‏ياحبيبي لا يموت بيدك قدري
‏الخطا .. جبته من الاعذار غاذي
‏.
‏زابنك بهمومي اللي وسط صدري
‏ولا ذخرتك غير للي مثل هذي

‏لا قلتلي وافي وْلا أنكرت
‏جميل قلبي .. و معروفه
‏.
‏تشوفني معك ما قصرت
‏عاد أنت "سو اللي تشوفه"

جعلني عند حسن "ظلّك"

‏بكره لاجا للدهر ساعر
‏و أشتد قيضك وضعفك بان
‏.
‏تذكرني مْشاري الشاعر
‏و أدهشك بـ مْشاري الإنسان

جناين 🌿

اذكرك لوّ ما جا لك على البال طاري
خل منهو .. يقول الشيّ بالشيّ يذكر

‏لاخليت من القصيد ولاعدمته
‏ما يوّسع خاطري غير إرتجاله

‏إما في طيّب ليا مني زهمته
‏شاف همٍ من همومي وأرتكى له

‏ولا في عينٍ حورها يوم همته
‏شفت فيه الشعر من جاله لـ جاله

‏والفكر دست قْفره والبحر عمته
‏وأفتكرت اللي مضى لو كنت داله

‏وأرتحلت البال والقاف أغتنمته
‏لين أخذت بكل متذوّق جماله

‏راح العمر بالحلم والتحقيق
‏والعمر لامن راح صعب يْعود
‏.
‏يارب فرحه ما بعدها ضيق
‏يارب لا فاقد .. ولا مفقود

‏لا تعاتبني .. يابو قلبٍ سليم
‏ما حملت من الليالي ما احمله
‏.
‏مشكلة قلبي مثل بيت الكريم
‏كل هم يمر قدمه .. يدهله

سنابي للاضافة السريعة :
آتشرّف بكم

http://snapchat.com/add/m_alsagher

صفقك الهوى عنّا يا مزنٍ تقول جبال
أخيلك وقلـبي ظامياتٍ .. معاليقه

يا ليت الصدر قبل الثرى من قراحك سال
وغسلته قبل تغسل ثراك و شواهيقه

اثرني عليك معلق الحلم والآمال
لوّ إن بارقك به طاري أغفاه و آفيقه

حبيبي حبيبيْ الضحك نازل وانا رحّال
أمهّد دروب الحزن من ضيقه لـ ضيقه

اعرف اني اللي لا تذكرتك دمعه سال
مثل ما آعرف ان ضحكتك فرحه وترويقه

غشتني هبايب قلبك الثابت الميّال
و رحت اتناثر بين .. هَويه و تحليقه

وهذي علومي لو ما تنشد عن الاحوال
وهذا نظر عيني و دمعه .. وتحديقه

يجيبك من يْجيب الحيا في طرف وبّال
لا قفت دهور أرضه .. و سالت مشاقيقه

.

‏أثر وجودك زادني شعر وإلهام
‏وخلاني موالي لو إنّي .. مْحايد
‏.
‏معاك أحب الناس وأحب الأيّام
‏وأحب أبو نوره .. وأحب القصايد

،