مربعه ثگيله لأربعين كريم اهل البيت الحسن المجتبى عليه السلام



من يوم الرحت صار اربعين حساب

لاحنيت لادگ جفك الباب


من يوم الرحت ماعاودت لينه

وحنه لشوفتك يلوالي حنينه

ماننساك ونت بساع ناسينه

صدگ جنه بحلم هسا الحلم غاب



لاحنيت لاگلبك ذكرنه

عگب وجهك بعد شلنه بعمرنه

نسيت ايامنه وذاك سمرنه

صارت موحشه يادار الاحباب



لاباب الفتح جفك وجانه

وذكرنه نگول اخونه ومانسانه

ومن نگعد سوه يلمنه بحنانه

تالي اللمه راحت والامل خاب



أيسنه الولي صار اربعينه

لانگدر نجيه ولايجينه

ضل ثوب الحزن لايگ علينه

وضل برواحنه من فرگته صواب



ضل برواحنه صواب المحنه

وضل بنفوسنه گعدات اهلنه

حلم ذيج الليالي تعاود النه

ولاينفع بعد شيفيد العتاب



لگضي عليك عمري بلمناحه

ولاشوفن عگب عيناك راحه

سهمك بلگلب تنزف جراحه

وجرحك يلولي خزن ولاطاب



https://www.tgoop.com/krsnta21

فزاعيه لأربعين الحسن المجتبى كريم اهل البيت عليهم افضل الصلاة والسلام



أيس يگلبي مايرد

صار اربعينه الوالي


صار اربعينه الليله

دم مودمع نبجيله

والگلب بايد حيله

شحاله المفارگ غالى

أيس يگلبي مايرد،،،،،



لاعاد لادگ بابنه

لافاد بيه عتابنه

ماكسر گلبه صوابنه

ولاشاف كسرة حالي

أيس يگلبي مايرد،،،،



أيس يگلبي من الولي

ثوب المناحه صار الي

راح اليكلي ادللي

وسهم الكلب خلالي



يوم الشفت تابوته

تمنيت الي هلموته

مابعد نسمع صوته

وصار اللطم يحلالي

أيس يگلبي مايرد،،،،،،


شايل جبير اخواني

بس للحزن عافاني

شايل وماتاناني

ريت النعش صارالي

أيس يگلبي مايرد،،،،



شمحله المنيه وياهم

المانگدر لفرگاهم

عنه الدهر بعداهم

ياحال بعدك حالي


https://www.tgoop.com/krsnta21
https://www.tgoop.com/krsnta21

وين ابو فاضل تحلها وهاي يمك حاجتي

وين اخو زينب نخيتك تفزع على طلابتي

رايده الحگ


من حلگ باطل تجيبه وبيضه اشيلن رايتي




https://www.tgoop.com/krsnta21

مربعه ثكيله. للزهراء عليها السلام




هاي ام المحنه امي
حگي من انحب عليها
هاي البيها وصه الله
الجنه تراب رجليها


هاي الكلها حب وحساب هاي الكلها حنيه

هاي المامثلها الگيت شفجه وتعطف عليه

وحشه من ارد اطب للدار لو بلدار ماهيه

امي شلون اوافيها

امي شلون اوافيها




عليها من ارد اونن حيل ونحب لاتلوموني

هاي امي المشت ياناس حگي من اعمي عيوني

اهل دمعي على فرگاها واهد الحيل خلوني

حيل ارد انحب عليها

حيل ارد انحب عليها



ياشمعه وطفاها البين طفت روحي ويه طفيتها

هاي الشاركتني الهم هاي الحلوه گعدتها

من تصيح يايمه أخ شمحله جلمتها

ترد روحي محاجيها

ترد روحي محاجيها



عدنه هواي ناس عزاز امي ماكو اعز منها

جبره تصير للمكسور امي العافيه جنها

عنه شايله ام حسين اليه منين اجيبنها

عليها العين لعميها

عليها العين لعميها






https://www.tgoop.com/krsnta21

مربعه للزهراء عليها السلام



