*[ حنيت الك ]*

أداء: الملا #محمد_باقر_الخاقاني
كلمات: الشاعر #أحمد_الهلباوي

https://youtu.be/td-WeqWduhI

مجالس شهر محرم الحرام لسنة 1447 هـ - 2025 م
الليلة الثانية من ليالي العشرة الأولى من شهر المحرم
عزاء هيئة مجانين السيدة رقية عليها السلام - العراق - البصرة
حسينية قصر السلطان علي ابن موسى الرضا عليه السلام

مونتاج: أراز الحيدري
مكساج: سجاد الهيفي
مخطوطات: محمد الحسناوي
غلاف: علي الشبيب
إشراف عام: أحمد الخاقاني
تنفيذ: شركة نور الخيام
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَجْ

*[ ما لجرحك مرهم ]*

أداء: الملا #محمد_باقر_الخاقاني
كلمات: الشاعر المرحوم #عبود_غفلة

https://youtu.be/3W6gHca5LrY

مجالس شهر محرم الحرام لسنة 1447 هـ - 2025 م
ليالي الثانية الأولى من شهر المحرم
عزاء موكب طلبة مدينة الرميثة - العراق - كربلاء

مونتاج: سيد كاظم الموسوي
مكساج: أحمد البرمكي
مخطوطات: أبا الحسن عماد - علي الشاهين
غلاف: علي الشبيب
إشراف عام: أحمد الخاقاني
تنفيذ: وارث للإنتاج الحسيني
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَجْ

#وازينباه~
#دخول_السبايا_للشام
بحر الطويل ~
ركب السبايا والحرم وصّل لأرض الشام
وعين الشماته والزلم ترمي وكنها سهام
وروس العشيره معلّگه كنها بدور التام
وزينب عقيلة حيدره بيديها چِتْفو حبال
آه يا زينب آه يا زينب آه يا زينب آه
〰〰〰〰〰〰〰
ومشهد يألّم هالگلب حالة بنات حسين
حادي ظعنهم ناصبي وسوطه على المتنين
وستر الوجه عن هالخلق صار بكفوف يدين
ويشتم ابوها الناصبي ويشتم سبايا الآل واويلاه
آه يا زينب آه يا زينب آه يا زينب آه
〰〰〰〰〰〰〰
جفيري~
وشام النوايب بالفرح
وراسه الحسين على الرمح
بگلب العقيله كم جرح
فوق الهزيله تنسبي
〰〰〰〰〰
وراس الولي عيونه تشوف
كل هالخلق وقفت صفوف
فرحانه تضرب بالدفوف
وتتشمّت بآل النبي
〰〰〰〰〰
وصوت اليتامى بالعويل
وزينب بنت حامي الدخيل
تتمنى لو يمه الكفيل
وينظر خواته بالسبي
خادمة آل محمد✍🏻

*زينب أم المصائب صاحبة العبرات والأحزان*
… لا عجب إذا هاجت أحزانها ، وتفايض قلبها ابالعواطف والمحبّة، وجعلت تندب أخاها بكلمات في ذروة الفصاحة والبلاغة، وتُعتبر أبلغ كلمات سجّلها التاريخ في الرثاء والتأبين، وفي مقام التوجّع والتفجّع.

قال الراوي: فوالله، لا أنسى زينب بنت علي وهي تندب أخاها الحسين بصوت حزين وقلب كئيب: يا محمّداه ! صلّى عليك مليك السماء، هذا حسين مرمّل بالدماء، مقطّع الأعضاء، مسلوب العمامة والرداء، محزوز الرأس من القفا، ونحن بناتك سبايا.

إلى الله المشتكى، وإلى محمّد المصطفى، وإلى علي المرتضى، وإلى فاطمة الزهراء، وإلى حمزة سيّد الشهداء.

