#قصيده _للهلال
وزن البحر الطويل

هلالك محرم


لفه شهر الحزن والنوح وعلگنه بيارغنه
خدام ونضل لحسين يلي بخيمته يلمنه
                *---------------*---------------*
هلال الفاجعه من هل ونشرنه بيرغ الزهره
يهيج الحزن يازينب ابد ماتبرد الجمره
بسواد الكل تحضرنه دموع وتنزل بحسره
زناجيل ومواكبنا اجت تلطم لابو العتره

وحگ الطيح الچفين غير الخدمه ماعدنه
خدام ونضل لحسين يلي بخيمته يلمنه
                *---------------*---------------*
يهلال الگدر هليت وتذكرنه بحرگ لخيام
من نلطم نشم عطاب ونذكر حرمله واسهام
وحگ نحرك يبو اليمه نظل طول العمر خدام
منحيد اعله دربك دوم شما طالت بعد الايام
يشهر الأحزان والآلام هلالك والله يهضمنه
خدام ونضل لحسين يلي بخيمته يلمنه          *---------------*---------------*               
باجر ياهلال الضيم بيك اجم مصيبه نشوف
وباجر عالنهر عباس توگع من ادينه چفوف
وباجر زينب الحوراء بيديها الحبل ملفوف
وباجر بين خيل ونار وبگلوب العلاوي الخوف
ماعندك بخت يهلال بجيتك بس هضم شفنه
خدام ونضل لحسين يلي بخيمته يلمنه
                *---------------*---------------*
بيك جم مصيبه نشوف هلالك والذبح يفزع
بيك انذبح نحر حسين وراسه عالرمح يُرفع
بيك انسبه خدر الله لجان خياله مايطلع
بيك جم گلب مكسور وعيون الحرم تدمع
من تجبل يشهر الشوم هيئات لتجمعنه
خدام ونضل لحسين يلي بخيمته يلمنه
                *---------------*---------------*
عاشور الحزن بين هلال النايبه من هل
تحزمنه بعزم عباس صوت من الگلب رتل
جم خادم رحل عنه لجان دموعه بس تهل
ليحضر كل سنه ويانه لوعه بنص گلبنه خل
خدام وعلينه اعزاز خذاهم والنجف منه
خدام ونضل لحسين يلي بخيمته يلمنه
                *---------------*---------------*
✍خادم السيده زينب
باقر جبار الشويلي
نسالكم الدعاء

#قصيده _لام البنين ع
فزاعيه..
باب العطاء

بس انخاهه بالشدات.. ام عباس تگظيهه
                *---------------*---------------*
تگضيها الكلافه بساع
ام الاربعه السباع
عدها من الزجيه اطباع
بس نحلفج بيهه. ام عباس تگضيهه
                *---------------*---------------*
وسيلتنا وعرفناها
نقسم بالنبي طاها
ماخاب الذي جاها
ابداً ماتخليهه... . ام عباس تگظيهه
                *---------------*---------------*
بابج للوفه عنوان
وانتي شگد عضيمة شان
نحلفج بالگضه عطشان
مشاكلنا تخلصيهه... ام عباس تگظيهه
                *---------------*---------------*
باب الحاجه يابابج
ابد ماخاب طلابج
صاحت كلها احبابج
شگد انحبه طاريهه.. ام عباس تگظيهه
                *---------------*---------------*
چريمه الجابت العباس
هاي ام الوفه ياناس
تبقه تاج فوك الراس
جرحنا حيل ياذيهه... ام عباس تگضيهه
               *---------------*---------------*
خادم السيدة زينب ع
✍باقر جبار الشويلي
نسالكم الدعاء

#قصيده_للعليلة

آهات العليلة

يالتحملون بضعنكم يالتحملون
لاتشيلون بضعنكم لاتشيلون
                *---------------*---------------*
وين اروحن والدمع يشرح مصابي
وانه بتكم ياهلي وهذا عتابي
انكسر گلبي يبويه من مشيتوا
اخذوني ويالضعن كسبواثوابي

