[BY] [PL - niżej]
🍂Бардаўская восень падкідае прыемныя неспадзянкі! 🎁

Цешуся, што запрошаны сёлета на сцэну фэстывалю з акустычным выступам да цырымоніі ўручэньня 🏆 прэміі імя Міхала Анемпадыстава.

Разам пасьпяваем любыя сэрцу хіты з культавага «Народнага альбома», у якім аўтарам большасьці тэкстаў стаў Міхал Анемпадыстаў.

✨Будзе сардэчна, па-восеньску ўтульна і кранальна!

Запрашаю!👇

📆25 кастрычніка, пятніца
📌Бельскі Дом Культуры (3 Maja 2, 17-100 Bielsk Podlaski
⏰Старт: 18:00

__________________
🍂Bardaŭskaja Vosień sprawia miłe niespodzianki! 🎁
Cieszę się, że w tym roku jestem zaproszony na scenę z okazji wręczenia premii imienia Michała Aniempadystawa.

Razem zaśpiewamy hity z kultowego „Narodnego Albomu”, w którym autorem wielu tekstów stał Michał Aniempadystaū.

✨Będzie serdecznie, będzie przytulnie, będzie wzruszająco!

Dołącz!👇
📆25 października, piątek
📌Bielski Dom Kultury
⏰Start o 18:00

Сустракайце фінальны выпуск гэтай сэрыі праграмы "Нашы ў Польшчы" пра вуліцы ў Польшчы, названыя ў гонар нашых славутых землякоў!

📄На якой мове Кастусь Каліноўскі напісаў свае апошнія лісты да каханай? У якім польскім горадзе ёсьць вуліца, названая ў гонар нашага слыннага ваяра і рэвалюцыянэра? Нарэшце, хто ён такі - герой ці антыгерой?

Відэа ўжо на канале 👇

👀Глядзіце самі і пакажыце дзецям!
👉https://youtu.be/WEsvBaf61gc?si=E6CcjI55CS_9JzsX

🍁Утульна і па-хатняму сустрэла Бардаўская восень, якая прайшла ў Бельску ў 29 раз у гэтую пятніцу 🍁

Дзякуй беларускаму PEN-цэнтру за запрашэньне на ўрачыстасьць абвяшчэньня прэміі імя Міхала Анемпадыстава і фэстывалю “Бардаўская восень” за цёплы і сардэчны прыём 💛

📍Даведацца, хто стаў сёлета пераможцам прэміі можна тут.

💥🎸 Сёньня ўвечары мы з Алесям Францішкам Мышкевічам запрашаем вас на акустычны канцэрт у Беластоку ў новым клюбе Music Club (ul. Legionowa 14/16), дзе вы пачуеце свае ўлюбёныя песьні, якія і самі сьпяваеце ў розных абставінах і з розных нагодаў.

А сёньня маеце магчымасьць пасьпяваць іх разам з намі! 👏

❣️26.10.2024
📍Music Club Białystok (Legionowa 14/16)
🕖 19:00

Уваход па квітках (націскайце тут)
*узроставае абмежаваньне 12+

Сёньня, у нядзелю, навіна для усіх аматараў рамёстваў і хатніх прысмакаў - вось-вось распачнецца сьвяточны маркет Art Craft House Halloween 🎨✨

📍 Мейсца: Nowy Świat 27a, Варшава
🕒 Час: з 11:00 да 19:00

❤️‍🔥На маркеце будуць нашыя плыткі “Грамадазнаўства” і кнігі “Ашуканкі” ❤️‍🔥

Вас чакае багаты выбар ад мяйсцовых рамесьнікаў:

🛍 Упрыгожваньні, сьвечкі, натуральная касмэтыка, парцаляна, торбы і капелюшы
🍬 Хатнія прысмакі: зефір, шакаладныя цукеркі, глазаваныя сыркі і хатняя каўбаса!

Прыходзьце сёньня і выбірайце асаблівыя падарункі для сябе ці сваіх блізкіх!
Атмасфэра Хэлоўіна і незвычайныя дэкарацыі гарантаваныя! 🎃

Сацсеткі клюба Craft Hand Lab
Інтэрнэт-крама | Insta | FB | TG | YouTube | TikTok

Суарганізатары праекту:
ПОБАЧ.ПАДЗЕІ.ЛЮДЗІ
Ваша Беларуска
SCENA CHMIELNA

Медыя-партнёры:
Варшава 36.6
Беларускае Радыё Рацыя

🎄6 сьнежня ў казачным Стакгольме мы сустрэнемся з вамі на ❄️ калякаляднай акустыцы, да якой я падрыхтаваў цудоўны сэт з найлепшых і найулюбёнейшых песень.

