قصيدة فزاعيه
العوده ان شاله يحسين
مو فلت وداعيه
&&&&____&&&&
العودة ان شاله مولاي
سجلني لعام الجاي
الك هم خادم ومشاي
بجاهه المشت مسبيه
&&&____&&&&
المواكب عزليناهه
ومن الله طلبناهه
العوده وياك ردناهه
ما گلنا الختاميه
&&&_&&&&
ختامن ما نسميه
يبو السجاد خليه
مصابك ينذكر بيه
كل عام اليمر بيه
&&&_&&&&
ونعيش على هل فطره
عزاءك كل سنه نحضره
ونرضي فاطمه الزهره
وتحضر بالعزه هي
&&&____&&&&
نريد ازغارنه وكبار
كله تعزب الزوار
مضيفك ما يرد خطار
يا راعي العزوبيه
&&&_&&&&
عند امك يبو الاكبر
سجل اسمي بالدفتر
بعزاءك كل سنه احضر
وعيني عليك معميه
&&&____&&&&
تمت بقلم الشاعره العلويه آلاء
رابطه #الطفوف
#منتدى القلم الفاطمي
https://www.tgoop.com/maisyaltfoof

ردت زينب عليها السلام من كربلاء الى الديار ويرافقها قميص الحسين الملطخ بالدماء
وعلى عبائتها عطر الحسين
كم انتي عظيمه مولاتي
#زينب

فزاعية جنوبية للاربعينية
،،،،،،،،،،،،،،،،،،،،،،،،،،،،،،،،،،،،،،

ردتلك غريبة حال گوم اگعد تلگاها

محنية ظهر يحسين هذا الدهرخلاها
،،،،،،،،،،،،،،،،،،،،،،،،،،،،،،،،،،،،
اجت ودموعها تجري وتشكيلك يواليها

شيبها الدهر يحسين شوف الصاير اعليها
هاي ام الخدر يمك تبچي لا تخليها
اذاها اليسر والشام تدري حيل اذاها

✍🏻ام سيد حسن الموسوي

،،،،،،،،،،،،،،،،،،،،،،،،،،،،،،،،

وصلت والدمع يجري الکربله المظلومه
زينب شافت التربان وكل وليانها نومه
تصيح حسين ياعباس جيت وحيل مهضومه
نشدو عن اختكم وين يالخوان ملفاها

بقلم✍🏻العلويه ام شهد البعاج

،،،،،،،،،،،،،،،،،،،،،،،،،،،،،،،،،،،،،،،

اجت من اليسر زينب دموع العين سچابه
گلب ام الخدر محزون مايتجبر اصوابه
جزت شهر وعشر تيام گلبها مفارگ احبابه

مهدوم العزم والحيل ودرب اليسر سلاها

✍️ام نور الزهراء الزينبيه

،،،،،،،،،،،،،،،،،،،،،،،،،،،،،،،،،،،،،،،

عمت عينچ يدنيا اشلون انتی الما رحمتي وياي

خذیتی مني اعزازی ورخصتی دمع عيناي

رجعت اليوم ازور اهلي حدرالترب کل ولياي
بعيده اگبورهم صارت وبكربله عفناها

بقلم✍🏻الادبيه العلويه ام شهد البعاج

"""""""""'"""'""""""""""""
رابطه الطفوف
#منتدى القلم الفاطمي

https://www.tgoop.com/maisyaltfoof

اداء علاء الدفاعي
وقلم طالبةالزهراء

📿 من أذكار يوم الإثنين
يا لطيف (129) مرّة لكثرة الـمال.
ذِكر آخر
يا قاضي الحاجات (١٠٠) مرّة 📿📿📿📿📿📿📿📿
تسبيحات يومية
هناك تسبيحات يومية بسيطة مهمة لها آجر كبير وثواب عظيم وهي :

📿 الحمد لله على كل نعمة كانت أو هي كائنة (7) مرات

📿 اللهم أغفر للمؤمنين والمؤمنات والمسلمين والمسلمات (25) مرة

📿 ياعلي (100) مرة

📿 ياقهار ( 300 ) مرة

🙏🌴🙏🌴🙏

لدفع البلاء اقرأ ٧ مرات :

(اللهم صل على محمد وال محمد اللهم اجعل لي من الصلاة على محمد وآل محمد حصناً وسوراً وسداً منيعا)