بويه والفرگه طويله تعمه العيون
لاتشيلون بضعنكم لاتشيلون
                *---------------*---------------*
ليش عفتوني وحيده من بعدكم
فدوه ولخاطر محمد وانه بتكم
لا تحملون الضعينه وحدي ابقه
اه ياروحي العليله تنعي الكم
ابقئ ومناطر دربكم ليتردون
لا تشيلون بضعنكم لاتشيلون
                *---------------*---------------*
ابگه روح بلا جسم انه بچفاهم
گلبي من ضلوعي يطلع من وراهم
ليش عفتوني وحيده المرض سلني
گليبي ويدور عليهم مالگاهم

شلون يالعفتوا عليله بيه شلون
لاتشيلون بضعنكم لاتشيلون
                *---------------*---------------*
اه يفراك الحبايب يلچم جروح
بحرگة ابجي وين اهلي تطلع الروح
تكتل الفرگه يوادم واعتب انه
واليعيش بلايه اهله يرافگ النوح
وانه ماعندي حبايب وليواسون
لاتشيلون بضعنكم لاتشيلون
                *---------------*---------------*
الهاجرا منج يروحي مايردون
حملو كل ذكرياتي ويه الضعون
بحسره وتناطر دربهم ضاله العين
اأيسي ياروحي الحزينه مايرجعون
ودعي اهلج بالبواجي ودعي ام عون
لاتشيلون بضعنكم لاتشيلون
                 *---------------*---------------
خادم السيدة زينب ع
✍باقر جبار الشويلي
نسالكم الدعاء

يبويه حسين نيتكم تخلوني
عليلة وبالغرب هل خابت ضنوني
                *---------------*---------------*
اخذني وي الضعن ياريحه الهيل
اصيرلك ضوه لمن يجي الليل
اريد وياك بويه انسحك بالخيل
عليلة لوحدي وشلون عفتوني
                *---------------*---------------*
من دارك يبويه كلشي لميت
لچن بس ذكرياتك ليه خليت
بيت بلايه والي مخربط البيت
يوحشني النزل جاليش خلوني
                *---------------*---------------*
اخبرك يبو اليمه لمن تروح
اخلص بويه ليلي ويه الجروح
يا عذر الگلها وتقنع الروح
اهلي من حدوا بس تدمع عيوني
                *---------------*---------------*
مثل ورده وگطفني بويه فلاح
هيج انه بغيابك والنفس راح
بمساية غروب تلتم بس الجراح
اريدن بالضعن وياكم اخذوني
                *---------------*---------------*
اضل بجفاك بويه مكابله الباب
وعيوني تضل يالوالي خنياب
اخذني الكربله وي ضعن الاحباب
بنص الليل وحدي ومانشدتوني
                *---------------*---------------*
خادم السيدة زينب ع
✍باقر جبار الشويلي
نسالكم الدعاء

بصوت المبدع سيد حسين الموسوي

بقلم الشاعر باقر جبار الشويلي

بصوت المبدع سيد حسين الموسوي
لحن _2_
بقلم الشاعر باقر جبار الشويلي

بصوت المبدع سيد حسين الموسوي
لحن _3_لحن باسمي
بقلم الشاعر باقر جبار الشويلي

#قصيدة_لمسلم ع

ليلة مات ابن عمنه
زينب صاحت النسوان

ابن عمچن يعلويات
محد غسله من مات
بمسلم كثرن طعنات
مايرجع بعد هيهات
محد غمض ليه... عيونه

                *---------------*---------------*
يعلويات اخبرجن
ذبحوه هذا ابن عمجن
مسلم مارجع لجن
خذوه ليله من يمجن

يومك يامسلم... عامينه
                *---------------*---------------*
ليله ياسفير الدين
محد غمضالك عين
العلويات صاحن وين
ابن عمنه وعضيد حسين

يااخونه الكوفه غداره
                *---------------*---------------*
ابن عمنه وكلف يومه
ياهو لجابها علومه
ميت سلبوا هدومه
حميده تبجي مهضومه

للكوفه تصرخ... ودوني
                *---------------*---------------*
من فوگ القصر شمروه
بديار الغرب سحلوه
يجالع  وحده خلوه
بحفره مضلمه طموه

جاوين اهلك  ياخال ابني
                *---------------*---------------*
خادم السيدة زينب ع
✍باقر جبار الشويلي
نسالكم الدعاء


https://www.tgoop.com/lAfiteamoun

#الليلة_الخامسة
#لمسلم+وحميده

انه حميده مسلم اريده
للگوفه رايح والدي مارد عليه
لاجن يروحي تيقنت راح منديه
╌────═❁═────╌
اه يبويه بدمع العتاب ارد اعاتب
اه يبويه حيرة وفراگ الحبايب
اه يبويه من غيابك گلبي ذايب
اه يبويه زغيره انه عالنوايب

