قصيده الى مولاتي رقيه ((ع))من ديوان نحر الحسين ع الجزء الثاني
لسان حال زينب ((ع ))
عند ما اخذَ الكافر ترجية رقيه بنت الامام الحسين ((ع))
تكله



*رد لاحشِم العباس يالماخذ تراجيهه*
*
*واكلله يعمهه* *عالو عليهه*


رد لا عمهه العباس يسمع بيك
يكص راسك على الترجيه ويبجيك
ماضن برقيه تعيل ويخليك
والخاطر رقيه الكوم يفنيهه


يفني كربله والي دنه ليهه
ورقيه مدللة بجاله يخليهه
وترجية رقيه عيب يطيه
شلون تعيل يالكفر ولك بيهه


بسيفه يعتني والعايل ايرده
مايدري برقيه اشصار من بعده
تعنت للشريعه ولاذت ابسده
عده تشتكي والدمعه تجريهه


شلون تعيل بالطفله الزغيرونه
صبت دم اذنهه وبقت محزونه
وزينب تنضر الهه حالهه اشلونه
رقيه من الالم تفجع بواجيهه


رقيه غاليه عمهه المربيهه
وحتى الهوا مايرضه يمربيهه
شلون اليوم مسلوبه تراجيهه
تمنيته عدل هسه ويجي ليهه


زينب نادته عباس ياهيبه
طفله تريد ابوهه منين انه اجيبه
جرحه بالكلب ما اله كل طيبه
طفله ومن زغرهه الدهر باليهه


*لخادمة الحسين العلويه ام اياد لا يجوز حذف الاسم هدى ثوابهه الى روح والدي العزيز السيد قاسم ابن سيد عطوان الفاتحه*https://www.tgoop.com/joinchat--h0l4_B6FIg2ZjYy

العلويه ام اياد
قصيده الى الامام الحسن ع



مسموم ويون ابن السﻻطين

اليوم امكدره عليه الدواوين




هاذ البل كرم معروف ديوانه

كريم اهل العبه معروف عنوانه

حزنانه عليه الشيعه حزنانه

يستاهل الون ابن الميامين




شلون تشيل يمعزب الجثيرين

مخلي احسين يبجي وتدمع العين

بمصابك تراهو دولبه البين

ميتم اطفالك وعفت النساوين




مسموم الحسن والجبد ممرود

ابو امحمد بعد للدار ميعود

مفكود اﻻخو يا ناس مفكود

كثري النوح زينب ﻻ تبطلين




شايل وين يمعزب الخطار

ماضنك ترد يا خوي للدار

اويلي اعليك شطلبك الكفار

ينضر جبدته وحتار الحسين




هذه ابن لرساله حيف مسموم

كريم وبلكرم شاعتله اعلوم

عليه اخته تون والحيل مهدوم

وسفه عليك سموك الملاعين




مضلوم الحسن يستاهل الونه

لطمن على الصدر واللطم شدنه

بلكلفات ابو محمد تندبنه

وني ويه العقيله ولا تبخلين




لخادمه الحسين // العلويه ام اياد
لا يجوز حذف الاسم هدى ثوابهه الى روح والدي سيد قاسم ابن سيد عطوان الفاتحه https://www.tgoop.com/joinchat--h0l4_B6FIg2ZjYy

العلويه ام اياد
قصيده الى الامام الحسن (((ع)))


*شال المجتبى والدار سداهه*
*وزينب بالحزن ياحيف خلاهه*



شال المجتبى راعي العزويبه
تندهه اخته وتكله التفت اليه
وين الكابلت زينب الحوريه
عاف اخته تون ياحيف عافاهه




حسافه عليه ابو امحمد يسمونه
ايون بهداي اخوي اوسلهم اعيونه
راعي الجود ياسفه انخطف لونه
وياه اليوم العشره كضيناهه




كريم اهل العبه مسدود ديوانه
عليه امكدره وتنوح ديرانه
وزينب ناشدته اكعد يملفانه
خطارك بعد ياهو ايتلكاهه




تعالي يلزجيه اليوم عينيني
اون على الولي وياج خليني
يوم البي محنه حيل عاميني
ناره بالكلب تجويني خلاهه




