الحزن الدفين
مواسه الامام علي عليه السلام


كثر نوحه على الزهره بچت حتي السماوات
مايشفه جرح گلبه وماتنطفي الجمرات
🏴🏴🏴🏴🏴🏴🏴🏴🏴
چيفه عيون علي اتنام
ضاعت كل لحلام
ماتت. نسمت الصيف واصبح وحده ليمام

ارحلت متغيره اللون
من ضربت الملعون
كسر من عدها ضلعين وهم سطره عله لعيون
حياته
طفو شمعت حياته
وام امدللاته
بغدر اهل الشماته يوم اعليها هجمن
يوم اعليها هجمن

عليها الباب وجن

وگع الحمل محسن

بقى الشمات فرحن
بقي الشمات فرحن
ملايكت السمه ناحت لجل ام الكرامات
مايشفه جرح گلبه وماتنطفي الجمرات
🏴🏴🏴🏴🏴🏴🏴🏴🏴
على بضعة محمد
دمعه انطبع عله الخد
بعدها عيشته شلون
عليها حزنه يشتد

بنت شاه الرساله
ارحلت عنه بعجاله
شيعها بتابوت وعليها دمعه ساله
عليها دمعه ساله

علي اتحزم احزام.
ابنعشها ينشر اعلام
رحلت عنه الحبيبه جليله بلحدها تنام
عجيبه شلون يدفنها بنت خير البريات
مايشفه جرح. گلبه وماتنطفي الجمرات
🏴🏴🏴🏴🏴🏴🏴🏴🏴
بچت. ارض وسماها
للزهره بنت طاها
يجر حسره بالف حسره على الزهره مينلام
عجايب
دفن زهره عجايب البتول اغله حبايب
ابو. الحسنين موجوع ويجر ونه خفيه
علي مكسور لجناح
ماظن ابد يرتاح
تظل ادموعه سفاح على. الزهره الزچيه

راحت شمعت اسنينه عليها واحسافات
مايشفه جرح گلبه وماتنطفي. الجمرات.
🏴🏴🏴🏴🏴🏴🏴🏴🏴
تمت بحمد. لله
✍️ام. عبد. الله شويهين

https://www.tgoop.com/loahroqaiah

كثر نوحه........

‏الرادود الحسيني علي العيداني

بسم الله الرحمن الرحیم

سلام الله على ام المصائب زينب جبل الصبر

ابوذيات مشترکه لعقیلة بني هاشم
.......
يمين احلف انــه بزينب وصلها
فلا تنذل لــــون عســكر وصلها
ابــو الیمه صده صـوته وصلها
وصیته الها الصبرابکل رزیــه

✍🏻الشاعره ام عباس الحسیني

▪️▪️▪️▪️▪️▪️🏴
زينب ماشفت وحده مثلــــها
ظل ينضرب بالعالم مثلــــــها
يوم الطف بگــــــه النه مثلها
اليزيد الذلته بت الزچيـــــــه

*✍️الشاعر فالح العامري*

▪️▪️▪️▪️▪️▪️🏴

انكسر گلبي ولعد مرقدچ  حنيت   
من ادموعي الـــچ چفين حنيت
الچ اجــلال زينب ضهري حنيت
يضل اسمچ فخر كـــل. البريــه
  
✍️الشاعره ام. عبد. الله شويهين.

▪️▪️▪️▪️▪️▪️🏴

بو صالح وين خــل يلحك عليها
ويخبرالمصطفى جدها  و عليها
الكافل خــل يجي ويگلب عليها
ترة الكفار حـــــــول الهاشميه

✍️الشاعره ام محمد الساري

▪️▪️▪️▪️▪️▪️🏴
زينب بالعرش مكنــــــون سرها
ولايــــــــوم الدهر ياناس سرها
حسافه مشت لأرض الشام سرها
اوماتت بالغرب بت حامي الحميـه

*✍️الشاعر فالح العامري*
▪️▪️▪️▪️▪️▪️🏴

العمتك كوم يالمهدي واثرلها
واخذ ثار المتن سوطه واثرلها
المـــــا مشيوف ضلها واثرلها
حرام اردود يمشوها سبيـــــه