روحي تحن مشتاگه اشوفن طولك
ياريت احصل شبگه من امتونك

ياابويه مشتاقه الك شنهو السجيه
لاچن يروحي اتيقنت راح منديه

انه حميده.      مسلم اريده
╌────═❁═────╌
هايروحي. زيدي نوحج وي بواچي
هايروحي خلاف ابويه ياهو احاچي
هايروحي. ذكره ضلت لي التراچي
هايروحي وبحنيني لبن زاچي

يامحلى اسمي من ينادي الوالد
بأذني يظل طول العمر هالخالد

ضاع الدلال ومن رحت وسفه سبيه
لاچن يروحي اتيقنت راح منديه

انه حميده.       مسلم اريده
╌────═❁═────╌
بنيتك انه  وحدي ابقى بويه وينك
بنيتك انه شلون انام بلايه عينك
بنيتك انه  گلبي مشتاقه لحنينك
بنيتك انه يتمتني  وي سنينك


ريت الدهر يرجع واشوف عيونك
شلي بحياتي ياالابو من دونك

بفراگه هالگلب انچوى وناره سريه
لاچن يروحي اتيقنت راح منديه

انه حميده.      مسلم اريده
╌────═❁═────╌
انه اريده. يرجع بهايه المسيه
انه اريده. نكعد انه وياه سويه
انه اريده. أدري ابوي يحن عليه
انه اريده. كبل لا تلفي المنيه

اسمع يگولون الابو تچايه
هدتلي حيلي منلقهر الحچايه

فدوات انه العمرك يبو طاهر هديه
لاچن يروحي اتيقنت راح منديه

انه حميده.           مسلم اريده
╌────═❁═────╌
هذا حالي لغالي وينه وابچي سكته
هذا حالي لمرض سلني ونومي عفته
هذا حالي زغيره انه الوالي ردته
هذا حالي بلايه والي وميت انته

من والدي جابوا خبر هليله
كالوا صلاة الوحشه هم صليله

شدولي چفيني بحبل بالغاضريه
لاچن يروحي اتيقنت راح منديه

انه حميده.           مسلم اريده
╌────═❁═────╌
✍باقر جبار الشويلي
للتواصل والاستفسارللقصائد
@MolatyzeenabBBB1_bot
https://www.tgoop.com/lAfiteamoun

عليج ام عون منعوا حتئ القرايه

ردو بلحقد واحفاد مرجانه
حتئ من الحزن هاليوم منعانه
الجولاني الضريح وساد بيبانه

ممنوع اليكصد… ينعاها


هالمره صدك زينب غريبه
لا خدام لا ناعي المصيبه
ولا واحد بجه وعله نحيبه

يالقائم... سجل شكوانا

علينا ام عون منعوها الزياره
سدوا حضرتج مالها جاره
وين أهل العلم وين الغياره

ممنوع.. لينعه عله اخوتهه


يمنعون البجي ونوح  بلحضره
وبگلبج يزينب تكبر الحسره
ولوالاج هسه وحاير من امره

مايكدر ..ينعئ  يمنعونه

منعونه نطب للشام ياشيعه
شيصبر كلوبنا بهاي الفجيعه
نصيح الثأر ياحامي الشريعه

لو يفتي السيد ...نمحيها

✍ابو سلام الجابري
✍باقر جبار الشويلي


https://www.tgoop.com/lAfiteamoun

★•• نخوة لمولاتنا أم البنين "ع" ••★
#وزن_الهجري

ننخاچ ياأم البنين .... بحماچ ياأم البنين
-------------------------------

أنتي باب الله بابچ والوفه عندچ درس
ماكو مقياس لوفائچ عالي واعله من الشمس
يالوفيه ولو اذكرچ احچي وي روحي همس
يا مره وصلت مكانچ جنچ الزهره أحس

