🌟Diabetes
🌟مرض السكر
ايه هو المرض دا ؟؟
- عبارة عن مرض مزمن بيتعرضله الشخص
🌟بسبب :
1- البنكرياس مش بيفرز مايكفي من الأنسولين
2- الجسم ( خلايا الجسم ) لا تستجيب للانسولين الذي يفرزه البنكرياس
🌟طب ليه المرض دا ممكن يجيلى أو ايه الحاجات اللى انا ممكن اعملها تزيد من نسبة الإصابة به ؟
1 - زيادة الوزن
2- إرتفاع نسبة الدهون الثلاثية فى الجسم
3 - عدم ممارسة الرياضة
🌟طب ايه أعراضه:
1- العطش
2 - التبول
3 - الجوع الشديد
4- إنخفاض الوزن بدون سبب
5 - تشوش فى الرؤيا
🌟طب يعنى أنا أقدر اتحكم أنى أقلل نسبة الإصابة بمرض السكر ؟؟
- أيوة طبعا
🌟ازاى؟
1- أقلل وزنى
2- أظبط أكلى وأخليه أكل صحى
3- أقلل نسبة الدهون فى أكلى
🌟طب لو للاسف شخص أصيب بيه ؟؟
يحاول بالقدر المستطاع أنه يظبط أكله ويمارس الرياضة
❤❤نخلى بالنا من صحتنا كويس❤❤
❤❤دمتم سالمين❤❤

فوائد القرنفل :

امضغ حبة قرنفل صباحاً و اجعلها في فمك طويلا و مص مائها على مهلك و تحمل طعمها بالبداية و بعدها سوف ترى شيء عجيب مع الوقت…
1- ذاكرة قوية جدا
2- قلب حديد
3- صدرك نظيف لاسعال و لا كحة و لا بلغم
4- مفاصلك ممتازة و حركة من اﻻخر
5- تنظيف للبطن و المعدة من الجراثيم والبكتيريا
6- مسكن للألام الأسنان والحساسيةوألتهاب اللثة وفمك نظيف ورائحة جميلة
7- ما في مشاكل في الكبد و الطحال و الكليتين
8- مقوي للنظر ويذهب غواش العين
9- يعالج التهاب الحنجرة واللوزتين
10- يخفض نسبة السكر و الضغط العالي . ...
لا تنسى ان تصلى على الحبيب محمد :- فمن صلى عليه صلاة صلى الله عليه بها عشرة.🤍✨
#دمتم_سالمين🤍

الإنعاش القلبي الرئوي (CPR)

- لما بتحصل النوبة القلبية "cardiac arrest" بيبقى أمام الإنسان ٣ دقائق قبل التأثير على المخ "global cerebral ischemia"، ويصبح هذا التأثير لا رجعة فيه "irreversible damage" بعد مرور ٨ دقائق، وتحدث الوفاة حال مرور ١٠ دقائق.

- كان فيه حادثة في مباراة لكرة القدم لما اللاعب الدنماركي إريكسون حصل له أزمة قلبية، فتحية للطاقم الطبي اللي أنقذ حياته أثناء المباراة بعمل الإنعاش القلبي الرئوي "CPR" واستخدام الصدمات الكهربائية "AED" قبل مرور تلك الدقائق، فعاد اللاعب لكامل وعيه.

- عبارة عن ايه..؟

• هو إجراء يدوي طارئ يجمع بين ضغطات الصدر غالباً مع التهوية الاصطناعية سعياً للحفاظ على وظيفة الدماغ السليمة يدوياً لحد ما يتم اتخاذ المزيد من الإجراءات (زي الصعق الكهربي في حالة عدم الاستجابة، وحقن الأدرينالين) لإعادة الدورة الدموية والتنفس في الشخص اللي بيعاني من أزمة قلبية أو يكون فاقدًا الوعي.

- غالباً ما بيكون فيه خطر الإصابة بسكتة قلبية في الأشخاص غير الواعين، عشان كدا بنعمل إنعاش القلب في أسرع وقت ممكن.

- لو حصلت سكتة قلبية (المؤشر على ذلك عدم التنفس وعدم وجود علامات أخرى للحياة)
فيجب إعادة انعاش القلب.

