الشوق في صّدري له أيام متراْكم.

اكسر شفوفك وعطني من شفاتك
اربع حروف بعضها من حروفك

الصفات اللي تتعبني صفاتك
والوصوف اللي تناسبني وصوفك

طالبك تسمح لي ادخل في حياتك
واترك ظروفي واحاول في ظروفك

لا تحسب ان رغبتي في مغرياتك
لا وربي لا تـجنني بـ خـوفــك

من حسن ذاتك وحشمة مفرداتك
ودي اسمع منك ما يحتاج اشوفك

لا تـعذبني .. معذبني اسـكاتـك
مثل تعذيب الكلام اطراف جوفك

في غيابك لا تحسب الحب فاتك
ينتظر واقـف على بـابه وقوفك

حافظ حبك وذكراك و وصاتك
في مكان ما يجيه الا طـيـوفك

سو خير ان كان ذا الابيات جاتك
واستعن بالله وسمعني حـروفك .

‏ازهميني كل ما خانك .. زمانك وانجرحتي
‏وابشري باللي يضمد لك جروحك بيدينه !

‏ "طلّي عليّ بوجهك .. الغير عادي
‏أحتاج صبح تغار منه الصباحات"

‏كل رشة سحابه . . تذكر الله عليك
‏ياجميل الملامح وانت غصنك ندي

‏ينقص الجو هذا . . بارك الله فيك
‏قهوه وصوتك وضمة يديك لـ يدي !

‏انا مع الضحك عندي نقص فالاكسجين
‏من يوم راحوا حبايب خاطري ورحلو

‏وش يردع القلب عن كثر السهر والحنين
‏ليا وصل فالهوى لا اخر حدود الغلو

‏من بد كل الكلام انا انتظر كلمتين
‏لبيه واشتقت لك ماهوب وينك والو

‏دفاتر الصمت ماليها الكلام الحزين
‏لو رفها فيه عطر وفيه وجهٍ حلو.

‏يا غصن الليان اللي تدلّى من العنقود
‏حكمني غلاك .. بدون تهمة ولا قاضي

‏أنا ودي آخذ حقي .. من الليال السود
‏قبل لا يصير اليوم من حسبة الماضي

‏ماكفّا البساط الاحمدي ظلنا الممدود
‏ولا الظاهر انك كنت راضي و أنا راضي

‏متى بـ نتعامل مع بعضنا ، بدون قيود
‏تعبنا من الرسمية .. اللي على الفاضي.

عاشقك ماعشق فيك البها والجمال
‏عاشقٍ روحك اللي مانثنى باسها

‏كان لعيونك النجلاء يشد الرحال
‏وتقتله سلهمة نجلاك ونعاسها

‏عاشقٍ خلص الممكن معك والمحال
‏ومابقى خطرةٍ لرضاك ماداسها

‏ماقدر يمتنع عن حلم ذيك الليال
‏كل ماجاء يرتـب دنيته حاسـها .

‏معك ياحلو الشعُور ومعك ياحلو السوالف
‏لاضحكت بسبّه ولامن ضحكت بدون سبة
‏⠀
‏أنت يوم الأرض مليانه سواليف و مواقف
‏دلّك الله لـ الكلام اللي أفكر به وأحبّه .

‏الشعور المختلف دايم معاك أحسه
‏ينعكس في وجهي وحلو الكلام اللين

‏أنت حبك لو ورى حدب الضلوع ادسه
‏لا ضحك وجهي سعاده ، والله إنه يبيّن .

‏من حلاك ومن غلاك ومن وفاك ونبلك
‏أعتبرتك حلم مستقبل .. واصالة ماضي !

‏ودي اني حاجةٍ بين العرب تنسب لك
‏و ودي اخشك و انا مسافر ما بين اغراضي

‏من كثر ماودي اشوفك جعلني قبلك
‏لو تواعدني علشان … نتوادع راضي .

على إبتسامه ثغرك العذب الزلال
‏ تحيه الطيب على حلو النبا
‏ㅤ
‏أنت على قلبي مثل مزن الخيال
‏وأنت على روحي مثل ريح الصبا
‏ㅤ
‏ ريح لاهبت على مزعوج بال
‏كنه مصلي الفجر في مسجد قبا .

‏ولا تبالين بالضيقه ما دام إني معك موجود
‏لو إن اللي تحسينه جبل عن عاتقك شلته

‏و أنا فـ أيامك اللي كنها ضافي جديلك سُود
‏أحامي دونك وعمري فدى عينك تساهلته.