كالولي راح وكلت لا مو عالبال
حجاية فراكك مو حجاية التنكال
كبالي ميت واني اكلهم نايم
ان شاء الله تكوم لجهالك سالم
▪▪▪▪
النص الاول
عيوني سولتهه إبچيهه.. حزن فرصه تضل تصب
وهي مو حي الله كلمه..مفارك عيونك صعب
الظلمه ترست روحي بعدك..بوحشه رديت الدرب
الفركه حيل تريد مني..وانه ما عندي گلب
ماحسبتله هالزمن بيك يدور
وراسك اشوفه كبالي ينزف مطبور
شيسكته نوحي وشيكض دموعي
خلوني ادفنه الليله بين ضلوعي
▪▪▪▪
النص الثاني..
حبك يعيش بوتيني..عشگ من الله انفرض
استمع دكات كلبي ..علي علي يدك النبض
ضلوعي والباب وحسرتي.. وحگ ابوي الي انبغض
كلهه سهله ولا ونينك.. اچفي صحتي على المرض
تدنيت يمك ما اسمع بس ونين
بس كلي شنهو اليوجعك يابو حسين
اول مره اجيك وماتفكلي ذراعك
عميه يريت ولا اشوف اوجاعك
▪▪▪▪
النص الثالث..
مبين الغايب عزيزه..جفن مايلكه جفن
مبين المكسور كلبه..يحله بعيونه الدفن
الذله مو مدة جفوفك.. الذله من عاشك يحن
ورده ذبلت من رحيلك..وانكسر بيهه الغصن
وياك اخذني ورجع لعيني النوم
الموت مره..وانه اموت بكل يوم
بكلبي عتب غيرك منو الي يسمعه
معاتب بشر مخنوك كسرو ضلعه
▪▪▪▪
النص الرابع
صفنة عيونك عليمن؟..حاير انت بيا جرح
صفنتك بيهه المخيم..لو عزيزي المنذبح؟
مصيبه ما اعظم رزاهه..وماكو بيهه الينشرح
ناس صعدت عالهزيله..وروس صعدت عالرمح
تدنيت يمك كتلك احجيلي شضام
كتلي يزهره "انه يوجعني الشام"
عندي عقيله تروح ل ارض الغربه
وعندي حنين الخيل تسحگ كلبه
كلام بين مولاتي فاطمة الزهراء ومولاي امير المؤمنين صلوات الله عليهم
إستشهاد امير المؤمنين
حجاية فراكك مو حجاية التنكال
كبالي ميت واني اكلهم نايم
ان شاء الله تكوم لجهالك سالم
▪▪▪▪
النص الاول
عيوني سولتهه إبچيهه.. حزن فرصه تضل تصب
وهي مو حي الله كلمه..مفارك عيونك صعب
الظلمه ترست روحي بعدك..بوحشه رديت الدرب
الفركه حيل تريد مني..وانه ما عندي گلب
ماحسبتله هالزمن بيك يدور
وراسك اشوفه كبالي ينزف مطبور
شيسكته نوحي وشيكض دموعي
خلوني ادفنه الليله بين ضلوعي
▪▪▪▪
النص الثاني..
حبك يعيش بوتيني..عشگ من الله انفرض
استمع دكات كلبي ..علي علي يدك النبض
ضلوعي والباب وحسرتي.. وحگ ابوي الي انبغض
كلهه سهله ولا ونينك.. اچفي صحتي على المرض
تدنيت يمك ما اسمع بس ونين
بس كلي شنهو اليوجعك يابو حسين
اول مره اجيك وماتفكلي ذراعك
عميه يريت ولا اشوف اوجاعك
▪▪▪▪
النص الثالث..
مبين الغايب عزيزه..جفن مايلكه جفن
مبين المكسور كلبه..يحله بعيونه الدفن
الذله مو مدة جفوفك.. الذله من عاشك يحن
ورده ذبلت من رحيلك..وانكسر بيهه الغصن
وياك اخذني ورجع لعيني النوم
الموت مره..وانه اموت بكل يوم
بكلبي عتب غيرك منو الي يسمعه
معاتب بشر مخنوك كسرو ضلعه
▪▪▪▪
النص الرابع
صفنة عيونك عليمن؟..حاير انت بيا جرح
صفنتك بيهه المخيم..لو عزيزي المنذبح؟
مصيبه ما اعظم رزاهه..وماكو بيهه الينشرح
ناس صعدت عالهزيله..وروس صعدت عالرمح
تدنيت يمك كتلك احجيلي شضام
كتلي يزهره "انه يوجعني الشام"
عندي عقيله تروح ل ارض الغربه
وعندي حنين الخيل تسحگ كلبه
كلام بين مولاتي فاطمة الزهراء ومولاي امير المؤمنين صلوات الله عليهم
إستشهاد امير المؤمنين
على بركة الله والامام الرضا صلوات الله عليه
قصيدة استقبال شهر محرم الحرام
...
أقترب يومج كربله وتبدي المصايب
وتنسبي عيال الحسين وي الغرايب
عندي دمعه..
ارد اواسيك على ضيمك..عندي دمعه
وشيجرعه..
شهر بي شتموا حريمك..شيجرعه
▪▪▪▪
النص الأول..
وبمحرم بيه سوله ابقه بعيونك اناجي
كام تلجم بيه عيني من قرب شهر البواچي
صعبه وانت مسلبينك من الظهر اخذوا خواچي
يعينك الله كبال عينك بنتك انسلبت تراجي
وبسلامه ..
عاشور ماظن نيته يكضيهه..بسلامه
والعمامه ..
عالترب متروسه دم تبقه ..العمامه
يا سيد الحب الصدك
بخيامك اتمنى احترك
واقترب يومج كربله وتبدي المصايب
▪▪▪▪
النص الثاني..
هذا كله الي جرالك سيدي كله من ادينه
انت كلبك حيل صافي حتى ماتدعي علينه
احنه دزينه الرسايل بالغدر احنه البدينه
يا حسين شنسوه احنه وانت بجدامك تجينه
وبغربتك..
ماكو احد الك يوكف ..بغربتك
هضموا اختك..
كطعوا جفوف الكفلهه..هضموا اختك
يحسين انت مو سهل
ويموت بأحضانك طف
واقترب يومج كربله وتبدي المصايب
▪▪▪▪
النص الثالث..
زينب الهه" ثنين راحو انت والكافل سويه
من مشيتوا الناس صاحت هاي زينب خارجيه
امنيتي انه الي بديهه الحبل ياريته بديه
زينب جبيره وتكابر شلون لو وصلوا رقيه
من المهه
روحي تصرخ بالمجالس .. من المهه
وشيلمهه..
ذيج لمتكم بعد كلي...شيلمهه
والمات ميرجعه الصبر
لا دمع عين ولا نذر
واقترب يومج كربله وتبدي المصايب
▪▪▪▪
النص الرابع...
شما اقدم خدمه لاجلك مقصر وذنبي وضح
راسك انت وماهو راسي بحجر شمروا وانجرح
ماكو عيله انسبتلي ولا اخو عندي انذبح
لا طفل بين ايدي يعطش وعريسي بالدم ما سبح
بيك انت..
ذني صارن مو بغيرك .. بيك انت
خلهه سكته..
هواي هنه اليوجعنك .. خلهه سكته
سيدي شما طال الزمن
تبقه انت لكليبي وطن
واقترب يومج كربله وتبدي المصايب
ليث جودت
محرم 1442ھ
قصيدة استقبال شهر محرم الحرام
...
أقترب يومج كربله وتبدي المصايب
وتنسبي عيال الحسين وي الغرايب
عندي دمعه..
ارد اواسيك على ضيمك..عندي دمعه
وشيجرعه..
شهر بي شتموا حريمك..شيجرعه
▪▪▪▪
النص الأول..
وبمحرم بيه سوله ابقه بعيونك اناجي
كام تلجم بيه عيني من قرب شهر البواچي
صعبه وانت مسلبينك من الظهر اخذوا خواچي
يعينك الله كبال عينك بنتك انسلبت تراجي
وبسلامه ..
عاشور ماظن نيته يكضيهه..بسلامه
والعمامه ..
عالترب متروسه دم تبقه ..العمامه
يا سيد الحب الصدك
بخيامك اتمنى احترك
واقترب يومج كربله وتبدي المصايب
▪▪▪▪
النص الثاني..
هذا كله الي جرالك سيدي كله من ادينه
انت كلبك حيل صافي حتى ماتدعي علينه
احنه دزينه الرسايل بالغدر احنه البدينه
يا حسين شنسوه احنه وانت بجدامك تجينه
وبغربتك..
ماكو احد الك يوكف ..بغربتك
هضموا اختك..
كطعوا جفوف الكفلهه..هضموا اختك
يحسين انت مو سهل
ويموت بأحضانك طف
واقترب يومج كربله وتبدي المصايب
▪▪▪▪
النص الثالث..
زينب الهه" ثنين راحو انت والكافل سويه
من مشيتوا الناس صاحت هاي زينب خارجيه
امنيتي انه الي بديهه الحبل ياريته بديه
زينب جبيره وتكابر شلون لو وصلوا رقيه
من المهه
روحي تصرخ بالمجالس .. من المهه
وشيلمهه..
ذيج لمتكم بعد كلي...شيلمهه
والمات ميرجعه الصبر
لا دمع عين ولا نذر
واقترب يومج كربله وتبدي المصايب
▪▪▪▪
النص الرابع...
شما اقدم خدمه لاجلك مقصر وذنبي وضح
راسك انت وماهو راسي بحجر شمروا وانجرح
ماكو عيله انسبتلي ولا اخو عندي انذبح
لا طفل بين ايدي يعطش وعريسي بالدم ما سبح
بيك انت..
ذني صارن مو بغيرك .. بيك انت
خلهه سكته..
هواي هنه اليوجعنك .. خلهه سكته
سيدي شما طال الزمن
تبقه انت لكليبي وطن
واقترب يومج كربله وتبدي المصايب
ليث جودت
محرم 1442ھ
القصيده لمولاتي العليله صلوات الله عليها
انت وانه .. بويه من ساعة رحيلك محني ظهري
وللامانه .. شما كبر فركاك يكبر بيه كسري
بويه ما ضلت عيون
شكد ثكيله "الما يجون"
النص الاول..
فراكك هدني .. يالعفتني
يوم بيوم انطر انه اتشافه واخدمك
كالو مذبوح .. وذبحو الروح
وانكطع اقدس مكان البي اشمك
انت وانه من اذكر الكعده سويه
جنت اغارن لو غفت يمك رقيه
زغيره اديه وجنت انومك بين اديه
ضلمه شوفي وجان صوتك يمي ضيه
ليلي كوه.. يخلص وما انام الا ابالي احضنك
كلشي يسوه.. رحل من مات جنحي ويبس غصنك
ماخذتني وي الضعون؟
شكد ثكيله المايجون
▪▪▪▪
النص الثاني..