- طبعًا مش محتاج أقول نبلغ الإسعاف الأول قبل ما نلمسه ولحد ما يوصل تشتغل عليه "CPR".

هبعت ليكم فيديو بيشرح طريقة عمل الإنعاش القلبي الرئوي عشان مش هعرف أشرحه كتابةً.

#ومن_أحياها_فكأنما_أحيا_الناس_جميعا

مساء الفل
يارب تكونوا بخير "
احيانا بيبقي عدوَّك ذكي لدرجة إنَّك متحسش بوجوده وساعتها بتبقي الضربه منه أقوي من غيره لإن وجوده مكنش مسبب خطر ولا حتي حد حس بيه .. لإنه بيشتغل في صمت وبهدوء فالنهاردة هنتكلم عن مرض بيتعامل بنفس الكيفيه وبيتصرف بنفس الطريقة وهو (القاتل الصامت) وده الإسم الخفي لمرض الضغط العالي وعشان نعرف أكتر عنه تابعوا معايا 🌿
جاهزين؟!
هيا بنااا
أول حاجه هنتكلم عنها هي يعني إي ضغط أصلا وعلي اي اساس بنقول انه كدة عالي !؟
الضغط بيتقسم حاجتين عندي ضغط انقباضي وده ضغط الدم علي جدار القلب أثناء الإنقباضة يعني والقلب بينقبض والمعدل بتاعه المظبوط 120 mm Hg
وعندي ضغط انبساطي وده بيعبر عن ضغط الدم علي جدار القلب أثناء انبساط القلب يعني ما بين الانقباضات وبعضها ومعدله الطبيعي 80 mmHg
وبكدة يبقي ضغطنا الطبيعي 80/120
الضغط العالي هو ان النسبه دي تزيد
يعني ابقي 90/140 فيما فوق ''
وطبيعي ان أي مرض بيبقي ليه أعراض ومن الأعراض دي بنبدأ نتعرف عليه بس لما جينا نبص علي أعراض الضغط العالي لقينا ان ملهوش اعراض !!
بيجيلك ويأثر علي أجزاء كتيره من جسمك وانت مش حاسس عشان كدة اسمه القاتل الصامت
هيسأل احدهم سؤال منطقي جدا دلوقتي
ملوش أعراض ازاي يعني ، اي غلطه في الجسم بتحصل ببدا احس بيها كوسيلة مناعيه عشان اقدر اشتكي فهنقول لاحدهم كلمه صغيرة
مرض الضغط العالي بيعتمد علي انه يعودك علي التكيف يعني انا هعمل تأثير بسيط لدرجه انك مش هتتاثر وبعد ما يبقي ده الطبيعي انك مش حاسس بيه هزود حبه صغيرة كمان وهكذا لحد ما يحقق أهدافه الكامله ومضاعفاته الكبيرة خاالص دي
ثانيه بس كدة
ما انا بحس بأعراض معينه بتعرفني ان ضغطي مرتفع يا دكتورة ، مفيش اعراض إي بقي ؟!
هقلك ان فعلا في علامات بتعرفني ان ده ضغط مرتفع بس دي مش اعراضه ، دي تأثير مضاعفاته علي اعضاء كتير زي القلب والمخ والكلي والأطراف وغيرها من اعضاء جسمك فممكن تسببلك شوية صداع او دوخة او صعوبة تنفس او تشوش النظر مثلا او يتطور لتعب شديد في الجسم وطنين في الودن او تعب في العضلات،ومش بس كدة ده ممكن كمان يعمل مضاعفات في العضو نفسه زي انه يعمل مشكله في عضلة القلب زي فشل أو ضعف للعضله ، كمان زي الذبحة الصدرية والجلطة القلبية او سكته دماغية .. خفت صح !؟
تعالو نشوف الاسباب سوا عشان نتجنبها
الاول الاسباب عندي نوعين عندي اسباب مرضية ودي بتخلي عندي مرض الضغط المرتفع وده مرض مزمن زي مشاكل الغدة الدرقية او ضعف في وظائف الكلي او ارتفاع نسبة الكوليسترول مثلا او الدهون الثلاثية
وعندي اسباب تانيه اسمها عرضية ودي لانها اعراض بتظهر لأيام معينه او لفترة معينه وبتزول بزوال السبب وهي كالآتي :-
_ الحالة النفسية زي الخوف والتوتر والقلق او العصبية لان كل دول بيرفعولي نسبة الأدرينالين و الكورتيزون وبالتالي بيضيق الشرايين وبالتالي بيرفع الضغط
_ كمان السمنه المفرطه ممكن يبقي ليها دور في ارتفاع الضغط
_ كمان لو عندك شوية عادات غذائية خاطئة بردوا هتأثر
_التدخين كمان من اهم الأسباب عشان هي جواها مادة نيكوتين والي بتسبب رفع ضغط الدم بدرجه عاليه بردوا
_كمان استعمالنا الخاطئ للأدوية ممكن يرفع ضغط الدم
_ ونيجي للسبب التنين بتاعنا وهو الكافايين الكتير زي قهوة او شاي عشان المواد دي تراكمها وافراطها بيسبب ارتفاع ضغط الدم .
وعشان نقدر نعمل وقاية منه لازم يبقي عندنا نظام غذائي صح ونحاول نقلل الوزن لو عندنا سِمنه ونحسن حالتنا النفسيع ونبعد عن اي مسببات ضغط او توتر علي قد ما نقدر ونقلل تدخين وكافايين
ونبدا شوية عادات رياضيه يوميه هتفيدنا زي المشي نص ساعه في اليوم هيساعد علي تنشيط الدورة الدموية.
وفي النهاية هنقول ان الضغط عشان تتطمن علي نفسك تقيسه دوريا عشان تتأكد انك بخير متعتمدش علي ظهور الأعراض من عدمها
# تجميعة معلومات من يوتيوب
#آلاء مسعد لاشين💛!

