عليك بفاطمه اضهر
عليك بذبحت المنحر
يمهدينه.... يمهدينه

اجيت بلهفة العطشان للماي
وعطش عبدالله جبته اليوم وياي
طفح غيضي واخلص الليل حسبات
ذايب بيك گلبي ااه يامولاي
بخدودي الدمع حفر
عليك بفاطمة اضهر


عجاف اسنينه وصارن بلازاد
وابشرك حكم اميه بينه هلعاد
وسط سوگ الرخص باعونه ياحيف
عراق حسين بعدك بيد الاوغاد

يجرحك سيدي المنضر
عليك بفاطمه اضهر
يمهدينه... يمهدينه

يبن الحسن يمته جروحك اتهيد
ويمته تعود لديارك يالبعيد
تره الدمعات لجلك خضرن شوگ
وادري بگلبك مخلصها تنهيد

عجل يا أبن حيدر
عليك بفاطمه اضهر
يمهدينه.... يمهدينه

دليلي من الصبر وجر ولاشوف
دنيا بلا أمان وعايش بخوف
منتضرك تجينه تبدل الحال
يبن الحسن كلبي اعليك ملهوف

اشوفك يمته يمعتبر
عليك بفاطمة اضهر


كلبك ينجرح لو نذكر الشام
وبروحك هواي تزيد الالام
اعله عماتك يمهدي الصعدن النوگ
من جمر الخيم محترگه الجدام

ترضئ يذبح المنحر
عليك بفاطمة اضهر


✍باقر جبار الشويلي


https://www.tgoop.com/lAfiteamoun

عگيلي لصاحب العصر والزمان عج

للمهدي دمعتنه لليله...نوكف بعتابه ونشكيله
...
للمهدي نوكف ونگله
بتارك يايوم تسله
ولضدك حط بينه العله
بعتاب اليوم ونبجيله
.....
للمهدي نتعنئ بدمعه
جايمته هالضيم يدفعه
مولانه وبجفه يرفعه
نشكيله بدمعه ونحجيله....
...
ضهرت عالمذهب هالخله
وأخلافك حسينه بذله
محتارين بهاي المله
صحنه للضالم ياويله...
......
يالمهدي اضهر حاجينه
والظالم ينشد جاوينه
مايضهر غايبكم وينه
ومتانين ترد العيله....
......
يالغايب احنه متانينك
والغيبه طالت وسنينك
الطاغي ينشد جاوينك
يادين الباري وتأويله...

✍باقر جبار الشويلي



للتواصل والاستفسارللقصائد
@MolatyzeenabBBB1_bot
https://www.tgoop.com/lAfiteamoun

الدرب السبي راحن
عالهزِلَ وناحن
اوجوهن من السبي
انصبغن بالون العبي

حرم واطفال تمشي بلا كفاله
ضعن مهيوب بي صلب الرساله
لچن ياحيف بيد اهل الرذاله
يلوحه السوط لو واحد بچاله

ماكو ليحاميهن
زجر وضرب بيهن
امدلالات ال النبي
انصبغن بالون العبي
..
غصب لشام من عدهم خذوهن
خوات حسين لمن طلعوهن
بحبال الشماته  جتفوهن
بجلمة يالكفل حيل الجموهن
عباس جاوينه
مطفيه شو عينه
كطعو چفوفه الأبي
انصبغن بلون العبي
..
گادوهن سبايا الكافل يشوف
لحدر جدامهن كاع الله وطوف
لجن ياحيف شامت بيهن يحوف
ستر الله لمشئ وتشيله الجفوف
ويضلن بحيره
وخلاف ابو الغيره

الحادي تالي اجنبي
انصبغن بلون العبي
..
حرم وطفال تصرخ وين الحسين
اخذنه وياك بويه والدرب وين
زرگه متونه ومزورگه العين
ماندري تجينه الضربه منويين
جاوينه كافلهن
لمن عله ونهن
ياهو لنه ويصتيبي
انصبغن بلون العبي
..
علي السجاد زادن نايباته
بطريق الشام ويشاهد اخواته
عله ضهر النوگ يمشن وي شماته
يتمنئ الموت هو وذكرياته

متغير احواله
يمشي وي جتاله

عمته يمه وتنسبي
انصبغن بالون العبي
..
✍باقر جبار الشويلي


https://www.tgoop.com/lAfiteamoun

#رداديه ليوم العاشر
هليلة ليلة عاشر //ياابو علي
╌────═❁═────╌
ريت الصبح لاجانه//ياابوعلي
وروحي تضل حيرانه //ياابوعلي
ياهو لفزع ويانه //ياابوعلي
والخدر طايح باجر//ياابوعلي