وي هوه الهاب .. اذكر احباب
مشو عن عيوني لاحضان المكابر
عمتي عالنوك .. طبت السوك
وراس ابوي على الرمح وبضلعه حافر
ضحكة المشتاك "اخ" وعيده دمعه
الوجعه مايعرفهه بس العنده وجعه
السافر يرد لكن المات شيرجعه
عفه كلبي بيش اهيده وبيش اقنعه
تناطر لوين .. تبقه ياكلبي بحسرة الراح عنك
كافي الونين .. هنه منك بيك ثاري اليوجعنك
كلت هان..وما يهون
شكد ثكيله المايجون
▪▪▪▪
النص الثالث..
صفنتي هم .. يابس الدم
اغفه بالحسره وافز بحسره تكتل
اصبر شلون .. ابويه مدفون
ثكيله دمعة الفاكد ابو من تنزل
انتقل الى رحمة الله "رحمة الله"
شيخ المساجد فوكه التراب صله
بيوم الذي شم جبيني وراح غفله
واني من عدهه وكلت مو منهه ل الله
ضي الشمس غاب.. من ظهر عاشر طفه كل نور بيهه
حكهه على العتاب .. حكهه هاي الروح من يكثر نعيهه
دمرت كلبي الظنون
شكد ثكيله المايجون
▪▪▪▪
النص الرابع..
بويه بس كوم .. مو وكت نوم
ولا وكت تتركني يالغيرك شعندي
كوم حبني .. كوم طكني
سوي التريده وفلا تتركني وحدي
"بويه كلي الكاع هم باكت حلاتك"
الله يدري فراكك شسوه ببناتك
يالرحت مني وبقت بس ذكرياتك
كمت اصلي فوك سجادة صلاتك
اخر وداع .. بعد ما اخلي بيدي لراسه حنه
كلي شبساع .. الا يا دار راحو كل اهلنه
المستحيل اصبح يكون
شكد ثكيله المايجون
ليث جودت
محرم 1442ھ
انت وانه .. بويه من ساعة رحيلك محني ظهري
وللامانه .. شما كبر فركاك يكبر بيه كسري
بويه ما ضلت عيون
شكد ثكيله "الما يجون"
النص الاول..
فراكك هدني .. يالعفتني
يوم بيوم انطر انه اتشافه واخدمك
كالو مذبوح .. وذبحو الروح
وانكطع اقدس مكان البي اشمك
انت وانه من اذكر الكعده سويه
جنت اغارن لو غفت يمك رقيه
زغيره اديه وجنت انومك بين اديه
ضلمه شوفي وجان صوتك يمي ضيه
ليلي كوه.. يخلص وما انام الا ابالي احضنك
كلشي يسوه.. رحل من مات جنحي ويبس غصنك
ماخذتني وي الضعون؟
شكد ثكيله المايجون
▪▪▪▪
النص الثاني..
وي هوه الهاب .. اذكر احباب
مشو عن عيوني لاحضان المكابر
عمتي عالنوك .. طبت السوك
وراس ابوي على الرمح وبضلعه حافر
ضحكة المشتاك "اخ" وعيده دمعه
الوجعه مايعرفهه بس العنده وجعه
السافر يرد لكن المات شيرجعه
عفه كلبي بيش اهيده وبيش اقنعه
تناطر لوين .. تبقه ياكلبي بحسرة الراح عنك
كافي الونين .. هنه منك بيك ثاري اليوجعنك
كلت هان..وما يهون
شكد ثكيله المايجون
▪▪▪▪
النص الثالث..
صفنتي هم .. يابس الدم
اغفه بالحسره وافز بحسره تكتل
اصبر شلون .. ابويه مدفون
ثكيله دمعة الفاكد ابو من تنزل
انتقل الى رحمة الله "رحمة الله"
شيخ المساجد فوكه التراب صله
بيوم الذي شم جبيني وراح غفله
واني من عدهه وكلت مو منهه ل الله
ضي الشمس غاب.. من ظهر عاشر طفه كل نور بيهه
حكهه على العتاب .. حكهه هاي الروح من يكثر نعيهه
دمرت كلبي الظنون
شكد ثكيله المايجون
▪▪▪▪
النص الرابع..
بويه بس كوم .. مو وكت نوم
ولا وكت تتركني يالغيرك شعندي
كوم حبني .. كوم طكني
سوي التريده وفلا تتركني وحدي
"بويه كلي الكاع هم باكت حلاتك"
الله يدري فراكك شسوه ببناتك
يالرحت مني وبقت بس ذكرياتك
كمت اصلي فوك سجادة صلاتك
اخر وداع .. بعد ما اخلي بيدي لراسه حنه
كلي شبساع .. الا يا دار راحو كل اهلنه
المستحيل اصبح يكون
شكد ثكيله المايجون
ليث جودت
محرم 1442ھ
"مقدمة عزاء" كعديه
إستقبال محرم
النص الاول...
إذن آذان الحسين بصوت مرأه بي الم
اشهد ولا ضلع باقي ولا جفوف ولا علم
اشهد ان العين راحت بين ثنيات السهم
حي ع الماعدهه اخوهه وطولهه بعازة خيم
ماتفيد الدمعه والاه
ولا يكفيني اللطم حيل
بقلة القله من اواسيك
كون اهد بالمجلس الخيل
حي على محرم
▪▪▪▪
النص الثاني..
بيين هلال النواعي وفارك عيوني الفرح
يافرح هذا الاشوفه وشمعة الزهره انذبح
النوك كسرت جم عزيز وطول علويه انلمح
رجعت اركان الهضيمه المابچاهن ما فلح
وابتده شهر المصيبه
وتبدي زينب ياغريبه
ويرجع اللطم ع الضعون
وعلى الخدود التريبه
▪▪▪▪
النص الثالث..
عاينت شفت القميص بنص الهلال نزل
كلت يعني الزهره اجتنه تصيح وليدي انكتل
جان وصله من البياض وبالطف تكطع وصل
ياجرح قد جائنا شهر السبي بما حمل
اربعين الشبه يخلق
وانت ما سوالك ثنين
اليريد الله يحبه
فقط بس يلطم عالحسين
حي على محرم
▪▪▪▪
النص الرابع..
عليك اغار من اليزورك لو عطر صحنك شهك
انه اريدك بس اليه وما يهمني بالخلك
شدني للخيمه حبال شدني يم بابك علك
حطني جف تراب بالطف خل احس بالانسحك
يا هلالأ فارك العين
يا هويتي وصيتي واسمي
اخذو كلشي من حياتي
وخلو بس حسين يمي
إستقبال محرم
النص الاول...
إذن آذان الحسين بصوت مرأه بي الم
اشهد ولا ضلع باقي ولا جفوف ولا علم
اشهد ان العين راحت بين ثنيات السهم
حي ع الماعدهه اخوهه وطولهه بعازة خيم
ماتفيد الدمعه والاه
ولا يكفيني اللطم حيل
بقلة القله من اواسيك
كون اهد بالمجلس الخيل
حي على محرم
▪▪▪▪
النص الثاني..
بيين هلال النواعي وفارك عيوني الفرح
يافرح هذا الاشوفه وشمعة الزهره انذبح
النوك كسرت جم عزيز وطول علويه انلمح
رجعت اركان الهضيمه المابچاهن ما فلح
وابتده شهر المصيبه
وتبدي زينب ياغريبه
ويرجع اللطم ع الضعون
وعلى الخدود التريبه
▪▪▪▪
النص الثالث..
عاينت شفت القميص بنص الهلال نزل
كلت يعني الزهره اجتنه تصيح وليدي انكتل
جان وصله من البياض وبالطف تكطع وصل
ياجرح قد جائنا شهر السبي بما حمل
اربعين الشبه يخلق
وانت ما سوالك ثنين
اليريد الله يحبه
فقط بس يلطم عالحسين
حي على محرم
▪▪▪▪
النص الرابع..
عليك اغار من اليزورك لو عطر صحنك شهك
انه اريدك بس اليه وما يهمني بالخلك
شدني للخيمه حبال شدني يم بابك علك
حطني جف تراب بالطف خل احس بالانسحك
يا هلالأ فارك العين
يا هويتي وصيتي واسمي
اخذو كلشي من حياتي
وخلو بس حسين يمي
نزلة شجاعه لمولاي ابا الفضل صلوات الله عليه
لا ذبح لا سبي بالطف لا دمع ما صار بي
النوح يا زينب عليمن انتي سيف وحاربي
حرمه لكن للعلم
حجابهه مخضع زلم
النوح يا زينب عليمن انتي سيف وحاربي
▪▪▪▪
النص الاول..
بالي يمج راح اعوفه وانتي أمشي بفالج
والكفو بيهم يكرب لو يشوف اخيالج
انتي بس ذكريله اسمي وخل أمر ابالج
والله انزل الكاع بيهم وافعل يحلالج
سطرة جفوفي قهر
توصل لسابع ظهر
انه بالشدات عندي السيف اخوي وصاحبي
النوح يا زينب عليمن انتي سيف وحاربي
▪▪▪▪
النص الثاني..
روحي بس برديلي گلبي رحتي ما زعلانه
هسه أصيح بصوت حيدر افزع تلكانه
حيدر اهوايه عليهم راح أهد بس انه
"همه بس الجيش عدهم وأنه كلي ويانه"
واليجيني اكباله
مايرد بعكاله
راح أهد وأنه واكف بس اشيل بحاجبي
▪▪▪▪
النص الثالث..
هذا كل الي وصلج بي غلط مضمونه
والله انه الما اطكه ماكل بماعونه
لو احس بي مره شايف علي بين اعيونه
غير ذني كمت الوح البي فرك بسنونه
بدوي واكف عالماي
وحدي رايح جاي
الناس قالبهه الترافه وانه سيف بقالبي
▪▪▪▪
النص الرابع...
هذا النص الامام صلوات الله عليه يتمنى لقائه بالشمر لعنة الله عليه
راح أسافر يم ابوي اهناك أفرد حالي
وابق اراقب من سمه الله شوكت يصعد خالي
واوكف بوجهه واكله ها يشاغل بالي
هسه ارد ثار تراجي وارد اثبت افعالي
راح اطب بغايتي
بصاية الله وصايتي
ماعفت دكتي لصدري وكضتي لشواربي
محرم 1442ھ
ليث جودت
لا ذبح لا سبي بالطف لا دمع ما صار بي
النوح يا زينب عليمن انتي سيف وحاربي
حرمه لكن للعلم
حجابهه مخضع زلم
النوح يا زينب عليمن انتي سيف وحاربي
▪▪▪▪
النص الاول..
