
چم جرح تلچم يهلال* جيتك علي تـــدريها
*
عاشورمـــاطابت أجروحه أبگلبي
يــوم أعله يــوم يــزود منهن تعبي
مـــابطلت ليلي أونـــهاري أبنحبي
أمخزنه ضيم وآهات*جروحي اللطم يشفيها
**
لمن تـــهل ينخطف لــوني وحالي
چـــم ســـيف خليت بـــوسط دلالي
طشرت أخوتي غالي يلحگ غالي
ظلت جثث عالتربان*ولد النبي أموذريها
***
باچــر ضعنّه أبكربله من ينزل
ديرة غرب وعيوني ظلت تهمل
عباس بچفوفـــه المحامل يعدل
لازند ظل لا چفين*عالمشرعه أمگطعيها
**
ماصار وي هاجر الصار أويـــانه
رب العـــرش زمـــزم فــتح بـيبانه
أسماعيل عاش ومافگدها أخوانه
مني شخذت وشخليت*بطف كربله أو واديها
****
گــــاع المنايا بعيني تصبح حمره
بــدم الغــوالي الطاحــو أعله الغبره
چم راس بالسيف أنگطع عن نحره
باچرسهم ياعاشور**عين الگمر يعميها
***
طــير الذهــــب عبدالله مــايسگونه
أمفرفح عطش وأمذوبــلات أعيونه
مـــو مـــاي يـهلال أبسهم يـــرونـه
ينذبح ضامي بيادين*ودمه السمه أيرويها
****
أبظهيرة العـاشر وحـــيد أحـــسيني
مـــاعنده نــاصر وأصفگ بــچفيني
عيني العمه ولاشفت أخوي أبعيني
للخيل صاير ميدان*تسحگ عليه رجليها
**
ليل أهدعش ماظـــل أخو ولاخيمه
ألهسه الجمر چوياته بيه وضيمه
بنوگ الهــزل باچــرنـطـــرالهيمه
شتم ويسر ياهالناس*بحبل السبي أمچتفيها
**

(نارالگلب)
بينه الحزن يتجدد **بثوب العزاء الأسود
لمن تهل ياعاشور** بناره الگلب مـايبرد
*
كل ما يمرأهــلال شهرك بينه
مثل السبايــــا سيدي يــسبينه
أنسبل دموع أعيونه المهدينه
وإل ونت أمــك فــاطمه ونينه
ننشر بيارغ ثارات**وناعيها بسمك ردد
***
هالخدمه بسمك كل سنه نخدمها
فوگ الصدور أچفوفنه أتوسمها
بكل دگــه ينزف عالأصابع دمـها
لجلك رخيـصه أرواحــنه أنقدمها
شنجازي منك يحسين*شماننطي تنطي الأزود
*
بكل بيت ناعي ينحب ويبچيلك
يقره أبمصابك وأبهضم ينعيلك
آه أعله آه أبلوعـته أيــناغيلك
يحسين بچفوف الألــم يوميلك
ماتطفه نارك للموت**وسط الگلب تتوگد
**
علگنه رايـــات السواد بشهرك
شيب وشباب أمحزمه وننتظرك
عـالفطره حُبك بــالضماير سرك
ليــل ونهار بكل عـــزيه أنـذكرك
نگعد ونغفه بطرواك**والجفن اصبح أرمد
***
ماتغفه عين العاشگ وما تغمض
يــامن خــدمتك ثـــمن مـــايتعوض
أبحرالظهر باچرتطيح أمرضرض
هدب الأعيون الحبتك صار أبيض
أفرشنه حدرك مولاي**عالگاع ليش أمدد
**
من موكب ال مجلس نعيش أيامه
أبثوب السواد أتــوشحت خدامــــه
شالت أتـراب وحطته أعله الـهامه
وزنـــجيل دگت لجـــلك اللــطامـــه
لاحر يهمها تواسيك**جمرالدمع مايخمد
**