يا محمّداه ! هذا حسين بالعراء، تسفي عليه ريح الصبا، قتيل أولاد البغايا.
وا حزناه ! وا كرباه عليك يا أبا عبد الله !
بأبي من لا هو غائب فيُرتجي، ولا جريح فيُداوى.
بأبي المهموم حتّى قضى.
بأبي العطشان حتّى مضى.
لحن الملا عبد الحي قنبر♪
طاحت على جسد الشهيد تنعاه بأشد ندبه
أَوَدْعك وارحل الساعه أدري وداعتك صعبه
جسمك عالترب مرمي واكفانه بعد تُربه
وِبْلايا دفن عاري جسمك عالثرى عريان
〰️〰️〰️〰️〰️
حيرة زينب الحيره عنك أمشيِ وأرحل
واعوفك عالترب مرمي وانه اركب الهِزّل
سامحني يبعد الروح لو ان بيدي الأمر والحل
يمك انصب المأتم واحصّلك بعد دفان
〰️〰️〰️〰️〰️〰️
آيخويه~ اشتكي لله ذبحتك
آيخويه ~ صعبه يا خويه محنتك
آيخويه ~ اگعد وعاينها إختك
بين اجانب~ امشي لا يقولي اميره
بين اجانب~ اختك الساعه اسيره
بين اجانب ~ حيرتي يا خويه حيره
خادمة آل محمد ✍🏻

*نعي مؤلم من مآسي الامام السجاد (ع)*😭
*‏السلامُ على حليف السجدة الطويله، والمُناجات الڪثيرة والدموع الغزيرة•*
*السلام على من رأى أضلاع أبيه تنطحن*
*السلام على من دفن أبيه بلا رأس~ ودفن الرأس بلا جسد~ وحفر بيديه اللحد*
*السلام على من رأى اهل بيته وأبيه ضحايا فوق الرمضاء مجزرين وبالدماء مغسلين اجسادا دون رؤوس من العترة الميامين*
*السلام على من سبّحت القيود والاغلال في يديه وبكت العيون عليه* لحن اسمع عتابي♪
قصة مراثي ~ تقطّع احساسي
تبتدي بالطف… وشام المآسي

جسوم وضحايا ~ بالطف عرايا
عالغبره ناموا ~ واهلي سبايا

بعيني شفتهم ~ من ودعتهم
جثث وبلا روس ~ آنه ادفنتهم

بالغاضريه ~ ومحن ورزيه
أبويه بلا راس ~ دفنته بديه

عاينت الاهوال~ من فوق الِجمال ~ شدوا إيدينه واويلي بحبال

والجامعة أصعب ~ تنظرني زينب
وتبچي لحالي ~ واويلي تنحب

فوق الهزيله ~ الرحلة طويله
قيود وسلاسل ~ دمومي تسيله

والأعظم الشام ~ شْماته وِظِّلاّم
عيون الحقد ها ~ ترمي علينه سهام

ربّاتِ الِـ خدور ~ تدخل هالقصور
مشدودة بحبال ~ بالمجلس تدور

وزينب ولوها ~ اگبالي شْتموها
وبين الأجانب ~ من طلّعوها

واگبالي جابوه ~ راسه وضربوه
بوسط المجالس ~ بالطشت حطوه

ولحظة بخرابه ~ اعظم مصابه
رقية على الراس ~ صاحت يا بابا

بيدي دفنتها ~ طفلة وعفتها
بارض الغرايب ~ من ودعتها
وخاتمة الاحزان ~ تنادي يا عطشان
تواسيني بحسين ~ ومدمعها غدران

ودمعي وبكاءه ~ وحزني وعزاءه
نبكي على حسين~ في كربلاءه
خادمة آل محمد ✍🏻
https://youtu.be/RsYn1i6972g