صباح الفلالي💛
يارب تكونوا بخير بيخطر علي بالي دايماً كلمة رقائق الويفر الهشَّة أو كيكة ماما الهشَّة بردوا أو بسكوت نواعم الهشّ وبكون عايزة أعرف يعني إي هشّ الي بنوصف بيها الحاجات دي !
هل اسمها كدة عشان هي ناعمه مثلا ؟! ولا انها سهلة تتكسر !؟ ولا عشان مش قادرة تمسك نفسها مثلا قصاد ضغوطات الحياة زي انها تتغمس في كباية شاي !؟
واكتشفت مؤخراً إنها تعني ده كله فلك أن تتخيل إي الي هيجرالك لو عظم جسمك بقي رقائق ويفر هشًّة ولا بسكوت نواعم الي مبيستحملش ده اي الي هيجرالك !؟
وعشان نفهم إي الي هيحصل يلا بينا نتكلم عن هشاشة العظام ..💛
هيا بنااا .."
الأول كدة خلايا العضم بتاعك مش دايما هي هي لي ؟!
عشان دايما في شوية خلايا بتموت وقصادها في شوية خلايا بتتجدد ودايما بيبقي عندي توازن ما بين الي بيموت والي بيتجدد وبتختلف النسبه علي حسب العمر بتاعك
يعني الأطفال الصغننين محتاجين عضم كتير وعشان كدة بيبقي عندهم الي بيتجدد أكتر من الي بيموت ويفضل كدة لحد ما يكبر ويبقي عنده ٢٠ سنه كدة
وبعد ال٢٠ يبدا التجديد يقل حبه صغيرة فيبقي الي بيموت قد الي بيتجدد عشان يبقي منتظم بقي
ولما يكون فوق ٣٠ سنه بقي تبدا الخلايا تموت أكتر ويبقي الي بيتجدد أقل ..!
قد يتسائل أحدهم وهل ده ثابت في الناس كلها !؟
هقول لأحدهم إن العمليات دي بتفضل ماشية كدة زي الفل طالما بتاكل كويس واكلك منتظم ومنظم حياتك ورياضه صح ولو بدأت تلخبط هتلخبط معاك ونقدر نلخصها في جملة ان قوة عظمك بتعتمد علي الكتلة الي اتكونت وانت شباب والكتله دي عشان تبقي كويسه لازم تبقي بتاكل كويس وتعمل رياضه وحياتك فل الفل يعني
تمام انا عرفت دلوقتي الخلايا واي الي بيجري برضوا اي هي عظام الويفر الي بتتكلمي عنها دي!؟
هشاشة العظام او الي بسميها عظام الويفر دي عبارة عن ان الخلايا الي بتموت شادة حيلها خالص والخلايا الي بتتجدد كسلانه وبالتالي عندي تكسير كتيير خالص خالص فكتلة العظم بتقل وتحسه بقي ليِّن شوية ومش نفس قوته وبتظهر بعد كدة علي هيئة ان العضم ده سهل اوي انه يتكسر او يتعوج مني وممكن يسبب شوية وجع في الضهر كمان وتبقي عرضة انك لو اتحركت حتة حركه صغيرة غلط تتكسر وندخل في دوامة الجبس والالتئام وحوار كبير اوي سيادتك