(تلچم جرح)

تلچم جرح ياعاشور**طول العمر يبرالك
يانحـر أذكر ياعـين ** لمـن يهـل أهــلالك

**

شنهوأشنسيت أبهلّـتك وأتــذكر
شأحسب وأعدن والنوايب تكثر
من يارزيه أبـدي بعتابي أتحير
تتعنه إلي باللچمات ** وأبحسرتي أتعنالك
يانحـر أذكر ياعـين ** لمـن يهـل أهــلالك

***
أبيا عين أصدلك يلعميت عيوني
أبسهم الشريعه وجّــرت جانوني
أبـطـيحة كفــيلي ريــتهم ذبحوني
گطعـو أزنـوده المهيوب**ريت أنطعن دلالك
يانحـر أذكــر يــاعـين ** لمـن يهـل أهــلالك
***
هلال المصايب والحزن سميتك
بعيوني ماأشوفك تهــلّ يـاريتك
أشماصاربينه يصير كون أبيتك
تنفگس عينك بسهام**وتنسبي أبهم أعيالك
يـانحـر أذكــر ياعـين ** لمـن يهـل أهــلالك

***
شــليت حـالي مـن دنـت أيــامــك
سوده ترف أعله الخلگ أعلامك
أبـيوم الركضنه عالجمــر جدامك
هم حسبت ياعاشور** نـــار الخيم تدنالك
يانحـر أذكر ياعـين ** لمـن يهـل أهــلالك

***
ياغالي راح وماهـدم كل حـيلي
أنته أبـسماك وآني مظـلم لــيلي
ماعندي خيمه ولاأخو أيباريلي
لوغايب أبذاك الليل** يهـلال الـف هنيالك
يانحـر أذكر ياعـين ** لمـن يهـل أهــلالك
****
چـم والـده وأشـچم طفل باللوعه
مــاضاگ ماي وسايـلات أدموعه
چم حره صارت فاگده ومفجوعه
تندب عزيز ومذبوح**من غسلك من شالك
يانحـر أذكـــر ياعـين ** لمـن يهـل أهــلالك
*
كريم العطواني

(موبس محرم)
موبس محرم تهمل العين**مهما تدور أيام الأسنين
من المهدحد اللحد خدام لحسين
*
أشما مشت بينه الليالي ودارت أيام الزمن
أسنينه وكـل لحظه بيها شرگن لـو غــربن
عينه أبعينك نحطها يل صرت بيت أووطن
غربه خلصنه عمـرنه وأنته للضايع سكن
شدة علگ يــم گبرك الروح
ريحة ضريحك جنه وأتفوح
ماألها حــدمن المهدخدام الحسين
**
أنفطمنه أعله المجالس من حضن أمنه أبدمع
وكبرت ويــانه المدامع وّنـه من حــدر الضلع
حسين وأمصابــــه ننادي للسمه أبهم تــرتفع
والله مـــو عاشور نلطم لــــوعـــمر مــانقتنع
ظلمه العمر مصباحه عاشور
مـــن سر جمالك ماخـذ النور
شع ماخمدمن الهمدخدام لحسين
**
نلبس أسود من زغــرنه بينه مامــــر الفرح
حتى بــالعيد أنتباچــه والدمع عالخــد طــفح
فكت العين أعله حزنك والهضم بــابه أنفتح
ياجرح عاش أبگلبنه أولا بشر مثله أنجرح
ما سومرت ملچومه الأجروح
ياهو النخيطه ال گبله مفتوح
مافاده شد من المهد خدام الحسين
****
ثوب الأسود مــانبدله لايگ أعلينه السواد
أمعلگه أتـــرف البيارغ دايــم أعليك الحداد
لطم لجلك مايكفي أنحط عله الروس الرماد
نـدگ زنجيل بسناسل لاگلب من نـوحه هاد
محترگه وي صيوانك أگلوب
وجت جــمر يـاأغلى محبوب
لا مـــابردمن المهدخدام الحسين
***
من يـمر طاري الشعايــر يعني الحسين أنذكر
تــنـذرف مولاي دمعه أمحمله من الطف صور
من وداع أختك لأخيها الظل صريع أعله النهر
شيعتك حــدّب ظهرها مثل ظهــــرك عــالگمر
محنيه يــم عــباس الأضلوع
جبنالك أشرب ماي الأدموع
شيب أوولد من المهد خدام الحسين
***
لوعــة النار أبخــيامك بينه تسعــر مـــاطفت
أگلوبنه أمورثه أبجمرها كل كتربيها أنچوت
صيحة أختك هايخوتي حيّهم الحـــره أنولت
كون يمها أنصيح كلنه أبساعـة اللي فزّعت
حفاي نركض نخدم أم عون
نفرشها الـچ أرواح وعيون
عده وعددمن المهدخدام لحسين
***
خادم آل البيت(ع)
الشاعرالحسيني كريم العطواني
ونسألكم الدعاء