#وازينباه
*محن مولاتنا زينب ع زادت على  محنة امها فاطمة ع*
زينب أنا ام الحزن شفت المحن كثره
إرثي من امي فاطمة ونار الخيم جمره
أنه الي شفت مطرّحه اخوتي على الغبره
وبعيني عاينت الولي داست عا صدره الخيل
〰️〰️〰️〰️〰️〰️
انه الي زادت محنتي وشفت الأخو مذبوح
جثة عفيرة عالترب ثْلاثه بعد مطروح
وانه الشفت راس برمح ونحر ودمه مسفوح
وسهم المثلث بالگلب ومني انهدم هالحيل
〰️〰️〰️〰️〰️〰️
راس ورمح نحر وذبح وعندي حرم وايتام
محتاره بيهن بالسبي وين اليتيمة تنام
فوق الهزيله من غفت تضربها هالظّلام
صعب عليّه مخدّره بيّه الرزايا تميل
〰️〰️〰️〰️〰️〰
اه يا زهراء ليتك تنظرين ابنتك العقيلة زينب مسبيه بين الاجانب  واخيها طريحا فرق الرمضاء قد رضت صدره الخيول اه اه~
لحن اسمع عتابي~
يُمه البتول ~ عشرة خيول بصدر الحسين ~ تسحق تجول

واحنه خواته~ ومدلّلاته
مشينا سبايا~ بين وشماته

واحد شتمني ~ وواحد ضربني
وسوط،بمتوني  ~ وواحد زجرني

حرمه وغريبه~ والله عجيبه
امشي سبيه~ ياهي مصيبه

بديوان اميه~ ادخل سبيه
وراسه اخويه~ بيد الدعيه

مسلوبه خدري ~ مفجوعه بامري
بالطشت راسه ~ حيّرني دهري
خادمة آل محمد ✍🏻

*زينب ورأس الامام الحسين ع*
وهذا مشهد بكت له زينب واحترق قلبها وتجددت احزانها ولوعتها لمحنة اخيها الحسين ع فساعد الله قلبها حين رات الظالم يضرب راس الحسين ع صح ونادي واحسيناه~~~ لحن الخضيب
راس الولي لا تضربه بسوطك يهالظالم
تشوف العيون مذبّله كنّه الولي نايم
هذا سبط طه النبي وسيد بني هاشم
أثر الجراح بجبهته وشفافه ذبلانه
واحسينا واحسينا واحسينا آه
〰〰〰〰〰〰〰
كل ضربة في قلبي سهم تصوبنيِ بروحي
الظالم بسوطه يضربك وجروحك جروحي
يألمها روحي من انظرك ولاجلك بعد نوحي
شيحمل بعد گلب الأخت آلامه واحزانه
خادمة آل محمد✍🏻

*وارقيتاه~* لحن الخضيب♪
ماتت على راس الولي وتجزيها دمعتها
بوسط الخرابة والسبي شالو جنازتها
شهقت رقية طفلته يم راسه حسرتها
ماتت يا ويلي من القهر وتنادي آيا حسين
يا رقية يا رقية يا رقية آه
〰〰〰〰〰〰〰〰
نوبة تضمه للصدر وتشمه من نحره
وتمسح دمومه وشييته من الدمه حمره
تشوفه عيونه مذبّله وتجذب عليه حسره
فتح عيونك يالولي وجاوبني آيا حسين
يا رقية يا رقية يا رقية آه
〰〰〰〰〰〰〰〰
خادمة آل محمد✍🏻

*وارقيتاه ~ لحن. الجفيري قلب امك يبني مفتت~*
رقية اقتربت من الراس مدت يديها الصغيرتين وضمته اليها وصاحت حسين`~
گعدت يمه تجذب ونّه
تجري العبره فوق الوجنه
تعاين نحره بدمه محنه
تگله بويه فتّح عينك
〰️〰️〰️〰️〰️
صاحت راسك هذا اقبالي
جسمك وينه آيالوالي
يا بعد الروح انت الغالي
نور الباري بوسط،جبينك
〰️〰️〰️〰️〰️
نوبه تحبه ونوبه تضمه
ونوبه براسه راح تشمه
تگله محلا بويه اللّمه
لكن مذبوح الله يعينك
〰️〰️〰️〰️〰️
اخذني وياك يا روح الروح
ما ٱگدر انظر نحرك مذبوح
بوجهك طعن وآثار جروح
كنّي اسمع صوت ونينك
〰️〰️〰️〰️〰️
شفافك ذبلت وجهك اصفر
انظر دامي بويه المنحر
من يتّمني يابو الأكبر
ذِبحك ظامي من وتينك
خادمة آل محمد ✍🏻
https://youtu.be/CejRG5FhkTg

