ياا رب الزهراء بحق الزهراء اشفي ضلع الزهراء بضهور الحجه ((عج))

مقدمه ونعي للزهراء عليها السلام



صلى الله عليك يامولاي يا رسول الله
صلى الله عليك وعلى بضعتك الصديقة  الكبرى
فاطمة الزهراء ((ع ))

*السلام على الزهراء البتول الطاهره الرضيه المرضيه العالمه*
*الغير معلمه*
سلام الله عليكِ يا مولاتي وعلى روحكِ وبدنكِ لعن الله قاتليكِ وظالميكِ وكاسري ضلعكِ الطاهر يابنت رسول الله..*
*فداكِ أنا يا سيدتي ليتنا كنامعكِ..*
*السلام عليكِ ياسيدتي ومولاتي ياابنة رسول الله ,*
*السلام عليكِ يا مكسورة الضلع , السلام عليكِ يامعصورةً بين الحائط والباب,*
*السلام عليكِ يا مخفية القـبر*
اين قبركي مولاتي

*لأبكين عليكِ مولاتي يــافاطمة,*
*ولأهتف وأنادي بعالي صوتي يــازهـــراء ..*
*يااااازهراء*  .. *يااااااازهراء*


ساعد الله قلب زينب جائت الى قبر امها الزهراء ((ع)) عن لسان حال زينب    تقول



نعي



اعثر  ودور  بين الكبور
يالوالده والكلب  مطرور
كعدي خليه منج الدور


اجيتج ييمه اعثر بالذيال
ادور عليج ومدمعي سال
اخلافج تراني مدوهنه البال


تعنيت  للمكبره  بهمه
اكعدي وتلكيني ييمه
بفراكج بلاني البين بالوه


تعبني درب  المكبره هواي
اجيتج امتيهه الفكر والراي
وعليه تلملمت اهموم دنياي


علي ضيم ماتدرين بيه
اعتب تره غصبن عليه
صوب المكبر عيني ربيه


طريت المكبره والعين تدمع
وعليج الكلب يمه تصدع
الحدر الكاع نامت عيب تطلع


من بعيد متعنيه اجيتج
حدر الثره يمه  الكيتج
دولبني الزمان وضيعيتج


يم عشرت الحلوه دكعدي
من نوم المكابر ما شبعتي
انه زينب اجيتج ماسمعتي


ياذيني ييمه  ليل  الفراك
ولذاكه حنانج روحي تشتاك
ضل الدمع عالوجن حراك
شلتي غفل سوده عليه


ماتدرين  يمه شصار بجفاج
فاركنه الفرح من فاركيناج
انصد للباب يايمه وذكرناج


*الخادمة الحسين العلويه ام اياد لا يجوز حذف الاسم*https://www.tgoop.com/joinchat--h0l4_B6FIg2ZjYy

قصيده إلى مولاتي الزهراء(( ع ))



*تهدم اجبال       ياونت العقيله*
*خلاف الزاجيه    المدمع تسيله*



زينب من تون  تهدم  اجبال
تصيح شلون نعشج يمه ينشال
بهايه روحتج شدهيتي البال
الحره اخلافهه ضلت  ذليله


تبجي وطولت زينب نواعيهه
تحني اضلوعهه الونه التون بيهه
زينب و  الحزن من وكت واليهه
كلبي عليج مجروح  ودليله


تون الفاكده امهه تصيح ياويل
بعد شيعودهه النه الشالت بليل
خالي امجانهه ويهدم الحيل
امي  افراكهه  ما النه  حيله


عامي اعيونهه افراك الزجيه
ونوب تشوف ضيم الغاضريه
خلاف ام المحنه شلون بيه
حكي عليهه دمع العين اسيله

زينب ايست والضنه كطعتهه
عصابت حزن عالراس شدتهه
و تطر الكلب نصين  ونتهه
شلون تشيل والفركه ثجيله


زينب صبحت بثياب الاحزان
على امهه الزاجيه تريد عوان
كومن ساعدن زينب ينسوان
بليل اضلم مشت عنهه الجليله


لخادمة الحسين ((ع ))العلويه ام اياد لايجوز حذف الاسم اهدي ثواب الى روح والدي سيد قاسم ابن سيد عطوان قربتة الى الله تعالى

https://www.tgoop.com/joinchat--h0l4_B6FIg2ZjYy

قصيده الى مولاتي الزهراء ((ع))



*يا   جناز          بمي ارجوك تانيني*
*امي الزاجيه      خلهه تحاجيني*



ياجناز هاي امي الرحت بيهه
ماتدري العقيله امعلمه عليهه
حطهه وخل اعاتبهه و احاجيهه
عينج غمضت يمه ونسيتيني


