هذا المكان السولفتلك عَنه ..
مِن گعدت يمك وگتلي إتدنه
وگامن ومن گامن الخاطر مفشوخ
وهالوجع لا بالگلب لا باليافوخ
وعيونك .. أول مرة أحس رجلي تدوخ

يمر إسمك وأحس حرورتك بالراس
واذب روحي بنهر يومين ما أبرد.

اله أنشف ماي اصابيعك
واخليها أتراعش من كثر دكها على بابي
اله اضوگك ذلة الملاج من يصير راعي
اله أخليك بمكاني الماله داعي
اله أردك عالهدوم الشابكك بيهن
و ادور خانه خانه ..
اله اخليك تصفن بالوجوه التمشي يمك
كلها تتراوالك آنه.

تگدر تجاوب سؤالي الما سألته
آني مو ماعندي غيرك
ليش عِندك غيري إنتَ !!

خَل أگلك خاف ماعندك خَبر !

راد يوگف گلبي بس ربك ستر.

حگ عندي يمك ..

وآنه اداعي بحگي !

أحبچ مِن عَدى عيونچ الحلوات
مستثني العيون وحابهن وَحَد.

ما باريك ذمة و باچر من تموت
يلگون برگبتَك عُمري و الشامة !

ارضى سنين أعيش وياك مَهموم
ولا ساعة ويّ غيرك بالي مرتاح.

لو تنطي روحَك بعد ماگلك أرجعلك.

نَفس الوجع نَفسه
ولا بيك حظ وتحن
لا بيه حَظ أنسىٰ

البارحة إتذكرت كِل لحظة بيها سوه
وكبران چَني سَنة من البارحة لهسّـه

مَعقولة عِشرة عُمر ماخذها للونسه !

لا يمكنك أن ترى
حقيقة الأشخاص وأنت متورط
معهم بمشاعرك
إن ابتعدت قليلًا
سترى كل شيئ بوضوح .

أرضىٰ سنين أعيش وياك مهموم
ولا ساعة ويّ غيرك بالي مرتاح.