عينك غمضت اكعد يوالينه
ابومحمد بعد هم ترجع اعلينه
لوخلصت الخوه بيني اوبينه
راح الجان هيبه وبيه نتباهه



*لخادمة الحسين العلويه ام اياد لا يجوز حذف الاسم هدى ثوابهه الى روح والدي سيد قاسم ابن سيد عطوان الفاتحهhttps://www.tgoop.com/joinchat--h0l4_B6FIg2ZjYy

قصيده الى الامام الحسن ((ع ))


*عدي أعتاب ويه الشال من داره*
*ياهو الي بعد يكرمهه خطاره*



عندي اعتاب ويه الغمض اعيونه
خطاره الحسن هليوم يردونه
ديوان الكرم وسفه يسدونه
مضلوم الحسن ماتنطفي ناره




عكبه امكدره داره اوحزنانه
بيهه اشلون نكعد ماهو اويانه
الو امحمد عليه الروح لهفانه
دمع العين ارخصه اعليه يتجاره




بابك ليش سديته يوالينه
صعبه فركتك اوحيل تاذينه
اليضيع اخيه تنعمي عينه
ويه البهم محنه الدنيه غداره




ضل احسين يبجي فاكد اعضيده
نام عله التراب اوسده بيده
شيهيد الكلب علراح شيهيده
وزينب تنتضر والروح محتاره




ضالت حاير زينب اومهضومه
راعي الكرم وسفه ضاعت ارسومه
كريم اهل العبه يلشايعه اعلومه
طماه الكبر ونكطعت اخباره



*لخادمة الحسين العلويه ام اياد لا يجوز حذف الاسم هدى ثوابهه الى روح والدي العزيز السيد قاسم ابن سيد عطوان الفاتحه https://www.tgoop.com/joinchat--h0l4_B6FIg2ZjYy

قصيده للمشايه




*ابو فاضل يصيح اهلا يمشاي*
*حي الله اليجي الحسين عناي*
*اعزبله بالجفوف/بس يوصل للطفوف*
*ومن جودي الشربه الزاير الماي*



اهلا بالكصد والجدم تعبان
ويحضر باربعين المات عطشان
ايواسي ام الخدر من كلب والسان
شايل بيده رايه/الزاير عده غايه
ايوصل الرايه للكافل الرواي


ابو فاضل تلكه الاجو زوار
والشالو بيارغ الابو الاحرار
كلخطوه بالف الكم يخطار
ماضايه تعبكم /الزهره توكف الكم
بنيتكم وصلتو وصافي الراي



زحفيتو زحف من كل الدروب
الكم هل اجر عند الله مكتوب
احسين الكم شفيع ويمحي الذنوب
كل خطوه الخطيتو /وكل جدم المشيتو
محسوبه الك كل سنه وفاي


من دروب البعيده الكربله جيت
عفت كلشي والبو اليمه تعنيت
ذب تعبك عليه لون تعبيت
والتعنه لحسين /احطه بوسطة العين
ومانسه يزاير وكفتك هاي



مكن توصل حضرتي وتدخل ازور
اضيفك عدي وبقى عليك ناطور
انه مثلك للزياره احسب اشهور
متاني زينب تعود/ وتلكاهه بالجود
شكد امفارك اخته صارله اهواي




*الخادمة الحسين العلويه ام اياد لا يجوز حذف الاسم هدى ثوابهه الى روح والدي العزيز السيد قاسم ابن سيد عطوان الفاتحه*https://www.tgoop.com/joinchat--h0l4_B6FIg2ZjYy

نرجو من الجميع ان يستمع لهذه البصمه لايوجد لدينا بالفقهه والشرع والدين يوم المحجوبات لذالك انتبهو