يبقي دلوقتي نعرف اي الأسباب وازاي اعمل وقاية منه أحسن حتي احنا عارفين ان الوقاية خير من العلاج 💛
تعالو ناخد الأسباب كدة سوا .."
اسباب هشاشة العظام كتير تعالوا نلخصها في شوية نقط صغيرة كدة
ومع أول سبب ونقول ألو😂💛
_اول سبب وأهم سبب هو نقص مستوي الكالسيوم عندك وده بسبب انك مبتاكلش أكل فيه كالسيوم زي البان او خضراوات أو سمك وبالتالي مفيش كالسيوم وبالتالي مفيش عضم كويس عشان الكالسيوم ليه دور كبير خالص في تكوين العضم
_ تاني سبب وهو ان حد يبقي عامل عملية مثلا في جزء من اجزاء الجهاز الهضمي زي المعدة او الامعاء وبالتالي مش هتمتص كالسيوم بكمية كفاية وبالتالي مفيش عضم كويس وانت عرفت لي
_ السبب التالت خاص بالستات ونقوله بصوت واطي خالص عشان محدش يشمت فينا وهو ان الستات بعد سن اليأس بيبقوا أكتر عرضة إنهم يتصابو من الرجاله بس أصلا عادي احنا هنعمل وقاية😌
_ السبب الرابع وهو لو في تاريخ مرضي للعائلة اصلا فممكن يبقي وراثه يعني
_السبب الخامس هو نقص شوية هرمونات جنسية سواء في الستات او الرجاله فبتأثر علي العضم بردوا
_ السبب السادس والمهم عندنا هو الملح الزيادة .. الملح الزايد بيتخلص من الكالسيوم عندي وبالتالي العضم مش هيتكون كويس
_ السبب السابع بيقول ان النحافة الزيادة بردوا بتزود خطر الإصابة بيه عشان بتبقي انسان رفيع خالص فسهل تتكسر من اي وقعه
_وآخر سبب عندي هو شرب المشروبات الغازية بكميات كبيرة عشان بردوا بتتخلص من الكالسيوم !
دي كلها أسبابه فنحاول نتجنبها عشان نعمل وقاية
فالوقاية بتاعتنا هتبقي عبارة عن انك هتهتم بأكلك حلو وكمان تهتم بانك تدخل كالسيوم في أكلك بكمية مناسبة عشان يقدر العضم يتكون حلو زي انك تاكل ألبان وخضراوات وأسماك او عصير برتقال
كمان ناكل فيتامين د عشان يساعد علي امتصاص الكالسيوم بتاعنا ونقدر ناخد فيتامين د من اننا نتعرض لاشعة الشمس مثلا او ناكل سمك او ألبان ومشتقاتها
كمان لازم نعمل رياضة بحيث يبقي جسمنا صحي وتقل عرضة إصابتنا بالهشاشه 💛
وفي النهاية اكيد كلنا بنحب ناكل الحاجات الهشَّة عشان طريِّه كدة وجميلة بس خد بالك ... اوعي عضمك يبقي هشّ عشان ساعتها مش هتبقي حاجه جميلة خالص
# تجميعة معلومات من يوتيوب
# آلاء مسعد لاشين 💛