Песень, якія атуляць цяплом, сагрэюць надзеяй і падораць веру ў цуды 🏠✨

🤍 Мы з вамі пасьпяваем, пагаворым, пасумуем і павесялімся, так, як мы любім, на нашых акустычных сустрэчах!

Каб набыць квіток, націскайце на спасылку ⏩⏩ КВІТКІ ⏪⏪

Да сустрэчы! 👇
📅 6.12.2024, пятніца
🕒 Час: 19:00
📍 Мейсца: Estniska Huset, Wallingatan 34, Stockholm

Мы едзем у Кракаў! Вы з намі? 🚐

📍9 лістапада ў кракаўскім клюбе Zaścianek (ul. Rostafińskiego, 4) мы запалім танцпляц і вашыя сэрцы ўдарным рок-канцэртам да 10 гадоў альбому “Грамадазнаўства”!

У другім аддзяленьні - найслыннейшыя хіты! ❤️‍🔥

👉👉👉 Квіткі чакаюць тут.

А мы чакаем на сустрэчу з вамі!

👀 Вось і лістапад! 🍁 Акурат сёньня, 1 лістапада, са мной выйшаў цэлы падкаст пад назваю "Куды коціцца сьвет" пра сучасныя тэхналёгіі і музыку. 🫣

👇Ніжэй кароткі дайджэст з таймінгам па тэмах падкасту.
Атрымалася займальна, глядзіце і слухайце самі!

🤝 Будзе цікава, калі вы таксама маеце свае думкі наконт гэтага спалучэньня - тэхналёгіяў і музыкі, і гатовыя падзяліцца, запрашаю вас у камэнтары на YouTube ці то да гэтага паста!

0:54 – Як гурт «Мроя» запісваў першы альбом у сярэдзіне 1980-х і якога абсталяваньня ў канцы 1980-х не было на дзяржаўным радыё ў Беларусі, хоць на Захадзе гэта было пашырана ўжо ў 1960-я.

5:12 – Без чаго з сучасных тэхналёгій гуказапісу і працы з гукам ужо цяжка ўявіць свае канцэрты і працу ў студыі.

6:10 – Ад чаго з сучасных тэхналёгій Лявон Вольскі адмаўляецца.

8:33 – Спрэчкі пра гук. Дзе мяжа паміж «паўнамоцтвамі» музыкі-творцы і гукарэжысэра, прадусара?

10:25 – Ці павінен голас дамінаваць у запісе? Звычкі на постсавецкай прасторы і на Захадзе.

11:52 – Ці могуць новы эфэкт альбо новая апаратура скіраваць музыку ў нейкі стыль.

13:22 – Як Пол Макартні і Рынга Стар з дапамогай новых тэхналёгій змаглі выпусьціць у сьвет песьню Now and Then, якую Джон Ленан запісаў у чарнавіку яшчэ ў 1977 годзе. Ці можа гэта даць натхненьне аднавіць старыя запісы?

15:52 – Як прыбыткі найбольш папулярных заходніх музыкаў абваліліся ад лічбавых тэхналёгіяў і музычнага пірацтва. Ці можна было зарабляць на запісах у Беларусі?

20:14 – Вінілавыя кружэлкі як рытуал і эмацыйная прывязанасьць да іх. Ці ёсьць розьніца ў гуку?

21:25 – Уражаньні ад музыкі, згенэраванай штучным інтэлектам, у тым ліку ад «штучнага Вольскага».

24:19 – Ці зможа ў хуткім часе згенэраваная штучным інтэлектам музыка займаць першыя месцы ў гіт-парадах, падабаючыся людзям больш за музыку, напісаную іншымі людзьмі.

Выпуск цалкам тут: https://www.youtube.com/watch?v=RUUv8vCVQBk

Вашыя дэмакратычныя каштоўнасьці на хлеб не намажаш 😛

🗳️ Мы традыцыйна сачылі за амэрыканскімі выбарамі, і вось іхні вынік.
Як заўсёды — для кагосьці — шакавальны, для кагосьці — чаканы й жаданы.