✍🏻الشاعره ام نور الباقر المالكي
▪️▪️▪️▪️▪️▪️🏴

الحشد مجموع يحميها سره الها
ولعد الحضره متقدم سره الها
وسط لگلوب بت حيدر سر الها
ومحبه ثابته الحــــــــد المنيه

✍️الشاعره شيماء ام نور

▪️▪️▪️▪️▪️▪️🏴

تجلــــها العـــــوالم وي علمها
فــلا يوگـع يرف دومــه علمها
بلا معلــــم وهـــب الله علمها
عله شانها واجب حبها الابیه

✍🏻الشاعره ام عباس الحسیني

▪️▪️▪️▪️▪️▪️🏴

https://www.tgoop.com/mslmapnAGyel

بسم الله الرحمن الرحيم

نخوه لمولاتي باب الحوائج ام البنين،لشفاء المرضى وقضاء الحوائج

ادك بابج  يحره وانتي ضيفيني
عندي هموم كثره فدوه سمعيني
ـــــــــــــــــــ*
عندي هموم كثره هدمت حيلي
ماغمضت عيوني ومانمت ليلي
اصيح اداد  منها  واه   ياويلي
وصفولي الدوه وانتي التطيبيني

الشاعره ام محمد الساري

ـــــــــــــــــــ*

ياباب الحوائج انتـــــــي معروفه
ياجف الكريم البيـــــــه موصوفه
ياكعبة عشگنـــــــه بيتج انطوفه
يم عباس خادم الج قبلينــــــــي

*✍️الشاعر فالح العامري*

ــــــــــــــــــ*

ترى ام عباس بالوكفــات مشهوده
كلمن يعتنيها اتعرف مگصوده
تنطي امراد متخلي ايده ممدوده
هاذي  البشدايد هيه  تحميني

الشاعره ام زين العابدين المحمداويه

ــــــــــــــ*
يم عباس نضري لى فردنضره
اجيت انخاج يحره واسچب العبره
عندي هموم والله هوايه متعسره 
ياباب الكرم انتي ونضر عيني 
"""""
الشاعره ام عبد الله شويهين

ــــــــــــــــــــ*

هاي ام الوفه  بالحشر تحضرنه
موبس بالكلب انتي ابضمايرنه
نشكي اهمومه عدههه وتوجينه
يحره بداعت العباس كفليـــني

الشاعره آيه العلياويه ✍🏻

ــــــــــــــ*
ام عـــباس ام الــــوفه معروفه
لكل محتارابوکت الشددمتعوفه
هاي ام الگـــمر الطاحن جفوفه
بمصابج اواسيج وتــواسيـني

✍🏻الشاعره ام عباس الحسيني

ـــــــــــــــــ*
اريــد انخــاچ وادری ماتردینه
عندي حاجه يمج وانتي تدرینه
ودنيـانـه يحــره جارت اعلینه
اریدنــچ تشفعیلی وتسندینی

✍🏻الشاعره ام حسین عبدالعالی

ــــــــــــ*
تمت بعون الله باقلام خادمات مسلم ابن عقيل
باقــــ✍ــلام خدام  اهل البيت عليهم السلام
في رابطه مسلم بن عقيل
#باشراف_الأستاذ
#فالح_العامري
نسألكم الدعاء 🙏🏻
https://www.tgoop.com/mslmapnAGyel

صلوات صلوات نوْر لنا الهادي علي
بركات بركات بالباقر همنه ينحلي
🌺🌸🌺🌸🌺🌸🌺🌸

مبروك جانه الهادي علي زين المعاني
على الموعد اجينه ونعلي التهاني
ننصب حفل لمولاي وننشد الاغاني.
بدايات. بدايات ونصلي دايم عالنبي

