سڵاو لەوانەی کە پەنایەکی ئەمن بوون بۆ ڕۆژانی تەنیایی...!!!!

#سڵاو
ـــــــــــــــ

پێش تۆ ناسین
مناڵێکی خۆپەرست بووم
وام دەزانی،
ئاسمانی پان دەوارێکە،
تەنیا بۆ من هەڵدراوە
زەوی دوڕگەی دوای تۆفانە،
جگە لە من، هیچ کەسێکی تیا نەماوە

ئەوینی تۆ لەپڕ هات و
شوورە و قەڵامی خاپوور کرد،
ڕەنگەکانی هەموو گۆڕین
یاساکانی ژێروژوور کرد
وای کرد دنیا
بۆ تەنیاییم وەک قەفەس بێ
فێری کردم
شەوان نیو سەرینم بەس بێ!

#پەشێو
__

ئەم سادە ڕوخانە لە مەلاحەت کە تەمامن
دەورت کە دەدەن، تەفرە مەخۆ، قەت مەڵێ ڕامن

گەھ دۆست و وەفادار، گەھێ دوژمنی خوێنخوار
دڵنەرم دەبن گاھ و گەھێ سەخت کەلامن

عاجز مەبە، نەک بۆ تۆ، وەفایان نییە بۆ کەس
مەعلوومە کە ئەم تاقمە وەک تاسی حەمامن



#شێخ_ڕەزا
___

شەوەکانم پڕن لە تەنیایی من و بێ تۆیی تۆ.

شەوێک دووریی لەگەڵدا بێ
درێژترە لە سەختەڕێی لە دایک بوون هەتا مردن.

ئەوە چرام کوژاندەوە، چاوم وێک نا، هەموو دونیام
فەرامۆش کرد
ئەوە خەوتم.

بەڵام چ بکەم، خۆ هەر شەو نا،
خەوەکانم پڕن لە تەنیایی من و بێ تۆیی تۆ.


#مارف_ئاغایی
_______

شوورەیی ئەم سەردەمە بە ئاوی زەمزەم و کەوسەریش ناشۆردرێتەوە..!!!


#سادق _هدایەت
_______

ژیان هێندە جوانە کە ئەتوانی هەموو شتێکی بۆ فیدا بکەی، هەموو شتێک جگە لە شەرافەت...!!!

#ئەحمەد_زەیدابادی
ـــــــــــــــــــــــــــــــــــ

بە سەربەرزی بژی تاماوی، مردوو پیاوی سەرشۆڕە
ئەگەرچی نرخەکەی باسی سەرە ژینێکی بەم پێیە

مەڵێ حەیفە مەرگ جەستەم ئەکاتە خاک و خۆڵی ڕێ
سەری سەردارەهای دوینێیە وا ئەمڕۆ لەژێر پێیە

ئەوی نازانێ ژیری بێ هونەر، تیغێکە بێ جەوهەر
لە دوو پێ زیاترە، هەرچەن بە ناهەق ناوی دووپێیە

برا پێ هەڵگرە و توێشوو نەبەردی باب و باپیرە
بەسەر ڕێگەی ژیانا کردەوەی مەردانە جی پێیە

سەرنجی پەندی کۆنت بە برای کوردم کە کۆن نابێ
کە مردن مردنە ئیتر چییە ئەم لنگە فرتێیە

کە ئازا جاری ئەمرێ ترسنۆکیش ڕۆژی دووسەد جار
لەژین و مردنی مەردی دڵی تۆ بۆچی کرمێیە؟

ئەوی شوێنی نەوی شایانی شانی خۆی ئەبینێ وا
لە جێگەی گەردی ژێر پێیە، سەرانسەر ژینی بێ جێیە

ئەوەش مەرگی لە ڕێگەی ژینی سەربەرزا ڕەوا دیوە
شەهادەت بەن شەهیدی باوەڕی بەرز و بەڕێ و جێیە...!!!



#کاکەی_فەللاح
________

بەڵام لە یەک شت دڵنیام ئەویش ئەوەیە کە
لە ژیانمدا هیچ کەسێکم ئەوەندەی خۆم ئازار نەداوە…!!!

___

پاییزی تەمەنم گەیشت بێ ئەوەی بەهارێكم دیبێت،
ژیانی ئێمە هەر ئەمەیە...!!!


#غادە_سەمان
_______

بەس بێتاقەتی ئەو شەوانەم كە زوو بێ ئەوەی بیر لە شتێك بكەمەوە خەوم لێ ئەكەوت....!!!!


#ئیلهان_بێرك
____

دوێنێ چ بوو دەتدا بە زوبان لافی کەرامەت؟!
ئەمڕۆ نەدەمت بوو، نە دەمت بوو، نە دەمت بوو!