"Insulin and obesity"

هشرح بالعربي عشان تبقى الدنيا بسيطة إن شاء الله..

- على عكس ما كتير مننا مفكر إن الدهون هي اللي ليها تأثير مباشر على زيادة الوزن، لكن الحقيقة مش كدا خالص..

- الأول لازم تعرف إن كل الأكل اللي أنت بتاكله لما بيمر بعملية الهضم بيتحول لأبسط صوره عشان يدخل الدم، يعني البروتين بيتحول لأحماض أمينية، والدهون بتتحول لأحماض دهنية، والكاربوهيدرات بتتحول لسكريات أحادية، والمكونات البسيطة الثلاثة دي هي اللي الجسم بيقدر يتعامل معاها..

- المكونات الثلاثة البسيطة دي الجسم بيستخدمها إما ل Anabolism (البناء)، أو تمر بعمليات معقدة عشان يجيب منها طاقة.
الأحماض الأمينية في الأغلب بيستخدمها الجسم ل Anabolism وفي حالات بيجيب منها طاقة، والأحماض الدهنية والسكريات بيستخدمها برده في ال Anabolism لكن أقل من الأحماض الأمينية، والاستخدام الأغلب ليها هو الحصول على الطاقة..

- يبقى حتى الآن كل حاجة أنت بتاكلها سواء دهون أو بروتين أو كارب الجسم بيحرقها وبيجيب منها طاقة، طب زيادة الوزن بتحصل ازاي..؟

- من أشهر الطرق اللي بيحصل فيها زيادة مزعجة في وزن الجسم هو إن الجسم بدل ما يستخدم الأحماض الدهنية ويحرقها للحصول على الطاقة بعد هضمها، إنه يرجعها تاني في صورة Fats، الكلام دا بيحصل ازاي..؟

- هرمون الأنسولين هو اللي بيعمل كدا..
الأنسولين بيعمل حاجة لما بيتم إفرازه اسمها "Lipogenesis" بيحول الأحماض الدهنية البسيطة اللي الجسم بيحصل منها على الطاقة لدهون وتتخزن في الجسم..

- طب الأنسولين بيُفرَز امتى..؟
• البنكرياس بيطلع أنسولين لما كمية الجلوكوز تزيد في الدم، يعني بعد ما تأكل وجبة فيها كربوهيدرات، وكلما زادت كمية الكربوهيدرات في أكلك كلما زادت كمية الأنسولين وكلما زاد تخزين الدهون..

- يعني الدهون اللي أنا باكلها مش هي اللي بتزود وزني..؟
• لا مش هي السبب؛ لأن الأنسلوين بيزيد مع زيادة الجلوكوز مش زيادة الأحماض الدهنية، يبقى لو عايز وزنك ميزدش كُلْ ما بدا لك لكن قلل الكارب..

ودا مش معناه إنك تمتنع تمامًا عن أكل النشويات لأن ده ممكن يراكم ال Ketone bodies في جسمك وكمان هيأثر على بناء البروتينات؛ لأنك كدا بتمنع إفراز الأنسولين اللي هو الهرمون الرئيسي في البناء، ولا معناه كمان إنك تزود الدهون في أكلك براحتك، أكيد الدهون ليها أضرار تانية كتير، قد تكون قاتلة، وممنوع تاخد أدوية سكر إلا إذا كنت مريض سكر أو تحت إشراف طبي، أنت بس تتناول دهون صحية باعتدال وتقلل الكارب ووزنك هيبقى معتدل ربنا يحفظنا وإياكم..🤍


#ومن_أحياها_فكأنما_أحيا_الناس_جميعا

كل عام وانتم بخير كل عام وانتم الى الله اقرب كل عام عيدنا يا اجمل متابعين واخلصهم
#شكرا لمتابعتنا وشكرا لبقاءكم معنا حتى في وقت خمولنا
جزاكم الله كل خير ❄💚

هنتكلم انهارده بإذن الله عن :

الاعتلال الدماغي الكبدي واللي بنسميه
"Hepatic encephalopathy" 🧠🗣️
وهو واحد من أهم وأخطر الأعراض النفسية العصبية 😮
"neuropsychiatric syndrome" الخاصة بمرضى الفشل الكبدي سواء الفشل الكبدي الحاد أو المزمن أو التحويلة البابية الجهازية

- acute liver failure "type A"
- porto systemic shunt "type B".
- chronic liver failure "type C"


وقبل ما نعرف ايه الأعراض بتاعته لازم نعرف الاول ايه سببه 🤔

الكبد وظيفته زي ما احنا عارفين هي تخليص الجسم من السموم واهمها
الامونيا "Ammonia" الناتجة من تأثير بكتيريا الامعاء على بروتين الطعام
ويحولها الكبد إلي يوريا "Urea" نتخلص منها في البول

طيب فين المشكلة ؟!