Перамог Дональд Трамп.

Калісьці спадар Трамп паабяцаў, што, калі пераможа на выбарах, дык спыніць вайну ва Ўкраіне цягам 24 гадзінаў. ⌛️
Цяпер усе чакаюць, ці выканае вядомы бізнэсоўца й палітык сваё абяцаньне.
Але перад гэтай падзеяй адбываліся выбары ў іншых краінах.

Адкрыўся так бы мовіць, цэлы “выбарчы сэзон”.

Прайшлі выбары ў Аўстрыі 🇦🇹, і там перамаглі правыя папулісты. Якія крычэлі пра вяртаньне былое велічы, вызваленьне ад мігрантаў і сяброўства з Расеяй 🇷🇺(дзякуючы якому газ з нафтаю патаньнеюць, і будзе як раней).

Потым адбыліся выбары ў Малдове 🇲🇩, і мы ўбачылі, што далёка ня ўсе насельнікі гэтае сонечнае краіны імкнуцца ў Эўразьвяз 🇪🇺, шмат хто дагэтуль мэнтальна павязаны з прывідам СССРу і баіцца зьменаў.

Зрэшты, потым высьветлілася, што гэтыя “шмат хто” яшчэ болей прасякаюцца ідэямі сяброўства з Расеяй праз стымуляваньне расейскімі грашыма 💰, то бок, кажучы простай моваю, куплю іхных галасоў. Але ў другім туры эўрапейскаарыентаваная дзейная прэзыдэнтка ўсё ж-такі ўпэўнена перамагла.

У РБ абвясьцілі канчатковую дату сваіх выбараў. 26 студзеня. Адразу стартавала флэшмоб-кампанія “Надо”, дзе выкладчыкі, вайскоўцы, студэнты, навучэнцы і іншыя групы насельніцтва просяць нязьменнага ўжо на працягу трыццаці гадоў лідэра зноў балятавацца на пост прэзыдэнта. Зноў. Просяць.

📣 Гучна так просяць. “Нада!” — крычаць выкладчыкі калісьці паважанай навучальнай установы. “Нада!” — крычаць студэнты. “Нада!” — заклікаюць заводзкія рабочыя. “Нада!” — пераконваюць інжынэры. “Нада дык нада, — неахвотна і сарамліва пагадзіўся калісьці першы, а цяпер ужо шосты (!) прэзыдэнт (?) РБ і высунуў сваю кандыдатуру.

А што было рабіць? Народ папрасіў.🧜‍♀️

Увесь сьвет сачыў за чарговай шточатырохгадовай барадзьбой амэрыканскіх дэмакратаў з рэспубліканцамі. 🤺

Спачатку на другі тэрмін зьбіраўся пайсьці цяперашні прэзыдэнт Байдэн, але з прычынаў узросту і здароўя партыя папрасіла яго зьняцца. “Ня нада”, — папрасіла партыя. Неахвотна і сарамліва, рыхтык, як беларускі лідэр, толькі з супрацьлеглым зарадам, Джо Байдэн пакінуў прэзыдэнцкую гонку, і яго замяніла гаваркая й сьмяшлівая дэмакратка Камала Харыс.

З рэспубліканскага ж боку выскачыў, як чорт з табакеркі, стары знаёмы Дональд Трамп. І адразу паабяцаў у выпадку сваёй перамогі спыніць вайну ва Ўкраіне за 24 гадзіны, вярнуць Злучаным Штатам былую веліч 🇺🇸 (у сваё мінулае прэзыдэнцтва недавяртаў), і што цэны на бэнзын вернуцца на даваенны ўзровень. І ўсё патаньнее. Ну, і мігранты…

Карацей, вы зразумелі.

І вось яны (Камала і Дональд) паехалі па штатах — пераконваць народ. Адна казала пра небясьпеку дыктатуры, пагрозу дэмакратыі, пра неабходнасьць падтрымкі гэтае дэмакратыі ў сьвеце і дапамогу Ўкраіне. Другі — пра 24 гадзіны, веліч, падзеньне цэнаў і, безумоўна, пра мігрантаў.