هليله ليلة عاشر//ياابوعلي
╌────═❁═────╌
باجر يخويه لوليان// ياابوعلي
عالثره وگلبي لهفان//ياابوعلي
عطشان يسبگ عطشان// يابوعلي
وتسحكه خيل وحافر//ياابوعلي

هليله ليلة عاشر//ياابو علي

╌────═❁═────╌
تحترك باجر خيمة //يابو علي
يطرن خواتي الهيمه//يابو علي
تباوع علينه الچيمه//.ياابوعلي
ينكسر گلبي وخاطر//ياابوعلي

هليله ليلة عاشر//ياابوعلي

╌────═❁═────╌
جسامك يوذرونه // ياابو علي
بدم منحره يحنونه //ياابو علي
بي گلبك يلجمونه //ياابو علي
ياوسفه مامش ناصر// ياابوعلي

هليلة ليلة عاشر//ياابوعلي
╌────═❁═────╌
عبدالله ميرحمونه //يابو علي
وبحضنك يذبحونه //يابو علي
بدمه الطفل يروونه //يابو علي
عباس ريتك حاضر//ياابوعلي
هليله ليلة عاشر//ياابوعلي
╌────═❁═────╌
باچر كفيلي نشوفه // يابو علي
امكطعين اجفوفه // يابو علي
جثه رميه نعوفه // يابو علي
لخيامي ماكو ناطر//ياابوعلي
هليله ليلة عاشر//ياابوعلي
╌────═❁═────╌
ياعلي حاچيني شصار //ياابوعلي
وبروحي شبت هالنار//ياابوعلي
ياعمه راسك طشار//ياابوعلي
وموذرينه الغايرر//ياابوعلي

هليله ليلة عاشر//ياابوعلي
╌────═❁═────╌
يااخويه لوجن الليل//ياابوعلي
وعيونك تهد الحيل //ياابوعلي
ينسحگ صدرك بالخيل//ياابوعلي
ويسحگه خيل الكافر//ياابوعلي
هليله ليلة عاشر//ياابوعلي
╌────═❁═────╌
✍باقر جبار الشويلي
للتواصل والاستفسارللقصائد
@MolatyzeenabBBB1_bot
https://www.tgoop.com/lAfiteamoun

#نزله_للعاشر

گومن نعتني لحسين
هليله لوداعيه
                *---------------*---------------*
سكنه تصيح ياعمه
گومن نعتني يمه
گومن ودعن بهمه
ريت  عيوني معميه
                *---------------*---------------*
گومن يابناته بساع
باجر طايح اعله الگاع
هو وعمجن الفزاع
نهضمن سكنه ورقيه
                *---------------*---------------*
حملنه يطيح لبسده
اشبعن شوف منعده
ابوجن مااله رده
تصير جفوفه مدميه
                *---------------*---------------*
خويه حسين موتدري
اظل محيره باامري
وباجر ينكسر ضهري
الشامت يزمخ اعليه
                *---------------*---------------*
رقية تگلي و بعبره
يتراوالي ذبح نحره
ترض خيلهم بصدره
واشوف ضلوعه محنيه
                *---------------*---------------*
تشب النار بخيامي
ياهو ليفزع يحامي
بين مذبح وضامي
وكلها تصيح شعليه
                *---------------*---------------*
مانحلگ عليه باجر
يكسر صدره الحافر
اه ياليلة العاشر
شگفت الحبل بيديه
                *---------------*---------------*
خادم السيدة زينب ع
✍باقر جبار الشويلي
نسالكم الدعاء

https://www.tgoop.com/lAfiteamoun

#نزله_عگيلي
اخر ليله ويه حسيني
اخرليله ويه حسيني
                *---------------*---------------*

خلينه نودع والينه
باجر جا ياهو يضل لينه
نوگ الشمات التحدينه
ودموعي نزلت من عيني
                *---------------*---------------*
وبليل العاشر مفجوعه
شيتحمل گلبي جم لوعه
سبي عياله وكسر ضلوعه
جاياهو بعده ليحميني
                *---------------*---------------*
بس هليله يم اخواني
وباجر تذبح ولياني
يازينب صبري وصاني
بين الغربه ومخليني
                *---------------*---------------*
باجر تتسلب ياروحي
ياعباس تزيد جروحي
بس هليله ويكثر نوحي
هاك اسمع عباس ونيني
                *---------------*---------------*
ادموعي النزلت سياله
عباس وترضه بهل حاله
تفتر بخيامي الخياله
ترضاها عگبك يسبيني
                *---------------*---------------*
اخواني التموا ويانه
وبليل العاشر وصانه
بالخدر هاي الحزنانه
مسبيه تاليها سنيني
                *---------------*---------------*
عذريني يازينب باجر
بلايه جفوف بيوم العاشر
وضلوعي طاحنها الحافر
عذريني خويه عذريني
                *---------------*---------------*
خادم السيدة زينب ع
✍️باقر جبار الشويلي
نسالكم الدعاء

