صديت ثم اقفيت من دبله الكبد
معاد لي في دبله الكبده طاققه .

ياليت عطرك تبعك وراح من باالي
كان الجروح القديمه مات قاضيها

ترى سكوتي ،، ماهو انك على حق
يزبن خطاك ، بوجه قدرك واخليه

انتي ستيرة عرب وانا ولد روس قوم
في وجهي ووجه أبوي انه مايلحق اذى .

‏تغاضيت عن بعض الحكي ماني بمجبور
‏تحملت منك اللي ماعمري تحملته

‏لاترسل علي القلب الاحمر وهو مكسور
‏وانا منكسر لي قلبٍ ابيض ولا ارسلته

تجيبه طواري اللّيل لاراح ثلث الليل
‏ ويدعيه قلبٍ لا تناسى .. ولاهوّن

تبصر بقلبك كان شفت الدرُوب أشباه
‏ترا قلبك.. أبصر من عيونك مية مره

‏لا تحسب أن الليالي كلبوها ربيع
‏لازم تلوفك هبوب القيض وسمومها

اضرب على الصعب دايم والسهل خلّه
‏ما ياخذ السهل غير الهيّن . . العادي

أنا ماني بحيّ الله دخيلٍ .. يحتريك تجود
‏أنا إن ما ملكت أقصى كثيرك بالهوى عفتك !

يابو وجهٍ يغار القمر منك لا طليت
‏وش العمر من دونك ودنياك من دوني؟

احب كل إرتفاع الا إرتفاع الخشوم
‏و أعاف كل النزول الا نزول المطر

حظ منهو لابغى شوفك يشوفك
‏أشهد ان الله عطاه ولا . . عطاني

القاع من تحت رجلي والسما فوقي
‏ولانيب أعبد الوجيه .. ولا أترجاها

فينا من العز .. ما يجعل خواطرنا
‏تسمح من الحاجه اللي ودنا فيها

بقى لك ذكرى ليا غمض المرتاح
تمشط بقايا كبدي بروس اظافرها

لك علي اني ماحطك على لسان الشموت
‏ولي عليك إن كان صدرك تضايق مرني

‏مستعد أموت لأجلك ولكن قبل أموت
‏كان عندك شي يثبت غلاتي .. ورنيّ

سويت لك كل شي وش عاد اسويلك
قدرت احبك ولكن ماقدرت اشره

انكر غلاي ومعاريفي وحبي لك
لاكن انا طالبك لا تنكر العشره ..