دمـع عيني يــهل والعبره چتاله
هلْ شهرالحزن والحسره تبراله
يحسين شهرأمصابك**تنعاك كل أحبابك
*
يعاشور الحزن واللوعه والدمعه
بجيتك چم گلب لآل النبي أتفجعه
دلــيل أم الحسن بهلالك أتـروعه
رد كسر الضلع وآلآمه بــأسبابك
*
كل عــام اليهل يــلچمنه بـــهلاله
عله المذبوح ونــه أوونه لعـياله
بظهر ذاك النهار وفزعت أطفاله
فــرت من خيمها شينفع أعــتابك
**
على نـــار الخـــيام التلـتهب حــمره
أشــد وأكــبرعــلينه وبالگلب حسره
ياجدم الركض حافي وسحگ جمره
سكـــنه لــو رقــيه شننسه بــكتابــك
**
أبكثر نــوح اليتامه وشوغة الخـدر
بكثر مـــاروعتها وهـجمت العسكر
مــو بــس الهدم كــل لـــون يتــغير
سواد بكل صباح أنحسبه بحسابك
**
يــمر بــــينه الهضم بيبانه أيدگها
وكل بيت أعله حزنك رايه علگها
يــاشهگة ألم كل روح تشهگها
وكل دگة گلب ملچومه بصوابك
*
فطمناهــا بعطش كــل لحظه بـأيامك
دمـــوع أتسبل مــن أعــيون خدامك
بــمواكب وبــمجالس رفـت أعلامـك
ألك يحسين وأهلك والدمه أصحابك
**
نــدگ زنجيل نلطم والعــزه يـقره
أشجم خـادم رحل بالفاتحه نذكره
چـان أويــانه يلطم هاجـر الگبره
بعـزه العام المضه يتغطى بترابك
*
نسوان وزلـــم مــن گـال نـاسينك
آ يـــحسين تــصرخ كــل محـبينك
نگب ونطفه وي حرگة صواوينك
وأبيوم أربعـــينك نــوگف أبـــابك
*****
لخادم آل البيت (ع)
الشاعر الحسيني كريم العطواني

(ضيعت آمالي)
بالدموع أستقبلك ياشهر حزنـي
بيك چم غالي فگدته وراح مني
ضيعت آمالي**صوبت دلالي
ياشهرحزني
___________
بيش أجاني اهلالك أوبــــيّن عليه
بيــا مصيبه جايني وبيـــــا رزيـــه
بعيني موعاشوراشوفن غـاضريـه
چم نـحر مذبوح چم صرخة سبـيه
****************
ذكرياتي أوياك باللوعات أجني
دمعه والآهات وبشوغات وني
والحزن يبرالي صوبت دلالي ياشهرحزني