المشكلة إن في حالات الفشل الكبدي .. الكبد مش بيقدر يحول الأمونيا إلي يوريا
فبتتراكم الأمونيا في الدم والمصيبة ان الأمونيا دي من المواد اللي بتقدر تعدي الBBB "Blood brain barrier"

وجود الأمونيا في المخ بيعيق دورة كربس creb's cycle المسئولة عن إنتاج الطاقة
وبدل ما نطلع طاقة يستفيد منها المخ بيطلع مادة ال Glutamine ومواد تانية معروفة بتأثيرها المثبط للمخ
" inhibitory effect on brain "

ومريض الفشل الكبدي لو ماشي كويس بالعلاج بتاعه ومنظم طريقة اكله مش هتحصله المشكلة دي .. طيب امتى تظهر !؟ .. تظهر المشكلة دي مثلا لو زود في اكل البروتين فوق قدرة الكبد أو عنده نزيف في الجهاز الهضمي وتكسير كرات الدم بينتج عنها امونيا كتيرة د
وأسباب تانية كتير ..

بعد ما عرفنا سببه لازم نعرف ايه الأعراض بتاعته ؟! 👩‍⚕️
بنقسمه أعراضه إلي مرحلتين :
1) ما قبل الغيبوبة Pre_Coma :
*تغيرات إيقاع النوم واليقظة
inverted sleep rhythm
*‏تلعثم في الكلام Slurred speech
*‏خمول أو نظرة لا مبالاة Apathy
*‏اهتزاز في اليدين Flapping tremors
*‏توهان Disorientation
*‏تصرفات طفولية childish attitude

2) الغيبوبة Coma :
وبنقدر نحدد درجة الغيبوبة Grading
بWest-Haven Criteria
‏موجودة في التعليقات


تشخيص الحالة دي معتمدة أساساً علي
*التاريخ المرضي History
*الاعراض اللي قولناها فوق
*جهاز الرسم الكهربائي للمخ EEG


بعد ما بقا عندنا معلومات لا بأس بها عن الحالة دي ايه اللي اقدر اعمله مع المريض ده : 👀👀

*لو في مرحلة الغيبوبة لازم تنقله للعناية المركزة.
*تنصحه شويه نصايح بخصوص الاكل Diet أنه يقلل البروتين على قد ما يقدر ويستبدله بالسكريات كمصدر للطاقة ويأكل حاجات بتحتوي على البوتاسيوم زي الموز .
*‏حقنة شرجية عشان تقلل البكتيريا وبالتالي تقلل تكوين الأمونيا وتأثيرها .
*‏ممكن مضاد حيوي للبكتريا .
*‏الدواء الأهم lactulose لان الدواء ده بيعمل حاجتين مهمين جدا مع بعض: بينضف الامعاء من البكتيريا
وبيحول الأمونيا NH3 إلي أمونيوم NH4 "لا يمتص" 😮

*إذا فشلت كل الطرق دي بنضطر نلجأ الي عملية زراعة كبد
"Liver transplantation"

وبكده نكون خلصنا موضوعنا انهارده
#دمتم_بخير 🥰

#Mohamed_Ashraf

"Diabetes Mellitus"

• هل كل مرضى السكر يجوز ليهم الإفطار أو يُسمح ليهم بالصيام..؟

- الدكتور اللي المريض بيتابع معاه هو اللي يقدر يقوله حالتك الصحية تسمح بالصيام أو لازم تفطر.

• مين المرضى الممنوع ليهم الصيام تمامًا..؟

- أولًا لازم المريض يعمل تحليل دم وعلى حسب النتيجة، فاللي جايين دول ممنوع أبدًا يصوموا:

- اللي عنده .F.B.G أكثر من
(300 mg/dl)

- أو HbA1C أكتر من 10%
- اللي حصل له في آخر 3 شهور هبوط حاد في سكر الدم أو حصل له .D.K.A أو .H.H.S
- Pregnant women who suffer from D.M.
- اللي حصله جلطة مؤخرًا.
- اللي بتتكرر عنده نوبات هبوط السكر أو اللي مش بتظهر عليه أعراض هبوط السكر.