قصيدة للسبي مع رباطات


انوح وياج يازينب.. عله حسين

نشوف احوالها وشنو الجره عليهه
ثلث تيام ضل عالغبره واليهه
اجينه بهالمسه الزينب نواسيهه
وحيده اخت الگمر لا مانخليهه

يحره جينه نتعازه.. عله حسين

اجينه اليوم الج مولاتي عوانه
وجبنه دموعنه يم عون ويانه
ندك اصدور للكطعوا ذرعانه
نبجي وياج يازينب الحزنانه

ازلام وخيلهم دارت.. عله حسين

اجت هاي لمواكب ليج عنايه
نسوي اعله النهر يازينب قرايه
يم جسم الحسين وكافل الرايه
عهد يم عون كلنه وياج وفايه

اعله ضل عاري ومسلب ..عله حسين

ونواسي العقيله بدفن اهاليهه
عين لمابجتلج والله نعميهه
دموع ومن دمه لعيناج نجريهه
عهد والله عهد ذكراج نحيهه

النار البكلب تلهب ..عله حسين

لسه النار اضن مشتعله بخيامج
ولسه الجمر زينب ضال بجدامج
واشد وأصعب يحره ضربة ايتامج
عگب عباس صارت ضلمه ايامج

نصيح بصوت يازينب... عله حسين

✍باقر جبار الشويلي


https://www.tgoop.com/lAfiteamoun

#للعباس
ضعني بلا كفيل. عالهودج اميل
يعباس يعباس
زينبكم تنوح. حرمه وين اروح
ياعباس يعباس
╌────═❁═────╌
نمشي وبظلام الليل سبايا وراح كافلنه
بالهيمه الحرم وايتام ولا زلمه لبقه عدنه

والله ياعباس حيل تمرمرت
بين هايه الناس ياخويه حرت
امشي لاكن وسفه بالناكه اعثرت
ريت روحي ماتت ويمك ردت

*ميته ولا اشوف بعيوني الطفوف*
يعباس يعباس
*عالناگه وبچيت وي راسك حجيت*
يعباس يعباس
╌────═❁═────╌
من فوك النياك تنوح سكنه جبيره حسرتها
ياخويه وغريبه ديار وحشه وموش ديرتها

بالحرم واطفال تايهه هالفكر
شلون ياعباس حيرني الامر
من بعد عيناك حادينه الشمر
وبطريق الشام عذبنه الاسر

*مچتوفه الادين ياخويه الحنين*
يعباس يعباس
*ماصدك اعوف عالشاط الجفوف*
يعباس يعباس
╌────═❁═────╌
يحاچيني الشمر ينشد وينه الكافل اضعونچ
ماينهض يحاميچن وطابع سوطي ابمتونچ

ايسي منه ولاتحشمينه بعد
مات يازينب اخوچ وماكعد
هذا راسه عالرمح شوفي صعد
ضاع يزماطج يازينب وعد

*وينه الطلعاج شو عفتي وراج*
يعباس يعباس
*كل ساعه يجيب راسك يالحبيب*
يعباس يعباس
╌────═❁═────╌
اطر الهيمه وي كفار ياوسفه الخدر مسلوب
وانه بت علي يعرفون لاچن مابقى مهيوب

وسفه ياعباس نايم عالثره
وكل بني العباس فرحانه تره
انه زينب تالي ابقى محيره
ريت حاضرخويه وتشوف لجره

*چلماته سهام يوجعني الكلام*
*ينشد عالكفيل كاتلني العويل*
يعباس يعباس
╌────═❁═────╌
اجيت من المدينه وياك وعد انته لتباريني
وحيده وابقى بين اعداك ماصدك تخليني

امشي وي اعداك خويه مكيده
بلايه والي وسفه نضرولي لعده
تدري ياعباس بالهظم ابتده؟
شحجي ياظيم العليه والسده

*يالكافل نخيت بلازلمه وبچيت*
*بوداع الدموع روحي چن شموع*
يعباس. يعباس
╌────═❁═────╌
✍باقر جبار الشويلي


للتواصل والاستفسار على القصائد

@MolatyzeenabBBB1_bot
https://www.tgoop.com/lAfiteamoun

🎤بصوت المبدع سيد حسين الموسوي
✍باقرجبار الشويلي
رابط القصيده👇
https://www.tgoop.com/lAfiteamoun/10165