اصيح ابصوت يا شيالهه خلهه
هاي  الوالده  فدوه  اروحلهه
تبعيت النعش و اركض وحن الهه
يمه اوياج يم الحسن حمليني


وين  تريد   يالماشي بجنازتهه
هاي امي الحنينه وعازه عازتهه
حسره اتصير خافن علي شوفتهه
يريت الموت كون اوياهه يلفيني


تانيني صحت يالماشيه بضلمه
ماحمل  الفركه  عليج  متعلمه
من شالوج صحت بصوت يايمه
وصيتي عليه عدمن تخليني


زينب  حشمت  يايمه  يازهره
كلبي على افراكج بعد شيصبره
نارج بالضلع يم حسن متوجره
يمه  وياج   للمكبره  دخذيني


رديلي صحت يالوالده  بهومه
احسن باليتم والروح  مالومه
خبر موتج ييمه شاعت اعلومه
عندي اعتاب الج يمه دتانيني




لخادمة الحسين ((ع ))العلويه ام اياد لا يجوز حذف الاسم اهدي ثواب الى شرف النبي وال بيته والى روح والدي سيد قاسم ابن سيد عطوان قربتة الى الله تعالى

https://www.tgoop.com/joinchat--h0l4_B6FIg2ZjYy

قصيده الى السيده الزهراء ع


*وين كبر الوالده     خل اشم اترابهه*
*روحي ضلت     هايمه يم بابهه*



خل اشم اترابهه وروحي  ترد
راحت الجانت اليه امي  سند
كلبي على افراكهه الزهره انمرد
شلون اصد وانضر خليه دارهه


وين كبر امي المشت  دلوني
يمهه اريد اكعد وهل اعيوني
اوياهه اتعاتب واون خلوني
خالي ضل منهه وحش محرابهه


عيني مابطل  دمعهه  ولانشف
وحزني على الوالده ماينوصف
عيوني صوب المكبره ضلت ترف
شفت لوعات الزمان اخلافهه


وين كبرج يالحنينه بيا كتر
علينه فركاهه احر من الجمر
كلبي بغيابج يزهره من فطر
عيني عميه منهد يوم امصابهه


بليله ضلمه ابعدت عني ومشت
وانه ضليت بحزن من  غربت
عتاب عندي اوياج يمه اوعاتبت
امي  خربت  بالثره  اوصافهه


اخلاف عينج باليتم ضليت اون
الشوفتج اشتاك يايمه واحن
ابالي جلماتج  ابد ما  ينسن
بعيني ضلت دمعتي على افراكه


*لخادمة الحسين العلويه ام اياد لا يجوز حذف الاسم اهدي ثواب الى شرف النبي وال بيته والى روح والدي سيد قاسم ابن سيد عطوان قربتة الى الله تعالى

https://www.tgoop.com/joinchat--h0l4_B6FIg2ZjYy

هوسات الى الزهراء ((ع)) اليلة ستشهادهه




امي حملت وانه انرهن حيلي
للغرب ضعنهه صحت ياويلي
حرام الجان غمضت ونمت اليلي
((اليله الزهر/ امغرب حاديهه))



ابليل اضلم يوسفه من سروبيهه
وصوب المكبره امي شال حاديهه
يادفانهه  حط  عينك  عليهه

((بهداي امشو يادفانه ))


يمه  المكبره  مكروه  طاريهه
محمله ام الوفه ونامت براضيهه
وين الكابلتني و لطمت عليهه

((تستاهل دم نبجي عليهه))


عيني على الحنينه تبجي دموم
نامت  بالكبر  والكبر  ميشوم
عافاهه ورجع حيدر الجيدوم

((حيدر ينحب ويون اعليها))


ابو الحسنين ودعهه بالتراب
ومن عدهه الكلب يازينب نصاب
منهه ايس يوسفه داحي الباب

((حيدر كطعاهه/ الضنه منهه))



لخادمة ((ع ))العلويه ام اياد لا يجوز حذف الاسم


https://www.tgoop.com/joinchat--h0l4_B6FIg2ZjYy

قصيده الى السيده الزهراء(( ع ))



شيعهه علي  الكرار
الزهره وشال حاديهه
بليله اضلم مشت ياحيف 
وزينب من يواسيهه




شيعهه بضلام الليل
حيدر والدمع يجري
فكد الزاجيه ياويل
اذاه وكسر ضهره
يصد الزينب اينحب
اكلهه اعلى الجر اصبري
هذا الكاتبه الباري/ يزينب كومي ودعيه