مـن أصد بعـــيني لهلالـــك وأشوفه
چنّي أشوف العلگمي ومايه وجروفه
وطيحة الكافل وخـيل أعـداه تحوفه
رايته وجوده وسهم عـينه وچفوفه
***
شنهي جيتك شامت أتواسيني
ال ياجـرح تاخــذني واتوديني
هظمتي بكفالي****صوبت دلالي
ياشهرحزني

عشره 10دموعي أبچيهن وأعاتب
دهـري أخذهم أخوتي وكل الحبايب
عفيه روحي تحتمل هلگــد مصايب
غربه وهموم وسبي وضيم الخرايب
****
أمچتفين أعلّه الهزل جابونه
فرجّـه لعيون الخلگ ســوّنه
والشماته أگبالي****صوبت دلالي
ياشهرحزني


هـــم تجي بآلآلآم وهـموم أومناحه
ليلك أسود مايطرفجره وصـــباحه
شمس يومك غـربت ماشفنه راحه
بـشوفتك چم گلب تـلچمهن جراحه
***
ال هسه آثـــار الحبل بزنـــودي
بالعظم مطبوعه تــدري أگيودي
وأنچتف بحبالي**صوبت دلالي
ياشهرحزني



أسود البس والعمر گضيته بأسـود
غــربـتّنه أوفرهـــدت هــيبة محمـد
دمعتي بطول الدهرممشاهه عالخد
بحرگة أسياط السبي المايوم تبرد
****
أشلون بمتوني السياط أيلوحن
للممات أذكـــرهن أو ميـروحن
بالهضم ياحالي **صوبت دلالي
ياشهرحزني
أمدللين أويه أخوتي نگعد سويه
وچنها طيف وخلصت آخرمسيه
أبليلة وحدة أنگلبت الدنية بأذيه
أميسره وتفتر عليّ رعيان أميه
*****
أتلوع من حــــرالشمس أيتامي
وآنه بس روس أخوتي جدامي
بكل عزيزوغالي****صوبت دلالي
ياشهرحزني
لخادم آل البيت (ع)
الشاعركريم العطواني
ونسألكم الدعاء

(حقيقه ويقين)
*****
تنوح المنابر**تصيح الحناجر
إلك هالشعائر**حقيقه ويقين
***
إلك صيحه المنابـــر تصرخ وتنحب
وتنوح أشلون طحت بدمك أمخضب
مـدامعها لمصابــك كـل وكت تنصب
وإذا رادود ينعـــه أبـــونتّه تتصـوب
تلوع بمصابك ** حناجرشبابك
نياح المهاجـــر** حقيقه ويقين
*
مامــر عالخلگ يومـــك أبــد مثله
لاجـــــن لا أنـــس لا بعـده لا قــبله
شگ زيجه الصبربيك أنذهل عگله
لا أيـــــوب لا يعگـــــوب ال يحمله
جميع أنبيائه ** إلهــي بسمائه
تـــنادي يصابــر** حقيقه ويقين
*
مـــثلك يـــــانبي قــدّم نـــذر عمره
وأخوته وصحبتّه وأولاده عالغبره
مهنو اللي نـظر طفله وسهم نحره
ومـنو الذبــاحه متربع على صدره
إلك هـــالضحايا** يـــربي هدايـــا
بـــدماء المناحـــر** حقيقه ويقين
*
عين أعـله الخيم للشاطي الأخـره
يـــاضيم ال يشوفه وهـم ال ينظره
أمگنطر واليتامـه أبــلوعه تنتظره
وحيد ومـــاله بس المدمع أينصره
يساره ويمينه ** ويطبرة جبينه
أبهجوم العساكر ** حقيقه ويقين
*
ليش أمــن الگفه حـز الشمر راسه
عكس يحيى النبي من گطعو أنفاسه
حــافر چم مهر رض صدرك وداسه
ولا چــن صدرك المرسل گبل بــاسه
يبويــــه ينادي ** طــعم للهنادي
صريــع المجازر ** حقيقه ويقين
*
سليب أعله الـــثره عـاري ثــلث تيام
گطعو خنـصرك مــن چـــفك الــظـلام
خذو راسك يطوف الكوفه وي الشام
أبچتــــلك عــيدو عـــــبّادة الأصــنام
شهاده أبدمائك** يـرفرف لوائك
عــلم عــالمنائــر** حقيقه ويقين
*
كريم العطواني