👆🏻👆🏻👆🏻👆🏻👆🏻👆🏻👆🏻

قصائد العلويه ام اياد

نخوه لبو فاضل ((ع))  ثكيله على طور
اويلي من الفت اليلى
محمد الجنامي




متعنيه لبوفاضل اريد اشكي الهضم عنده

احلفنه ابخدر زينب ايحلهه ابساع كل شده
 



اكصدك ولكلب ملهوف يا راعي الهيابه

احشمنه ابوفاضل واذبن معصبي ابابه

واكلله يراعي الجود ابكلبي النار لهابه

انضر حالتي موﻻي بعد صبري جزه حده



اجيت امحزمه ابهمي يخو زينب  تلكاني

تعبني الوكت موﻻي نحيلت حال خﻻني

اون اودمعتي ابعيني ضيمي اهواي بجاني

انته امضيف المحتار ماضن ضيفك اترده



اسولفلك علئ اهمومي والحسرات كتلني

نحيله او حيل مابيه اونن ونته تسمعني

يا باب الحوائج اندبك ﻻ تخيبني

انته ياضمد كلبي او فيي النايمه ابسده



متعنيه لبو النوماس اريد امراد من جفه

امشيه اعليه اخوه احسين ذاك النايم ابطفه

حاشه مايرد محتار علينه فايض ابعطفه

سبع الكنطره المعروف يلمحد وصل حده



ياعباس اهمومي اهواي انه اوحرت بيهه

اكضي طلبتي اترجاك ابابك ﻻ تخليهه

ازامط بيك يبن حيدر ونته الحاجه تكضيهه

راعي الجود احشمنه اليوم و اكصدنه


لخادمة الحسين // العلويه ام اياد
ﻻيجوز حذف اﻻسم

اهدي ثوابهه الئ شفاء الوالده
https://www.tgoop.com/joinchat--h0l4_B6FIg2ZjYy

‏مقطع صوتي من العلوية ام اياد

لطميه الى الاربعين من ديوان نحر الحسين ع الجزء الثاني



اكعدوا يابني هاشم هاي الروس جبناها


جبنه الروس ويانه جينه اليوم دفانة
كبرك وين بنيانه حسين اكعد تلكانا


وصلنه لكربلا وجينه ونرد روس اهالينه
خوية حسين ردينه ماتدري العزيزه الشمر سلباها


خويه حسين بالهيمه اخوي امصيبته مصيبه
طالت بينه الغيبه والخوة اوياكم ضيعيناها


ناديتك يخال ابني وعليك الظلع محني
احا يحسين يبن امي تون زينب لولياها


ياعباس حاجيني اعليك انعمت عيني
اكعد واخذ جفيني يبوو الغيره تلكاها


رديت على كبر حسين تلكه شوية وماشين
اكعد ياسبع يازين والحره ارجع وياها


زينب كوم رد بيه وانشد شجره عليه
جابت روس اهاليها زينب على اخوتها البين وازاها




لخادمة الحسين العلوية ام اياد لايجوز حذف الاسم https://www.tgoop.com/joinchat--h0l4_B6FIg2ZjYy

قصيده الأربعين


*وصلت اكبوركم يحسين اكعدولي*
*عن ضيم اليسر يا هلي نشدوني*


وصلنه اكبوركم كعدو يهالينه
غاطينه الهضم يحسين غاطينه
فركاكم صعب يوجع يوالينه
نزلو احمولنه خويه و تلكونه


يم كبوركم يهمل دمع عيني
ندهتك يا ابن امي وما تحاجيني
خويه بأربعينك من يواسيني
ما احمل هضم يحسين تدريني


نمتو و التراب الحار غطاكم
عساه الروح راحت خويه وياكم
لنوم المكبره يهلي اشعجلاكم
منكم ايست لا ما تردولي


اكعدولي تراني اجيت مالومه
مجروح الكلب تتنازف ادمومه
مدفون الولي وهل غابت ارسومه
عليهم حشمت بس ما يكعدولي


اعتب ولعتب للنايم ابلحده
الطماه الكبر جا بعد شيرده
شبعت ضيم اخته الوالي من بعده
انده يخوتي وما سمعتوني


*لخادمه الحسين ع العلويه ام إياد لا يجوز حذف الاسم اهدي ثوابها الى شرف النبي وال بيته والى روح والدي سيد قاسم سيد عطوان مع الفاتحه https://www.tgoop.com/joinchat--h0l4_B6FIg2ZjYy