صبت دمعت  اعيونه
من شال الزجيه بليل
هايه بت رسول  الله
ناده حيدره  ياويل
تبجي عليهه الاملاك
للزهره ودمعهه ايسيل
للمصاب الزجيه تنوح/ وحزنانه السمه عليهه


فوك المتن  شالاهه
يمشي والكلب مالوم
وضلت حسرته ابكلبه
وكل حيله علي مهدوم
ون و دمعته ابعينه
وفكد الزهره زاده هموم
ايكلهه يم حسن وحسين /العشره جن نسيتيهه



شال اجنازت ام حسين
ومنه الروح خلصانه
بتالي الليل دفناهه
وعينه عليهه عميانه
حدر  الكاع  ودعهه
ورد والدمعه جرياته
ياذيه الهجر حيدر / وناته يجر بيهه


ضلت تسجب العبره
وتنادي ييمه ابصوت
رحتي والضلع مكسور
ريت اوياج اخذني الموت
شلون اتحمل افراكج
صارت مشيتج بسكوت
عفتينه ييمه ايتام  انون /والدمعه نجريهه



*لخادمة الحسين العلويه ام اياد لا يجوز حذف الاسم*


https://www.tgoop.com/joinchat--h0l4_B6FIg2ZjYy

‏مقطع صوتي من العلوية ام اياد

‏مقطع صوتي من العلوية ام اياد

‏مقطع صوتي من العلوية ام اياد

قصيده الى الزهراء ((ع))



*اليله اشلون     دفن الهاشميه*
*اليله اوداع     ويه الفاطميه*


مكسور الضلع  وشلون دفنتهه
الكاع افراشهه اليله ووسادتهه
الزهره المكبره ياحيف سكنتهه
وانه اخلافهه امي انكطع  بيه



محد شايعاهه ولا مشه اوياهه
مشه جنازهه ومن عدنه بعداهه
الزهره الزاجيه عافت يتاماهه
عافت  بيتهه  وعافت  البنيه


حدر الكاع ماهي لايحه تنام
علينه اتجور من عكبج الايام
ردي الخاطر الله كلبي احتام
زينب لا  تعوفيهه  بمهضميه


وسعلهه الكبر  بالله يدفان
امي حيلهه من الضلع  نهلان
كلبي على الزجيه اليوم خلصان
اون اعلى المشت ونه خفيه


تفاركنه وبعد مابيه  كل رده
وطاح افياينه النايمه ابسده
امي على الثره ياحف متوسده
شالت بت رسول الله الزجيه


بعد ماتسمع  الونه  والعتاب
راحت وبضلعهه امأثر الباب
اخاف من اللحد يلجمهه التراب
من عكبج عساهه العين معميه


*لخادمة الحسين /العلويه ام اياد لا يجوز حذف الاسم*

https://www.tgoop.com/joinchat--h0l4_B6FIg2ZjYy

قصيده التوديع اليالي الفاطميه





*خلصن ليالي الفاطميه /وشالت الزهره الزجيه*
*خلصن  واخر  وداع  اليله*
*عالضلع نبجي ودمعنه نسيله*

*نعازي زينب  هالمسيه/ خلصن ليالي الفاطميه*
             *وشالت الزهره الزجيه*



الليله ليلة حزن ياشيعه علينه
بيهه نفكد فاطمه الزهره الحزينه
انوسي بيهه حيدر وطه نبينه
الليله وحشه وخاليه دار الحنينه
انواسي حيدر بالدمع
وابد ماننسه الضلع
شالت الحره الابيه/ خلصن ليالي الفاطميه



خلصن وهذا الوداع اليله وياج
احنه كل يوم اليمر يازهره  ننعاج
نبجي ونقيم العزه مايوم ننساج
عفتي زينب يالزجيه وين تلكاج
يالمشيتي بليل عنهه
وبجفاج اضلم نزلهه
اصيح يمه شلون بيه/ خلصن اليالي الفاطميه


تبجي زينب والدمع يجري على خدهه
وين  بعد  الحال  اشكي  من  بعدهه
جمر  يسعر   بالكلب امي   فكدهه
الدنيه ضلمه  ومن  بعدهه  ماردتهه
ضيعيت ام الحنان
خلافهه ماكو امان
يمه هم ردي عليه /خلصن ليالي الفاطميه



انشيل نعشج على متن ونصيح ويلاه
انعازي حيدر بالضلع ونشيلج اوياه
وضلعج  المكسور  ابد  مايوم  ننساه
كون  نندل  كبرج  ونمشي  نتعناه
نشايعج ونهل دمعنه
واه يالمضلومه صحنه
حملت وسفه الوفيه /خلصن ليالي الفاطميه