انطاچ ياأم البنين .... بحماچ ياأم البنين
❁•━━❁━━❁━━❁━━•❁

مضرب أمثال نعرفتي الكون لجلچ يفتخر
حتماً لساني يتوضئ لون اسمچ ينذكر
والله يامولاتي خيرچ تارس الدنيا شكثر
من قريت الحَمدُ انه بيچ مولاتي ابتشر

عَلّاچ ياأم البنين .... بحماچ يااأم البنين
❁•━━❁━━❁━━❁━━•❁

عن يقين وعن درايه اختاروا لحيدر نسب
وفاطمه اسمچ تمَّيز وانتي ردتي هل لقب
ياهي مثلچ خلفتهم وجابت اسباع العرب
سند لحسين انتي جبتي اربعه وچنهم شعب

حياچ ياأم البنين .... بحماج ياأم البنين
❁•━━❁━━❁━━❁━━•❁

شما يضيگ الوكت بينه الچ بس نقرا الحمد
بكلشي يتسهل امرنه نريد تگضي هالشدد
نحَلفچ بحسين احنه ومنج نريد المدد
انتي مفتاح الجنان وخصچ الباري الصمد

نرجاچ ياأم البنين .... بحماچ ياأم البنين
❁•━━❁━━❁━━❁━━•❁

انطاچ الله هالكرامة يالخدمتي الطاهرين
وكلها تلجأ على بابچ واليجي مترجعين
حاجته تگضيها وبساع لو رفعلچ هالأدين
يالوفية وانتي حلها لكل شددنة تحضرين

جيناچ ياأم البنين .... بحماچ ياأم البنين
❁•━━❁━━❁━━❁━━•❁
تمت بأقلام خدام أهل البيت
✍🏻#باقر_جبار_الشويلي
✍🏻#ولائـية_وافتـخر (دعاء العامري)


للتواصل والاستفسارللقصائد
@MolatyzeenabBBB1_bot
https://www.tgoop.com/lAfiteamoun

قصيده {مسلم بن عقيل}
#نزله_عگيلي

مسلم حيرهم بافعاله
تتراجف كله الخياله
✿────↻✿...✿↺────✿
✿────↻✿...✿↺────✿
مسلم ياشيعه تعرفونه
تتجادح نار من عيونه
بالغيره همه يوصفونه
من عمه الغيره وتحلاله
✿────↻✿...✿↺────✿
مسلم واطباعه المعروفه
من حيدر ماخذ موصوفه
بالسيف يلاعبها الكوفه
ويطيح راسه اليدناله
✿────↻✿...✿↺────✿
صاحو منهو هذآ لجانه
هز الجيش وهد اركانه
والقاده بمسلم حيرانه
تتراجف لْـۆ مر اِخياله
✿────↻✿...✿↺────✿
مسلم لدين ارخص دمه
منك حيدر ماخذ عزمه
سيفه بچفه وصال بهمه
لدين الله اتگطع اوصاله
✿────↻✿...✿↺────✿
من طب عالجيش ولامهرب
عباس الثاني من ضهضب
بالرووس ويشطر چم مرحب
قدمها سيوفهه اعله دلاله
✿────↻✿...✿↺────✿
من دون الجيش انته اختارك
ڱڵـه. اعداك وانته تعارك
قائد للكوفه بفقاااارك
جيش ابن زياد شخلاله
✿────↻✿...✿↺────✿
✿────↻✿...✿↺────✿
✍باقر جبار الشويلي

شوط كربلائي لام البنين

وين ام الكمر عباس وين لتحظر الشده
ننخاها بگلب ملهوف بلدنا سالم ترده
✿────↻✿...✿↺────✿
✿────↻✿...✿↺────✿
نندبج يلوفيه شلون بدموع وگلب مجروح
نحلفج بالوگع بالطف وترس گلبچ عليه اجروح
تحضرينه العراق اليوم يبدويه وگلبنه ينوح


*بضـيم وقهر ظلينه*
*مـاتحظر يامهدينه*
*عجل صدك نادينه*
★وبآلندبه الك نقره صبرنه تعده عن حده★
✿────↻✿...✿↺────✿

يبدويه الوضع يدمي المگابر ترست الصحره
بيد الظالم احنه نموت شباب ومنگطع نحره
مثل عباس ابو الغيره وحيهم صاحت الحره

