نصر من الله وفتح قريب

اليِموت ابمِثل مُوتك هم يصِح نرثيه
الجبال اتموت گلّي ويصِح نرثيها ؟
وياحزن النِمِلكه ونسِد فگدك هاذ
ومثل شخصِيتك ابيا دمعه نبچيها
بعدها الرسِن بيدَك والطريق اشوَاط
ونظِن نقطة وصُولك گرَّبِت ليها
وعلى قبضة تِفكتَك أثر چفّك ظال
ومتوَالف إصِبعك ويّه سرگيها
حي انتَ ابوَسطنا وعاجِلك مرفوض
الإشاعات ابزمنَّـا اهواي ندريها
وخبر فگدك فلا مستَوعبَته اعقول
وصار اوياك حال الماسِده اعليها
إنت اول مِن ابفاتِحته تگعد ناس
ومُباشر تنتظر يطلَع يحاچيها

لقمان البدران

ابوذيات شهادة الزهراء ع
                          =============

أنا الدمعات عيني ماتملها
على الماتت وماصح ماتم الها
عمر عشرين وسفه ماتم الها
وگضت بت النبي اباب المنيه
*
المنيه امگدره ويصعب دفعها
وتره اديون الدهر واجب دفعها
ثگيله الباب والظالم دفعها
وكسر ضلع النبي بضلع الزجيه
*
گضَيت الليل متمَرمُر وإن بي
واخبرَه المَادرَه اشصَاير وإنبي
الزهرَه البيت بي ، گلهُم وإن بي
أحِرگه وماتِرف اجفُون اِليّه
*
حمَامة نور فارغ مِنّه عَشها
وبَعدها الدنيه ظَلمه من نعشها
أُمنَه الشمس تِطلَع من نعشها
وياگبر اليِطم شمس الضِوِيه
*
قارُورة وإِديـن الغِـل چفنها
ابحَلاة ايّامها ولِبسَت  چفنها
الچفوف العَالوَجه ظُلماً چفنها
چِفَن رَحمة الباري اعلهَ الوطيه
*
أمير المؤمنين يقول :
قبله اصبَح گبُر ضَمّچ واطف بي
ودَمع وين الگه لليلهَب واطف بي  
بَابچ بي جمُر زينب وطف بي
ودمع سِكنه يزهرَه وهَم رُقيه


لقمان البدران

‏مقطع صوتي من Lukman

بالمسَايس جبِتهُم وبرَهاوَة بَال
صَبُر حَايِچ بِعَد طاري الملَل عنّي
بلَذَّة منتِشي وآخِر نفِس دخّان
گِطُف ذبُّوني لمّن خلِّصَوا منّي ..


لقمان البدران

حكّام العرب ، لا أبد مو حكّام
اتأكّد مِن اسمهُم واعرُف وسَمهُم
رِواگيص العرب ربّاهم الشيطان
وگبُل نومة أبوهُم مشتِرك بامهُم
شُو كُف العتَب عنهُم يإبن الناس
ولا تِشرَه عليهم شرَف ماعدهم
ابشدّة غزّه رايد منهم ايحضرُون
شلّة خِسّه ذوله العار راكبهم
ألف رَحمه اعلى روح مظفر النواب
المِن ذاك الزمَن باشعَاره شخّصهم

ما أشرَفكم؟!
أولادَ الــ ...
لستُ خجولاً حينَ أصارِحُكم بحَقيقتِكم
إنَّ حظيرةَ خنزيرٍ أطهرُ من أطهَركم..