بالي يمج راح اعوفه وانتي أمشي بفالج
والكفو بيهم يكرب لو يشوف اخيالج
انتي بس ذكريله اسمي وخل أمر ابالج
والله انزل الكاع بيهم وافعل يحلالج
سطرة جفوفي قهر
توصل لسابع ظهر
انه بالشدات عندي السيف اخوي وصاحبي
النوح يا زينب عليمن انتي سيف وحاربي
▪▪▪▪
النص الثاني..
روحي بس برديلي گلبي رحتي ما زعلانه
هسه أصيح بصوت حيدر افزع تلكانه
حيدر اهوايه عليهم راح أهد بس انه
"همه بس الجيش عدهم وأنه كلي ويانه"
واليجيني اكباله
مايرد بعكاله
راح أهد وأنه واكف بس اشيل بحاجبي
▪▪▪▪
النص الثالث..
هذا كل الي وصلج بي غلط مضمونه
والله انه الما اطكه ماكل بماعونه
لو احس بي مره شايف علي بين اعيونه
غير ذني كمت الوح البي فرك بسنونه
بدوي واكف عالماي
وحدي رايح جاي
الناس قالبهه الترافه وانه سيف بقالبي
▪▪▪▪
النص الرابع...
هذا النص الامام صلوات الله عليه يتمنى لقائه بالشمر لعنة الله عليه
راح أسافر يم ابوي اهناك أفرد حالي
وابق اراقب من سمه الله شوكت يصعد خالي
واوكف بوجهه واكله ها يشاغل بالي
هسه ارد ثار تراجي وارد اثبت افعالي
راح اطب بغايتي
بصاية الله وصايتي
ماعفت دكتي لصدري وكضتي لشواربي
محرم 1442ھ
ليث جودت
توكلت بأسمك انت شد جروحي
بس انت تفهم شنو اليوجع روحي
بس جرحك لامس وجداني
يا اول يل مالك ثاني
▪▪▪▪
النص الاول..
أول رحلتي وي العشك ... جنت العشك ما فهمه
وبقصتي ما شفت الجرح ... ماعذبتني القسمه
لمحبوبي ادخل مختنك ... من يمه اطلع نسمه
النعمه مو زاد وشرب ... الحسين اعظم نعمه
يا ابو كليبي ويا اعز اعزازه
ترجعني لاهلي من اجيك جنازه
بالطافك وردت اغصاني
يا اول يل مالك ثاني
▪▪▪▪
النص الثاني..
مرضاك هاي طلبتي ... وانت الي تنطي الطلبه
يا اول واخر صدك ... كل الي مرو جذبه
الحب حلاته بالدمع ... المابي جرح ما حسبه
خل كلبي يمك ينكسر ... ارتاح من تعذبه
عذبني خل ارتاح وابقه بأيدك
وبكثر ما تلجمهه روحي تريدك
اهيم وبجروحك الكاني
يا اول يل مالك ثاني
▪▪▪▪
النص الثالث
حاسبهه بيتي حضرتك ... ما ادخل بتسياره
والمالهن چاره شكثر ... بشباجك الكه الچاره
ما تصعب وانت ال نطه..لكمت عياله لجاره
الفك صدره وتلكه الفرس ... ماظن يرد خطاره
وتكلي ابشر يالوكفت ابابي
تنطيني حتى الما اجت بحسابي
ما مديت ايدي ورداني
يا اول يل مالك ثاني
▪▪▪▪
النص الرابع
جم شده بوجودك كضت ... لولاك ابقه اتلوه
ما اكلك وتفزع الي ... ما ينخي البي نخوه
دورت اليشبهك لجن ... ما شفت واحد يسوه
يا اخو المامثله اخو ... يمك وتكضي الخوه
كل خوه بعدك بيهه ما نتباهه
الخوه بس حسين حكهه انطاهه
يا اعظم خلق الاكواني
يا اول يل مالك ثاني
▪▪▪▪
النص الخامس
ضاع الجمال بكربله .. والرمل باگ رسومه
طاح الحنين على الارض.. مايكدر على الگومه
مولاي نايم بالشمس .. وجانت اله اخر نومه
وعيونه تربي على الخيم .. و طويل درب الحومه
طايح حبيبي وهالخيول تريده
ماعنده "ايد" وحتى يصفك ايده
تولونه القاصي والداني
يا اول يل مالك ثاني
محرم 1442ھ
ليث جودت
بس انت تفهم شنو اليوجع روحي
بس جرحك لامس وجداني
يا اول يل مالك ثاني
▪▪▪▪
النص الاول..
أول رحلتي وي العشك ... جنت العشك ما فهمه
وبقصتي ما شفت الجرح ... ماعذبتني القسمه
لمحبوبي ادخل مختنك ... من يمه اطلع نسمه
النعمه مو زاد وشرب ... الحسين اعظم نعمه
يا ابو كليبي ويا اعز اعزازه
ترجعني لاهلي من اجيك جنازه
بالطافك وردت اغصاني
يا اول يل مالك ثاني
▪▪▪▪
النص الثاني..
مرضاك هاي طلبتي ... وانت الي تنطي الطلبه
يا اول واخر صدك ... كل الي مرو جذبه
الحب حلاته بالدمع ... المابي جرح ما حسبه
خل كلبي يمك ينكسر ... ارتاح من تعذبه
عذبني خل ارتاح وابقه بأيدك
وبكثر ما تلجمهه روحي تريدك
اهيم وبجروحك الكاني
يا اول يل مالك ثاني
▪▪▪▪
النص الثالث
حاسبهه بيتي حضرتك ... ما ادخل بتسياره
والمالهن چاره شكثر ... بشباجك الكه الچاره
ما تصعب وانت ال نطه..لكمت عياله لجاره
الفك صدره وتلكه الفرس ... ماظن يرد خطاره
وتكلي ابشر يالوكفت ابابي
تنطيني حتى الما اجت بحسابي
ما مديت ايدي ورداني
يا اول يل مالك ثاني
▪▪▪▪
النص الرابع
جم شده بوجودك كضت ... لولاك ابقه اتلوه
ما اكلك وتفزع الي ... ما ينخي البي نخوه
دورت اليشبهك لجن ... ما شفت واحد يسوه
يا اخو المامثله اخو ... يمك وتكضي الخوه
كل خوه بعدك بيهه ما نتباهه
الخوه بس حسين حكهه انطاهه
يا اعظم خلق الاكواني
يا اول يل مالك ثاني
▪▪▪▪
النص الخامس
ضاع الجمال بكربله .. والرمل باگ رسومه
طاح الحنين على الارض.. مايكدر على الگومه
مولاي نايم بالشمس .. وجانت اله اخر نومه
وعيونه تربي على الخيم .. و طويل درب الحومه
طايح حبيبي وهالخيول تريده
ماعنده "ايد" وحتى يصفك ايده
تولونه القاصي والداني
يا اول يل مالك ثاني
محرم 1442ھ
ليث جودت
يا وجه الله وشمسنه الساطعه
الرضعان مثلك لو ابد ما راضعه
يا مليك السمه والبر
سيدي يا علي الاكبر
▪▪▪▪
النص الاول..
هيبته حامي الحميه
والشجاعه هاشميه
وجهه قدوس وبهي
كل وصال العشك ناله
ما خلق الله بجماله
دخليه مرضي ورضي
احسد اليكتب حروفه
لو يشوف الي يشوفه
اعتبره بالدنيا غني
انت قربان العرش واوتاده
ياسمه الحب يا جميل الساده
بوجهك الصفنه احلى منظر
سيدي يا علي الاكبر
▪▪▪▪
النص الثاني
الغيره مسراهه بدمائه
تحت ضل طوله ولوائه
حاكم ادوار الفلك
بعدك باول سنينك
الجنهه خلهه الله بيمينك
والارض منك الك
خصله بيك الكرم شيمه
الراد ماي..انطيته غيمه
الما حظه بوصلك هلك
يا مغيث الي يطيح بحيره
الغيره كطره وانت نهر الغيره
الغيره يم ريشاته تفتر
سيدي يا علي الاكبر
▪▪▪▪
النص الثالث..
يامعين الماله حيله
مبخت الناس الذليله
ياظهير الماله احد
المدلك جفوفه ودموعه
وتوسلك كلبه بخشوعه
تشوفه للقمه صعد
العنده مستصعب ينوله
فقط بس اسمك يكوله
يا علي الاكبر مدد
كرم كل بيت الهواشم شايل
تنطي روح ومانطيت بسائل
امن يجيب الذي مضطر
سيدي يا علي الاكبر
▪▪▪▪
النص الرابع..
فتى من نسل محمد
بالشجاعه عابر الحد
وجزه مقياس الشهم
ماكو فارس الا هوه
رركب على الهوه حذوه
ورخص بسوك الزلم
كل لعمه كرب وكتي
ما ارد..وترد جثتي
كله عمه والنعم
لمن بالطف شاف ابو ضل حاير
صاح من ناصر زمطله حاضر
سوه روس الزلم معبر
سيدي يا علي الاكبر
▪▪▪▪
النص الخامس..
هيبته ترعد دخيله
الكثره بعيونه قليله
هذا شيخ المرجله
هاشمي حيد الطوالب
ميزته فرك الشوارب
عنه تشهد كربله
وحده مايثني بيده
يميل للصيده البعيده
والصعب يستسهله
خير خلق الله شد عنانهه
الزلم تتعثر صفت بلسانهه
ياقسيم الخير والشر
سيدي يا علي الاكبر
الرضعان مثلك لو ابد ما راضعه
يا مليك السمه والبر
سيدي يا علي الاكبر
▪▪▪▪
النص الاول..
هيبته حامي الحميه
والشجاعه هاشميه
وجهه قدوس وبهي
كل وصال العشك ناله
ما خلق الله بجماله
دخليه مرضي ورضي
احسد اليكتب حروفه
لو يشوف الي يشوفه
اعتبره بالدنيا غني
انت قربان العرش واوتاده
ياسمه الحب يا جميل الساده
بوجهك الصفنه احلى منظر
سيدي يا علي الاكبر
▪▪▪▪
النص الثاني
الغيره مسراهه بدمائه
تحت ضل طوله ولوائه
حاكم ادوار الفلك
بعدك باول سنينك
الجنهه خلهه الله بيمينك
والارض منك الك
خصله بيك الكرم شيمه
الراد ماي..انطيته غيمه
الما حظه بوصلك هلك
يا مغيث الي يطيح بحيره
الغيره كطره وانت نهر الغيره
الغيره يم ريشاته تفتر
سيدي يا علي الاكبر
▪▪▪▪
النص الثالث..