🙏نسألكم الدعاء 🙏

قصيدة لمولاتنا الزهراء 💔

تون الزاجيه والضلع ماذيها
︵‿︵‿︵︵‿︵‿︵
تولوها الكفر بالباب معصوره
نبت بسمارها يا حيف مغدوره
ثله من السقيفه الكافر وجوره
بعدهي من الحزن توجر نواعيها
✍🏻طالبةالزهراء
︵‿︵‿︵︵‿︵‿︵
بعدهي تون لبوها الدمعه سجابه
هدها بروحته وهداها بمصابه
كلبها اعليه ونه ونار لهابه
عكب عينه الوديعه العده مصوبيها
✍🏻ام نور الزهراء الزينبيه
︵‿︵‿︵︵‿︵‿︵

بعد ماكف دمعها وعالأبو تنعه
تولاهه اللعين وسگط البضعه
تخفي ونينها خافن علي يسمعه
تضم كسر الضلع والعين تخفيها
✍🏻العلويه الاء
︵‿︵‿︵︵‿︵‿︵

تون الزاجيه ومصوبيها اصواب
ضلعها منكسر من فعلة الاصحاب
مهمومه الوديعه تنادي اه ياياب
لحد الموت ماسكتت بواجيها
✍🏻سلمى أم جعفر
︵‿︵‿︵︵‿︵‿︵

غسلها علي والمدمع يسيله
مكسور الكلب حيل أنهدم حيله
على أم الحسن والفركه الثجيله
بجت حتى الأرض والسمه الترثيها
✍🏻 آلــــّعــلّويِـــه آلّمٌوسويِــــۿ
︵‿︵‿︵
غسلها الولي وشاف الضلع مكسور

وكلبه من الألم عليه ضل مجمور

عله الصار وجرى وي فاطمه مجبور

حيدر قيدتها اوصية البيها
✍️خادمة اهل البيت ام اسعد
︵‿︵‿︵

تمت القصيده باقلام شاعرات رابطه
#الطفوف #منتدى القلم الفاطمي
https://www.tgoop.com/maisyaltfoof

نُعَزِّي صَاحِبُ اَلْأَمْرِ وَالزَّمَانِ وَأَهْلِ بَيْتِ اَلنُّبُوَّةِ عَلَيْهِمْ اَلسَّلَامُ وَمَرَاجِعُنَا اَلْعِظَامِ وَشِيعَةِ أَهْلُ بَيْتِ اَلْبَيْتِ وَالْإِنْسَانِيَّةِ جَمْعَاءَ ذِكْرَى اِسْتِشْهَادِ اَلْإِمَامِ اَلْحَسَنْ اَلْعَسْكَرِي عَلَيْهِ اَلسَّلَامُ ، رِزْقُنَا اَللَّهُ زِيَارَتَهُ وَشَفَاعَتِهِ فِي اَلْآخِرَةِ

🏴

نَفسي و نفسُ العاشقينَ حطيمُ
فكفيلُ أيتام الزّمان يتيمُ!

▪ابا محمد استشهد وبقي محمد !!
• وحيد..
• غـريـب..
• شـريـــد..

مولاي بردا وسلام على قلبك الرؤوف..


#آجرك_الله_يابقية_الله

🌿💔

نخوه لام البنين سلام الله عليها

فزاعي بقفله الهوسه🍂🍂🍂🍃



ويم عباس.. ندري بوكفتج زود
نحلفج بالحسين وراعي الجود
*
ماخاب النخاج بلحضه الضيج
تفرهين الصدر وبضنكه الريج
تصبرين التوازه بشكه الزيج

اسمج بالشده الحلاله

✍طالبةالزهراء
-------------‐--
اسمج بالشدد معروف كل يوم
اريد انخاج ها يعزيزة الكوم
اريد المجلسج يم الكمر دوم

لحبابج نظره بهليله
✍️ام نور الزهراء الزينبيه
----------------
ادك بابج واندبج يا ام عباس
متقصرين اعرفج ام الاحساس
كريمه وايدج تمديها للناس
الحاجه التصعب تكضيها

✍️خادمة اهل البيت ام اسعد
---------------
حاجات المحب اليوم بيديج
ياشفجه وحنينه حلو طاريج
تحضرين الموالي من يجي ليج

والتصعب// انتي تحليها

✍ام حيدر العباديه عماره
--------------
جفي ما يرد فد يوم خالي
تمر وكت العسر دوم عالبالي
اريدج بلصعب نضره اعلحالي
محتاجه وبابج///دگيته
✍️العلويه الاء

