‏" رغم إنّي أدلّ الشديد من الكلام
‏الكلمة اللي تحزنه .. ما أقولها "

‏انتي الشغف الاول بالاستمرار و إرضاء الميول
‏وانتي " ثباتي" لاتواجدت .. و غيابك " ميلتي "
‏
‏انتي معك وسليتي بالذات غايه للوصول
‏لو غايتي بس اني امارس معك .. وسيلتي

‏سوالفك ما فيهن مكرر ولا صوتك ملول
‏وانا اغلب ردودي صدى "تكبيري و تهليلتي"

‏دايم حديثي له بقيّه معْك لو انه يطول
‏وتحسد على اشراقة صباحي فيك قمرا ليلتي

‏ربيع عمري والعمر على مدار اربع فصووول
‏واللي خسرته معْك .. هو فايدّتي و حصيلتي

‏ياجعلني ما ادلْ .. لا ضيّعني الطرف الخجول
‏وعيونك انتي " دروبي " .. ونظراتها " دليلتي"
‏
‏يا زين شكل المشكله عندي ويا حلو الحلول
‏دامك عزاي.. فـ كثرة همومي و قِلّة حيلتي

‏احبك .. وماهوب حب اللي يحب وما يقول
‏احبك .. بـ " معزّتي " ما احبك بـ " فشيلتي".

‏صباح الخير من شفتك دريت انه صباح الخير
‏صباح الخير ما بالصبح غير الشمس وعيونك

‏تبسَّم ، خَل نور الشمس يشرق والطيور تطير
‏ترا كل الطيور اللي على الغصن ، يتحرّونك ..!

لايمتلي وجهك من الحزن والخوف
‏وجهك .. حرام يمـرّه اليوم الاقشـر !

‏ترا وجهك الطّاهر عليه الحِزن ما لاق
‏تعودت أشوفك كل ماجيت تضحك لي

ماهوب عيدٍ ماسمح لي بلاماك
‏عزي لـ عينٍ شوفها ما يحوفك.

ثوري معي يا عاشقه في وجه ظالم و اعدلي
‏من حرّم أيّام اللقا .. ما حلل سنين البطا
‏ㅤ
‏بجهل تقاليد العرب و انتي تعالي و إجهلي
‏لا احملك ذنب ، ولا احتمل ذنب و خطا
‏ㅤ
‏كانك بليتي بـ الهوى فـ أنا الحبيب المبتلي
‏تتخيلين إنّي خطا ، و أتخيّلك ستر و غطا.

سـيّـدة شبـه الجـزيرة لا تضـايق
‏من يسـلّي بالـها وأهـديه عمـري

‏علّمـوها في خفى صمـتي حقايق
‏وإنها أجمل من تفيّا روض صدري

‏" بالها لا راق .. صار الكون رايق "
‏كنّي بقـفرٍ خَـضر والسـيل حدري

‏وإن تنَـحّت للغـياب وعـاق عايق
‏لا الشعر مغري ولا الإبداع مغري.

طاح القميص وتهادت كل صبوّة هيام
‏في ليلةٍ توقد اللهفة معاذيرها

‏سلّابة القلب في حضنك يطيب المقام
‏الأزهار غير الندى وش ممكن يثيرها ؟

‏أنت ِ عليك التغنّج فوق سطح الرُخام
‏وأنا علي حبكة أبياتي وتصويرها

‏من ريقك العذب لي في كل ليلة مُدام
‏عِناق الأفواه … يغني عن تعابيرها.

جابها حب القصايد في طريقي لين صارت
‏تلّعب بـ قلبي مثل لعب الهبّايب في شعرها .

انا ضحية حُسّن وجهش الزين
‏ما عاد يغريني جمال الطبيعة.

غصن الوّله ميّل وطاح اللوم
‏ما لـ المكابر فـ الهوى قيمه

‏يـ الي فـ سما بال القصيد تحوم
‏عازف لك من الشوق ترنيمه..

والله إن وجهك يقوّيني على ظروف الحياه
‏أشهد إن المرحبا ماهي تساق .. إلا عليه