(كعبتنه كربلاء)
****
نفديها بالدماء**كعبتنه كربلاء
ظلم الدهرمهما كبرمانترك الحسين
*****
شرياني أنته والگلب نبضاته
يحسين يتهف من تدگ دگاته
لونطق چلمه وطلعن أحچياته
يصفّن العالم لــوسمع چلماته
لوكبر أبنداء**تهتز إله السماء
جرح النحرمهما كبر مانترك الحسين
***
أول حـــبيب أوآخــــــر أبــدلالي
بروحي أشتريتك وأنته كل آمالي
أبــدونك أضيع ومــا إلي كل تالي
أنته العزيــز وأغلى من كل غالي
غيرك يجي ويروح**وأنته السكنت الروح
حبك نهر مهما كبر مانترك الحسين
****
مــوبيدي شايــل صورتك بعيوني
غصبن عله اللي رادو أيعذلــوني
لــو حُــــبك أيعرفــونه ميمنعوني
أتمنّه كــون أبــدربــك أيگطعوني
لوطاحت الأجساد**تهتف يبو السجاد
أتنادي بفخر مهما كبر مانترك الحسين
*****
رايـــه أرفعتلك مـــاأنــزل الرايـــه
لـــو ضدي صارت بـــالحقد دنيـايه
شيعــتك مـــــن دم الــنحر وفّــــايه
ضــد النــــواصب والــكفر عـــنّايه
تتعنّه إلك تشوف**تحج كعبتك وتطوف
الحج وأعتمر مهما كبر مانترك الحسين
*****
يــوم أعله يـــوم أيــزيد حبّنه ويكبر
حُبـــك ســـفينه وللــخُلد بينه أبـــحر
سيف اليضدنه خـــــل يـــحز المنحر
لا وحـــــگ ضلع أُمـــك فـــلا نتغير
لو تنثني الجبال**ما نتركك محال
بهذا الخبر مهما كبر مانترك الحسين
****
أحـــنّه إلك نكتب عـــهد بــالقامـه
ويسجله فـوگ الگصه دم الهامـه
أنـصار الحُسـين وشيعته وخدامه
تسعه أبطواف العاشر أو أحـرامه
تهل دمها والدموع**مــاتعرف الخنوع
الدگ والطبر مهما كبر مانترك الحسين
***
كعبه أونحجها مــا نعــوف الكعبه
أشرف أرض گاعــك وأطهر تربه
ب70الف أفضل أنطاها الرتبه
ربك على البيت وجعلها العجبه
بين الگمروحسين**أشواط الأمحبين
بيها الظفر مهما كبر مانترك الحسين
*****
كريم العطواني

عاشگك من الزغر**أبخدمتك أگضي العمر
صرت خادم وأفتخرلحسيني
******
يبدي نوبـــــات العشگ وسط العمر
يـگضي بالآهات لومــد لـــــوجـــزر
وعشگي من بين الاصلاب ويستمر
من رحــــم أمـــي أبمــــحتبك للگبر
ماكو مثل أمحبتك**جنة الله بخدمتك
ميت وبس مجلسك يــحيني
صرت خادم وأفتخرلحسيني
***
عيني عميه وربـي فكها الـدنيتك
فتشت يــوم الشفت بـيه صورتك
سرإللهي بــــروحي شـمّة عتبتك
كحل لعيوني مـن أشوفــن رايتك
حسين ياأطهرمحب**بسمك يدگ الگلب
وحدك مــولاي تارس عيني
صرت خادم وأفتخرلحسيني
***
طاري أسمك من يــمرتنزل دمعتي
الله والمـهدي فقط يـــدري بوجعتي
المجلسك خليها روحاتي أورجعتي
بخير تارسني وفضل رافع سمعتي
خيرچفك وافي**منه لحم أچتافي
حلم عندي أخويدم أتسميني
صرت خادم وأفتخرلحسيني
***