--------------
تمت القصيده باقلام شاعرات رابطه الطفوف
منتدى القلم الفاطمي
لانجيز حذف الاسماء

https://www.tgoop.com/maisyaltfoof

فزاعيه بشجاعة سيد الماء
ابو فاضل عليه السلام


عباس من طب النهر ...
روجه تطك بروجه....
***
عباس تكتل خزرته
والسيف لاك بيمنته
زلزال صارت صيحته
عالماي كالو صوجه
روجه تطك ابروجه
✍طالبةالزهراء
***
للشط ابو فاضل وصل
طر ذيج الجموع ونزل
من صاح وعليهم حمل
بالجيش صارت لوجه
روجه تطك بروجه
✍️العلويه الاء
*****
طب ليه گطاع النفس
ضل يترس بجوده ترس
وعليهم الجوا انحبس
غيره وسرت بعروجه
روجه تطك بروجه
✍️العلويه الاء
***
السيف حار وما برد
خل الرگاب بلا عدد
چن منجل وبيهم حصد
يعدل بسيفه العوجه
روجه تطك بروجه
✍️العلويه الاء
**
تعناها شيال العلم
يطشرها بالحومه ويلم
لا خيل ضلت لا زلم
والماي اخذه بموجه
روجه تطك بروجه
✍️العلويه الاء
***
هد ليه سبع الگنطره
حير يزيد وعسكره
عباس لو جف حيدره
لن الدمه ممزوجه
روجه تطك بروجه
✍️العلويه الاء
**
صولاته ترعد لو غضب
اعيونه تجدح بالحرب
جن للنهر موت وجهب
زلزال حط بعروجه
روجه تطك بروجه
بنت العباس ع
✍ام منتظر الجابري
***
تمت القصيده باقلام شاعرات رابطه
#الطفوف
#منتدى القلم الفاطمي
https://www.tgoop.com/maisyaltfoof

قال إمامُنا الصادق "صلواتُ اللهِ وسلامهُ عليه":
(لَمّا خَلَقَ اللهُ السماوات والأرضين اسْتَوى على العَرْش، فَأَمرَ نُورين مِن نُورهِ فَطَافا حَولَ العَرْش سبعينَ مرَّة، فقال عزَّ وجلَّ: هذان نُوران لي مُطيعان، فَخَلَقَ اللهُ مِن ذلكَ النُور مُحمَّداً وعليَّاً والأصفياء مِن وُلْده، وَخَلَقَ مِن نُورِهم شيعَتَهُم، وَخَلَقَ مِن نُور شيعتهم ضوءَ الأبصار).

⚘️⚘️⚘️

أسعدَ الله أيّامكم بميلاد حقيقةِ الحقائق، وسيّد كُلّ صامتٍ وناطق، نُور الأنوار وسرّ الأسرار، وإمام الأئمةِ الأطهار الخاتمِ لِما سَبَق والفاتحِ لِمَا استُقبِل والمُهيمن على ذلك كلّه: خاتمِ الأنبياء أبي الزهراء مُحمّد "صلّى الله عليه وآله"، وميلادِ ابنهِ الصادق الأطهْر والنُور الأنور: جعفر بن مُحمّد "صلواتُ الله عليه وعلى آله الأطهار"

قصيده لمولاتنا فاطمه الزهراء عليها السلام


مصيوبه ام حسن ماهاد ونها
جم ضلع ابضلع مكسور منها

مهشم كل ضلع
جفنها يهل دمع

وجم ضلع ابضلع مكسور منها
**
جم ضلع وضلع منها تكسر
والعدوان ويلي اعليها تفتر
بحقدهم دارها حركوها بالشر

ونعصرت سوه
ياخنكت هوه


وجم ضلع ابضلع مكسور منها

الشاعــ✍️ــره بتول الكربلائيه
***
بقت نتعى بألم تندب الكرار
گوم اهل السقيفه شبو النار
بظلوعي بحقد نبت البسمار

بت خير البشر
ظلعها بيه اثر

وجم ضلع ابضلع مكسور منها
✍🏻 بنت العباس ع ام منتظر الجابري
**
مچن هالحزن والدمع بداد
وخلاها عظم والحزن يزداد
مآلومة گلب والعمر بحداد

چرح يلچم جرح
ماشافت فرح

وچم ضلع ابضلع مكسورمنها
✍️هدى المطر ام محمد
*****
جرح یلچم جرح وتهدم الحیل
ومن کثرالالم مانامت الیل
تصد لولادها والمدمع ایسیل

تجرحسره وتون
وگلبها منسحن

چم ظلع ابظلع مکسورمنها

✍🏻المیرزه ام ليلي الخاقانی
***
بت المصطفى ماتكدر تكوم
متروسة حزن والآيم ايلوم
كطع شجره حزنها الباغي ويحوم

محنيه صفت
والعين انطفت
وجم ضلع بضلع مكسور منها
✍طالبةالزهراء
***
تمت القصيده باقلام شاعرات رابطه الطفوف
منتدى القلم الفاطمي
https://www.tgoop.com/maisyaltfoof

اللحن ☝🏻