🌺🌸🌺🌸🌺🌸🌺🌸🌺
فرحانه الدنيا كلها وتعلن. البشاير
نصبت حفل الشيعه من انولد الباقر
غرت رجب. اجتنه.بيها تسر. الخاطر
بعلي الهادي والباقر بيهم ينور المحفلي.
🌺🌸🌺🌸🌺🌸🌺🌸🌺
هليله ليلة افراح وانهني للزچيه
نهني النبي. المختار. وعلي حامي الحميه
ننثر. ورد وي الهيل بحفل هاي. المسيه
نوره زهر هالغالي من وجه شعشع يعتلي
🌺🌸🌺🌸🌺🌸🌺🌸🌺

محله جمال. الباقر ومحله جمال الهادي
ابو الصادق اجانه ونورها البلادي
يقضي. لنا الحاجات و يحقق لي مرادي
اتعنينه للمحافل ونهني. حيدر الولي
🌺🌸🌺🌸🌺🌸🌺🌸🌺
كل. الخلگ مسروره من هل رجب و جانه
بمولد علي الهادي ربي يقبل رجانه
محلاه ومحله اسمه. نور الامام غشانه
تنزاح عنه لهموم. والله يشافي المبتلي.
🌺🌸🌺🌸🌺🌸🌺🌸🌺
نورين بشهر. الخير. الليله فرحتهم سوه
مولد علي الهادي والباقر يشعون ضوه
كلنا نبعث تهاني ويه نسمات الهوه
الهادي وي الباقر بيهم تحقق املي
🌺🌸🌺🌸🌺🌸🌺🌸🌺
تمت بحمد. الله
✍️ام. عبد. الله شويهين

https://www.tgoop.com/loahroqaiah

كلمات حافله للامام الباقر ع

من وزن الحدي

مولد عزيز ام الحســـن
باقر يشع منه الوجـــن

🍃🌹🍃

من المهـــد نـوره يشــع
ننصب حفل كلنه جمــع
وبکل کتر نعــلگ شمــع
ونهني اليــوم المؤتمــن

✍🏻الشاعره ام عباس الحسیني
🍃🌹🍃


باقر علـــوم المـصطفــــه
راعي العلـــم والمعـرفــــه
الدنیـــه بيــــه متشرفــــه
شــامخ يظل طــــول الزمن

*✍️الشاعر فالح العامري*

🍃🌹🍃

نرفــــــع ورود ابحــفلته
نسـل الحسـين اوعتــرته
ونهني امـــــــه الجــابته
يالشــوفته اتزول المحن

✍️الشاعره شيماء ام نور

🍃🌹🍃

خل نگصده اليوم ابفـــرح    
وبحفلته انــــداوي الجرح
ابمــولده. صـدري انشـرح
يالحــــبه ابگلبــي ســـكن

✍️الشـــاعره ام. البنين

🍃🌹🍃

وبجيتـــه فرحــه الكــمر
ابن النبـــي خــــير البشر
بوجـــوده  العلــم  انتشر
ابمـــولده  زال  الشــجن

ام محمد الســـاري

🍃🌹🍃

دنیــه ازهــــرت  ابطلــــته 
انطش الـــــورد ابفــرحـته
كلبـــي انشــــــرح ابجــيته
وهمــــومنه خـــل ینمحن

الشاعره ام كريم طرفي

🍃🌹🍃

شــــرفنـــه هلیــوم الولـي
کل شـــيعته لبســت حلـي
ابمـولده الهــم ینجلـــــي
وبفرحته ننـــــسى الحــزن

الشاعره ام روكان الشمري

🍃🌹🍃

https://www.tgoop.com/mslmapnAGyel
تمت بحمد الله تعالى

بسم الله الرحمن الرحيم

قصيده لاستشهاد علي الهادي عليه السلام
.......