****
عشگي يــكبر يعــبرأرقــام السنين
حگي أهيم بعشگ محبوبي الحنين
مثله ماكــو بهالخلگ والمثله وين
أعطش من الـدنيا وأروه بياحسين
أشگدحنين أحسيني** بنظرته أيباريني
حتى لــو أنسه فــلا نـاسيني
صرت خادم وأفتخرلحسيني
****
قصة المعشوگ والعاشگ رهـيبه
بلسم أيــده وللجرح صارت طبيبه
بيش أجازي الضحّه بالـدم الحبيبه
راسي أطبرنّه عليه يــوم المصيبه
أشما أطبّرهامتي**ودم أهلّن دمعتي
فوگي يمطرخيره وأيغـطيني
صرت خادم وأفتخرلحسيني
*****
شگ قميصه بالعشگ ماإلومه عابس
دنيه من دونــك أبـــد مـــابيها واهس
خلها روحي أمعلگه بطاري المجالس
خلي أعيشن بأشرف الــوان التنافس
أنحسب ويه الخدم**مايمربيه الندم
بسجل خــــدامك أسم خليني
صرت خادم وأفتخرلحسيني
**

(أبوالخير)
حسين أسم ينگط محنه***حسين كل الخير منّه
أسمي أوجاهي وسمعتي
مـن خـدمته الچنها جنّه
*****
عايش أبــين الخـلگ حايـــرذليل
تـــايه ودنياي ظلــمه وچـنها ليل
الياكترأنطي الوجــه مــامش دليل
عمري خنگه والدرب كلش طويل
****
أشماتمرليله أعله ليله
يدنه من عمري رحيله
أبخدمتك أفرش دمعتي**والنفس ونّه أعله ونّه
من خدمته الچنها جنّه
*****


تارس أچفوفي بنعمتك يل الحبيب
ياشمس ضوت عمرنه أبـلا مغيب
أتبدي مـن خيرك ونغرف يانجيب
يادفــو وبـلسم جــرح للـما يطيب
**
يــاطبيب الكل جــرح بچفوفك
نقره عالماي أربعتها حروفك

تنتهي وتنزال علتّي**وتنگضي وماتبقه محنه
من خدمته الچنها جنّه

***




هذا لحم أچتافنه من خــيرك أنته
أبچفك أمــواعين خـدامك تــرسته
حسين صارت للبشرمرتع سفرته
شربت طــير السمه ماي وشبعته
**
العاش عوز من الخدم
أبسدك أصبــح بـالنعم

سيدي أبجالك نعمتي**حسين ينطي بغير منّه
من خدمته الچنها جنّه

***


يــلي رافـع روسنه بأعلى المراتب
كحل فــوگ عيونه أتـراب المواكب
ماي حـبك بالگصص بالغيره رايب
مـثل مـــاذبنه بـــودادك أنــته ذايب
حسين گلبه أشگدحنين
أبخيره متروسه الأدين

من سفرته آكل خبزتي**تختلف عن كل أكلنه
من خدمته الچنها جنّه

****


يابياض أوجوهنه وكل شي أبعمرنه
مــاكو غــيرك تچوه يــاوالي أمـرنه
يــاسندنه أبوجه كـل شــده ال تمـرنه
يــاذخيرتنه ورمـــزعــزّنّه أو ذخرنه