*دموع امام زماننا (عج) على مصيبة يتيمة الحسين (ع) رقية (ع)*
لحن اسمع عتابي~
تجري دموعه ~ ويجذب اللوعه
لمحنة رقية ~ محني ضلوعه

دموعه جريه ~ ينادي رقية
بوسط الخرابه ~ ينصب عزيه

المهدي بونينه ~ يون عالحزينه
يندب رقية ~ الله يعينه

يبكي اليتيمه ~ المحنه عظيمه
مدفونه بالشام ~ غربة وأليمه

جابو إليها ~ راس الـ وليها
وبالطشت حطوه ~ ما بين ايديها

يم راسه ناحت ~ مفجوعه صاحت
تخضب وجهها ~ بدمومه راحت

تگله يغالي ~ عزي ودلالي
راسك اشوفه ~ ودمعي يلالي

اخذ روحي وياك ~ ما ٱگدر عا فرگاك
بويه وحبيبي ~ حسين الله وياك

شهگت على الراس ~ وخمدت الأنفاس
مصاب اليتمة~ يگطع الاحساس

خادمة آل محمد✍🏻

https://youtu.be/RsYn1i6972g

*وارقيتاه~* يا زهراء مدد
*موقف في خرابة الشام زينب وحرائر الرسالة يندبن ويبكين مصاب اليتيمة وقد احاطن بالجنازة بعد ان حفروا قبرها الصغير بالدموع والأنين ولوعات الوداع ولسان حال زينب ع*
لحن الجفيري~
رقية يا غصن الورد
بعدچ صغيره عاللحد
دمعتنا ما تنشف أبد
هالدفنة صعبه بالترب
〰️〰️〰️〰️
منهو يفصّل هالكفن
يشيل الجنازة للدفن
غدّاره يا شام الزمن
نعوفنّچ بأرض الغرب
〰️〰️〰️〰️〰️
تسيل المدامع عالگبر
وتنادي يا ربي الصبر
يالماخذه وياچ العمر
ميته رقيه بيا سبب
〰️〰️〰️〰️〰️
لحن الفراق~
يا رقية ~ محنتك صعبه عليّه
يا رقية ~ علينا جددتي الرزيه
يا رقية ~ واللقا يم الزچيه
*الليلة اللقاء مع فاطمة الزهراء ع*
خبّريها ~ عن مدامع هالجفن
خبّريها ~ عالخرابه والمحن
خبّريها ~ وراري ليها هالمتن
شبيها رقية ؟؟؟؟
زرگه المتون
وحمره العيون
اشتاگت للحسين
وخذها هالحنون

مغمّضه العين
بحضن الحسين
الليله نامت
واجاها هالبين
وارقية وارقية~وارقية وارقية~

خادمة آل محمد✍🏻

*وارقيتاه~ يا زهراء مدد*
موقف تصويري مؤلم~
رقية تخاطب حامل الطشت ~ تگله
يلي جبت لي راس الولي جسمه تركته وين~
ما تدري آنه رقيته وهذا أبويه حسين~
بيديها اويلي حضنته وتصرخ ينور العين~
اجاني الأبو بلا يا جسد چاوينه گلّي الراس
〰️〰️〰️〰️〰️
شفته بحلم اجاني الأبو وماخذنيِ بالأحضان
وبيده مسح راس اليتم وناديته يالعطشان
خلصني من درب السبي والخربه والسجّان
ما حسّبت راسه انظره ويتگطع الإحساس
〰️〰️〰️〰️〰️〰️
واتمددت جنب الرأس وتگله حاچيني
بنتك انا المدلـلّه وانتظرك اتجيني
انت وعدتني يالأبو لا ما تخليني
بهاي الخرابه والسبي وبالغربه بين الناس
خادمة آل محمد✍🏻