‏كنت أتمناك .. تقطع بالأمل ياسي
‏حتى وعودك لو انها كذب ترضيني

‏اليوم ما كل كلمه تجرح احساسي
‏ولا يعَّنيني إلا شي .. يعنيني

‏شعوري إنك مخليني ماهو قاسي
‏القاسي إنك قدرت انك تخليني
ㅤ

‏متأكد أن لو الله ماخلقك إنسان
بتصير مع بِيض السحايب.. سحابة
ㅤ

‏"وأنتِ ترحلين،
‏رأيتُ كل أيامي
‏تعض على أصابعها وتبكي"
‏- رحيم جماعي
ㅤ

‏" شوفتك يا ملح الأيام يالوجه الصبوح
‏تجبر الخاطر وتحيي العظام الميته
‏السرور اللي يجي والسرور اللي يروح
‏أنت سبة روحته .. وأنت سبة جيته "
ㅤ

‏شعور إني أحبك قبل تدري به
‏دريت انه على واقع حياتي فرض

‏حبيبي وانت صوتك من بعد غيبه
‏يسوي مايسويه المطر بـ الأرض
ㅤ

"دواعي سروره تعتريني .. وهو مسرور
‏على وجهه البسمات كنّها على وجهي"

تبي تثبتلي أنك ما تخاف من الشعور الجاي
‏وأنا داري عن شعورك عساك من الوله سالم
‏إذا جالس على أعصابك أنا جالس على مركاي
‏ و إذا واقف على الاطراف أنا واقف مع العالم

‏"تكاثرت خذلاني .. وقفلّت باب اللوم
‏ملامي على روحي وصبري على حِله

‏من العمر كله ، ما اعرف كم باقي يوم
‏لكن جعل باقي يوم .. يسوى العمر كله"

‏يا أول أحبك أنطقها بـ لحظة خشوع
‏كلمة "أحبك" أنت أول محبينها

‏جاوب الطعنة اللي تحت حدب الضلوع
‏فاهك العذب كيف يسل سكينها؟

‏كنك الآه في صدر الكتوم الجزوع
‏وده يموت قبل يقول حرفينها

‏مامعي غير روحٍ ماتعرف الخضوع
‏خايف اسخي بها لـ رضاك وتهينها
ㅤ

‏ياذروة الاحتياج .. وذروة المشتهى
‏كنت المزايا وكل الناس كانوا عيوب

‏وكانت يدينك سراب .. ولا تناوشتها
‏مرّيت مثل الحياه ورحت مثل الهبوب

‏حلوك وحلو الليال اللي معك عشتها
‏مع أنها كانت أقصر من حبال الكذوب

السلام عليكم، شكرًا للخمسمية الموجودين حتى ولو كان سبب وجودهم أن مالهم خلق يطلعون

و اللي بيطلع بعد رسالة الشكر هذي وعدنا يوم عرفة

‏"أنا يا رب ما ودي أموت وما أجيك بشيء
وأنا حتى مخاليقك أجيها مالي يديني"

‏"تجين وكل ما قبلك رماه الوقت للنسيان
‏كأن الغِيد عثرات الخطايا .. و أنتي التوبة"

‏سيّد الليل وأنفاس الفجر والمغيب
‏من شرا شوف عينك ماشكى غشّها

‏لو عصافير حيّك ماتشوفك حبيب؟
‏ما بنت في نوافذ غرفتك .. عشّها
ㅤ

‏معي للراحه اللي في فضا وجهك سنين إرهاق
‏وقلبٍ من سنه وأكثر، و وجهك بس موضوعه

‏من حسن وجهك لحسن ظنك
‏كل الأدب يزداد حسن، وزين

‏وكل "الغزل" يافيك ، يا عنك
‏من خلقة الدنيا .. ليوم الدين!

‏يا اللي مرورك ولو ما كنت تدري؛ مخيْل
‏لك خطوةٍ في الظروف المجدبة معشبة

‏أدخل ضلوعي عسى اللي فات منّك قليل
‏ميّت ظمى وأنت وجهك ما عرفت أشربه

‏يغريني الإختفا .. لا صار صمتك عديل
‏ما ودّي أنّه يسود الظلم، وأستعذبه

‏وماني بـ والله أخاف مْن الغياب الطويل
‏الخوف كلّه أغيب .. وأنت ما تنتبه