ياأبو ونعم الأبو ال خدامك
تهم بينه وما تهم بآلآلآمك

ياأماني بعسر وكتي**أشما زهگ بينه وعصرنّه
من خدمته الچنها جنّه

****


أيـدك أبـلا خنصر وعالروس تمسح
عــايف أيتامــك تنـوح وبـينه تفرح
جروحك وذيج الخيول أعليك تـردح
والله مـو صدرك صدرنه چنها تلفح
مانجازي أرواح لـو ننطيها
يلي خيرك روسنه أمغطيها
ياهوه وتشمه ريتي**لو دنه وگرب أجلنه
من خدمته الچنها جنّه
**
لخادم آل البيت
الشاعر الحسيني كريم العطواني
ونسألكم الدعاء

(حچايه وحده)
حچايه وحده وماكوغيرحچايه
الموت فــك بابه أعتنت شرايه
رايه تلتف أعله رايه**أمحزمه أبچفي المنايه
***
لفت خـيل الكوفه تصهل والحشود أمـحشده
وگفت أصفوف الكتايب والحتف حل موعده
طوعه صاحت يبو طاهر گــوم سيفك جرده
أتحزم أبعـزم الصميده ومـزگ أرگاب العده
اليوم بيهم عيد يـوم أهل الجمل
فصّل أعله أگدارهم ثوب الفشل
أكتب أبدمهم روايه*** أمحزمه أبچفي المنايه

***
دارت أترف البيارغ طمت أعيون الشمس
مثل مــادارت بحيدر ترست الحومه ترس
نزعت أوجوه المراجل للغـدر لبست لبس
أدمغ وضرباتي تجدح مثل ماسواها أمس
من شرار السيف أعمي أعيونها
وخيــلهم تسمع صجيج أسنونها
أكبالي ماتصبرسرايه** أمحزمه أبچفي المنايه
***
مــا تهمني أجموع تــلتم للحرب لمــن تطب
أمدرب بچف الصميده يـرتجف مني الصعب
أبدمهم أسگيها المنايا وأروي ميدان الحرب
أرواح من أجسادأجرها سيفي يسلبهن سلب
مثل گص الحنطه أگص أرگابها
أيحــير بيها اللي يعــد أحسابها
آني للطف البدايه*** أمحزمه أبچفي المنايه
**
أتحوم بچفوفي علايم موتهم يــدنه وگرب
شبه شلعت راس مرحب لازم أتطيرالرگب
بحر بــالكوفه أسوي من الدمه حـد الركب
تصيح مسلم لومحمد لوعلي حيدرها طـب
جثث عن الروس أعزلها عـزل
أگطع أبزور أبظهرها وكل نسل
أجزرأنحور الضحايه*** أمحزمه أبچفي المنايه
****
مشتعل مــيدان حــربي والـزلـــم گطـعت نفس
خيطت حلگ المعاره والحچي ألسانه أنخرس
يبست أرياگ السيوف وبالجماجم سيفي جس
رايتي أترف أبسماها وعلم عــدواني أنتكس
أسيوفهم مــا فـارگت حلگ الغَمَد
وبيدي بتاري أشتعل غيره ورعد
يصب علگم عالبغايه*** أمحزمه أبچفي المنايه
******
يعتلي صوت العساكر والفــزع بـيه ثغــبره
المايلوح السيف راسه شرط يگـطع منحره
الچانت أگبالي أتبختر بخوف ردت لــيوره
حل قصاص الموت بيكم والمجازر بــالسره
مفـر مـــا يحصل بعـد مـن سيفي
شنهي طعم الموت أفصله بكيفي
أمگدره أگدارالرزايه** أمحزمه أبچفي المنايه
***
كريم العطواني