ردي للنزل يابعد اهلنه

من عگبج بعد بلدار شلنه


ردي للنزل يابعد العيون

خلي من البجي احبابج يهودون

تعبو بلمناحه ولطم المتون

من ضم الگبر زهرة نزلنه



ردي للنزل يابعد اهاليي

شالت للكبر زهرة لياليي

ضلمه وموحشه انوار الطفت بيي

بعد الوالده اتطشر شملنه



عفتينه لوكت عياال بينه

تگضي دموعنه لوماتجينه

بعدج لاحنين ولاحنينه

عفتينه بوكت مابيي محنه



ييمه وياليالي جفاج كلفات

ادور وين عگبج علحنينات

تدرين الدهر عثراته عثرات

من نوگع اسم الله من يگلنه



گلبي اشتاگ الج يحبيبه يمه

اريدن نورج بذيج المضلمه

عليج المنذبح من فاض دمه

تحضرين الگبر وينور النه




https://www.tgoop.com/krsnta21

فزاعيه للزهراء عليها السلام


شگال گلبج فاطمه

الدار من حرگوها


شلون شفتي الحاله

الگابلج هنياله

ودموعه الج هماله

بت النبي هضموها



يافاطمه المهضومه

ومن الضلع مالومه

مو الج هاي النومه

ريت عداج ناموها



الصابج يريته صابهم

وبلنار وجت بابهم

الماوفو ويه اصحابهم

بت النبي اذوها



مادره ابوها بهلمحن

ضلعين كسرو لم حسن

وعيونها خلافه بجن

من صحبته الغدروها





https://www.tgoop.com/krsnta21

حي عـلـــــى العزاء... 💔

قصيدة بداية الشهر

اجه حسين وهلا ياهلا بهالجيه
اجه وهيبة علي تبره العقيليه

"" "" "" "" " " " " " " " " " " " " " "

يمن فدوه نروح لروحك وگلبلك
بدينه چا فرشنه اروحنه لدربك
على الفطره نحبك سيدي نحبك
صحنه وياك كلنه وصافية النيه

" " " " " " " " " " " " " " " " " " " "
هلا بالجاي لينه وگاطع البيده
هلا بيه على صدره شايل اوليده
وهلا بعباس شايل راية عضيدة
يامية هلا وياهلا ب طارية

" " " " " " " " " " " " " " " " " "

هلا. بجية علي وليله اليباريها
يعدل هودج امه وماي يطيها
وجسام ويه يرمله امه ويماشيها
ويصد عنه الترب لو طار ذارية

" " " " " " " " " " " " " " " " " "
وهلا بالجاي لينه وجايب اهله وياه
ويه فخر عراقنه بالروح نتلگاه
ومن عام على عام حسين ما ننساه
ولا ننسه العقيله المشت مسبيه

"" " " " " " "" " " " " " " " " " " "

ومثل خدرج يزينب بالمدارس كون
يعلمون البنات شلون يحتشمون
ومثل خوة كفيلج للاخو يعلمون
خوه بلا مصالح صافية هيه

" " " " " " " " " " " " " "'" ' " "


شاعرة اهل البيت ؏ ام كرار الشباني

https://www.tgoop.com/krsnta21

..

..

..

العليلة

بساميهم صحتهم ماخذوني
گبالي حملوا ماحملوني


" " " " " " " " " " " " " " " " " " " " " "


بساميهم صحتهم يالغوالي

مابية اصيح بصوت عالي

بچت عيني ولا گالوا تعالي

شلي بالعمر يالفارگيتوني

" " " " " " " " " " " " " " " " " " " " " " " " " "


شلي بالعمر ماريد عمري يطول

اشوفنكم بعد يعزاز منهو يكول

سفرتكم طويلة وحمليتوا حمول

عليله ياهلي رحتوا ونسيتوتي

" "  "  "  "  "  "  "  "  "  "  "  "  "  "  "  "  "  "  "  "  "  "  "  "  "
صدك يمسي المسه وانتم بعيدين