العلويه ام اياد
قصيده للاربعين من ديوان نحر الحسين ع الجزء الثاني



*انهض يالكفيل اختك تلكاهه*
*زينب جايه والروس وياهه*



نهض للعقيله وشوف حالتهه
من الشام هاي الروس ردتهه
وصلت كربله والدمعه هلتهه
يم البوركم هلزاد مبجاهه




اكعد ياسبع والكبر فك بابه
المثلك ياحسافه اينام بتاربه
زينب هاي اجت والدمعه سجابه
تون عد روسكم كعدو يولياهه




جابت روسكم زينب وجت بيهه
تحشم وينكم كعدو يهاليهه
هاي ام عون اختكم حيل مابيهه
ترد شلون ونتم عيب وياهه




تلكه اختك يبو فاضل يواليهه
نشدهه عله السده والصاير عليهه
تحشمه ياحسافه ومانهض ليهه
خويه روسكم اشلون اواريهه




ردت بالضعن وتصيح اكعدولي
اسولف عليسر يحسين خلوني
انده ليش خويه وماتسمعوني
جنه البي حميه اعياله عافاهه




ونت يم كبر عباس تريده
اجيت اليوم من ادروب البعيده
ادور عن كبر عباس وعضيده
وصلت كربله اوزاد بلواهه




*لخادمة الحسين العلويه ام اياد لا يجوز حذف الاسم* https://www.tgoop.com/joinchat--h0l4_B6FIg2ZjYy

نعي من ديوان نحر الحسين ع الجزالثاني



في مفترق الطرق سمت زينب بئن الطريق يئدي الى كربﻻء صاحت عمه يا علي


مرنه عله الوليان مرنه

انزو اكبورهم يا عمه اهلنه

اربعين الليله تفاركنه




دليني عمه المكبره منين

بترابهه نام الحنين

ملهوف الكلب وشتاق لحسين




اوصل واعاتبهم الوليان

عافو اختهم ليش الحنان

اجيتك والحال تعبان




وصلت موﻻتنا زينب ع الى اخيهه الحسين هوت من ناقتها الى القبر

هوت من فوك ناكتهه العقيله

عله الكبر والمدمع تسيله

وتراب الكبر كامت تهيله




اجيتكم وامحمله اعتاب

ومن الهضم خويه الكلب شاب

ريت الكبر يحسين بي باب





لخادمة الحسين / / العلويه ام اياد ﻻيجوز حذف اﻻسم https://www.tgoop.com/joinchat--h0l4_B6FIg2ZjYy

لطمية الى الاربعين من ديوان نحر الحسين ع الجزء الثاني



من الشام ردينه يهالينه
وعلى كبوركم ننصب تعازينه


جبنه الروس ويانه وتعنينه
ننشد وينها كبور اهالينه
اجينه من اليسر واليسر ماذينه
ماتكعد يبو الغيره يوالينه

مسبيات من اليسر ردينه
خويه حسين جبنة راسك وجينه
نشدنه وين رحنه ووين كعدينه
بديوان الشماته خويه دخلينه

اليوم لكربلاء يحسين وصلينه
ويتام وحرم واليسر ماذينه
انشد وين ابو فاضل وجفينه
نسه الحره يويلي وغمضت عينه

جبنه الروس ويانه وتعنينه
وهل اليوم اربعينية اهالينه
زينب على الكبر نادت يوالينه
وعلى حسين وين الي يعازينه

وين حسين كسر صيح دلوني
ضماك لحد ياكسره عيوني
ريت وياك ياخويه يدفنوني
ردينه حرم والظيم غاطينه

فك باب الكبر خليني احاجيك
عندي عتاب الك والعتب ياذيك
انت هيبتي الزامطت بيك
تنام شلون يبن امي وتخلينه


لخادمه الحسين العلوية ام اياد ولا يجوز حذف الاسم

https://www.tgoop.com/joinchat--h0l4_B6FIg2ZjYy

هوسات الاربعين من ديوان نحر الحسين ع الجزء الثاني



خويه من الشام جبت الروس وياي
اردهه ويه اجسادكم وارجع يولياي
ونوب ارجع للوطن خويه بياتاماي

(اكعد يبن امي انهد حيلي)


مني نهدم حيلي وصحت ويلاه
ياوسفه على ابن امي تراب غطاه
اجيت اسوي الاربعين وانصب عزاه