(ضيعتني) نزله كعده
أمخدره أبجالك جبتني** أبعــز دلالك دللـتني
بلا وداع ولاشفتني ** تالي بالطف ضيعتني
أصيح ياخويه *ياخويه *ياخويه
*
ريتك أتشوف أشجرالي لمن رحت ومــاأجيت
الوحدي وياخيمه أطفي أشكثر بالنار أنچويت
نخيتك**ياهيبة أهلي وضنوة أخوتي
نخيتك**حسبالي تسمع خويه چلمتي
نخيتك** ردتك تجيني أتطفي خيمتي
ياهي أطفي وياهي أخلي
بساعه كلهم راحـو أهلي
بس عباتي تغطي متني** تالي بالطف ضيعتني
*


ليلي چلچل وآني حرمه أبــلا خيام أو لاستر
وين أخت عباس ينشد عني يــاحيف الشمر
بدليلي** كون السيوف بصدرك التدگ
بدليلي**دبچ الحوافــر ريته والسحگ
بدليلي** شــم النفس بالــريه مختنگ

بياكتر خويه أعتنيلك
بـيدي إلمنّك وأشــيلك
من وصلتك شيبتني ** تالي بالطف ضيعتني
**




حافي أركض من وصلتك أنته لومو أنته أخوي
أمغيره أرسومك شفتها ويــن ذاكه الچنه أبوي
وسافه*أمطشر لگيتك مرمي عالنهر
وسافه*أشــفار الهنادي ســوّتك وذر
وسافه* بطين ودمايـه أملطخ الگمر
بحرگه للشاطي أجـــيتك
أمسلبه أهــدومك لگيتك
وي غرب وادم عفتني** تالي بالطف ضيعتني

***


شنهو ظل منك وأحظنه من الظهر مشتاگه ليك
غافيه أسهام أبوريدك وبس زنــد چاوين أديك

يروحي** ياهو الأطلعه گلي ياسهم
يروحي** دليني أريدن أعرف الألم
يروحي*بمصيبتك حيل أختك أنهدم

هظمه بعدك ياذخرنه
غربــه حـدايت ضعّنه
سهام فگدك صوبتني** تالي بالطف ضيعتني
****

خويه دنگت أرد أشــمك وأمسح الدم بـالعباه
السهام أشبيك سووت من الصدروصلت گفاه

شگولن**حـــاچيني كلمــه گلبي منگطع
شگولن**ماترضه خويه صوتي ينسمع
شگولن** لاعــظم ســـالم منه لاضــلع
عالنهر عمري تركته
جدمي أعثرلو نگلته
لاتگول اختي النستني** تالي بالطف ضيعتني
****
لخادم آل البيت(ع)
الشاعرالحسيني كريم العطواني ونسألكم الدعاء1444هـ

عمه ليش هيج وياي سواهه الوكت
أمچتفه أچفوفي ودمــــع عيني يـكت
بعمري منهي الشافت الآني شفت
عطش وتراب وشتم واتيسرت
من عگب عزي ودلالي أتعذبت
عمي وينه؟؟ يدري بيه أتلوعت
بعد حضن حسين عالناگه أصعدت
ريته حاضر ساعة البيها أركبت
أشگد بچيت وصحت بويه اتمحنت
ما أرد عالنوگ أظل أوياه ردت
****


ويـــــن أبونه حسين طــول غيبته
أشعجب ماينساني شنهي ال نسته
هواي مشتاگه أشــمن رگبته
والله ماعودني أفارگ شوفته
*
أريــد أعتب يبويه أ وشأعتب أوشحــجـي
عيـــنك عـالـدرب يـل شـاهـدت كـل شــي
كــبل ماتـــشـكي حـالك آنـه أريــد أشــجي
آنه أبـجي أل أصبعــك وأنته لأذنـي ابجي
*****
على راسك أصب دمعاتي وأبچيها
ياهــــو ال غير أرسومــك معانيها
أخذها وياك روحي البعد ياذيها
الموت أهون يبويه ألمن تخليها
****
على راسك نمت وانگطعت أنفاسي
أشوفنك أثـر ضرب العصي براسي
لا أنـــته ال بقــيت وراح عـــباسي
شلي أبدنياي بعدك يـــاأعــــز ناسي