ولا ردكم اعتابي يالمرحلين

صدگ وطيوفكم غابت علي العين

صدگ ترحون عني وماتجوني


" "  "  "  "  "  "  "  "  "  "  "  "  "  "  "  "  "  "  "  "  "  "  "  "  "

يما سمعوا عتب من عاتبتهم

اشو چني غريبة ولا ني بتهم

عافوني بنزلهم فاگدتهم

اعمن عالجفوني ياعيوني

" "  "  "  "  "  "  "  "  "  "  "  "  "  "  "  "  "  "  "  "  "  "  "  "  "
على احبابي المشوا هلن يالعيون

ما حطوا حملنه ويه اليضعنون

ولا ردهم عتب لا ردهم شلون

ولا گالوا مريضه من جفوني

" "  "  "  "  "  "  "  "  "  "  "  "  "  "  "  "  "  "  "  "  "  "  "  "  "

لشاعرة اهل البيت (؏) ام كرار الشباني


https://www.tgoop.com/krsnta21

مربعه خفيفه ل العباس ؏

شگال كلبك من تبدت جربتك
بيش ترجع وانته سكنه نختك
... .... ... .. .. .. ... ... ... .

بيش ترجع ياابو فاضل للخيم
وماجبت ماي ويشربنه الحرم
يا شبل عودك يشيال العلم
واگفه زينب وتنطر جيتك

. .... ... ... ... .... ... ..

تنتضر بخيامها وتنضر عليك
مادرت لن جربتك من بين اديك
شلون من سبعين الف دارت عليك
لفهم بسيفه يحيدر ضنوتك
. .. ... ... .. ... .. ... ...

فتك سيفك ياشبل حيدر الحيد
رگاب خلاها وجثث ترست البيد
من يطبهم يسمع حسين الرعيد
بكربله مذكور هذا اليوم الك

.. ... ... ... ... ... ... ..

كربله مذكور ياضنوة علي
مانريد المايريض يالولي
لو رحت للموت غيرك منهو الي
ترخي حزامي وتضيع خوتك

. ... . .... ... ... ... ... ..

نذكر العباس من طب للحرب
نزل يترس جربته عليهم غصب
گبالها السبعين الف موقف صعب
يسجل التاريخ هاذي وگفتك

.. ... ... ... ... ... .... .. .


لشاعرة اهل البيت (؏) المرحومه ام نعمان الشباني

https://www.tgoop.com/krsnta21

هوسات ل العباس (؏)

لعب بيهم لعب عباس بالحومه
وهذا ابن الصميده الشاعت اعلومه
خلاها الشجاع اموذرة ونومه
(عباس اليوم العب بيها )

.. ... .... ... ... ... ... ... ..

خلاها الجثاث موذرة و طشار
هذا ابن الصميدة الاسمه كرار
بغمدة ماطلع نايم البتار
(لو سل السيف يواريها)

.. ... ... .... ... .... ...

بعده مالزم بتاره بيده
تخاف الگوم گامت من رعيده
الشرده من النهر صارت بعيدة
(الحومه تهلهل خلاها )

. ... ... ... ... .... .. ...

ملعب صار للعباس شاطي النهر بچفوفه
خله الزلم تتراجف كلمن لزمة الخوفه
لمن لزم صمصامه بيده وهاي معروفه

(والحومه تلگت راعيها )




ل شاعرة اهل البيت (؏) ام كرار الشباني

https://www.tgoop.com/krsnta21

انتهت المعركه !!!