الخيانه اتبدِّلَت واتحوِّلت تطبيع
أغُم گصّة شعبهم گبل لا غمهُم
لِبس ثوب الهوَان وخِدَر بالنَفطات
ومثل عَبد الذلِيل ايبَوِّس ابچفهم
مدافِعهم فقط تتحرَّك برمضان
وبِسْباق الخيول اتثُور چيلَتهم
خِذَوا نصر الچبير بصَالة الرُوليت
ونيَاشِين الشجاعه بغرَف نومَتهم

حقّي اعلى العرب أفخَر وازايد
لأن ذِلهُم صُبح طافح وزايد
آل سعـود اوصّفهم وزايد
يهُـود اليوم ، چانوا ناصبيه


===========
لقمان لعيبي البدران

لشهادة الزهراء عليها السلام :

گضَيت الليل متمَرمُر وإن بي
واخبرَه المَادرَه اشصَاير وإنبي
الزهرَه البيت بي ،گلهُم وإن بي
أحِرگه وماتِرف اجفُون اِليّه
*
حمَامة نور فارغ مِنّه عَشها
وبَعدها الدنيه ظَلمه من نعشها
أُمنَه الشمس تِطلَع من نعشها
وياگبر اليِطم شمس الضويَّه
*
قارُورة وإِديـن الغِـل چفنها
ابحَلاة ايّامها ولِبسَت چفنها
الچفوف العَالوَجه ظُلماً چفنها
چِفَن رَحمة الباري اعلهَ الوطيه


لقمان البدران

هل يلتَقي الأضدَاد
حُريةٌ وعِنَاد
هَذي الدماءُ النازِفة
للبَغيِ صارَت كاشِفة
قِيَمُ الحضارةِ زائفة
والأبرياءُ تُباد

**
ضميرُ العالمِ المَرجوِّ أمسَى
عَلى وَصفٍ منَ الأحجارِ أقسى
لأجلِ النَفعِ دُنيا الكونِ دارَت
حقوقُ الناسِ فيها اليومَ تُنسى
سادَ التوَحُشُ وانتشر
لم يُبقِ شيئاً أو يَذَر
وغدَا البِنـاءُ رمَاد
والأبرياءُ تُباد
**
رُكامُ الحربِ غطّى الأرضَ لمّا
ظلامُ الحقدِ للآفَـاقِ عَـمَّا
وعَن صرخاتِ أوجاعِ اليتامى
سمَاعُ الكلِّ في البُلدانِ صُمَّا
قِيَمُ الدناءةِ أسفَرت
وعن اللّقيطةِ دافعَت
والدعمُ منهُم زَاد
والأبرياءُ تُباد
**
شعاراتُ الحضارةِ قد تَعرَّت
بأعماقِ الحَضيضِ قد استقرَّت
وتلكَ شرائعُ الأُممِ ابتِدَاءاً
على ورقِ الخَديعةِ قد أُقِرَّت
هذي البراءةُ تُقتلُ
ويَدُ الجُناةِ تُقبـَّـلُ
من عُصبةِ الإفسَاد
والأبرياءُ تُباد


لقمان البدران

فاطِم أم ابُـوها انفطمَت امن الشَك
ﮔلب، مُو دم يَقين اليمشي وَي نَبضه
فاطم جَنة الله النزلَت اعلى الـﮔاع
وبَس بيههَ اَلله جمَّع جَنِّـته وأرضه
فاطم وَمضَـه من نور الجَلالـه اهنا
ابدِنيانه وأَسَف ما حفظَوا الوَمضه
ولأنها سِر اِلهي اتجسَّـد ابهـالكون
غضَب ألله غضَبهه ولو رضَت يرضه
فاطم صَار إسمها  ابهالشكل ينـﮔال
أظِن باب المنيه اويَه الضِلع رضَّـه!
واقسِم مِن ﮔلِت فاطم خِذَاني اِربَاك
وخجَل غَطه كيَاني ابطولَه وبعرضَه
اﮔول شلون فاطم وانه كلِّي اذنوب
وطَيباتي أَنَه امن ازمَان مِنقَرضـه؟
عَجيب اشـﮔد وَكيح وعِندي ﮔوَّة عين
ورُوحي اعلى الأدب والدين مِعتَرضه
وﻷن اِهيَه الطهَاره اتمَـثّلت بانسان
ﮔبل لاﮔـُول اسِمهه الوَاجِب اتوَضّه

-------------------------
لقمان البدران

نقدم لكم العمل الإنشادي
"أنت الحاضر"
إهداء لسيد المقاومة رض
من إنتاج قناة الإشراق الفضائية

كلمات : لقمان البدران
ألحان وأداء : علي عساف
الهندسة الصوتية والتوزيع : محمد خليفة
عزف كلارينيت : aykut sutglo
مخطوطة : محمد كامل
مونتاج : مؤسسة محمديون

شكر خاص لكل من ساهم في هذا العمل .