• طب امتى المريض اللي مسموح ليه الصيام المفروض يقيس سكره..؟

- بعد السحور بساعتين.
- الظهر.
- قبل المغرب بساعتين مرة و كمان مرة قبل المغرب بساعة.
- وف أي وقت يحس بأعراض ارتفاع أو انخفاض السكر في الدم أو لما يحس بتدني في حالته الصحية.

• طب امتى مريض السكر المسموح ليه إنه يصوم لازم يكسر صيامه..؟

- لو زادت نسبة ال جلوكوز في الدم عن
(300 mg/dl).

- أو نقص عن
(70 mg/dl)
حتى لو فاضل على المغرب فترة قصيرة

- ولو فحص سكر الدم بعد السحور بفترة قصيرة ولقاه أقل من
(90 mg/dl)

وكان المريض آخد أنسولين أو (antidiabetic drugs) زي عائلة ال (sulfonylureas).

- ولو عانى من الجفاف لازم يوقف صيامه، عشان ممكن الجفاف يزود احتمالات تكون الجلطات.

* قال تعالى:
{وَمَا جَعَلَ عَلَيْكُمْ فِي الدِّينِ مِنْ حَرَجٍ}

ضروري جدًا المريض يتابع مع الدكتور وميمشيش من دماغه لأن مضاعفات السكر مفيهاش هزار، شفى الله كلَّ مريض..🤍

#ومن_أحياها_فكأنما_أحيا_الناس_جميعا

"Orthostatic hypotention"
or
"postural hypotention"

اللي في طب يركزوا معايا 🤍

• ذات ليلة في تجمع عائلي وأنتم عارفين بقى التجمعات العائلية اللى فيها دكتور (بالذات لو لسة طالب) مبتخلاش من الأسئلة،
كنا قاعدين فقامت خالتو عشان تعمل لنا شاي لكنها لما قامت مرة واحدة حست بالدوار لجزء من الدقيقة وكانت هتقع
لكن سرعان ما عادت لطبيعتها تاني، يعدُّوها بقى كدا..!
لا لازم يحضَّروا في الموضوع ماجيستير وتلاقى خالك يقولك ماهو بيحصل معايا بردو أحيانًا بس مش باخد ولا بدى عادي يعني،

أنا: جدع يا خالو والله 😂

خالتو: دا سببه ايه يا دكتور

أنا: مش جدعة يا خالتو على فكرة

• المهم، من أكبر الأخطاء اللى بتعملها بشكل مستمر إنك تبقى نايم على السرير لفترة طويلة أو تبقى قاعد مدة طويلة وتقوم تقف مرة واحدة فتلاقى نفسك حاسس بدوخة والدنيا بتلف بيك وممكن تقع على الأرض..

ودا بنسميه

Orthostatic hypotension
Or
postural hypotension

• طيب ايه اللى بيحصل وليه بتحس بالدوخة لما تقوم مرة واحدة كدا وممكن كمان تفقد الوعي.. وايه هي الأعراض فى الحالة دى وازاى أقدر أتفادى دا..؟

- الفكرة إنك وأنت قاعد أو وأنت نايم بيكون الدم فى نفس مستوى جسمك،
فلما بتقوم مرة واحدة بسرعة
أنت فى جزء من الثانية خليت رأسك فى مستوى أعلى من جسمك فى حين إن الدم مش هيطلع للمخ بنفس السرعة بفعل الجاذبية فدا بيقلل ضغط الدم فى المخ، فبتحصل دوخة قد تصل للإغماء.

• طيب اى الأعراض اللى بتحصل يا دكتور..؟

- الدوخة: فبتحس إن الدنيا بتلف بيك.
- وزغللة فى العين وأحيانا ممكن تقع على الأرض وممكن يحصل إغماء..