يامعين الماله حيله
مبخت الناس الذليله
ياظهير الماله احد
المدلك جفوفه ودموعه
وتوسلك كلبه بخشوعه
تشوفه للقمه صعد
العنده مستصعب ينوله
فقط بس اسمك يكوله
يا علي الاكبر مدد
كرم كل بيت الهواشم شايل
تنطي روح ومانطيت بسائل
امن يجيب الذي مضطر
سيدي يا علي الاكبر
▪▪▪▪
النص الرابع..
فتى من نسل محمد
بالشجاعه عابر الحد
وجزه مقياس الشهم
ماكو فارس الا هوه
رركب على الهوه حذوه
ورخص بسوك الزلم
كل لعمه كرب وكتي
ما ارد..وترد جثتي
كله عمه والنعم
لمن بالطف شاف ابو ضل حاير
صاح من ناصر زمطله حاضر
سوه روس الزلم معبر
سيدي يا علي الاكبر
▪▪▪▪
النص الخامس..
هيبته ترعد دخيله
الكثره بعيونه قليله
هذا شيخ المرجله
هاشمي حيد الطوالب
ميزته فرك الشوارب
عنه تشهد كربله
وحده مايثني بيده
يميل للصيده البعيده
والصعب يستسهله
خير خلق الله شد عنانهه
الزلم تتعثر صفت بلسانهه
ياقسيم الخير والشر
سيدي يا علي الاكبر
كلام مولاي ابي الفضل العباس لاخيه الحسين صلوات الله عليهم قبل الوداع
اليوم هذا اخر لقاء ابينه
وباجر العاشر نموت ثنينه
يخلص الطف..ينتهي بابشع صور
تدنه يمي...خل اشمك بالنحر
▪▪▪▪
النص الاول..
الليله اخر ليله اشوفن راسك ونحرك
باجر ال الله يرحمه تنحجي بظهرك
باجر ولا ضلع صاحي يبقه من صدرك
لكن انه ما اعوفك كبري يم كبرك
الليله لتخليني اعوفك
باجر موذر اشوفك
ياعضيدي..هذا موت ومو سفر
اتدنه يمي...خل اشمك بالنحر
▪▪▪▪
النص الثاني..
كلب ماعندي لوداعك حيل مابيه
باجر عيوني التحبهه تصير معميه
خل احضنك باجر انه جفوفي ماهيه
خويه ذبلني العطش والروح مجويه
موش موت الله متت
انه بالخيل اندست
انت عايش..واني احس ظهري انكسر
اتدنه يمي..خل اشمك بالنحر
▪▪▪▪
النص الثالث..
جتي زينب فوك نحرك لطمت وناحت
صوتهه تغير يخويه بكثر ماصاحت
تشوفهه وكبال عينك وي غرب راحت
تمشي واخوه وياهه ماكوشلون لوطاحت
تطيح خاف وتنولي
تصيح وينك كافلي
واليكفلج..كلهه مرمي عالنهر
اتدنه يمي خل اشمك بالنحر
▪▪▪▪
النص الرابع..
على خيامك خلي عينك جي حرم بيهه
زينب لوحدهه باجر جمر يجويهه
وبوسلي دمعة رقيه وسلم عليهه
ديربالك لا يجروهن تراجيهه
وخنصرك جيبه اليه
وانت هاك جفوف اديه
ولبناتك..دموعي اسويهن بحر
تدنه يمي..خل اشمك بالنحر
اليوم هذا اخر لقاء ابينه
وباجر العاشر نموت ثنينه
يخلص الطف..ينتهي بابشع صور
تدنه يمي...خل اشمك بالنحر
▪▪▪▪
النص الاول..
الليله اخر ليله اشوفن راسك ونحرك
باجر ال الله يرحمه تنحجي بظهرك
باجر ولا ضلع صاحي يبقه من صدرك
لكن انه ما اعوفك كبري يم كبرك
الليله لتخليني اعوفك
باجر موذر اشوفك
ياعضيدي..هذا موت ومو سفر
اتدنه يمي...خل اشمك بالنحر
▪▪▪▪
النص الثاني..
كلب ماعندي لوداعك حيل مابيه
باجر عيوني التحبهه تصير معميه
خل احضنك باجر انه جفوفي ماهيه
خويه ذبلني العطش والروح مجويه
موش موت الله متت
انه بالخيل اندست
انت عايش..واني احس ظهري انكسر
اتدنه يمي..خل اشمك بالنحر
▪▪▪▪
النص الثالث..
جتي زينب فوك نحرك لطمت وناحت
صوتهه تغير يخويه بكثر ماصاحت
تشوفهه وكبال عينك وي غرب راحت
تمشي واخوه وياهه ماكوشلون لوطاحت
تطيح خاف وتنولي
تصيح وينك كافلي
واليكفلج..كلهه مرمي عالنهر
اتدنه يمي خل اشمك بالنحر
▪▪▪▪
النص الرابع..
على خيامك خلي عينك جي حرم بيهه
زينب لوحدهه باجر جمر يجويهه
وبوسلي دمعة رقيه وسلم عليهه
ديربالك لا يجروهن تراجيهه
وخنصرك جيبه اليه
وانت هاك جفوف اديه
ولبناتك..دموعي اسويهن بحر
تدنه يمي..خل اشمك بالنحر
السيده زينب تخاطب النهر..
وين راح..عباس يمك يانهر ضيعته
خو ما طاح..بس كله لسه تنتظر جيته اخته
لمن اجالك مارجع
كله ترى حسينك وكع
خو ماطاح..بس كله لسه تنتظر جيته اخته
النص الاول..
كله العفتهه بغيبتك لسا بعدهه اتانيك
وياك تحجي ولو رحت وي روحهه تسولف بيك
مو خوف طفتهه الخيم خافت النار تجويك
ترسم عيون بلاسهم خاف الرسم هم ياذيك
احجيله عني و وصل الصار وياي
عباس هذا الشوفته تعادل ماي
فراكه مثل نار وشمع
مثل امي كاسرلي ضلع
لو ضاع مني اني الومك انته
بس كله لسه تنتظر جيته اخته
النص الثاني...
مو هو يتركني بغرب وابقه بهضم روحي احتار
عالكاع لو خلي اثر يمحيهه ماتبقه اثار
عشنه كلب يعشك كلب مملوح عشك الزغار
لو صوتي هو يسمعه من روحه هم يبقه يغار
لو ماتعرفه اني اوصفلك زين
اوصافه تشبه شامه بخدود حسين
كمر العشيره مهندم
مثل العطر هم ينشم
وشما اوصفه جني ما وصفته
بس كله لسه تنتظر جيته اخته
النص الثالث...
ماظنه من يمك عبر وبروجتك تبقه انفاس
ياهو التجر ريته النفس وبصفه يعبر عباس؟
بس انه لاجمني الكلب وبروحي صاير احساس
ايكلي اخوج بلايه جف وبحافر الخيل انداس
اذاني جفي..جفوف اخوي شبيهه؟؟
عيوني رفت..عينه من عاميهه؟؟
بس كلي هسه وينه
مشتاكه ابوسه بعينه
امنيتي احجيله الحجي الماكلته
بس كله لسه تنتظر جيته اخته
النص الرابع...
حسيته مايرجع لمن حاطني خيل وخيال
عباس واحد..من رحل حسيت راحولي رجال
وكطعت ظني وايست من صار بجفوفي حبال
تدنيت يم المشرعه وصار الحجي الماينكال
اعرفته مذبوح وشنو الصاير بي
لاكيت جفه الباقي وين اني الكي؟
مر بيه ولله منظر
اخوي شفته موذر
امنيتي لو من شفته ما جن شفته
بس كله لسه تنتظر جيته اخته
وين راح..عباس يمك يانهر ضيعته
خو ما طاح..بس كله لسه تنتظر جيته اخته
لمن اجالك مارجع
كله ترى حسينك وكع
خو ماطاح..بس كله لسه تنتظر جيته اخته
النص الاول..
كله العفتهه بغيبتك لسا بعدهه اتانيك
وياك تحجي ولو رحت وي روحهه تسولف بيك
مو خوف طفتهه الخيم خافت النار تجويك
ترسم عيون بلاسهم خاف الرسم هم ياذيك
احجيله عني و وصل الصار وياي
عباس هذا الشوفته تعادل ماي
فراكه مثل نار وشمع
مثل امي كاسرلي ضلع
لو ضاع مني اني الومك انته
بس كله لسه تنتظر جيته اخته
النص الثاني...
مو هو يتركني بغرب وابقه بهضم روحي احتار
عالكاع لو خلي اثر يمحيهه ماتبقه اثار
عشنه كلب يعشك كلب مملوح عشك الزغار
لو صوتي هو يسمعه من روحه هم يبقه يغار
لو ماتعرفه اني اوصفلك زين
اوصافه تشبه شامه بخدود حسين
كمر العشيره مهندم
مثل العطر هم ينشم
وشما اوصفه جني ما وصفته
بس كله لسه تنتظر جيته اخته
النص الثالث...
ماظنه من يمك عبر وبروجتك تبقه انفاس
ياهو التجر ريته النفس وبصفه يعبر عباس؟
بس انه لاجمني الكلب وبروحي صاير احساس
ايكلي اخوج بلايه جف وبحافر الخيل انداس
اذاني جفي..جفوف اخوي شبيهه؟؟
عيوني رفت..عينه من عاميهه؟؟
بس كلي هسه وينه
مشتاكه ابوسه بعينه
امنيتي احجيله الحجي الماكلته
بس كله لسه تنتظر جيته اخته
النص الرابع...
حسيته مايرجع لمن حاطني خيل وخيال
عباس واحد..من رحل حسيت راحولي رجال
وكطعت ظني وايست من صار بجفوفي حبال
تدنيت يم المشرعه وصار الحجي الماينكال
اعرفته مذبوح وشنو الصاير بي
لاكيت جفه الباقي وين اني الكي؟
مر بيه ولله منظر
اخوي شفته موذر
امنيتي لو من شفته ما جن شفته
بس كله لسه تنتظر جيته اخته
بعد مقتل سيدي ابا الفضل عاد مولاي الحسين من النهر وهو ينادي..
رديت.. مكسور الضهر
رديت.. كاتلني القهر
وبگلبي جرحي
رديت.. انه مو ذاك انه
عمري..كبر مية سنه
كسرولي جنحي
تأخذ وين الي يلجمك وكيحه الكاع
جلمة "خويه" ماكتلي رحت شبساع
انه اولي تالي أمشي وراسي محني
خويه ريت الذابحك كبلك ذبحني
▪▪▪▪
النص الثاني..
