شناقصني وأكسر خاطرك يمتى تعود ؟
لو تدري جسمي شلون يهتز وينود
و داعت عيوني الراح ياكلهن لا ..
هنه بـ غيابك بعد يرغبهن دود ؟

بكيفه جاي أتنفس.

إنتَ أول راحة أحسها مِن بعد تعب السنين
آني فِعلًا جاي أشوفَك عَوض رب العالمين.

شما ألم البيه وأتدفى بوحدتي
تجيسني برودة فرگتك
شما أتوب من الحنين
اليلبس ضلوعي أعله كيفه
تركض ببالي ضحكتك
آخ يا عيني شّيكضها
آنه بالگوه گدرت أغفى أعله عرفي
وگوه لميت بحلاتك خاف تندل وتجيك
وخاف ما خاف وعبر طيفك عليها
وخاف چانت عايزه أكتملتلي بيك.

فوبيا من كلشي غيرك .

مِشتاگلك حِيل وعلي !
بس چنّك مضيعني ..
ركز بوجهي تذكرت ؟
آنه الچنت مِن تلتفت
حتىٰ الهوىٰ يوجعّني.

عُمري ما يسوىٰ بدونك
أبقىٰ يَمي وبس إليه!

بَعدني من أگعد لوحدي
مكان بصفي أخليلك.

چنت أتحسَس مِن اي شي
علىٰ حچاية التغثني أسهَر
الحچاها ينام
واني بروحي أضل أقهَر

چنت مِن انغَث مِن إنسان
بعد ما املك أعصابي
وأي شي بيدي يتكسَّر

حَقيقي وفوضوي
بَس ما أأذي أحد
أهدد وانفِعل وأنهار
وچذب بس أحرگ بروحي
ورَة ساعة وأرد أبرَد

والغلطان نفسيته
يرجَع ياخذ هدومي
لا آسِف ولا يحتاج يتعذَّر
نقطة ضعفي چانت هاي
ونقطة ضعفَك
الوادِم تحاول تستغلها أكثر

الىٰ أن الحچي تغيَّر
أحس روحي بَشر ثاني
أحس بروحي صرت أخطَر !
مِن صار الحچي مايستفزني بشي
وردة فعلي تتأخر ..

ترة كِلما هدوئك زاد
كلما أكثر تعانِد
التجرحَه وينفِعل
أعظم قراراته يكسر الجام
مايكسر گلب واحد ..

مِن هذا البَشر لَتخاف
بس خوفَك مِن البارد !

يوميه موقف رادّك صم تراب
لو بين يوم ويوم تتحملها
يوميه تسمع كلمة وترد كبران
وتگول لو ما جاي ما گايلها
وترعش لحد ما منك تطيح چفوف
والقلق يمشي بـ روحك وياكلها
والجايات شوية والراح هواي
وهاي المشاكل وقت ينرادلها
اول وتالي تموت وترد للگاع
وتموت وياك أمنياتك كلها.

حبيت بطريقة تخوّف الكتال
استاهل اذا ظل الوجع دايم
وصلت بيه اطوّل بالسهر يومين
اگول شلون خاف يدزلي من نايم!

آنه خايف لا اموت ومو عليك.

تصَدِّگ ماتصَدِّگ بقت يمك هاي
رايح بس بعدني أشتاگلك صَدِّگ
وبعدني أتخيل چفوفك بـ بابي تدِگ
وبعدني شما يمر إسمَك بذااااااك الصوب
أظل أتلفَّت لحَد مارگبتي تطِگ !