Народ сабе слухаў і рабіў высновы, экзыт-полы паказвалі, што ў кандыдатаў шанцы, прыблізна, роўныя.

Абралі Трампа. Для кагосьці гэта дзіўна — што ён такога зрабіў падчас свайго папярэдняга прэзыдэнцтва, каб зноў яго выбіраць? Будаваў сьцяну на мяжы з Мэксыкай? Скарачаў колькасьць мігрантаў? А яшчэ што?

Але, насамрэч, нічога дзіўнага няма. І ў Аўстрыі, і ў Нямеччыне, дзе набіраюць папулярнасьць нацыянал-папулісты, і ў цяперашніх Злучаных Штатах, і ў колішняй Беларусі 90-х дэмакраты зьвяртаюцца да народа на незразумелай гэтаму народу мове.
Яны гавораць пра небясьпеку дыктатуры, неабходнасьць умацаваньня дэмакратыі і панаваньня дэмакратычных каштоўнасьцяў, перадусім, правоў чалавека, пра стрымліваньне агрэсіі і мэтазгоднасьць вылучэньня на гэта дзяржаўных сродкаў…

Гэтыя словы пераканаўча гучаць для падрыхтаванага чалавека, які і так абраў сабе дэмакратыю як адзіны магчымы лад жыцьця.

Для большасьці ж выбарцаў (як высьвятляецца, у любой краіне, і тут ня мае значэньня адукацыя жыхароў і заможнасьць гэтае краіны)найпрывабней выглядаюць простыя й зразумелыя (іх яшчэ называюць папулісцкімі) лёзунгі — ну, вы памятаеце: вяртаньне велічы, рабочыя мейсцы,абмежаваньне і жорсткі кантроль міграцыі, поўны няўдзел у расейска-украінскай вайне (бо на падтрымку Ўкраіны вылучаюцца велізарныя сродкі, мы лепей гэтыя грошы раздамо вам, калі вы нас абераце), танны бэнзын, газ, усё будзе, як раней, калі трава была зелянейшая і неба блакітнейшае.

Гэта працуе. Гэта народу падабаецца. А вашыя дэмакратычныя каштоўнасьці… Свабода… Гэта ўсё на хлеб не намажаш.

🗣️ Як той казаў.

А той, хто казаў, з асалодаю слухае заахвочвальныя крыкі: “Нада!”, “Нада!”. І рэха шматкроць адбівае гэтае расейскае слова па калідорах навучальных установаў, па шматпавярховых спальніках, па восеньскіх алеях паркаў…🍂

— Нада! — хорам крыкнулі выкладчыкі некалі паважанага ўнівэрсытэту, і рэха адказала:
— Нада!
— Нада! — выгукнула аддзяленьне міліцыянтаў.
— Нада! — азвалася рэха.
— Нада! — заклікаў гурт студэнтаў некалі паважанага ўнівэрсытэту.
— Нада! — паўтарыла рэха.
— Нада! — крыкнулі дзяржаўныя лекары.
        — Нада…кучыў! — раздражнёна адрэзала рэха.

✨Бліжэйшыя канцэрты, на якіх мы вельмі чакаем сустрэчы з вамі! ✨

👉9.11, субота - Кракаў, электрычны склад, 10 гадоў “Грамадазнаўства”, квіткі тут.

👉15.11, пятніца - Уроцлаў, электрычны склад, 10 гадоў “Грамадазнаўства”, квіткі тут.

👉6.12, субота - Стакгольм, калякалядны акустычны канцэрт, квіткі тут.

✨Паглядзіце, як нас сустрэлі ў Кракаве! ✨

❔Уроцлаў, а вы гатовыя?

У пятніцу пабачымся ў клюбе Łącznik (Tramwajowa 1-3)!

👉Квіткі чакаюць тут.

⚡11.11. аб 11-ай гадзіне мы стартуем з прэм'ерай кліпа! ⚡

❔❓❔Што такое Беларусь? На постсавецкай і нават заходнеэўрапейскай прасторы часам прынята зьвязваць Беларусь з Лукашэнкам, каўгасам, "моцнай рукой і гаспадаркай", з традыцыйнымі савецкімі каштоўнасьцямі, але насамрэч Беларусь - гэта краіна з тысячагадовай гісторыяй, з палацамі, кляштарамі, старажытнымі замкамі, з Вялікім княствам і культурай, упісанай у агульнаэўрапейскі кантэкст.