رديت مابيه عمر
وكبالي واكف جم شمر
وايدها يفرها
اسمع شتايم والعدو
يصيحون هذا بلا اخو
وجرعت مرها
مشيت ايدي عليك وطولك سلاحي
رجعت من النهر وايدي علئ اصفاحي
لو صرت ماي وتبده هم المك
بصبحيتي ما صلي إذا ماجيك اشمك
▪▪▪▪
النص الثالث..
حيهم يا هاشمي صحت
لا أشرتلي ولا كمت
وكتلك سلامآ
سامحني ياوجه النبي
العلويه باجر تنسبي
بصحره ينامن
برد حيلي من اشوفن دم على عيونك
يبعد الما يطب بيه الهوى بدونك
الغربه مو بس بالسفر تصبح غربتك
الغربه من ماكو اخو يحضر دفنتك
▪▪▪▪
النص الرابع..
اتباوع لصوب الخيم
كسره وضليمه بلا علم
والدنيا حيره
عكالي شلته للسمه
ناديت خددر فاطمه
طاح ابو غيره
مو سيف الذبحنه محاسد الوادم
يا اول اخو يكول ل اخو خادم
الدنيا ناس وانته بيها تساوي ناسي
انته مو عباسهم انت عباسي
رديت.. مكسور الضهر
رديت.. كاتلني القهر
وبگلبي جرحي
رديت.. انه مو ذاك انه
عمري..كبر مية سنه
كسرولي جنحي
تأخذ وين الي يلجمك وكيحه الكاع
جلمة "خويه" ماكتلي رحت شبساع
انه اولي تالي أمشي وراسي محني
خويه ريت الذابحك كبلك ذبحني
▪▪▪▪
النص الثاني..
رديت مابيه عمر
وكبالي واكف جم شمر
وايدها يفرها
اسمع شتايم والعدو
يصيحون هذا بلا اخو
وجرعت مرها
مشيت ايدي عليك وطولك سلاحي
رجعت من النهر وايدي علئ اصفاحي
لو صرت ماي وتبده هم المك
بصبحيتي ما صلي إذا ماجيك اشمك
▪▪▪▪
النص الثالث..
حيهم يا هاشمي صحت
لا أشرتلي ولا كمت
وكتلك سلامآ
سامحني ياوجه النبي
العلويه باجر تنسبي
بصحره ينامن
برد حيلي من اشوفن دم على عيونك
يبعد الما يطب بيه الهوى بدونك
الغربه مو بس بالسفر تصبح غربتك
الغربه من ماكو اخو يحضر دفنتك
▪▪▪▪
النص الرابع..
اتباوع لصوب الخيم
كسره وضليمه بلا علم
والدنيا حيره
عكالي شلته للسمه
ناديت خددر فاطمه
طاح ابو غيره
مو سيف الذبحنه محاسد الوادم
يا اول اخو يكول ل اخو خادم
الدنيا ناس وانته بيها تساوي ناسي
انته مو عباسهم انت عباسي
الامام السجاد صلوات الله عليه يروي قصته
هاي قصتي .. من عكس بيه الزمن
هاي قصتي.. من دمه عيوني بجن
ذبل ريحان امنياتي
الشاهد عليه عصاتي
هاي قصتي
النص الاول..
عصى دربي .. الشاهده على الصار بيه خطوه خطوه
وهي تدري .. من سحكت الشوك وانه امشي كوه
فاركتني .. الدنيا وي كلشي بحياتي جان يسوه
تالي دربي .. وحدي رديت الدرب وبلايه سلوه
كلهه راحت.. الدنيا صارت كلهه هم
كلهه راحت .. انترست الكيعان دم
الضعن طايح جبيره
انهدم صيوان العشيره
هاي قصتي
النص الثاني..
قصه جانت .. تفيض شوك وعاطفه بين المحامل
قصه بيهه .. هايمه المكفوله بعيون احلى كافل
عذبوهه .. لمن عسكرهم هجم طفه المشاعل
والرسايل .. طبو على الخيمه حركوهه الرسايل
انحز كلبهه.. الهوه تشوفه مختنك
انحز كلبهه .. حركو حروف العشك
هاي قصه مختصرهه
عمتي ذبحو كمرهه..
هاي قصتي
النص الثالث..
جرح كلبي .. عندي والد ملك عالارض وسمه
رخص دمه .. وشاف بين عيونه نار مخيمه
الماي جاري .. حسين عطشان وفلا لامس فمه
يا آل هاشم .. مات ابوي وما نصبنه مأتمه
ها يهلنه .. الشجره مذبوحه غصن
ها يهلنه .. حسين باقي بلا دفن
حسين ما رد بسلامه
سلبو راسه العمامه
هاي قصتي
النص الرابع...
صفت وحدي .. وهسه محد نشد حالي شلونه
الهاضمتني .. هاشمي يم هاشمي يذبحونه
وين اروحن .. ديره بيهه العرف ماعرفونه
ضاع طولي .. من السوك للسوك بحبل مرونه
مات كلشي .. وانطفه بعيني الضوه
مات كلشي .. وفرهدو مني الدوه
عاشرت هضمي وجروحي
شكد بجيت انه على روحي
هاي قصتي
هاي قصتي .. من عكس بيه الزمن
هاي قصتي.. من دمه عيوني بجن
ذبل ريحان امنياتي
الشاهد عليه عصاتي
هاي قصتي
النص الاول..
عصى دربي .. الشاهده على الصار بيه خطوه خطوه
وهي تدري .. من سحكت الشوك وانه امشي كوه
فاركتني .. الدنيا وي كلشي بحياتي جان يسوه
تالي دربي .. وحدي رديت الدرب وبلايه سلوه
كلهه راحت.. الدنيا صارت كلهه هم
كلهه راحت .. انترست الكيعان دم
الضعن طايح جبيره
انهدم صيوان العشيره
هاي قصتي
النص الثاني..
قصه جانت .. تفيض شوك وعاطفه بين المحامل
قصه بيهه .. هايمه المكفوله بعيون احلى كافل
عذبوهه .. لمن عسكرهم هجم طفه المشاعل
والرسايل .. طبو على الخيمه حركوهه الرسايل
انحز كلبهه.. الهوه تشوفه مختنك
انحز كلبهه .. حركو حروف العشك
هاي قصه مختصرهه
عمتي ذبحو كمرهه..
هاي قصتي
النص الثالث..
جرح كلبي .. عندي والد ملك عالارض وسمه
رخص دمه .. وشاف بين عيونه نار مخيمه
الماي جاري .. حسين عطشان وفلا لامس فمه
يا آل هاشم .. مات ابوي وما نصبنه مأتمه
ها يهلنه .. الشجره مذبوحه غصن
ها يهلنه .. حسين باقي بلا دفن
حسين ما رد بسلامه
سلبو راسه العمامه
هاي قصتي
النص الرابع...
صفت وحدي .. وهسه محد نشد حالي شلونه
الهاضمتني .. هاشمي يم هاشمي يذبحونه
وين اروحن .. ديره بيهه العرف ماعرفونه
ضاع طولي .. من السوك للسوك بحبل مرونه
مات كلشي .. وانطفه بعيني الضوه
مات كلشي .. وفرهدو مني الدوه
عاشرت هضمي وجروحي
شكد بجيت انه على روحي
هاي قصتي
ماكو غيرك يسوه اكله دخيلك
تعرف شبيه وتحب اشكيلك
مو فقط للشوف الله انطاني عين
الله خالق عيني حتى ابجيلك
روحي.. بدونك خسرانه ..تضل عطشانه ..وانت الماي
روحي ..ماتكفي لنحرك .. كطره ببحرك.. وانت هواي
السالفه المابيهه منك ماتطب ابالي
جرحك الذابح حياتي وانه احب جتالي
اعمه گلب انه بمحبتك طايح وهنيالي
▪▪▪▪
النص الثاني..
غصني مكسور ولكيتك ورده
عاشكك بترابك انذب خده
ماكو شده وانت تسندني من اطيح
العنده مثلك ما يطيح بشده
رايد ... من عندك نظره .. كون الحسره .. نار تصير
رايد.. بيك تلهيني ... وتنسيني ... الناس الغير
رايد انتمي لجروحك واكضي عمري بنوحي
وروحي لو تنسه مصابك الله ياخذ روحي
الجرح من عندك عشكته وصرت احب جروحي
▪▪▪▪
النص الثالث..
اليفهم جروحك يضل اعمه بهواك
اليعشك عيونك كفر يعشك وراك
سلمتلك جفي معشوك السماء
ولا تمدلي جفوفك انطيني كفاك
هايم..بعيون الموله .. والحب كله ....للعطشان
هايم... خيرك سواني .. وكلشي انطاني .. وصرت انسان
لملمت روحي واجيتك جبت بيدي وشالتي
مدة ايديك ونظرتك وانحسبلك غايتي
براحتك خليني اعيش وما اعيش براحتي
▪▪▪▪
النص الرابع..
ارسم الصار واعيش بنايحه
وتنزل دموعي على جسمك مالحه
شلون يا ابو الدنيا غطاك التراب
وماكو وادم تقره ليك الفاتحه
طايح .. على وجهه ودامي .. ميت ضامي .. بضلعه انداس
طايح .. ويدير عيونه .. يم ضعونه .. يشوف الناس
غمض عيونه ودموعه زادت من همومه
ينهض شلون لعياله السلبوهه هدومه
حجاية ال..ها وين اخوتج..وكفت بزردومه
ليث جودت
تعرف شبيه وتحب اشكيلك
مو فقط للشوف الله انطاني عين
الله خالق عيني حتى ابجيلك
روحي.. بدونك خسرانه ..تضل عطشانه ..وانت الماي
روحي ..ماتكفي لنحرك .. كطره ببحرك.. وانت هواي
السالفه المابيهه منك ماتطب ابالي
جرحك الذابح حياتي وانه احب جتالي
اعمه گلب انه بمحبتك طايح وهنيالي
▪▪▪▪
النص الثاني..
غصني مكسور ولكيتك ورده
عاشكك بترابك انذب خده
ماكو شده وانت تسندني من اطيح
العنده مثلك ما يطيح بشده
رايد ... من عندك نظره .. كون الحسره .. نار تصير
رايد.. بيك تلهيني ... وتنسيني ... الناس الغير
رايد انتمي لجروحك واكضي عمري بنوحي
وروحي لو تنسه مصابك الله ياخذ روحي
الجرح من عندك عشكته وصرت احب جروحي
▪▪▪▪
النص الثالث..