*شـبان شكثر راحت*
*چم ام لابن ناحت*
*بقلب دامي ووجع صاحت*
★ياباب الحوايج وين بختج والعده برِده★
✿────↻✿...✿↺────✿
ياباب الكرم والجود نندب احنه غيثينه
الوضع نفسه نشوفه اليوم طفج كربله وينه
حقدهم ماتغيره ازمان وجهلهم باقي وسنينه

*نرفض كل ظلم يحسين*
*عشاگ الشهاده سنين*
*مـنهد جف الفظل والعين*

★رفضنه الشرك وي دينه نفسه الظالم وجده★

✿────↻✿...✿↺────✿
نفس جيشه يزيد اليوم ونفس الطاغي يتجدد
وبَين حرمله وحشي وقنفذ بيينه يتوعد
يذبحونه ويذلووونه وكلام ابواحد نردد

*آبو الحسنين الي منهج*
*وعلى لساني عسل يلهج*
*وآحنه ننتظر مخرج*

★يبويه الفرج يمته آبونه ونكعد بسده★
✿────↻✿...✿↺────✿

الج نشرح مصيبتنه يم عباس اسمعينه
طحنه بوليت الظلام والمهدي بطه اعلينه
يكولون العجل بدعه ماتظهر يمهدينه

*نحلفج بالزجيه اليوم*
*گل ظالم ابد ميدوم*
*غركانه السفينه هموم*
★وآجينه باابچ ندگه جيش المهدي والعده★

✿────↻✿...✿↺────✿
✿────↻✿...✿↺────✿

✍بآقر جبآر آلشـويلي

https://www.tgoop.com/lAfiteamoun

مقطع من قصيدة إلى الأمام العباس عليه السلام

#الليلة_الثانية
#للخدام
#تقرا_ثقيله_وشور

انت لو رايد تصير اخدم حسين بضمير
صير بخلاقك حبيب وعشگ عابس
شوف انصار الحسين اعظم مدارس
╌────═❁═────╌

يلي ناوي علخدامه تحلى باخلاق الصحابه
صير عابس وبجنونه تقبل الكلمه برحابه
حسين من تحضرعزائه صير چن مثل السحابه
منهم استلهم دروسك واوفي لحسين ومصابه

*احذر وبالك تطيح*
*صير وي نفسك صريح*

حسين جنه وكله خير الدنيا تارس
شوف انصار الحسين. اعظم مدارس
╌────═❁═────╌

خلي فكرك بالقضيه وصير خادم بالتزامك
لوصعدته المنبر انته انتبهه شنهو كلامك
بعينك المسبيه خلها اقرا وتخيل امامك
اترك الشهره وتعالي وبالك توجه سهامك

*اترك وعوف الرياء*
*واجب تادي العزاء*

العبره اخذه من برير بالحب ينافس
شوف انصار الحسين اعظم مدارس
╌────═❁═────╌

نيتك ويحسين خلها صافيه بنص بالمجالس
لاتضيعه تعبك انته وللعلم خليك دارس
خلي مبدأ وبخدمتك مااگلك صير عابس
خدموا حسين وقضيته محد الهم من منافس

*خادم حسين ليصير*
*بعينها الزهره چبير*

المهدي حاضر بالعزه ووياك جالس
شوف انصار الحسين اعظم مدارس
╌────═❁═────╌
انته قدوة لهاي ناسك سامح وعوف التعالي
حسين ضحه لجلك انته بدمه وبخدر الغوالي
احذر تلچمه بجروحه اخلص ودمعك يلالي
للحسين اقرا القصايد بصوتك وخليه عالي

*ابچي لحسين السليب*
*والجرح ماضن يطيب*

خلي دربك مستقيم أبهالمجالس
شوف انصار الحسين اعظم مدارس
╌────═❁═────╌
✍باقر جبار الشويلي
للتواصل والاستفسارللقصائد
@MolatyzeenabBBB1_bot
https://www.tgoop.com/lAfiteamoun

#قصيده_للانصار
#شجاعة حبيب

تقرأ شور او ثقيل

حي الله انصار حسين
حي الله زلم البيده
╌────═❁═────╌
للخيم لن هم مشوله ضهر ويطك بضهر
الك يحسين احنه جينه وياك حد كطع النحر
تريساها ابن مُظاهر شيخ لنصاره حضر
اليمس اخيام زينب صاحو شحده الگدر

