بە سەربەرزی بژی، تا ماوە ژینت
نەکەی مل کەچ لە بەر کۆشک و تەلاران

کرێکارێکی خاوەن هێزو و بازوو
مەچەک ماندوو بکا، تاکوو ئێواران

بە هێزی باوەڕی شان و دەماری
بە دەس بێنێ ژیانی خۆی و خێزان


#قانع

شەو وەک من مات و چاوەڕێ
مانگ تۆراوە
تاریکی هەموو شتێکی داپۆشیوە
بەئەسپایی
دەست بۆ ڕێگایەک دەگێڕم
     بۆنی تۆی لێ دێ...


#ڕەفیق_سابیر
ـــــــــــــــــــــــ

پەندەکانی #پیرەمێرد، بەشی(٥۰)

جوولەکە ساڵێ هامان ئەکوژن
زۆردار هەر ڕۆژێ خوێنێ ئەمژن

بە جوانی سووتا دەنکە هەنارێ
بەخت ڕووی کردە دیگونە چارێ

سیاسەت‌بازیی دەردێکی وایە
بۆ دەوڵەمەندیش هەر بێ دەوایە

ــــــــــــــــــــــــــــــــــــــــــــــــــــ
کاناڵی #مامۆستا_قانع👇

🍁🍁 https://www.tgoop.com/joinchat-AAAAAD-YcidqWhVSeqDKzQ 🍁🍁

ئەو شتەی که من دەتوانم پێتانی بڵێم ئەوەیه که میلیاردها ژن لەسەر زەوی ژیان دەبەنه سەر، هێندێکیان باشن، زۆریان هەر زۆر زۆر باشن، بەڵام هێندێک کات، سروشت هەموو فریوی خۆی به کار دەبا تا ژنێکی تایبەت ساز بکا.

ژنێک له دەرەوەی باوەڕی مرۆڤ، مەبەستم ئەوەیه که، چاوی لێ دەکەی بەڵام ناتوانی باوەڕ به بوونی بکەی...



#چارلز_بۆکۆڤسکی
#زەینەب_جەلالیان

سەپانێکی هەژاری پێپەتی و شڕ
کە خاوەن غیرەتە، وەک شێری مەیدان

بەسەربەرزی لەبەر تیشکی هەتاوا
درەوکا بەرهەمی ڕەنجی، لە هەردان

قەزای هێزی لەشی جوتیاری ماندوو
لە دووسەد بۆمب وتانک و تۆپی شاران

ئەمانە خزمەتن! نەک کوشتن و جەنگ
هەزار لەحنەت لە کوشتار و لە تاڵان


#قانع
ـــــــــــــ

پەندەکانی #پیرەمێرد، بەشی(٥۱)

بۆیە گێرۆدەن هێندێ بەو داوە
کوێر هەتا ئەمرێ بە هیوای چاوە

هیچ شارێ خۆشیی ئەم شارەی نییە
بەڵام ڕەشەبا بوارەی نییە

چەندم پێخۆشە لە سای دەوەنێ
دانیشم و ژن،  مەشکە بژەنێ

با سەد تەیارە بۆمبا بە جوێ بێ
من تەنها شڵقەی مەشکەم لە گوێ بێ

ــــــــــــــــــــــــــــــــــــــــ
کاناڵی #مامۆستا_قانع👇

🍁🍁 https://www.tgoop.com/joinchat-AAAAAD-YcidqWhVSeqDKzQ 🍁🍁

پیاو چەندە بە خۆیەوە بنازێ.. لە بەردەم سیحر و جوانی ژنێکدا ئەو ناز و فیزە دەدۆڕێنێ...
وەک باوکە ئادەم کە بەهەشتی دۆڕاند.. پیاو بەفیز و قەڕوحە، بەڵام درۆزن و ڕیاکارە..
هەریەک لە ئێمە فیزێکی بۆش و بەتاڵی هەیە.


#شێرزاد_حەسەن
ــــــــــــــــــــــــــــــــ

نـامـەوێ بـاغـی وەنـەوشـەو سـونبول و ڕەیـحـان و گـوڵ

خـونـچـەی لێـوی نـەبـێ، بـاخی گـوڵانـم بـۆچـییـە؟


#سافی
ـــــــــــ

سەد خۆزگە بەوەی مردو نەما ناوی لە کایە
بێ خەم لەخەمی هام وەتەن و باوک و برایە
دووبارە دووسەد خۆزگە بەوەی غەرقی فەنایە
نازانێ کە ئەوزاعی زەمانە لە چ دایە
سامن چ بکەم؟ دەربەدەر و بێکەس و حەیران !