اليفهم جروحك يضل اعمه بهواك
اليعشك عيونك كفر يعشك وراك
سلمتلك جفي معشوك السماء
ولا تمدلي جفوفك انطيني كفاك
هايم..بعيون الموله .. والحب كله ....للعطشان
هايم... خيرك سواني .. وكلشي انطاني .. وصرت انسان
لملمت روحي واجيتك جبت بيدي وشالتي
مدة ايديك ونظرتك وانحسبلك غايتي
براحتك خليني اعيش وما اعيش براحتي
▪▪▪▪
النص الرابع..
ارسم الصار واعيش بنايحه
وتنزل دموعي على جسمك مالحه
شلون يا ابو الدنيا غطاك التراب
وماكو وادم تقره ليك الفاتحه
طايح .. على وجهه ودامي .. ميت ضامي .. بضلعه انداس
طايح .. ويدير عيونه .. يم ضعونه .. يشوف الناس
غمض عيونه ودموعه زادت من همومه
ينهض شلون لعياله السلبوهه هدومه
حجاية ال..ها وين اخوتج..وكفت بزردومه
ليث جودت
لسان حال مولاتي زينب بعد رحيل مولاتي الزهراء صلوات الله عليهم اجمعين..
وحشه السمه بلايه كمر
والكمر ميعوضه الشمع
اول مكاتيب القدر
صارت من الباب وضلع
صارت عليي خنگه السمه
وبعيوني ضل يحله التراب
يا علي راحت فاطمه
بنت النبي يكتلهه باب
ماتت..
بعد الوكت يم الحسن
عينج وعيني تفارگن
المحسن شسوه وينذبح؟
ضلوعج عليش تكسرن
امي يا امي
▪▪▪▪
النص الثاني..
بيت وبلا صوتج فهه
وكلشي فهه وكلبي انفجع
شلون اقتنع كلشي انتهه
وتابوتج كبالي انرفع
كسرتني يمه فركتج
مو بس ظهري..كلبي انكسر
لمن اطب لغرفتج
يتراون هواي الصور
ماتت..
المن يعيش الماله ام
تخلص حياته بالهضم
شاب برحيلج الرمش
شيبي وصل حد العظم
امي يا امي
▪▪▪▪
النص الثالث..
يلي بين جفوفج صرت
واتسمه زينب فاطمه
من عندج انه تعلمت
شلون المره تصير زلمه
مايختصر هجرج كلام
فراكج ابد لا مو سهل
تدرين انه بلا زاد انام
ميته وتجيبين الاكل
ماتت..
كسري ابد ماينجبر
عافيتي راحت للكبر
الماعنده ام من انولد
مو مثل الي كضو عمر
امي يا امي
▪▪▪▪
النص الرابع..
عندي اخو "ميت انولد"
لا بچه لا شاف الحظن
لحظه ما بات على المهد
من حضنج لحضن الدفن
يمي وردت نكبر سوه
ومايقبل يمسني الالم
يكطع على الدنيا الهوه
من تحترك بالطف خيم
ماتت..
آه على ذاك الوجع
آه على الطفل الوكع
مات بعطش مثل الحسين
مثل اخيه راسه انكطع
امي يا امي
وحشه السمه بلايه كمر
والكمر ميعوضه الشمع
اول مكاتيب القدر
صارت من الباب وضلع
صارت عليي خنگه السمه
وبعيوني ضل يحله التراب
يا علي راحت فاطمه
بنت النبي يكتلهه باب
ماتت..
بعد الوكت يم الحسن
عينج وعيني تفارگن
المحسن شسوه وينذبح؟
ضلوعج عليش تكسرن
امي يا امي
▪▪▪▪
النص الثاني..
بيت وبلا صوتج فهه
وكلشي فهه وكلبي انفجع
شلون اقتنع كلشي انتهه
وتابوتج كبالي انرفع
كسرتني يمه فركتج
مو بس ظهري..كلبي انكسر
لمن اطب لغرفتج
يتراون هواي الصور
ماتت..
المن يعيش الماله ام
تخلص حياته بالهضم
شاب برحيلج الرمش
شيبي وصل حد العظم
امي يا امي
▪▪▪▪
النص الثالث..
يلي بين جفوفج صرت
واتسمه زينب فاطمه
من عندج انه تعلمت
شلون المره تصير زلمه
مايختصر هجرج كلام
فراكج ابد لا مو سهل
تدرين انه بلا زاد انام
ميته وتجيبين الاكل
ماتت..
كسري ابد ماينجبر
عافيتي راحت للكبر
الماعنده ام من انولد
مو مثل الي كضو عمر
امي يا امي
▪▪▪▪
النص الرابع..
عندي اخو "ميت انولد"
لا بچه لا شاف الحظن
لحظه ما بات على المهد
من حضنج لحضن الدفن
يمي وردت نكبر سوه
ومايقبل يمسني الالم
يكطع على الدنيا الهوه
من تحترك بالطف خيم
ماتت..
آه على ذاك الوجع
آه على الطفل الوكع
مات بعطش مثل الحسين
مثل اخيه راسه انكطع
امي يا امي
فاطمة تشع بالوجود اخبارهه
الباري مختار النبي ومختارهه
النص الأول..
▪▪▪▪
انتي فاطم وكفى هالمفخره
وحده انتي وما تشبهج اي مره
حتما اليوصف تخونه المقدره
فوك ادراك العقل اسرارهه
النص الثاني..
▪▪▪▪
تعب حب الناس بس حبج عذب
انتي مصداقيتي والباقي چذب
يشرف اسمي لمن عليج انحسب
كوثري فاطمي بانوارهه
النص الثالث..
▪▪▪▪
الباري بالتكوين خصج بالنُقب
سيدة كل الارض شرق وغرب
فاطمه انتي الوحيده بالكلب
لو خيروني وي الجنان اختارهه
النص الرابع..
▪▪▪▪
صاحبة كل الفضائل والنعم
النافذه التكرم دموع على الخدم
لو لا فاطم كل مسعانه عدم
ماخاب من لاذ بضلال اسوارهه
النص الخامس..
▪▪▪▪
لمن بيك تضيك ويدور الزمن
ذب حمل گلبك على ام الحسن
كول يا فاطمَ واحسبهن گضن
الكريمه الماترد خطارهه
النص السادس..
▪▪▪▪
مؤنسه قلبُ النبي وروحُ علي
حيدر وفاطمه الحب الاولي
اصدق العشاك منذ الازلي
حيدر متانيهه قبل صيارهه
الباري مختار النبي ومختارهه
النص الأول..
▪▪▪▪
انتي فاطم وكفى هالمفخره
وحده انتي وما تشبهج اي مره
حتما اليوصف تخونه المقدره
فوك ادراك العقل اسرارهه
النص الثاني..
▪▪▪▪
تعب حب الناس بس حبج عذب
انتي مصداقيتي والباقي چذب
يشرف اسمي لمن عليج انحسب
كوثري فاطمي بانوارهه
النص الثالث..
▪▪▪▪
الباري بالتكوين خصج بالنُقب
سيدة كل الارض شرق وغرب
فاطمه انتي الوحيده بالكلب
لو خيروني وي الجنان اختارهه
النص الرابع..
▪▪▪▪
صاحبة كل الفضائل والنعم
النافذه التكرم دموع على الخدم
لو لا فاطم كل مسعانه عدم
ماخاب من لاذ بضلال اسوارهه
النص الخامس..
▪▪▪▪
لمن بيك تضيك ويدور الزمن
ذب حمل گلبك على ام الحسن
كول يا فاطمَ واحسبهن گضن
الكريمه الماترد خطارهه
النص السادس..
▪▪▪▪
مؤنسه قلبُ النبي وروحُ علي
حيدر وفاطمه الحب الاولي
اصدق العشاك منذ الازلي
حيدر متانيهه قبل صيارهه
يطفالي سمعو هالحجي التمو عليه
هالليله اخر ليله نكعدهه سويه
الليله هايه .. وداع محبوب وحبيبه .. الليله هايه
هالعبايه .. ذكره تبقه من المصيبه .. هالعبايه
▪▪▪▪
1
مو بديه هالنهايه صارت ومو باختياري
فقط باجر شمسي تطلع وبعد مايطلع نهاري
باجر انه بيتي وحدي وغربه تجهم وسط داري
بيتي يصبح نار كله وتشب على ثيابي ناري
شكد جبيره ... باقي اثر جف على خدي .. شكد جبيره
شكم عشيره .. ابابي وكفت واني وحدي .. شكم عشيره
بيا فهم احجي وتنفهم
حرمة علي بين الزلم
مابيهم البي من علي ويفزع اليه
هالليله اخر ليله نكعدهه سويه
▪▪▪▪
2
ابابي اسمع صوت نار وبحقد نيرانه شعلهن
وياكم انتو ذكرياتي وذكرياتي بيتي كلهن
كتله اوكف (مهد محسن حجاب زينب) ذني خلهن
طبكو الباب على صدري ضلوعي طاحت من يلمهن
ذكرياتي ... تردني لايامي الاحبهه .. ذكرياتي
كل حياتي ... وانتو ماكو اني اذبهه .. كل حياتي
مانبقه خلانه الزمن
انتو بغرب وانه بجفن
واتمنه نرجع حتى لو بيكم اذيه
هالليله اخر ليله نكعدهه سويه
▪▪▪▪
3
وبرحيلي بالي يمكم ما شلت هم لمحنتي
حسين باجر شفته تيبس لاجله تتكطع مهجتي
شلون اعوفه هناك عاري وهو موجود بدفنتي
وليدي فوكه الخيل تسحك والحبل يجتفهه بنتي
ما احضرك ... انت يل دومك تجيني ... ما احضرك
انعه كبرك ... والطم بحركه على عيني ... انعه كبرك
يوليدي منك اعتذر
من نحرك يكطعه الشمر
نفس الحبل لاختك تره هسه بديه
هالليله اخر ليله نكعدهه سويه
▪▪▪▪
4
بت محمد يمهه يوكف الماله قيمه وي ثراهه
باذني يحجي حجايه تزرف كلبي ماكشف غطاهه
(كال بت ال.. ما اكمل) بس سمعته من حجاهه
كلي خلي الباب يوصل من ضلعهه لحد كفاهه
هايه انه .. "بردني" امسح مني دمعي .. هايه انه
مو مكانه .. انفصل عن جسمي ضلعي .. مو مكانه
بت الهدى راحت بعد
وبطنهه مات الولد
وبخور شعلو عليه من تمر مسيه
هالليله اخر ليله نكعدهه سويه
لسان حال مولاتي الزهراء سلام الله عليها👆
روايات استشهاد فاطمة الزهراء 1440ھ
هالليله اخر ليله نكعدهه سويه
الليله هايه .. وداع محبوب وحبيبه .. الليله هايه
هالعبايه .. ذكره تبقه من المصيبه .. هالعبايه
▪▪▪▪
1
مو بديه هالنهايه صارت ومو باختياري
فقط باجر شمسي تطلع وبعد مايطلع نهاري
باجر انه بيتي وحدي وغربه تجهم وسط داري
بيتي يصبح نار كله وتشب على ثيابي ناري
شكد جبيره ... باقي اثر جف على خدي .. شكد جبيره
شكم عشيره .. ابابي وكفت واني وحدي .. شكم عشيره
بيا فهم احجي وتنفهم
حرمة علي بين الزلم
مابيهم البي من علي ويفزع اليه
هالليله اخر ليله نكعدهه سويه
▪▪▪▪
2
ابابي اسمع صوت نار وبحقد نيرانه شعلهن
وياكم انتو ذكرياتي وذكرياتي بيتي كلهن
كتله اوكف (مهد محسن حجاب زينب) ذني خلهن
طبكو الباب على صدري ضلوعي طاحت من يلمهن
ذكرياتي ... تردني لايامي الاحبهه .. ذكرياتي
كل حياتي ... وانتو ماكو اني اذبهه .. كل حياتي
مانبقه خلانه الزمن
انتو بغرب وانه بجفن
واتمنه نرجع حتى لو بيكم اذيه
هالليله اخر ليله نكعدهه سويه
▪▪▪▪
3
وبرحيلي بالي يمكم ما شلت هم لمحنتي
حسين باجر شفته تيبس لاجله تتكطع مهجتي
شلون اعوفه هناك عاري وهو موجود بدفنتي
وليدي فوكه الخيل تسحك والحبل يجتفهه بنتي
ما احضرك ... انت يل دومك تجيني ... ما احضرك
انعه كبرك ... والطم بحركه على عيني ... انعه كبرك
يوليدي منك اعتذر
من نحرك يكطعه الشمر
نفس الحبل لاختك تره هسه بديه
هالليله اخر ليله نكعدهه سويه
▪▪▪▪
4
بت محمد يمهه يوكف الماله قيمه وي ثراهه
باذني يحجي حجايه تزرف كلبي ماكشف غطاهه
(كال بت ال.. ما اكمل) بس سمعته من حجاهه
كلي خلي الباب يوصل من ضلعهه لحد كفاهه
هايه انه .. "بردني" امسح مني دمعي .. هايه انه
مو مكانه .. انفصل عن جسمي ضلعي .. مو مكانه
بت الهدى راحت بعد
وبطنهه مات الولد
وبخور شعلو عليه من تمر مسيه
هالليله اخر ليله نكعدهه سويه
لسان حال مولاتي الزهراء سلام الله عليها👆
روايات استشهاد فاطمة الزهراء 1440ھ
جريمه كَبُرت نوحي ..آه يالباب
كَطِعت گلبي وروحي..آه يالباب
آه يالباب .. آه يالباب
النص الأول..