الـــيوم عالهادي الدنيه مظلمه
حضرت تشيعه الزجيه فاطمه

علي علي  علي علي علي علي ياعلي الهادي


حضرت تشيعه وتون لمصيبته
ويلي عالمسموم اوحـد بغربته
اذكرت الملحمــــه من شــافته
نادت يامـظلوم
بالغرب مسموم
انفجعت الاملاكه کلها بالسمه

✍🏻الشاعره ام عباس الحسيني

======$$$=======

انفجعت الاملاك لجل الهادي .
ناحت الزهره عليــــــه اتنادي
مصابك يالمسموم راع افادي
  شعظم لوداع
والگلب مـرتاع
نعزي بمصابه علي حامى الحمه

✍🏻الشاعره ام البنين

======$$$=======

انعزي بمصابه علي داحي الباب
انريد وي الزجيـــه بهل المصاب
بلچـــن ایبـــرد گلـبـــها اللـــهـاب
وتسكن ونتهه
صعبه محنتهه
ونشف دموع الي جرت منهه دمه

✍🏻الشاعره ام عباس الحسيني

======$$$=======

حضرته  والگلب منــها  انفــجع
وعلگت اعله النعش لجله. شمع  
شيعت نعــــشه يويلـي بالدمع
ضجت الاملاك
واظلمت الافلاك

ســاعد الله الزچيـه  امألمه

✍🏻الشاعره ام البنين
======$$$=======

وشيعت نعشــه الزجيه الطاهره
وظلمه سامره عله بن خير الوره
وضلت الـــشيعه روحــها موجره

تلطم اعله الراس
ســمته الارجاس

اشهل مصاب الدين َركنه هدمه

✍🏻الشاعره ام عباس الحسيني

======$$$=======

اعله امصابه سمانه حل خسوف
تبجي الشيعه عليه بدمع ذروف
عادت اعلينه مصـايب الطفوف

شيعوا الهادي
والحـزن بادي

آه يايومك امامي اشمعضمه

✍🏻الشاعره ام البنين 
=======$$$=======
https://www.tgoop.com/loahroqaiah

اليوم عالهادي الدنيا......

الرادود المبدع علي العيداني

بسم الله الرحمن الرحيم

متباركين ابميلاد الامام الجواد عليه السلام

..........

محله الجواد وطلته   
ياهله............ یاهله
نوره  يشـع  ابوجنته 
ياهله............. یاهله

🌿🌷🌺🌿🌷🌿🌺🌷🌿

نـــوره يشــــــع ويلالي
ابــــن الرضــــــا الغالي
میـــلاده الهـــل يحلالي
والشـــــيعه كلها ندبته

✍🏻الشاعره ام عباس الحسيني

🌿🌷🌺🌿🌷🌿🌺🌷🌿

الليله افــراح وســرور  .
نشعل اعـــواد البخور.  
الحلوه بصــواني تدور
فرحانــه الليله شيعته.

✍🏻الشاعره ام عبد الله شويهين

🌿🌷🌺🌿🌷🌿🌺🌷🌿

نحــتفل كلنــه  الشـيعه
واجــــب علينه انطيعه
حـــــبه  ابـــد  منـبـيعه
امــــلاكه كـــلـها هابـته

✍🏻الشاعره ام عباس الحسيني

🌿🌷🌺🌿🌷🌿🌺🌷🌿

صارت زهيــــه سمانه . 
انهني الرضـــا مــولانه
ونهنــــي امّــه ريـحانه. 
مبارك عليــــنه اولادته

✍🏻الشاعره ام عبد الله شويهين

🌿🌷🌺🌿🌷🌿🌺🌷🌿

الامّــه غــدت  مـسروره
ضــوه الكــــون ابنـــوره
انطــــش الورد وعطوره
والحـور الهايـمه بنظرته

✍🏻الشاعره ام عباس الحسيني

🌿🌷🌺🌿🌷🌿🌺🌷🌿

ابمولده الكـــون ازدهر.  
والـنور من وجه انتشر 
ضــوه علــى كـل البشر
هـناهــا ربِّ الجـــابــته

✍🏻الشاعره ام عبد الله شويهين

🌿🌷🌺🌿🌷🌿🌺🌷🌿

مــولده من ربّ الـسمه
والـدنيه  بيـــه متنعمه
والامّــه بعلــمه غــانمه
وحــقق للمــحب امنيته

✍🏻الشاعره ام عباس الحسيني

🌿🌷🌺🌿🌷🌿🌺🌷🌿

https://www.tgoop.com/omabbasalhoseini

محله الجواد وطلته..... 🍃🍃

الرادود المبدع علي العيداني