#بمناسبة_عيد_المبعث

خطيت الشعر باشواگ وبالأفراح گلبي استر
محمّد رحمة البـــــــاري وإله الكون اِله بشّر
طاها وصل للمريـــــــود وانزاح المَكر والشر
          والشيخه الطاها وأولاده

    ✍🏻  أم حيدر مكي النصاري

#بمناسبة_عيد_المبعث

منهاج النبوّه اصلاح ومحمّد للنـهج غايه
حكم رب الجلاله وقــدّ كَرّم للنبـي ابهايه
رسول الأمه والإسلام وقائد شايل الرايه
        سلمها الحيدر هادينه

✍🏻    أم حيدر مكي النصاري

الهوسة الأهوازيّة

ٱحنـــه سورة لظه التدوي ٱلعجّزت متن الوغىٰ
وٱحنه سیــــف البي منایه العفّر اخدود البغىٰ
یظل عزم احسین بینه  الفرک خیشوم الطغيٰ
        ((من لاگه الموت ابصولاته))

            شيخ ملا غلام أبو محمد
ـــــــــــــــــــــــــــــــــــــــــــــــــــــــــــــــ

حسين بَحر من الكرامه وألف هنيـاله الغرَف
واحنـه ربّــات المراجل شيعه عنوان الشرَف
احزام واحد عالكلايف عدنه مصدر والهدف
           نحرگ عين أم الوهابي

    ✍   أم حيدر مكي النصاري
ـــــــــــــــــــــــــــــــــــــــــــــــــــــــــــــــ

مجاراة مع أستاذي☝️

#بمناسبة حلول شهر شعبان المعظم

انبـــارك الأمه ابقدومه شهر شعبان الفضيل
بيه يبزغ نــــــــور هاشم ولِد حماي الدخيل
افرحت كل الخليقه ابفضل سبحان الجليل
         من جانه الحگ بيّن نوره

  ✍🏻   أم حيدر مكي النصاري

#بمناسبة مولد الإمام الحسين  [ س]

شهر شعبان من أشرق #هلاهل
عليــــنه والدمع مُفرح #هلاهل
الطيور اتغرّد ابحبــــه #هلاهل
لبن خيـــــر البَشر سيد البريّه ـــــــــــــــــــــــــــــــــــــــــــــ

✍🏻   أم حيدر مكي النصاري

#بمناسبة مولد الإمام الحسين عليه السلام

اتجمّعت كــل الملائــك وافــرحت كل المــله
ابنور سبــط النبي الهادي حسين الله امكمله
ايهني جبـــريل النبینه ومَهـــد لجـله امعدله
            وابمهده ايهز ابجنحانه
       
بـيك انــــولدت الأقمار يا شعبان وامنوره
سفّان السفينه حسين ولد الطاهره الحره
عبــــاس وعلي السجاد والأكبر بزغ بدره
        وسيف الحگ عالشر مهدينه
  
   ✍🏻    أم حيدر مكي النصاري

بمناسبة مولد ابالفضل العباس[ س]

الوفيّه الجــابته واشرق #بدرها
وغذّت للگمــــر خــــــوّه #بدرها
يشيله حسين ابن فارس #بدرها
ويقدمه الزينب ايهني الأبيه

✍🏻  أم حيدر مكي النصاري

بمناسبة ولادت الإمام زين العابدين [س]

الله بشّر ابواليّمه وزيـــــــــــــــن العبـاد انولد
وچن اشوف ابليس مچوّي لَم لَم احباله وگعد
انگطع ظهره ابصيــــاره صاح هذه اهوّه العبد
          وشرفها السجده ابإيمانه

   ✍🏻     أم حيدر مكي النصاري

حشة الأطياب

ابيـــــــــع الروح لليـسوه #ونصها
وعله الموگدها مااعتــب #ونصها
ثلث طاحوا من اعيوني #ونصها
مايملكون أبـــــــــد غيره وحميه

✍🏻    ام حيدر مكي النصاري

هوسه من غير نقاط في حق الحوراء


كرَم الله الحـــــــــــرّه آلله وللعَدو سمّ وسهم
ومملكه حكـموا أهلها الــــــورَع لصلاح الأمم
الحره أطهر وحده حرمه گد هواها عدها هَم
             گد مارادو ماكسروها

      ✍🏻   أم حيدر مكي النصاري

تلاوة القرآن


بصوت الوالد مكي النصاري 😭

ابــــاوع عالصور يابويـــه حنيت
ومن عگبك كرهت الروح والبيت
وريــــــت الموت يالفيني تمنيت

اخ يابويه 💔

في مناسبة مولد حسن المجتبىٰ س

ابدليلي الهم فَرح شايل حسن هم
ويضل مرســـوخ للعالم حسن هم
انولد بيت النبي وضوّه حسن هم
وحِسِن إلها الحَسن أمنــه الزچيه

    ✍أم حيدر مكي النصاري

لسان حال العقيله زينب « س »
تخاطب أمير المؤمنين علي « س»

يمن سيفك سگيته ادموم #بعداك
تـسعـــر بالگلــــب نيـــران #بعداك
تمــوت اليـوم وآنه ٱشلون #بعداك
علــه الهــزل يضربــونـي وسبيـّه


  🖋    أم حيدر مكي النصاري

الڪلا۾ موجه للشاعر الموفق الذي
لم يذڪر إسم الوالد مڪي حجي يبار
في هوسته في تمجيد شعراء الهوسة
في المحافظة 👇🏻


يلي تنــــشر في كلامڪ اتمعّن ابحچيّڪ عدِل
الهوسه لهلي ابصيت عالي اتمجّدت گول وفعِل
الگصبة النصّار أميـــــــر الهوسه ذاڪ المرتجِل
       (  مكّي العز عنوان الهوسه  )

✍🏻 ••ام حيدر مڪي النصاري

✦للصادق (ع) ✦

علِم صادق يساوي الكون #مذهب
وشرَّف بيــــه إلٰه العرش #مذهب
دوم اربـط دليلي ابعشگ #مذهب
الغيـــــــره و غيره ما مذهب إليه

 ✍🏻 #أم حيدر مكي النصاري•••

في حق المعصومه عليها السلام

بحر زودچ عله المخلوق #ينشاف
فاطم والگصدها احشود #ينشاف
كريــمه وبالكرم مـايــوم #ينشاف
چفـــچ، يالمــثـل چـف الزچـيـه

 ✍🏻  ام حيدر مكي النصاري

في حق الامام الجواد عليه السلام

جَرّح الخديـن دمعـي وروحــي حزنــت للرؤوف
اليوگف ابحضرة ضريـحه العـالم ابأسره يطوف
هذه باب الحاجه وَحده سيف من ذوله السيوف
      عباس واخوانه الساده

✍🏻 ام حيدر مكي النصاري