#الليلة_الوداع
#للحسين

منالخيام اجيتك يغالي عتنيتك
صحت يحسين ويلي عليك انهدم حيلي
╌────═❁═────╌

من الخيمه اطلعت لحسين رحت المصرعه بهمه
گمت اتسابك وي الريح اريد اوصل الابو اليمه
اوصله ولعد هناك ارد الخيل عن جسمه

عله ابن امي الگلب ملهوف
وحيده انه وخذاني الخوف
واخافن لايجيني اعداك
عمت عيني وخلص هالشوف

يدهري لولاني بغيابك اعاني
وحيدة بلايه والي بعد عين الغوالي
╌────═❁═────╌

لابو اليمه عتنت روحي جدم وجدم تتسابگ
ملهوفة وركضت اعليه وارض وسمه تتطابگ
چن صوت ويجيبه الريح راسي برمح متشابگ

اجيتگ والخدر مسلوب
وبسياط المتن مضروب
ثوبي من الخيم محروگ
وعفت هناك سكنه تلوب

اصيحن يويلي بنهاري وي ليلي
يخويه بلهفه جيتك وسف وصلت منيتك
╌────═❁═────╌
وصلت لمصرعك يحسين واشوفك جثه متطشره
اشوف الخيل تسحگ بيك. ولاچن امك الزهره
يبن امي وفگدت الشوف ولطمت الوجه بالعشره

عفته هناك وحده ينوح
وگلبه عالخيم مجروح
مايكدر يكوم أحتار
اخوي عالوجه مطروح

اشوفك تعاتب نضراتك تراقب
انه شبيدي عله امري يخويه وانته خدري
╌────═❁═────╌

انه تحيرت بحسين اعوفه الوحده عالغبره
سهام الاحته بكل صوب وخيول السحگت بصدره
يلوج الوحده عفته هناك عذرآ فاطمه الزهره

يا موقف اذكره احتار
جسمه منسحگ طشار
اخوي منالقفى ذبحو
وشوفن كله هذا الصار

اودعك يظامي سلامآ امامي
غصب يردونك اعوفه يكعبه وانه اطوفه
╌────═❁═────╌
✍باقر جبار الشويلي

#رداديه ليوم العاشر
هليلة ليلة عاشر //ياابو علي
╌────═❁═────╌
ريت الصبح لاجانه//ياابوعلي
وروحي تضل حيرانه //ياابوعلي
ياهو لفزع ويانه //ياابوعلي
والخدر طايح باجر//ياابوعلي

هليله ليلة عاشر//ياابوعلي
╌────═❁═────╌
باجر يخويه لوليان// ياابوعلي
عالثره وگلبي لهفان//ياابوعلي
عطشان يسبگ عطشان// يابوعلي
وتسحكه خيل وحافر//ياابوعلي

هليله ليلة عاشر//ياابو علي

╌────═❁═────╌
تحترك باجر خيمة //يابو علي
يطرن خواتي الهيمه//يابو علي
تباوع علينه الچيمه//.ياابوعلي
ينكسر گلبي وخاطر//ياابوعلي

هليله ليلة عاشر//ياابوعلي

╌────═❁═────╌
جسامك يوذرونه // ياابو علي
بدم منحره يحنونه //ياابو علي
بي گلبك يلجمونه //ياابو علي
ياوسفه مامش ناصر// ياابوعلي

هليلة ليلة عاشر//ياابوعلي
╌────═❁═────╌
عبدالله ميرحمونه //يابو علي
وبحضنك يذبحونه //يابو علي
بدمه الطفل يروونه //يابو علي
عباس ريتك حاضر//ياابوعلي
هليله ليلة عاشر//ياابوعلي
╌────═❁═────╌
باچر كفيلي نشوفه // يابو علي
امكطعين اجفوفه // يابو علي
جثه رميه نعوفه // يابو علي
لخيامي ماكو ناطر//ياابوعلي
هليله ليلة عاشر//ياابوعلي
╌────═❁═────╌
ياعلي حاچيني شصار //ياابوعلي
وبروحي شبت هالنار//ياابوعلي
ياعمه راسك طشار//ياابوعلي
وموذرينه الغايرر//ياابوعلي

هليله ليلة عاشر//ياابوعلي
╌────═❁═────╌
يااخويه لوجن الليل//ياابوعلي
وعيونك تهد الحيل //ياابوعلي
ينسحگ صدرك بالخيل//ياابوعلي
ويسحگه خيل الكافر//ياابوعلي
هليله ليلة عاشر//ياابوعلي
╌────═❁═────╌
✍باقر جبار الشويلي
للتواصل والاستفسارللقصائد
@MolatyzeenabBBB1_bot
https://www.tgoop.com/lAfiteamoun