▪▪▪▪
مِنك الجره عليه
يالخليتني وي الهَم
انت حارمني من أمي
وضَيعتِ الشمل بالدم
أنت الچِنت ستر الدار
ما طفيت ليش النار
بوجه الغربه بعت اسرار
من ذباحهه تبسم
حچيت على الغرب سرنه..آه يالباب
وإحرمتنه من اُمنه ... آه يالباب
النص الثاني...
▪▪▪▪
انه الحَسن احچيلك
دليلي بنار متعذِب
اليفگد أمه بيا حاله
يصبر لو أجه المُغرب
شلون أصبر وكت الغروب
على فگد امي متعوب
من روحي الصبر منهوب
ومن الراحه مِتسلب
شيسكتهن عيونه ... آه يالباب
الينظر إمه مدفونه ..آه يالباب
النص الثالث..
▪▪▪▪
من إِِسْمعت منهه ال "اخ"
ما عندك گلب و يرف
شلون تشوف أم حسين
من طگ عصرتك ترجف
أحتارت إمي وين تروح
ماتگدر تبطل النوح
عقلهه يم طفل مَذبوح
للمَلگه حضن تنزف
طفلهه الماكِمل سنتَه..آه يالباب
بِسمارك ما أجه بوكتهَ ..آه يالباب
النص الرابع..
▪▪▪▪
خَليت الهضمْ بالبيت
والدمعه على حيطانه
بيا واهس أرد مرتاح
ماهيه امي ويانه
زغيّر مو حمل الهموم
ردت أمي تضل للدوم
ما حسبت تمشي بيوم
بفرگه الدهر خلانه
خذت مني الفرح كله .. آه يالباب
منك بالگلب عله .. آه يالباب
على بركة مولاتي الزهراء
الروايه الثالثه
1441ھ
كَطِعت گلبي وروحي..آه يالباب
آه يالباب .. آه يالباب
النص الأول..
▪▪▪▪
مِنك الجره عليه
يالخليتني وي الهَم
انت حارمني من أمي
وضَيعتِ الشمل بالدم
أنت الچِنت ستر الدار
ما طفيت ليش النار
بوجه الغربه بعت اسرار
من ذباحهه تبسم
حچيت على الغرب سرنه..آه يالباب
وإحرمتنه من اُمنه ... آه يالباب
النص الثاني...
▪▪▪▪
انه الحَسن احچيلك
دليلي بنار متعذِب
اليفگد أمه بيا حاله
يصبر لو أجه المُغرب
شلون أصبر وكت الغروب
على فگد امي متعوب
من روحي الصبر منهوب
ومن الراحه مِتسلب
شيسكتهن عيونه ... آه يالباب
الينظر إمه مدفونه ..آه يالباب
النص الثالث..
▪▪▪▪
من إِِسْمعت منهه ال "اخ"
ما عندك گلب و يرف
شلون تشوف أم حسين
من طگ عصرتك ترجف
أحتارت إمي وين تروح
ماتگدر تبطل النوح
عقلهه يم طفل مَذبوح
للمَلگه حضن تنزف
طفلهه الماكِمل سنتَه..آه يالباب
بِسمارك ما أجه بوكتهَ ..آه يالباب
النص الرابع..
▪▪▪▪
خَليت الهضمْ بالبيت
والدمعه على حيطانه
بيا واهس أرد مرتاح
ماهيه امي ويانه
زغيّر مو حمل الهموم
ردت أمي تضل للدوم
ما حسبت تمشي بيوم
بفرگه الدهر خلانه
خذت مني الفرح كله .. آه يالباب
منك بالگلب عله .. آه يالباب
على بركة مولاتي الزهراء
الروايه الثالثه
1441ھ
أم البنين.. بهالاسِم تكَفي فَخامْه
أمُ البنين.. نِنادي لو أم الشَهامه
أم البنين.. مؤنِسة قلبي وهيامَه
مْولاتي إنْتي الطاهرِه المرضيه
الحَاير يجيچ..ويرد بالمَگضيه
لو خَيروني الناسْ اجَاوب عَالناسْ
لو هيه انه اختارهه لو هيه
مولاتي يا ام البنين
▪▪▪▪
النص الثاني..
أم البنين..الخالِقه الونه لجُروحي
أم البنين..لو لا نورچ عَتمه روحي
أم البنين..طِلبه مِنچ زيدي نوحي
خَليني إبچي وأفهم ليا مَصّرع
والدَمْعه تاخِذ روحِي لمَن تِطلع
قَربيني بس على الهَضُم والآهات
وغير الحَچي المابي جرِح ما إسمع
مولاتي يا أم البنين
▪▪▪▪
النص الثالث...
أم البنين..رُضى حَيدر إنتي بابه
أم البنين..وفَحوة الفِكره بخِطابه
أم البنين..إنتي عالزَهراء نيابَه
أنتي الأميره الفاضِله من التُربه
والما يحبچ هذا شله بگلبه
بعض البشر يتعَذرك بالصَعبات
الا انتي يمِچ ماتِضل الصَعبه
مولاتي يا ام البنين
▪▪▪▪
النص الرابع..
أم البنين..انتي بالبَسمهْ ودمِعتي
أم البنين..فاتِحَة گلبي وكِلمْتي
أم البنين..ما ترَس عيني الا أنْتي
شتْنطيني قابِل وأنِ ما تْنطيني
مو مهم عَطوّه..المُهم مَا تِنسيني
أستغفرچ من كل عِشگ مو وَياچ
ما إطِخ راسي ألج أطِخ سْنيني
مولاتي يا أم البنين
▪▪▪▪
النص الخامس..
ام البنين..شيجي مِن خَيرچ أقِبله
أم البنين..اليجي مِن غَيرچ أهِمْله
أم البنين.. أول..تالي..أنتي كِلهَ
بالخَير مِن غَيرچ ولا أسْتبشِر
وياچ راضْي تگضي بالمُر والمُر
سِر بدِليلي وصَار وَكته إن احچيّ
مَولاتي أحبچ..هذا عِندي أعْظَم سُر
مولاتي يا ام البنين
أستشهاد مولاتي الطاهره الزكيه أمُ البنين صلوات الله عليها وعلى بَنيها
1441ھ
أمُ البنين.. نِنادي لو أم الشَهامه
أم البنين.. مؤنِسة قلبي وهيامَه
مْولاتي إنْتي الطاهرِه المرضيه
الحَاير يجيچ..ويرد بالمَگضيه
لو خَيروني الناسْ اجَاوب عَالناسْ
لو هيه انه اختارهه لو هيه
مولاتي يا ام البنين
▪▪▪▪
النص الثاني..
أم البنين..الخالِقه الونه لجُروحي
أم البنين..لو لا نورچ عَتمه روحي
أم البنين..طِلبه مِنچ زيدي نوحي
خَليني إبچي وأفهم ليا مَصّرع
والدَمْعه تاخِذ روحِي لمَن تِطلع
قَربيني بس على الهَضُم والآهات
وغير الحَچي المابي جرِح ما إسمع
مولاتي يا أم البنين
▪▪▪▪
النص الثالث...
أم البنين..رُضى حَيدر إنتي بابه
أم البنين..وفَحوة الفِكره بخِطابه
أم البنين..إنتي عالزَهراء نيابَه
أنتي الأميره الفاضِله من التُربه
والما يحبچ هذا شله بگلبه
بعض البشر يتعَذرك بالصَعبات
الا انتي يمِچ ماتِضل الصَعبه
مولاتي يا ام البنين
▪▪▪▪
النص الرابع..
أم البنين..انتي بالبَسمهْ ودمِعتي
أم البنين..فاتِحَة گلبي وكِلمْتي
أم البنين..ما ترَس عيني الا أنْتي
شتْنطيني قابِل وأنِ ما تْنطيني
مو مهم عَطوّه..المُهم مَا تِنسيني
أستغفرچ من كل عِشگ مو وَياچ
ما إطِخ راسي ألج أطِخ سْنيني
مولاتي يا أم البنين
▪▪▪▪
النص الخامس..
