ХӔРЗГӔНӔГӔН ЙӔ НОМ ЙӔ УӔЛӔ!

ХУЫГАТЫ РОСТИСЛАВЫ ЛӔГГӔДТӔ ИРЫСТОНӔН ӔМӔ ИРОН ЛИТЕРАТУРӔЙӔН!

⚜Фӕнды мӕ журналы цардӕй иу ахсджиаг цау уӕ размӕ рахӕссын, уымӕн ӕмӕ ирон литературон журналы алы сулӕфт ӕмӕ зӕрдӕйы цавд ӕнгом баст у нацийы уд ӕмӕ цардимӕ! Йӕ удыл хӕцджытӕ та сты - иронау чи дзуры, иронау чи кӕсы, мадӕлон ӕвзагыл мыхуыры фӕрӕзтӕ чи рафыссы йӕ бинонтӕ ӕмӕ йӕ хӕлӕрттӕн, ирон ӕгъдау чи хӕссы, йӕ уидӕгтимӕ ӕнгом баст чи у. Уыимӕ, рӕстӕг куыд ӕвдисы, афтӕмӕй мах сымахимӕ стӕм тынг ахсджиаг хъуыддаджы лӕуд ӕмӕ нӕ архайд дӕр хъуамӕ аразӕм цӕджындзбыдӕй.

✔️Ӕрӕджы цалдӕр хатты расидтыстӕм журнал рафыссыны кампани ацы азы дыккаг ӕмбисӕн. Арфӕйаг сты, сӕ зӕрдӕмӕ хӕстӕг чи айсын ацы хъуыддаг, уыдон.

⚜ Раст мӕ бамбарут, ӕз нӕ уарзын ирон журнал рафыссыны тыххӕй лӕгъзтӕ кӕнын. Афтӕ мӕм фӕкӕсы, цыма уымӕй нӕ мадӕлон ӕвзаг ӕмӕ литературӕ дӕлдзиныг кӕнӕм.

⚜Ау ирон ӕвзаг, ирон литературӕ, не 'гъдӕуттӕ ӕмӕ культурӕ бахъахъӕныны фарстатӕ кӕй зӕрдӕ агайынц, уый сӕ фӕрсты хъусзӕрдӕйӕ ацӕудзӕн? Куыд ис уымӕн гӕнӕн та?

😍Мӕн ӕхсызгонӕй радзурын фӕнды иу хорз адӕймаджы фидар позици, культурӕ ӕмӕ хъӕппӕрисы тыххӕй.

⚜ Ӕрӕджы Хуссар Ирыстоны Нафийы номыл премийы уӕлахиздзауты хорзӕхджын кӕнгӕйӕ Самарæйы ирон диаспорæ "Алания"-йы национ-культурон центры сæрдар, Самарæйы кадджын æмбæстаг, Ныфийы номыл литературон премийы бындурӕвӕрджытӕй иу, Хуссар Ирыстоны хæрзаудæн фонд "Амонд"-ы бындурӕвӕрӕг, Самарæйы облæсты адæмты Цæдисы регионалон æхсæнадон организацийы сæрдар
ХУЫГАТЫ Ростислав рафыста журнал "Мах дуг" Самарӕйы цӕрӕг ирӕттӕн ӕмӕ Хуссар Ирыстоны паддзахадон университеты студенттӕн.

Цы ма ис ам зӕгъӕн? Ӕвӕццӕгӕн ницы, уымӕн ӕмӕ сӕйрагдӕр у, лӕг хъуыддагӕй цы равдисы, уый.

🙏Мӕн фӕнды Хуыгаты фӕрныг мыггаджы хистӕр Ростиславӕн зӕгъын бузныг, Ирыстонӕй дард уӕвгӕйӕ дӕр йӕ зӕрдӕ кӕй ис йӕ адӕмимӕ ӕмӕ кӕй ауды ирон ӕвзаг ӕмӕ литературӕ бахъахъхъӕныныл. Кӕй кӕсы ирон журнал, кӕй йӕ цымыдис кӕнынц ирон литературӕйы процесстӕ ӕмӕ КӔЙ КӔНЫ СТЫР АРГЪ ИРОН ЖУРНАЛ "МАХ ДУГ"-ӔН. Афтӕ куы зӕгъон ӕмӕ редакцийы кусджытӕ сӕхиуыл нӕ ауӕрдгӕйӕ бакусынц журналы алы номырыл дӕр, хатгай суанг ӕнафонтӕм куыстуаты базайгӕйӕ, уӕд ӕппындӕр нӕ фӕрӕдыйдзынӕн. Цы сӕ разӕнгард кӕны? Журналкӕсӕджы бузн ӕмӕ ирон литературӕйӕн лӕггады ӕмбарынад.