خالي ضل محرابهه ومنه طفه النور
وسكنت  ام  الحسن  هليله  بالكبور
وحشه زيدوه البجي والطم الصدور
ويه  زينب  يالتون  اليله   ماجور
اه  ياليل  الحزن
ودعينه ام الحسن
امي راحت من اديه/ خلصن اليالي الفاطميه


  

لخادمة الحسين ((ع ))العلويه ام اياد لايجوز حذف الاسم اهدي ثواب الى شرف النبي وال بيته والى روح والدي سيد قاسم ابن سيد عطوان قربتة الى الله تعالى
https://www.tgoop.com/joinchat--h0l4_B6FIg2ZjYy

‏صورة من العلوية ام اياد

متركين قناة نحر الحسين ع
شتركو بقناة اليك توك

هذا الرابط👆👆

قصيده ام البنين(( ع ))اللحضات الأخيرة



*عيني ضلت على الدرب    امتانيه اعزاز الكلب*
*اليوم حسبالي يحضرون   وهمه* *البنعشي يشيعون*
*عيني ضلت على الدرب*



متانيتهم والكلب بي مشتعل نار
تغيريتو ليش يمه  شنهي الصار
امكم انه وحيل تعبانه من الأفكار
وين ابو فاضل فزعته ابني المغوار
ادنت عليه المنيه
ام ابنين انه الوفيه
      عيني ضلت على الدرب


شبحت اعيوني الدربكم يالبطيتو
جنت اتمنه تجون  وما  اجيتو
يمه بمكم بعد ماضن  فكريتو
ليش على ام  البنين  تأخريتو
الاجل كرب  عليه
وروحي تطلع هالمسيه
          عيني ضلت على الدرب



دين الي يمه عليكم ما وفيتوه
لاحضرتوني ولاتابوتي شلعتوه
ليش كلب الوالده مشلوع عفتوه
عتبي لحسين وعضيده عيب سمعوه
حسين والعباس وينه
مادره بمه الحزينه
        عيني ظلت على الدرب


ادخيلكم مرو علي لحضات الوداع
خاب ضني يمه بيكم والامل ضاع
ردت منكم واحد ايوسدني بالكاع
مربه عيني وتلتفت  للباب كلساع
شابحه عيوني للأولاد
افراكم شلعلي الأفاد
       عيني ضلت على الدرب



كلبي مشتاك ويريد الشوفت احسين
لو اشوف ابن الجيه اتفتش العين
عليهه مايدري شكثر جريت الونين
فدوه الفديله العمر  ابن الميامين
كون يرجعلي وشوفه
احسين اقبله اجفوفه
        عيني ضلت على الدرب


ماغفت عيني بعدهه امتانيتكم
هلبت تمرون  بيه  انه  ردتكم
راح اموت انه بحسرتي وماشفتكم
لاودعيتوني بعد لا  ودعتكم
هاي لحضات الاخيره
والنضر ليكم اديره
       عيني ضلت على الدرب



*لخادمة الحسين ع العلويه ام اياد لا يجوز حذف الاسم اهدي ثوابهه الى شرف النبي محمد وال بيته والى روح والدي السيد قاسم ابن السيد عطوان الفاتحه*

https://www.tgoop.com/joinchat--h0l4_B6FIg2ZjYy

نعي



اعتابي للطف ارد اوديه
للكمر خاف ارباي ناسيه
الوالده انه وحكي عليه


ردتك ييمه اليوم دفان
وبيدك تفصلي الجفان
غيابكم على البال ماجان


النوم عوفو موش وكته
اطلبك بالبن واليوم ردته
ماكاملي ابني على بخته



يمه  النوايب  عذبني
ونيت محد سمع وني
اعزاز كلبي بعيد عني


جنه ييمه الموت اجاني
وكرب عليه وتلوهاني
محد منكم ييمه تعناني


عذبني يمه هواي الغياب
ماكو بعد جيه من الحباب
ايس من النامو بالتراب

اعتب وكول الولد وينه
يحضر بالجنازه رايدينه
بعداه الوكت غصبن علينه


لاخلفت  لاجني  ربيت
ولاشلت الولد وعليه حنيت
انضر واصدن خالي البيت
احذاي ابو فاضل تمنيت


كلبي انلجم والعين هلت
الماعدهه والد ياناس ذلت
فركتكم بعد بيه شخلت


ربيتكم بدموع العيون
عدالي الحملي تشيلون
تبريتو مني ما تنشدون




*لخادمة الحسين (( ع)) العلويه ام اياد لا يجوز حذف الاسم*

https://www.tgoop.com/joinchat--h0l4_B6FIg2ZjYy

متركين قناة نحر الحسين ع
شتركو بقناة اليك توك