ام البنين..شيجي مِن خَيرچ أقِبله
أم البنين..اليجي مِن غَيرچ أهِمْله
أم البنين.. أول..تالي..أنتي كِلهَ
بالخَير مِن غَيرچ ولا أسْتبشِر
وياچ راضْي تگضي بالمُر والمُر
سِر بدِليلي وصَار وَكته إن احچيّ
مَولاتي أحبچ..هذا عِندي أعْظَم سُر
مولاتي يا ام البنين
أستشهاد مولاتي الطاهره الزكيه أمُ البنين صلوات الله عليها وعلى بَنيها
1441ھ
كالولي راح وكلت لا مو عالبال
حجاية فراكك مو حجاية التنكال
كبالي ميت واني اكلهم نايم
ان شاء الله تكوم لجهالك سالم
▪▪▪▪
النص الاول
عيوني سولتهه إبچيهه.. حزن فرصه تضل تصب
وهي مو حي الله كلمه..مفارك عيونك صعب
الظلمه ترست روحي بعدك..بوحشه رديت الدرب
الفركه حيل تريد مني..وانه ما عندي گلب
ماحسبتله هالزمن بيك يدور
وراسك اشوفه كبالي ينزف مطبور
شيسكته نوحي وشيكض دموعي
خلوني ادفنه الليله بين ضلوعي
▪▪▪▪
النص الثاني..
حبك يعيش بوتيني..عشگ من الله انفرض
استمع دكات كلبي ..علي علي يدك النبض
ضلوعي والباب وحسرتي.. وحگ ابوي الي انبغض
كلهه سهله ولا ونينك.. اچفي صحتي على المرض
تدنيت يمك ما اسمع بس ونين
بس كلي شنهو اليوجعك يابو حسين
اول مره اجيك وماتفكلي ذراعك
عميه يريت ولا اشوف اوجاعك
▪▪▪▪
النص الثالث..
مبين الغايب عزيزه..جفن مايلكه جفن
مبين المكسور كلبه..يحله بعيونه الدفن
الذله مو مدة جفوفك.. الذله من عاشك يحن
ورده ذبلت من رحيلك..وانكسر بيهه الغصن
وياك اخذني ورجع لعيني النوم
الموت مره..وانه اموت بكل يوم
بكلبي عتب غيرك منو الي يسمعه
معاتب بشر مخنوك كسرو ضلعه
▪▪▪▪
النص الرابع
صفنة عيونك عليمن؟..حاير انت بيا جرح
صفنتك بيهه المخيم..لو عزيزي المنذبح؟
مصيبه ما اعظم رزاهه..وماكو بيهه الينشرح
ناس صعدت عالهزيله..وروس صعدت عالرمح
تدنيت يمك كتلك احجيلي شضام
كتلي يزهره "انه يوجعني الشام"
عندي عقيله تروح ل ارض الغربه
وعندي حنين الخيل تسحگ كلبه
كلام بين مولاتي فاطمة الزهراء ومولاي امير المؤمنين صلوات الله عليهم
إستشهاد امير المؤمنين
حجاية فراكك مو حجاية التنكال
كبالي ميت واني اكلهم نايم
ان شاء الله تكوم لجهالك سالم
▪▪▪▪
النص الاول
عيوني سولتهه إبچيهه.. حزن فرصه تضل تصب
وهي مو حي الله كلمه..مفارك عيونك صعب
الظلمه ترست روحي بعدك..بوحشه رديت الدرب
الفركه حيل تريد مني..وانه ما عندي گلب
ماحسبتله هالزمن بيك يدور
وراسك اشوفه كبالي ينزف مطبور
شيسكته نوحي وشيكض دموعي
خلوني ادفنه الليله بين ضلوعي
▪▪▪▪
النص الثاني..
حبك يعيش بوتيني..عشگ من الله انفرض
استمع دكات كلبي ..علي علي يدك النبض
ضلوعي والباب وحسرتي.. وحگ ابوي الي انبغض
كلهه سهله ولا ونينك.. اچفي صحتي على المرض
تدنيت يمك ما اسمع بس ونين
بس كلي شنهو اليوجعك يابو حسين
اول مره اجيك وماتفكلي ذراعك
عميه يريت ولا اشوف اوجاعك
▪▪▪▪
النص الثالث..
مبين الغايب عزيزه..جفن مايلكه جفن
مبين المكسور كلبه..يحله بعيونه الدفن
الذله مو مدة جفوفك.. الذله من عاشك يحن
ورده ذبلت من رحيلك..وانكسر بيهه الغصن
وياك اخذني ورجع لعيني النوم
الموت مره..وانه اموت بكل يوم
بكلبي عتب غيرك منو الي يسمعه
معاتب بشر مخنوك كسرو ضلعه
▪▪▪▪
النص الرابع
صفنة عيونك عليمن؟..حاير انت بيا جرح
صفنتك بيهه المخيم..لو عزيزي المنذبح؟
مصيبه ما اعظم رزاهه..وماكو بيهه الينشرح
ناس صعدت عالهزيله..وروس صعدت عالرمح
تدنيت يمك كتلك احجيلي شضام
كتلي يزهره "انه يوجعني الشام"
عندي عقيله تروح ل ارض الغربه
وعندي حنين الخيل تسحگ كلبه
كلام بين مولاتي فاطمة الزهراء ومولاي امير المؤمنين صلوات الله عليهم
إستشهاد امير المؤمنين
هو صوتٌ في الثغورِ الصامتَه
علي ارضٌ وسماءْ بصايته
▪▪▪▪
قدِر قادِر مُقتدِر فوق الوصف
ما يفسر عن صفاته أي حرف
چفه بي وجهين "شرسه" و للطف
لايذه الدنيا بتحت ضل رايته
▪▪▪▪
ما لهُ بِالخلقِ نُداً ونظير
ولا چبير بعيني بس حيدر چبير
علي الاول علي الاوسط والاخير
الساحه اله وياهو الي يوصل ساحته
▪▪▪▪
جبير حبك ماله قيمه محدده
البحر من تنظرله ما تلكه مده
حبك بنص روحي مو هسه بده
قبل لا ادم اكل تفاحته
▪▪▪▪
له في الروحِ ترانيمُ العِشق
حبه گلبي من قبل لا انخلق
صحت يابو حسين من قبل النطق
"أقبلني عبدك" گلبي هاي حجايته
▪▪▪▪
اليوصَلك مذنب يرد بأبيض وجه
مخنوك ادخل حضرتك واطلع نفه
قبلة العاشگ "علي" و ليه يتجه
وبباب حيدر يفرش مصلايته
▪▪▪▪
*بسبابة* ايدك تحكم الجان و أنس
اني عبدك باجر وهسه وامس
لا تردني يلي رديت الشمس
وتعرف المجروح وادره بحالته
▪▪▪▪
هواي أزل وارجع بمنهاجك
انت عليه هواي حتى احتاجك
يكفيني اشتم اليشم شباچك
الشباج مثلك ينطي كل جف حاجته
في حُب علي صلوات الله عليه
علي ارضٌ وسماءْ بصايته
▪▪▪▪
قدِر قادِر مُقتدِر فوق الوصف
ما يفسر عن صفاته أي حرف
چفه بي وجهين "شرسه" و للطف
لايذه الدنيا بتحت ضل رايته
▪▪▪▪
ما لهُ بِالخلقِ نُداً ونظير
ولا چبير بعيني بس حيدر چبير
علي الاول علي الاوسط والاخير
الساحه اله وياهو الي يوصل ساحته
▪▪▪▪
جبير حبك ماله قيمه محدده
البحر من تنظرله ما تلكه مده
حبك بنص روحي مو هسه بده
قبل لا ادم اكل تفاحته
▪▪▪▪
له في الروحِ ترانيمُ العِشق
حبه گلبي من قبل لا انخلق
صحت يابو حسين من قبل النطق
"أقبلني عبدك" گلبي هاي حجايته
▪▪▪▪
اليوصَلك مذنب يرد بأبيض وجه
مخنوك ادخل حضرتك واطلع نفه
قبلة العاشگ "علي" و ليه يتجه
وبباب حيدر يفرش مصلايته
▪▪▪▪
*بسبابة* ايدك تحكم الجان و أنس
اني عبدك باجر وهسه وامس
لا تردني يلي رديت الشمس
وتعرف المجروح وادره بحالته
▪▪▪▪
هواي أزل وارجع بمنهاجك
انت عليه هواي حتى احتاجك
يكفيني اشتم اليشم شباچك
الشباج مثلك ينطي كل جف حاجته
في حُب علي صلوات الله عليه
بسم الله الرحمٰن الرحيم
#_ بناء البقيع مطلبنا
قال الله تعالى
«في بُيُوتٍ أَذِنَ اللَّهُ أَن تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالآصَالِ»
بأسم مواكب وهيئات العزاء
في كافة محافظات جمهورية العراق
ندعوا الجماهير العراقيه عامه ومحبي اهل البيت عليهم السلام الغيارى الذين طالما تواجدوا وهبوا لنصرة اهل البيت ونصرة الحق
لوقفة احتجاجية سلمية للمطالبة
بإعمار قبور البقيع الغرقد المهدّمة والسعي الجّدي في اعادة تشييدها
كتراثٍ ديني واسلامي تكفله الدساتير البشريه والقوانيين الدوليه وحقّ تعبدي يكفله الشرع الاسلامي .
فإن أدنى ما تقدمه الأمّة من مودة في القربى لرسولها الاعظم (ص واله)
بناء اضرحة احفاده المطهرين عليهم السلام
لن تبقى قبور سادات الوجود مهدمه
ذلك ومن يعظّم شعائر الله فإنها من تقوى القلوب .
#_ بناء البقيع مطلبنا
قال الله تعالى
«في بُيُوتٍ أَذِنَ اللَّهُ أَن تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالآصَالِ»
بأسم مواكب وهيئات العزاء
في كافة محافظات جمهورية العراق
ندعوا الجماهير العراقيه عامه ومحبي اهل البيت عليهم السلام الغيارى الذين طالما تواجدوا وهبوا لنصرة اهل البيت ونصرة الحق
لوقفة احتجاجية سلمية للمطالبة
بإعمار قبور البقيع الغرقد المهدّمة والسعي الجّدي في اعادة تشييدها
كتراثٍ ديني واسلامي تكفله الدساتير البشريه والقوانيين الدوليه وحقّ تعبدي يكفله الشرع الاسلامي .
فإن أدنى ما تقدمه الأمّة من مودة في القربى لرسولها الاعظم (ص واله)
بناء اضرحة احفاده المطهرين عليهم السلام
لن تبقى قبور سادات الوجود مهدمه
ذلك ومن يعظّم شعائر الله فإنها من تقوى القلوب .