• طب هو الموضوع خطير يا دكتور..؟

- خطورته تكمن فى معدل حدوثه يعنى لو الموضوع دا متكرر معاك كتير يبقى لازم تزور الطبيب عشان ممكن يكون فيه مشكله أو لو الموضوع سببلك إغماء يبقى لازم تزور الطبيب
لكن لو هو مش متكرر معاك كتير يعنى كل فين وفين على ما بتحصل مفيش خطورة
لكن الأفضل تتفاداه لأن لو وصل إنك تقع على الارض ممكن السقوط يسببلك مشكلة.

• كل دي أسئلة أنت كطالب طب ممكن تتسألها وتتعرض لموقف محرج لو معرفتش رغم إن من قال لا أعلم فقد أفتى، إياك تبقى مش عارف إجابة لسؤال معين وتجاوب عشان منظرك، خليك أمين..

وكل سنة وأنتم طيبين، أعاده الله علينا وعليكم بالخير واليمن والبركات وخرجتم منه مجبوري الخاطر..🤍

- "طالب طب"

#ومن_أحياها_فكأنما_أحيا_الناس_جميعا

البوت مفتوح لأي استشارة او اقتراح

‏امبارح ولد في تانيه ثانوي توفي وهو مروح من المدرسة "اختناق بحبة فول" واللي حواليه محدش فيهم عرف يتصرف فلازم كل الناس تبقي عارفه الاسعافات الاولية للمواقف اللي زي دي..

موقف ممكن يحصل عادي مع أقرب الناس ليك وبإذن الله لو عرفت ازاي تتصرف ممكن ربنا يحفظه بسببك..
ازاي نخرج الجسم الغريب لو حصل انسداد في مجرى الهواء..؟

الفيديو ده عجبني جدًا ولقيته شارح الموضوع أفضل بكتير مما كنت هشرحه كتابةً..
دا بالنسبة للتكنيك مع الكبار..🤍

#ومن_أحياها_فكأنما_أحيا_الناس_جميعا

ازاي تتصرف لو لقيت طفل بيختنق من انسداد مجرى الهواء..؟

#ومن_أحياها_فكأنما_أحيا_الناس_جميعا

📌السلام عليكم
▪️عاملين ايه🤍

🔲قبل كدا كنا سألنا هل فيه علاقة بين الحديد والشاي☕️؟

📌والنهاردا هنجاوب ع السؤال دا ان شاءالله.

⬅️الحديد فيه منه نوعين حيواني " Haem " ونباتي " Non-Haem ". و امتصاص الحديد الحيواني بيكون احسن بكتير من امتصاص الحديد النباتي.

⬅️والشاي زي ما قلنا فيه مادة ال Tannin اللي بتقلل امتصاص الحديد بنوعيه الحيواني والنباتي

▪️كوباية شاي واحدة كفيلة انها تقلل الامتصاص من 75% : 95% ودا بيكون ع حسب نوع الشاي:

▪️عندك الشاي الاسود اعلى حاجة من 79% : 94%.
▪️والشاي بالنعناع بيقلل حوالي 84%.
▪️وشاي البابونج المعروف هو الاقل خطرا بنسبة حوالي 48 %.
▪️وكمان القهوة نفس النظام بحوالي 70%.

👈 ودا لو استمر هنتعرض ل Anemia نتيجة نقص الحديد ف الجسم.

📌طيب انا بحب الشاي ومش عايز ابطل شرب شاي 😅. اعمل ايه؟

🔲اولا: لو انتا شخص نباتي فانت مشكلتك كبيرة لانك مش بتحصل ع الحديد الحيواني اللي هو افضل من النباتي علشان كدا لازم تحافظ ع تناول كميات مناسبة من الحديد النباتي اللي تكفي حاجة جسمك.

🔲ثانيا: سواء كنت نباتي او حيواني علشان تقلل الخطر ه:

1- تشرب الشاي في اوقات غير اوقات الاكل على الاقل قبل الاكل بساعة او بعد الاكل بساعة علشان ميأثرش ع الوجبة اللي هتاكلها.

2- تاكل كمية كافية من فيتامين C اللي موجود ف البرتقان 🍊 والجوافة وكمان ع صورة اقراص بتتباع في الصيدليات لانه بيساعد جدا ع امتصاص الحديد من الامعاء.

📌بس كدا دا كان موضوع بسيط حبينا نوضحه 😁 اللي عنده اي اضافة او سؤال يتفضل في الكومنتس🤍.