#نالی
__

ئەمن گیرۆدەی داوی تۆم
گیرۆدەی زوڵفی خاوی تۆم

دەبەنگ و مەستی چاوی تۆم
مەلێکی باڵ شکاوی تۆم

بە شێتی ناوزڕاوی تۆم
خوداپەرستی ناوی تۆم


#دڵدار
___

بە نەهری کەوسەر و شیر و عەسەل چەند تینووە سۆفی

لەبی (ئەدمین) دوو چەندان بۆ لەبانی لەعلی موشتاقە..!!!


#نالی
__

#قانع
#تەرکی_ڕۆح_و_سەر


تا حەیاتم بێ لە دڵما، شەرتە میهرت دەرنەکەم
ڕۆژ پەرەستم تا بمێنم ، سوجدە بۆ  ئەختەر نەکەم

شەرت وعەهدە مەیلی گەرمت قەت لەلام ساردۆ نەبێ
تا، سەرم نەدوورنە جاوو زیارەتی مەحشەر نەکەم

وشکە سۆفی ڕیش بڕاوە، واعیزی سەر مینبەرم
چۆن لە داخی غەیری ئەبرۆت تەرکی هەر مینبەر نەکەم؟

گەر وەکوو مەجنوون لە کێوی نەجدەدا خۆم داگرم
شەمشەمە کوێرەم کە ڕوو بۆ شەمسەکەی خاوەر نەکەم

گەر لە لێوی لەعلی ئاڵت قەترەیێکم دەس کەوێ
ڕووڕەشم گەر تەرکی ئاوی زەمزەم و کەوسەر نەکەم

نووکیی موژگانی لە خەنجەر تیژترە بۆ قەتڵی من
چۆن بە جارێ تف لە شیر و خەنجەر و نەشتەر  نەکەم

عەرزی یارم کرد ، کە بۆچ  پەرچەم لە سەر ڕوخسارتە
پێی وتم  بەزمە ! لەسەرچی عود لەسەر مجمەر نەکەم

ھەر شەوێ دولبەر بەنازۆ ڕوو بکاتە مەنزڵم
ڕەببی لاڵ بم گەر لەڕێیا تەرکی ڕۆح و سەر نەکەم


یار بە ئیستیھزاوە فەرمووی [قانعا] ماوی شوکور
لافی میھری تۆ درۆیە من ئەبێ باوەڕ نەکەم

لاوەكان گەر ڕۆح فیدا كەن بۆ وەتەن هێشتا كەمە
گەر بدا ئاوی حەیاتت دوژمنت ژەهرە، خەمە

خۆشە دەردێ كە دایكی نیشتمانی مەرهەمە
سینگەكەم قەڵغانی تۆیە ئەی وەتەن پێشمەرگەمە

گیانی من قوربانی تۆ بێ جا بڵیندە گەردەنم
نامەوێ ئەو ژینە تاڵە یا وەتەن یا مردنم



#مامۆستا_نووری
_________

كام وشانە هەڵبژێرم تا بزانی
”خۆشم ئەوێی”كانی من
لەگەڵ ئەوانەی كە بیستووتە جیاوازە...؟؟؟


#دلۆ
_

ناتوانی واكەی كورد نەبین...

دڵم هەر ئەو دڵەی جارانە ئێستاکەش ئەناڵێنێ
هەناسەی ساردی ناکامی لە سینەمدا ئەتاسێنێ

ئەگەر جوانیت سەرنجم ڕابکێشێ، مەگرە لێم چونکە
جەماڵت پەیکەری ڤینۆسی خوای جوانیش ئەجووڵێنێ

پەچەت لادە ببینم ڕووت ئەمن خۆ سەیری تۆ ناکەم
لە ڕووی تۆ تێ دەگەم یەزدان چلۆن نەخشی ئەنەخشێنێ

کە تیشکی ڕۆژ ئەدا زاخاوی پرچی زەردی زێڕینت
لەلام قەوس و قەزەح هیچ ڕەونەق و شەوقێکی نامێنێ

بەوەش دڵشاد و خۆشحاڵم کە یادی نائومێدیی خۆم
بە خوڕ ئەشکی لە چاوانا قەتیسماوم ئەبزوێنێ

تەمەن ڕوو بۆ خەزان ئەڕوا کەچی گەردوون ئەوا تازە
لە وێرانەی دڵا تۆوی گوڵی دڵداری ئەڕوێنێ

بە چەشنێ خۆشەویستیی تۆ لە سینە و کەللەما چەسپە
مەگەر جامی ئەجەل ئەو تین و تاوەی لێ هەڵێنجێنێ...!!


#ئەخۆل
____