(ياشيعه اعله اهلي عازوني)


نعازي بت علي ونلطم على حسين
على الشالوا اهلها اليوم سيلي العين
يستاهل حسين اعليه تونين

(تندبينه بالشده حسين)


لخادمه الحسين العلوية ام اياد لا يجوز حذف الاسم

https://www.tgoop.com/joinchat--h0l4_B6FIg2ZjYy

حديث الأربعين من ديوان نحر الحسين ع الجزء الثاني



كان في كربلاء اول زائر الى قبر الحسين ع هو جابر ابن عبد الله الانصاري و مع عطيه ..كانوا يزورون قبر الحسين ع .
يقول عطيه : بينما نحن كذلك واذا بسواده اقبلت علينا .. اخبرت جابر عنها و قلت له فلتختفي اخشى ان تكون عين لأبن زياد
فألتفت جابر و قال : يا عطيه قلبي يقول هذا ضعن زينب ع جائت الى قبر الحسين ع
و اذا بزينب وصلت الى كربلاء صاحت عمه يا سجاد اين قبور اخوتي ...
تكله :

تكله عمه يا علي خذنه لأهله
نزور اكبورهم و انهل دمعنه
و نشكيلهم عمه هضمنه
الكبر الكفيل نوب اخذنه


نيجي ونون يم. الجفون
نامو اهلنه وتيهونه
وصلنه كبورهم ماتلكونه


وصلنه كربله وذيج المباني
نايم بطين وسفه الدللاني
جاوين اخوي الكفلاني



قال الامام السجاد ع عمه يا زينب هذا قبر والدي الحسين و هذه قبور عمومتي و اخوتي
ثم ذهبن النساء كل واحده الى قبر
زينب ع ذهبت الى قبر الحسين ع ثم التفت الأمام السجاد ع يميناً و شمالاً و لم يرى زينب ع فوجدها تبحث في الأرض قال: عمه عن اي شيء تبحثين
قالت: عمه ابحث عن قبر كفيلي
فقال لها: عمه قبر الكفيل على العلقمي
صاحت زينب ع : يا نساء الكل نذهب الى قبر اخي العباس


امشنه لعد كبر الشفيه
و احجيله ضيم المر عليه
لو حشميته ايكوم ليه


يالخوان اكعدولي شويه
و نشدوني على الي صار بيه
تعدت ترى العيله عليه


عمت ولدكم تلكوها
تون على الكبر لا تخلوها
حدر التراب الدللوها


خال الولد نام و نساني
اجيت ليه ما تلكاني
عليه مسدوده المباني


خويه الكبر مابيه كل باب
و اكعد و سولف ويه الأحباب
وكلهم مشينه ويه الاجناب


ابجي و اهل دمعة العين
و اسكطت على كبر الحنين
مضيعه او ونت النساوين


لخادمق الحسين العلويه ام اياد لا يجوز حذف الاسم https://www.tgoop.com/joinchat--h0l4_B6FIg2ZjYy

نعي ضهر الاربعين

وصليت وبوكت الضهيره
والكيتهه نومو العشيره
ماضل جبير الاستشيره
يهلي كعدو تلكوهه الاسيره



العلويه ام اياد


https://www.tgoop.com/joinchat--h0l4_B6FIg2ZjYy

‏مقطع صوتي من العلوية ام اياد

‏مقطع صوتي من العلوية ام اياد

هوسات للنبي محمد من ديوان نحر الحسين ع الجزء الثاني



تبجي العين مافترت مبجاهه
على الشال و مشه والزهره عافاهه
وابيت الاحزان تموح خلاهه
( عافاهه محزونة الزهره)


ابو ابراهيم شال اوعايف ادياره
وبنته مكدره وعليه محتاره
رسول الله عليه الدمع يتجاره
(شال المختار البيه هيبه)


شال المصطفى المأسس الدين
اليوم اعليه ينوح الحسن وحسين
وين تريد ياجد الميامين
( الدين اخلافك تهتز اركانه)



لخادمه الحسين العلويه ام اياد لايجوز حذف الاسمhttps://www.tgoop.com/joinchat--h0l4_B6FIg2ZjYy