-

يا ما نهيت القلب لا شك ما طاع
ما طاع يد له والليالي تلوعه
أثر المولّع دمعته تجرح القاع
وإلى ذكر ما فات هلّت دموعه
يفز قلبي تالي الليل مرتاع
أخاف تبعد عن ربوعي ربوعه
الموت كان العرف عقب البطا ضاع
والمنتحى يا سعود صعبٍ رجوعه

عندي امل ان اللقى ما هو بعيد
‏رغم الجفا رغم المصايب والزعل
‏عندي امل انك بترجع من جديد
‏واشوف قلبك ليه عن قلبي رحل !
‏عندي امل اني بسولف لك قصيد
‏واشبع اسماعك قصايـد من غزل
‏عندي امل لكن خوفي لو يزيد
‏هذا الغياب ويقتل احلام الامل

-

من لا يحس بقيمتك وانت موجود
ماهو بناشد عنك لا صرت غايب
حاول تفرق بين بيض الايام والسود
ياقلب ما كل الحبايب حبايب
والي يبيك يجيك لو دونك قيود
يكسر على شانك خشوم الصعايب
واللي يبي فرقاك لو دربك ورود
ماجاك لو انك من ادنى القرايب

أسافر عنه من ديره لديره
عساي اسلاه لكن ما حصلي
أهوجس فيه وأنسى إني نسيته
وأفكر في لياليٍ قد مضن لي
وأنا لاجيت أبنساه إلتوابي
خياله وأنهمر دمعي يهلي
وأشوفه واقف(ن) من دون دمعي
حبيب القلب في عيني يهلي
دعاني ياغريب الدار عوّد
ترى مالك محل إلا محلي
مكانك في عيوني ياعيوني
وقلبي من غرامك مايملي

اخترت اعز النفس وابعد واخليك
‏ماعادت ايامي معك مثل ماكان
‏كسرت قلبٍ كان بالحيل يغليك
‏حطمتني وانا احسبك كل الأمان
‏حتى على نفسي أنا كنت ابديك
‏كنت ازرع الفرحة وتملاني أحزان
‏عين بكت لك امس واليوم تشكيك
‏ياقو قلبك كيف بعثرت انسان !

مانيب فِي حبك كذوب ودجّال
‏ولاني على بعدك قليل الحسايف
‏ضاميك واحبك ولي منك اللال
‏وابيك وارقى في هواك النوايف
‏وانتَ تطاوع بي حسودٍ وعذال
‏ماتدري انك غير كل الولايف
‏عندي ولك في روضة الروح منزال
‏والحب سوّا بي مثل ما انتَ شايف

لو تلاقينا بعد طول الغياب
‏كيف بيكون اللقى ياسيّدي
‏هو لقى لهفه او دموع عتاب
‏فيه موت احساسي ولا مولدي
‏راح تسألني هل المجروح طاب
‏وراح اقول الجرح للحينه ندي
‏وراح تسألني هل المفتون تاب
‏وراح اقول اللي يحب غيرك ردي

ترا ما يذبح العاشق مثل دمعٍ بكته عيون
على موت الأمل والي يحبه هو سبب ياسه

ياما اخفيت لك عن الي بصدري
وداريت دمعك وانا دمعي همال
وياما اخفيت حزني مابيك تدري
لجل ما اتعبك واشغل البال
أحبك وهذا هو ياحبيبي عذري
واحبك مهما غيابك علي طال
لا تودعني ياهوى بالي وتسري
نسيت ان بعض الموادع وصال
انساني بكيفك ولا تهتم لأمري
بس انا انساك ؟ لا والله مُحال

في صدري سراج حزين ومكسور
رغم المطر والريح شلته بدربك
والله مابه غير لوعاتي قصور
وخوفي عليك الله ربي وربك
الى متى بابني على صمتك جسور
لا حيرتني اسباب سلمك وحربك
العمر احبك مابقى فيني شعور
ومتى جفاني العمر وشلون احبك؟

هل هي تذكرني او ان الشوق مات
او زمان الصمت بالقسوة كساها
اسأل الايام عنها كيف جات
وكيف راحت والزمن كيف انتساها
من يجمعني بعد هذا الشتات
او يواسيني ويهديني وساها
تهت في بحر الشعر والأغنيات
لا معي مينا ولا قلبي رساها
جيت ادور في رفوف الذكريات
ما لقيت الا من الذكرى صداها

يسألوني ليه احبك وليه انا مغرم هواك
مادرو انك حبيبي بالبشر مالك مثيل
يعاتبوني كيف قلبي ماعرف حباً سواك
وكيف اقضي العمر كله في غرام مستهيل
لا يهمونك حبيبي العمر كله فداك
العواذل مهما قالو ما ابي غيرك بديل
حكيهم عني وعنك زاد في قلبي غلاك
الوفاء والحب كله سيدي لاجلك قليل
ومهما عانينا بليالي ابعدت عني خطاك
ببقى عمري مانسيتك لو لقانا يستحيل

احدى قصائدي ..

تدري ان الليل يجيب ذكراك
‏وان الفجر فيك يوحشني
‏كأن الليل يقول الهوا هواك
‏وكأن الفجر للوقت فيك يرجعني
‏ودي ارجع مع الشوق واقول ابغاك
‏لكن اخاف اجيك بالاول وتردني
‏تذكر ليالينا وسواليفي معاك ؟
‏بُعدك والله اتعبني

صباح الخيييير

والله الجفا برد وقل الوفا برد
والموعد المهجور ما ينبت الورد

⁣وش حيلة المشتاق بس نفسه عزيزه ؟