#قانع
ــــــــ

پەندەکانی #پیرەمێرد، بەشی(٥۲)

دنیا سێبەرە دوای کەوی دەڕوا
کە ڕووت وەرگێڕا ئەوت دێ لە دوا

تا گەورەتر بی خەفەتت زۆرە
کاتێکت خۆشە بکەویە نۆرە

گەورەیی ئێستا دەردیسەرییە
ئەچەوسێتەوە و لە خەو بەرییە

ناشڵێن بۆ ئێمە جستوجۆیەتی
ئەڵێن کردوکۆی هەر بۆ خۆیەتی

ــــــــــــــــــــــــــــــــــــــــــ
کاناڵی #مامۆستا_قانع👇

🍁🍁 https://www.tgoop.com/joinchat-AAAAAD-YcidqWhVSeqDKzQ 🍁🍁

دوای بیرکردنه‌وه‌یه‌کی درێژ بڕیاری دا بۆ خۆی و بۆ هه‌مووانی بسه‌لمێنێت که‌ به‌ڕاستی تاعونێکی کوشنده‌ بڵاو بۆته‌وه‌!
میلله‌تێک پێکڕا جگه‌ له‌ کتێبی قوتابخانه‌ هیچ کتێبێکی تر به‌ جدی ناخوێنێته‌وه‌، هیچ هه‌واڵێک نایجووڵێنێت...

سه‌لام له‌ دڵی خۆیدا وتی: تاکه‌ خولیای ئه‌م خه‌ڵکه‌ بووه‌ به‌وه‌ی خۆیان ده‌رخه‌ن، سه‌رده‌مێکه‌ مرۆڤ خۆی خستۆته‌ بازاڕێکی گه‌وره‌وه‌، تا ته‌نیا پڕوپاگه‌نده‌ی پووچ بۆ خۆی بکات...!


#کەشتی_فریشتەکان
#بەختیار_عەلی
ــــــــــــــــــــــــــــ

خۆشەویستی
ھەڵەیەکە
ھەموو کەسێ
ھەزار بارەی
دەکاتەوە...!


#لەتیف_هەڵمەت
ـــــــــــــــــــــــــــــــــ

ئەمەوێ بمرم لە هەردا، لە چۆڵ
"با" گەردی لەشم بکاتە ناو دۆڵ

نەک بە ملکەچی بژیم سەد ساڵێ
دوژمن زیندانی خۆم پێ بماڵێ!


#کامەران_موکری
ــــــــــــــــــــــــــــــــ

ئەوانەی لە بنەڕەتەوە گەمژەن، زۆر لەوانە باشترن کە دەیانەوێت تێبگەن و ڕەنجی بۆ نادەن.!!!


#بەختیار_عەلی

پەندەکانی #پیرەمێرد، بەشی(٥۳)

ئەوسا پشتێنی لێ دەکەیتەوە
کە خۆت لە بێکار جوێ بکەیتەوە

ئەم دنیا حیزە بەری زۆر دوورە
هەتا تۆ بڕۆی ئەو خوار و ژوورە

زۆر جار چاوی ڕەش کاڵ ئەبێتەوە
ناڵێن چاو بە چاو ئەکەوێتەوە

ـــــــــــــــــــــــــــــــــــــــــ
کاناڵی #مامۆستا_قانع👇

🍁🍁 https://www.tgoop.com/joinchat-AAAAAD-YcidqWhVSeqDKzQ 🍁🍁

پیاوێک لە شێتێکی پرسی:"ناوی گەورەی خودا چییە؟"
شێتەکە وتی:ناوی گەورەی خودا، "نان"ە، بەڵام ناکرێ لە هیچ کوێیەک ئەمە بدرکێنین.

پیاوەکە وتی: هەی نەفام، چۆن ئەکرێ ناوی گەورەی خودا نان بێت؟

شێتەکە وتی: لە قات و قڕییەکەی نەیشابووردا چل شەو و ڕۆژ گەڕام، نە لە هیچ کوێیەک دەنگی بانگم بیست نە درگای هیچ مزگەوتێک کراوە دی، لەوێدا زانیم کە ناوی گەورەی خودا نانە و بونیادی دینە و هۆی یەکێتی خەڵکە...!!!


#عەتتار_نەیشابووری
ــــــــــــــــــــــــــــــــــــ

گەر ئاوت ویست،
بۆت دەبمە زێ...!!!!


#فەرهاد_پیرباڵ
ــــــــــــــــــــــــــ

من دەمەوێ
تۆ نەمر بیت...
من دەمەوێ
ئێوارەیەک، لە گەڵ هەورا بباریت و تەواو نەبی...
من دەمەوێت
سپێدەیەک، لە گەڵ ڕۆژدا بۆم هەڵێیت و ئاوا نەبی...!

#عەبدوڵڵا_پەشێو
ـــــــــــــــــــــــــــــ

هاوڕێیان حەزتان بە کام بابەتی کوردییە؟؟

هەڵبژێرن👇👇👇