ياحسين وياك خطينه العهد
فدوى لك ياابو علي كلنه وعد
احنه انصارك يغالي للابد 

بس اشر وعد عيناك
زلزال چنه رعيده
حي الله زلم البيده
╌────═❁═────╌
من تجمع بينه ابونه گال هايه كربله
انتم انصار الحسين وهسه وكت الغربله
وانت يالحر الرياحي صول صولة مرجله
يابرير اصل الرجوله ونافع لسيفه اعتله

ندگ صدرنه ام عون صوت ويعتلي
لاتخافين اعله خوتج هلهلي
برايه العباس انقسم تنجلي

ويانه هد العباس
يرف الوه وبجيده
حي الله زلم لبيده
╌────═❁═────╌
ياحسين وياك احنه والله نگطع كل درب
نگطف بروس الاعادي احنه مانعرف صعب
تاهت المشراده عنهم زماط صار وبالحرب
احنه تربات الحرايب فنون عدنه من نطب

اي وحگ سكنه ورقيه استريح
حدر جدم الخيل واحدهم يطيح
باجر تشوفون خيرهم يصيح

بهلحرب صحنه وياك
والموت احنه نريده
حي الله زلم البيده
╌────═❁═────╌
ياخوتي حزام ضهري زامطت بيكم زلم
جنت احاجي ام عون خويه وينهم اهل الشيم
ماكو ناصر يالعقيله وينهم قسموا قسم
والله ماخابت ضنوني من كصدتوني بعزم

ابن ضاهر صوت ناده ياحسين
امشي بزماطك تره ميهمنه بين
والله لنقرلك عيونك يالحنين

زلمك تره حد الموت
ميهمنه كطعت ايده
حي الله زلم البيده
╌────═❁═────╌
زماط عدنه من نزامط ابد مانخلف عهد
من دخلناها المعاره حلوگ شگينه وعد
طلابه عدنه مانهدها الكافل يصيح المدد
شيب شبان وهتفنه گلنه للموت استعد

رگاب ترخصلك يبو الاكبر هتف
من نطبه الحومه نخسفها خسف
بينه فزعه من الگمر واهل الشرف

انضحي لاجلك بالروح
خيبر علي ونعيده
حي الله زلم البيده
╌────═❁═───
خادم السيدة زينب ع
✍باقر جبار الشويلي
نسالكم الدعاء

https://www.tgoop.com/lAfiteamoun

#قصيده _للخدامة
وزن ثلاث ارباع الشيعتي
ميثاق العهد

يحسين وياك خطينه العهد
شيعتك للموت ما نخلف وعد
                *---------------*---------------*
مانعوفك تشهد اعلينه الزجيه
وياك خطينه العهد يابو رقيه
عابس الغيره الشجاعه حيدريه
نصير كلنه سيوف بوجوه ال اميه

صرنالك جنود بالعده وعدد
شيعتك للموت مانخلف وعد
                *---------------*---------------*
ياحسين الثوره منها استلهمينه
وجور اتباع السقيفه رافضينه
بينا زود ونفتخر حيدر ولينه
مدرسة عباس منها تخرجينه
وبزوده عباس ينطينه المدد
شيعتك للموت.مانخلف وعد
                *---------------*---------------*
حسين يارحمة الباري بمعتقدنه
عن احاديث وروايات استندنه
رحمتك يابو علي جامع شملنه
رغم كل تقصيرنه لكن تحبنه

وكل احنه  نهواك ماانگدر بعد
شيعتك للموت مانخلف وعد
                *---------------*---------------*
امبخرات اثيابنه من حرك الخيام
بينه لوعه لزينب الودوها لشام
لسه بينه منالطفوف أثار الاسهام
الابو اليمه نفتخر لو كلنه خدام
كل هاي السنين. دمنه مابرد
شيعتك للموت مانخلف وعد
                *---------------*---------------*
الثار يالمهدي تريده الخدم كلها
وتنتضر يابن علي بفارغ صبرها
تحضروا شيب وشبابك وانت املها
سيفك يصفيها يمته وانت حلها

وخادمك هاليوم عالمنبر صعد
شيعتك للموت مانخلف وعد
                *---------------*---------------*
خادم السيدة زينب ع
✍باقر جبار الشويلي
نسالكم الدعاء

https://www.tgoop.com/lAfiteamoun