Youtube :
https://youtu.be/H25w_mLBTT4?si=erxIjvrm-j2izNhp

حَاجات عندي اشكِثر
هَمهِن يشَـيب الراس
وظنُون ﮔَد الرَمل
غطّت ﮔلُب واحسَاس
ونيران بِـيّه اسعِرَت
ولمّن نِخيتـﭺ طُفَت
والحاجه كلهه انـﮔِضَت
مشكورَه يَم عباس

لقمان البدران

إتبَع يَقيناً واربـَـحِ العَلياءا
ومنَ النبي ستَضمَنُ الإمضَاءا
هذي الزكيةُ والمحاجرُ عرشُها
تاجُ القداسةِ من جليلٍ جاءا
وبقدرةٍ عُليا تبـاركَ قدرُها
فغَدت سِراجاً زاهِياً وَضَّاءا
ولشُكرِ ربٍّ قد حَباها بالضِيا
عَلُّوا الصلاةَ وزلزِلوا الأرجَاءا

لقمان البدران

وحگ مِن أشّر الشَمسه وردها
وسِيوفه امن الدِمه الكافر وردها
الجنه ايغار مِن فاطم وردها
لأن بالطِيب إلها الأسبقية

لقمان البدران

عليٌّ شهدُ أيامي
وسُقيا قلبيَ الظامي
بكفِّ الوالدِ الحَاني
يُداوي سُقمَ آلامي
**
عليٌّ مصحفٌ ناطق
وإعجازٌ منَ الخالق
وإن تتـبَعهُ للجنة
ستمشي مِشيةَ الواثق
**
عليٌّ مُفـردٌ أوحَد
عليٌّ باسلٌ أمجد
عليٌّ في مدَى الذَّرِ
وصيُّ المصطفى أحمد
**
عليٌّ منهـلٌ السَعدِ
ومِرقاةٌ إلى المجدِ
حياةٌ كلُّـها تقوَى
منَ المهدِ إلى اللّحدِ
**
بميـلادٍ لـهُ جئـنا
وكلَّ الخلقِ بارَكْـنا
فيومُ الفارسِ الغالب
يُباهي حُسنهُ الحُسنا

=============
لقمان البدران


https://www.tgoop.com/lukmanbdran1970

حيدر عَفيف النفس مامِن طمع مال اله
عاش ونِشأ وارتِحل لاأرض لا مال اله
والسانه كثر الذكِر مالحظه ابد مل اله
ومن مثله حُب النفِس للمصلحه غالَبه
وابعمره كلشي رِخَص بس النبي غالِي به
واحد جِحد قيمِته اوّاحد عشگ غالَه به
ومابين حُب وكرِه ظل شانه دُومه علي
وكل شرَف مر بالبشر تلگه اصله حيدر علي
من مثله يوم الفتح گلّه النبي اصعَد عَلَي
والفضلَه دون الملا بجنة عدَن بَشَّره
ومن غيره وَجه الوجه بالنجوى من بَشّره
بالباع مالي شغل مالي شغل بِالشَّره
مادام حيدر علي يسكِن فؤادي واظل
للدوم بي أهتدِي ومايوم اضيعَن واظِل
ويم غيره مادوَّرِت راحه اوّجاهه وظِل
وانواره رغم البَله الكل الخلگ لافِته
جبريل خط بالسمه بچف القدِس لافِته
لا بطل يشبه علي ولا فارس ولافَته
ومن النَبع بالحشر فاز الذي مالي اله

===========

لقمان البدران