ليا شهور بدون مبالغة زي الرايحة و الوضع سيء و قعد يزيد سوء بشكل مش طبيعي

و أنا مشكلتي الأبدية هي لما الدنيا تقعد صعبة نهرب بالنوم و نبعد على كل شيء و نسكر على روحي و يقعدوا الأيام و الأسابيع يمرّوا و أنا مش حاسة ب ولا حاجة غير اني مش عارفة خيرني و على أعصابي طول الوقت مش متحملة حد 😂

ما نعرفش نواجه شيء أصلًا و ما نعرفش نتحمل شعور الألم و الضيق ف نقعد طول الوقت بدال ما نلقى حل فعلي للمشكلة ولا على الأقل نسمح لروحي اني نزعل لا لا نبدا نقول في نكت على الموضوع باش نحس انه لا عادي و يضحك و الحقيقة انه it's not funny at all

و الحمدلله والله إنه ربي ما يضيعش فينا حتى لما نضيعوا روحنا

و حتى لما الوضع سيء و انت سيء في شعور داخلك عارف انك في اي لحظة تقدر ترجع لربي و تبدا من نقطة الصفر تاني لإنك إنسان و هذا الطبيعي عند ups & downs

حتى لو كنت تحت الصفر تقدر تبدا منها

المشكلة لما تصير حاجة و تعطل تقعد تركز فيها و تنسى تعيش و تنسى انه عندك حاجات تانية حلوة و تقدر تستغلها و تحس ب النعمة متاعها

بكري حرفيًا قعدت نفكر إنه كل دعوات عرفة تحققوا و أنا قاعدة عايشة فيهم ليا شهور،
لكن لاني مكتئبة ما قدرتش نتذكر شعوري و انا ندعي و انه حرفيًا كنت حنموت و تتحقق دعوة من الدعوات اللي متحققة توا
الحمدلله

و طبعًا أنا ننسى 😂 ندعي و ننسى و لما تصير الحاجة ننسى اني دعيت وااك غباء
لكن عرفة يلي فات كتبت دعواتي

و من ضمنهم الطب حرفيًا من رمضان ثالثة ثانوي و أنا ندعي انه نخشله و حتى توا مضغوطة و خايفة من شعور الندم بعدين و انه يطلع إختياري غلط
لكن شيء فيا يقول انه الحمدلله تحققت و لو ما كانش خير ليا ربي ماكانش حيحطني فيه من الأول

ف عمومًا هذا كلام للناس يلي زيني ما يصدقوش في الكلام الإيجابي و ما يحبوش حد يواسيهم و تستفز فيهم لقطة لما حد يحساب انه يقدر take care of them و بلا بلا بلا متع أنا موجود ما تخافوش
الحمدلله انه في ناس يحبونا اي و الحمدلله على نعمة انه في ناس واقفين معانا، ممتنة جدًا للنعمة هادي

بس في حاجات تصير حتى لو معاك حد ح تحس انه الوضع سيء برضو، حتى لو خليتهم ليلة يساعدوك او يا ودي فترة حترجع لنقطة الصفر تاني و مرات ما تلقاهمش
لإن ببساطة ما حد دايم لحد و كل إنسان عنده مشاكله الخاصة وصراعاته و حياته و ما فيش حد بيوقف حياته باش يسمعلك و يكون معاك لإنك مش محور الكون للأسف و مش الشخصية الرئيسية في مسلسل الحياة هذا

تقدر تعتمد على نفسك و تساعد نفسك و تطلب المعونة من الله سبحانه و تعالى إنه يعينك على نفسك و يكفيك شرها، و ربي ديما معاك و في صفك حتى لما أنت شخصيًا ما تكونش في صفك.

غر للأسف الشيء هذا ننسوا فيه و نريحوا و مفروض جديات مفروض الفكرة هادي تتعلق على الحيط و كل ما تخطم تستشعرها

هو تكلمت هلبا لكن أي اللي نبي نقوله إنه الحمدلله توا حاسة بتحسن، قاعد الوضع سيء و ما تغير شيء بس أنا تحسنت و رجعت مؤمنة إنه حيتحسن الوضع و دوام الحال من المُحال
ف بنحاول نستمتع بالصبح الجميل هذا لإنه يوم جمعة و يوم الجمعة مستحيل يكون سيء 🩷

وما عمرك تكتئب في يوم الجمعة بلا قلة أدب

السلام عليكم ورحمة الله وبركاته ‏
قضاء حوائج الناس عبادة من أعظم العبادات التي تنفع الإنسان قبل أن تنفع غيره فمن سار في قضاء حوائج الناس قضى الله عز وجل حوائجه
وذلك مصداقا لقول رسول الله صلى الله عليه وسلم
كان الله في عون العبد  ما دام  العبد في عون أخيه
شخص مريض وستجرى له عملية على القلب في مدينة طرابلس ومحتاج عدد 5 متبرعين بالدم يوم العملية (دم افرش) الفصيلة +A على ان يتم اختبار مطابقة في المختبر الدولي زناتة الجديدة للراغبين في التبرع التواصل على الأرقام التالية 0917454518
0915578840

ممكن تنزلولنا درجات الهستو و الفسيو لو ما فيهاش خطر على حياتكم ؟

يارب نطلع جايبة درجة مليحة