قصيدة للسبي
شورر

راح نروح مسبيات
وينك ياگمر هاشم
تدري والضعن بجفاك
صرنه وفرجه للوادم

گوم اگعد يبو الغيره
خلافك حيرتي حيره
مسبيه واطب الشام
وغربه خلافك الديره

غربه ومحد ويانه
لا عباس وخوانه
خالي اليوم ميدانه

راح  اليوم والينه

گوم اگعد وحاجيني
ضعنكم ياهو لمسيره
ترضه بهضمة النسوان
وعگبك روحي متحيره

طبت الشام توجعنه
عيون الزلم تاكلنه
سبايا يصيح ضربوهن
ولا واحد فزع لنه

سبايه وراح واليهن
وسوطه يلعب اعليهن
جاياهو يحضر ليهن

راح اليوم والينه

نخيتك ياگمر عدنان
اگعد شوف حالتنه
بحبال السبي والظيم
وغربه اليوم غربتنه

غربه ومن طب السوگ
وعلينه ماضنها تلوگ
راسك قدموا جدام
اسيره وچدم محروگ

هيجي وهمه يرمونه
بحجر راسك يصيبونه
حسين تباوع عيونه

راح اليوم والينه



اجينه ويالضعن مهيوب
وردت بس نسه وايتام
طرينه زلم والسوگ
وفرجه صرنه للظلام

صحت وينك يكفالي
اكعد عاين لحالي
نضرات الزلم تكتل
لحرمه ومالي والي

صاحوا وينه كفالج
يالماشافوا خيالج
يجي عاين على حالج

راح اليوم والينه

✍ابو سلام الجابري
✍باقر جبار الشويلي

على لحن امنيتي لولد عريس اشوفنه

ردت من سبيهه اليوم محتاره
وتنشد عن ابو السجاد واخباره

تنشد عن اخوهه وياهو دفانه
تگله خلاف شخصك محد ويانه
بس هم وحزن بجفاك غطانه

يگلبي خلافكم ماتطفه ابد ناره

گلب الفاجده الوليان وشلونه
الماعرفوا مصابه ولا يلومنه
تتمنه سوه وياهم يخلونه

ولا تگعد وحيده حسين وبداره

ولاتگعد وحيده مفاركه الوليان
وتذكر من اهلهه الخيمه والدخان
ولظل للغرب ويحشم الخوان

ومحد من اهلهه الياخذ بثاره


ام عون  الاجت والرووس وياها
لا واحد فزع ليها وتلاگها
تصيح ام الحزن بالضيم خلاها
وكون الموت الي وموش لكم اختاره

الرؤوس وياي انعه وابجي بعبره
يبو السجاد جيتك بالگلب حسره
اشوف اگبوركم ياخويه بالغبره
ياحيد الحرب مسلوب بتاره

وبيوم أربعينك جيت مشايه
صحت عباس ترضئ بحالتي هايه
لموش ازلام تقبل دگوا الرايه
واحير خلاف شخصك مابقت جاره

✍ابو سلام الجابري
✍باقر جبار الشويلي

@MolatyzeenabBBB1_bot
https://www.tgoop.com/lAfiteamoun

ختام مجلس. سريعه

يوم لحرگوا الخيمه. واويلي على السجاد
خواته طرن الهيمه. واويلي على السجاد
حار الگلب وبضيمه. واويلي على السجاد
ماتلحگ يبو الشيمه. واويلي على السجاد

زينب صاحت بهمه. واويلي على السجاد
ماتلحگ علي عمه. واويلي على السجاد
متني سايح بدمه. واويلي على السجاد
ضعني ياهو ليلمه. واويلي على السجاد


دمعه يجري ابو الباقر. واويلي على السجاد
حيله يكسر لخاطر. واويلي على السجاد
يشكي حاله لجابر. واويلي على السجاد
ماتت روحه بالعاشر. واويلي على السجاد


يحمل جم كسر بالروح. واويلي على السجاد
لا هود ونين وونوح. واويلي على السجاد
يلجمنه شكثر الجروح. واويلي على السجاد
من يذكر ابوه مذبوح. واويلي على السجاد


بروحه عاشت اللوعات. واويلي على السجاد
من شاف الحوافر مات. واويلي على السجاد
بيوم الحرگوا لخيمات. واويلي على السجاد
وشاف ضعونه مسبيات. واويلي على السجاد

✍باقر جبار الشويلي


https://www.tgoop.com/lAfiteamoun