📎Уæ зæрдыл уын æрлæууын кæндзынæн, Хуыгаты Ростиславы хъæппæрисæй ма Самарæйы арæзт кӕй æрцыди адæмты хæлардзинады Парк. Уникалон архитектурон этнографион ансамбль конд у 20 националон хæдзарæй æмæ кæртæй. Ӕвдыст дзы цæуынц, ацы облæсты чи цæры, уыцы адæмыхӕттыты культурæ æмæ æгъдæуттæ. Ис дзы ирон хæдзар дæр. «Нациты 'хсæн ахастдзинæдты къабазы хуыздæр национ-культурон проект»-ы тыххæй йын лӕвӕрд ӕрцыд æппæтуæрæсеон æхсæнадон преми «Гордость нации». Йӕ бирӕ ӕнтыстытӕ ӕмӕ лӕггӕдты тыххӕй Ростислав хорзӕхджынгонд ӕрцыд бирӕ алыхуызон майдантӕ ӕмӕ ордентӕй. Фӕлӕ уыдоны 'хсӕн се 'ппӕты сӕйрагдӕр у АДӔМЫ ХОРЗӔХ!

Хӕрзгӕнӕгӕн йӕ ном йӕ уӕлӕ. 🙏🙏🙏

ХЕТӔГКАТЫ ОКСАНӔ
#журналмахдуг #хуыгатыростислав #хетӕгкатыоксанӕ #редакторыныхас #самара #хуссарирыстон #уарздӕбӕстӕ

#ХӔРЗГӔНӔГ
БУРГАЛАТЫ ЗАРЕМӔ РАФЫСТА ИРОН ЛИТЕРАТУРОН ЖУРНАЛ "МАХ ДУГ", ЙӔ АВНАЛӔНТӔ ЦЫБЫР ЦӔМӔН СТЫ, УЫЦЫ ХИСТӔРТӔН

"Аланты Ныхас"-ы ахуырад ӕмӕ мадӕлон ӕвзаг бахъахъхъӕныны фарстаты фӕдыл комитеты сӕрдар Бургалаты Заремӕ ацы хатт дӕр та сси не 'мзиууон ирон журнал рафыссыны хъуыддаджы.

Бирӕтӕн сӕ бон нӕу "Уӕрӕсейы Пост"-ы уылты журнал рафыссын. Уымӕ гӕсгӕ йӕ асламдӕр аргъӕй рафыссынц редакцийы уылты. Ныр та йӕ сӕ бон хӕрзгӕнӕджы фӕрцы райсын уыдзӕн лӕварӕй.

⚜Заремӕ, дӕ хорздзинӕдтӕ дӕм ӕртывӕрӕй раздӕхӕнт ӕмӕ сӕ Дунедарӕг дӕ бинонтӕ ӕмӕ къабӕзтыл байуарӕд!

✔️ Йӕ зӕрды ма ахӕм хорздзинад ракӕнын кӕмӕн ис, ирон ӕвзаг ӕмӕ литературӕ бахъахъхъӕнынмӕ йӕхи ӕвӕрӕн бахӕссын ирон журнал рафыссыны хъуыддагӕй, уыдонӕн дзуапп ратдзыстӕм ацы телефонтӕ ӕрбадзургӕйӕ:
📲8 962 743 58 78.

✔️Журнал редакцийы уылты афӕдзы ӕрдӕгмӕ рафыссӕн ис 400 сомӕй. (Хӕссын ӕй хъӕудзӕн Мыхуыры хӕдзарӕй).
✔️50 журналы чи рафысса, уыдонӕн-иу сӕ нӕ редакцийы кусджытӕ баласдзысты сӕхӕдӕг (иу бынатмӕ). Уый хауы районтӕм, скъолатӕм, куыстуӕттӕм...⭐️⭐️ ⭐️

✔️Стӕй ма иу хабар! Уӕ хорзӕхӕй, уацмыстӕ фыссыны курдиат кӕмӕ ис, йӕ рӕбыны сӕ ӕвӕрдӕй чи дары, уымӕ ӕнхъӕлмӕ кӕсӕм нӕ редакцийы. ( Къостайы проспект 11, 2-аг уӕладзыг).

⚜ Зӕрдӕрайӕ кӕсут ирон журнал "Мах дуг"!

#журналмахдуг #бургалатызаремӕ #алантыныхас

Цорити Лютвия райгуырд ӕмӕ схъомыл Турчы, цӕры Германы ӕмӕ ӕдӕрсгӕ дзуры мадӕлон ӕвзагыл. Уӕ размӕ хӕссӕм йӕ хъуыдытӕ ӕмӕ йӕ курдиат🙏😍

#журналмахдуг

🙂🙂🙂 До Всероссийского театрального фестиваля "Вахтангов. Путь домой" остался всего месяц.

🙂 6 июля в 18:00 состоится
торжественное открытие. Праздничная процессия начнётся от площади Свободы, пройдёт по проспекту Мира до Русского театра имени Евгения Вахтангова и вернётся обратно по проспекту Мира к площади Свободы.

🙂 С 7 по 12 июля будут показаны спектакли основной программы фестиваля, привезенные из разных регионов России.

🙂 Если Вы хотите получить незабываемые впечатления и создать яркие воспоминания, то советуем посетить как можно больше мероприятий и спектаклей.