tgoop.com/layalialanin/2093
Last Update:
للامام المهدي عجل الله فرجه
طور (جسام ياضنوتي)
(ظليت اهز بالمهد)
غايبنا يالمنتظر طالت طالت ترى الغيبه
ملت امن الصبر احبابك التنتظر
طالت طالت ترى الغيبه
---------------------------------
يعينك الله سيدي اعله الصبر
جم الم شايل سيدي بالصدر
غربه وفراق ونارك التستعر
وهموم شايل سيدي لهالبشر
عندك اجت تشتكي تبجي واتعدد النيبه
لا يطول الهجر احبابك التنتظر
طالت طالت ترى الغيبه
---------------------------------
جيتك يمهدي بالدمع واعتذر
خافن ذنوبي زودتكم كدر
خافن بعينك مالي حق النظر
وعمري قضيته لطعلتك انتظر
بعينك تشوف القلب
حبك ايودي ويجيبه
ظلمه وإلهم بدر احبابك التنتظر
طالت طالت ترى الغيبه
-----------------------------------
يمهدي جيتك اشتكي من الذنب
وهموم عمري بحضرتك جيت اذب
ويخرسني انك هالعمر مغترب
لابيت لا باب وعليه نقترب
شمسوي كل الدهر
غايب وتتخفى ياهيبه
تبجي كل العمر احبابك التنتظر
طالت طالت ترى الغيبه
------------------------------------
تبجي لمصاب حسين ميت ضما
تسحق اضلوعه الخيل واتهشمه
بالشمس ظل ايام من لملمه
لوتبجي للشبان غرقت دما
عمتك من تنضرب
ويلي تتحمل اعجيبه
همها ماينجبر احبابك التنتظر
طالت طالت ترى الغيبه
-------------------------------------
الله يعينك والله يبن النبي
نار بابوابك تشب و السبي
وضلوع امك للستر تختبي
ويلي صبرك شيحمل يالابي
مكتوب ليك الصبر
تجرع واتطول الغيبه
تشكي يالمنتظر احبابك التنتظر
طالت طالت ترى الغيبه
------------------------------------
تمت بحمد الله
بقلم :بنت الشمري
------الكويت-------
BY ليالي الانين الاولى ١
Share with your friend now:
tgoop.com/layalialanin/2093