🌪️🌪️🌪️ Ужо дасяжнае, глядзіце на YouTube!

Сёньня Польшча адзначае чарговы Дзень Незалежнасьці. 🇵🇱

Калісьці раней у Менску ў гэты дзень польская амбасада ладзіла шыкоўныя (ці то не асабліва — у залежнасьці ад палітычнага і эканамічнага кантэксту) вечарыны.

Там можна было сустрэцца з прыяцелямі, з тымі, каго даўно ня бачыў, пагаварыць, пажартаваць, падзяліцца плянамі, прыдумаць разам нешта новае…

Я ўпэўнены, што праз пару гадоў у гэты дзень мы зноў сустрэнемся зь сябрамі ў Менску на вечарыне, арганізаванай польскай амбасадай, павесялімся, парадуемся, адзначым Дзень Незалежнасьці Польшчы і прыгадаем нашыя розныя на ўражаньні, эмоцыі і пачуцьці польскія гады.

🤍❤️

Сёньня а 15:00 па менскім (а 13:00 па эўрапейскім часе) сыйдземся ў батле на Еўрарадыё з мурэнай беларускай журналістыкі Зьмітром Лукашуком - будуць вострыя пытаньні і калючыя адказы (а вы, дарэчы, можаце таксама задаць свае пытаньні).

👉 Сустрэнемся ў этэры праз 2 гадзіны.

Пад’ядноўвайцеся да прагляду 👏

💥 15 лістапада, у гэтую пятніцу ўва Ўроцлаве - 10 гадоў “Грамадазнаўства”! 💯

🔜 Klub Łącznik (ul. Tramwajowa 1-3)
🗓️15.11.2024
🕖 Doors: 19:00
🎶Concert start: 20:00

🖤 VOLSKI Electric Show 🖤
👉КВІТКІ👈

❄️Вялікі калядны рок-канцэрт гурта VOLSKI ў Варшаве! ❄️

📍21.12.2024, субота
📌 Odessa Club (Ul. Kolejowa 8/10, Warszawa)

🎁 Калядныя песьні, якія ствараюць настрой, размаітыя хіты, правераныя часам, нечаканыя дуэты і запрошаныя музыкі, а таксама перадсьвяточныя цуды — як жа бязь іх! — усё гэта ў калядным канцэрце VOLSKI 21.12.2024!

🎟️ Першыя 50 квіткоў па прома-кошце - 100 злотых:
👉https://relivent.eu/BY/event/1372/

19:00 - уваход
20:00 - пачатак канцэрту

Першая партыя квіткоў прададзеная за лічаныя гадзіны 🙌

🖤 Дзякуй за ваш давер і актыўнасьць!

👉Дадаем яшчэ 50 квіткоў па прома-кошце ў 100 злотых:
https://relivent.eu/BY/event/1372/

З наступнай партыі будзе ўздаражэньне, не адкладайце на пазьней 👍

🗣 Як вы сярод лавіны размаітых навінаў пасьпяваеце сачыць за маёй аўтарскай калёнкай - не ўяўляю сабе, але дзякую вам за тое, што разважаеце са мной разам, выказваецеся і абмяркоўваеце надзённыя тэмы.

Пазнаёмцеся з маімі развагамі пра вайну ў Украіне і рэакцыю сусьветных лідэраў. ❗

«Гэты дзед наколькі злосны, настолькі й баязьлівы, і, каб яму з самага пачатку, зь ягонага ўварваньня ва Ўкраіну выразна прадэманстравалі, што ён тут, у Эўропе, не гаспадар, ён бы сабе зашыўся ў свой бункер і пасьпяхова працягнуў мучыць сваіх падданых. А цяпер мучыць увесь сьвет.»


❓ Чаму так сталася? Чаго напачатку вайны не хапіла сусветным лідэрам — смеласці, еднасці ці папросту здаровага сэнсу? Няўжо цяжка правесці паралелі?

💬 Разважаю ў рубрыцы «Мама, не журыся!» на Budzma.org.

Другая партыя квіткоў на канцэрт 21 сьнежня распрададзеная!

🎫 Новая партыя квіткоў па новым кошце ў продажы, сьпяшайцеся да наступнага ўздаражэньня!

👉: https://relivent.eu/BY/event/1372/