قطع كفين العباس

انطفئت شمعة القاسم

هوى علي الاكبر

قتل الطفل الرضيع

قتل الهدى والنور المبين

حُرقت الخيام

سبي العيال

وبدأت حكاية زيـــنب......... 💔

‏السَّلامُ عَلى الشَّيْبِ الخَضِيب
السَّلامُ عَلى الخَدِّ التَّرِيْب
السَّلامُ عَلى البَدَنِ السَّلِيْب... 💔

زِينب تگول للعَباس:
مو گتلي وسط العيِن ما خلي ثاني
ليش السهَم عباس ماخَذ مچَاني! 💔....

قصيدة ل الحسين ؏

مانشبع بجي على حسين ولا نبطل تعازينه
نبچي عليه جيل ل جيل ما دام النفس بينه


꧁꧂꧁꧁꧂꧂꧂꧂


جيل ل جيل ما ننساه حبك يبن حامي الجار
ننسه سهم المثلث الخله بكل گلب بسمار
ننسه عملت الحومه لو ننسه لهيب النار
ننسه چفوف ابو فاضل لو ننسه سهم عينه

꧁꧁꧁꧁꧂꧂꧂꧂



ننسه دمعت ام طاهر من قدموا محملها
من وگفت وتنخاكم وتگلكم بعد شلها
انت وصحبتك مطروح وبهالحال شتگلها
ابد والله ماننساك يالحبك نبض بينه


꧁꧁꧁꧁꧂꧂꧂꧂


حبك نبض ويانه قبل ما نختلق يحسين
ربينه احنه وربه ويانه وبچه الگلب گبل العين
شما نتعب ونبچي عليك نبقه بحبك مقصرين
لاخر نفس من عدنه عليك الحزن عامينه


꧁꧁꧁꧁꧂꧂꧂꧂

المايتعب علي حسين يضل طول العمر خسران
لا عالمستقيم يفوت لا بيده لزم عنوان
شفاعتكم يضل خسران ماينعد وناسينه




꧁꧁꧁꧁꧂꧂꧂꧂

لشاعره اهل البيت المرحومه ام نعمان الشباني


الفاتحه لروحها واروح المؤمنين

https://www.tgoop.com/krsnta21

قصيده ل الحسين (؏)


كل ميت علييه انوح توج وتنطفي ناره
بس نارك يبو السجاد تضل للموت وجاره


꧁꧁꧁꧁꧂꧂꧂꧂

كل ميت عليية انوح وياخذله وطر نوحه
وكلما طالت المده تگوم تسومر اجروحه
ويضل النوح بس لحسين الفاضت بالشمس روحه
منهيي الصاحت عليهم ومنهي النايحه بداره


꧁꧁꧁꧁꧁꧁꧂꧂꧂꧂꧂


كل ميت بشدة موت تحضرلة اهله ويشوفونه
بساعت وگت المعالج يطلب ماي يطونه
بس حسين بالميدان منهو الغمض عيونه
ضل نايم عالترابان ودم النحر يتجاره


꧁꧁꧁꧁꧁꧂꧂꧂꧂꧂


بس حسين بالميدان منهو الشاهده وشاله
يلوج من العطش ويصيح ومحد يرحم بحاله
وگلبة سهم المثلث علي سحگت الخياله
نايم بالشمس مذبوح هو وجملة انصاره


꧁꧁꧁꧁꧁꧂꧂꧂꧂꧂


الله يساعد المرن على ظهور الهزل راحن
الكل منهن تون وتروح چي مانزلن وناحن
راحن باليسر عنهم راحن لكن شراحن
مهضومات مسبيات خدرهن طاحت اظلاله


꧁꧁꧁꧁꧁꧂꧂꧂꧂꧂


خدام ونضل للموت نون عالمنذبح عطشان
ضل بس السبع ناعي ثلث تيام بالميدان
نريد هناك وگفتكم ليوم الحشر والميزان
كل واحد تعب لحسين ودمعه علية يتجاره


꧁꧁꧁꧁꧁꧂꧂꧂꧂꧂



ل شاعرة اهل البيت المرحومه ام نعمان الشباني الفاتحه لروحها وارواح شيعة امير المؤمنين



https://www.tgoop.com/krsnta21