اللهُم في يوم الجمعة لا تجعل لنا همًا إلاّ أزحته، ولا ضيقًا إلاّ فرّجته، ولا حزنًا إلاّ أجليته، ولا عسرًا إلاّ يسّرته، ولا أمرًا مُستعصيًا إلاّ حللته 🤍
اللهُم صلّي وسّلم وبارك على سيّدنا محمد وعلى آله وصحبِه أجمعين 🤍

{ إِنَّ قُرْآنَ الْفَجْرِ كَانَ مَشْهُودًا }

مِش حتاخد إلاّ نصيبك، ومش حيصيرلك إلاّ إللي ربّي كاتبه، كُل شئ وكل ضيق وضغط، عِند ربّي خير، مش حاتنحط في مشكلة ولا في مكان إلاّ وربّي عارف إنّك تقدر عليهم، مفيش موقف ولا موضوع ولا أي شئ، يصير من فراغ، كلّه وليه حِكمة من ربّي وخلّيك متأكد إنّه حتّى الإبتلاء من ربّي وراه خير، المعنى، وكّل أمرك لربّي وكمّل حياتك وأنتَ مطّمن إنّه مش حيديرلك إلاّ الخير حتّى ولو هالخير كان وراه دموع .. ✨

مرّات ما تكونش محتاج إلاّ إنّك تكون بروحك، رغم معرفتك بإن كل ناسك حدّير كل جهدها باش تكون فرحان، لكن هي هكّي الإنسان أحيانًا راحته تكون في إنّه يكُون بروحه بعيد على الدّوشة والدوّة والمُكالمات .

"لا يوجدُ شعور في العالم، يفوقُ شعورَ الاطمئنان الذي يحدثهُ القرآن في النفس، حينمَا تجدُ آيةً تصفُ حالك، وآيةً يُنجيك الله بها من أحزانك" 🤍

Be yourself, whatever happens 🩶

مرّات وجود حد، يغنيك على وجودهم كُلهم 🩶

في الدِّنيا هادي، حتمُر بحاجات مكانش خاطر في بالك إنّك في يوم من الأيّام حتعيشها نهائي، حاتنحط في مواقف عُمرك ما تخيلت إنّك حتتعرّضلها، حايصيروا معاك ألف حاجة وحاجة، يغيرولك الخطّة المرسومة في عقلك، حاتقابل أشخاص سيئين هلبا يورّوك إن الحياة فعليًا فيها ناس مش كويسة بهالطريقة المُرعبة، برضو حاتقابل أشخاص كويسين هلبا لين تحسهم مش حقيقة، لين في خاطرك تقول بجديات فيه ناس هكّي ؟
حاتتعرّف على شخص تقول عليه كويّس وبعدين يبكّيك، وشخص يبكّيك وبعدين يبان إنّه كويّس، حايصيروا حاجات في حياتك يخلّوك تقعمز تقول هذه حياتي أني؟ هذه مشاكلي؟ هذا همّي؟ كيف وأمتى الموضوع جي للمسار هذا وكيف يصير هكّي، لأنّك أساسًا قبلها بأيّام مكانش فيه ولا أي شي من هالأشياء، برضو حايصيروا معاك حاجات تفرحك هلبا ومكانتش لا فالبال ولا عالخاطر، لأنّك قبلهم بساعات كنت غارق في حاجات تزعّل، حاتعيش حاجات لمّا تتفكرها بعدها بشهرين ولا تلاتة ولا سنة تقول سبحان الله من قال يصير معاي هكّي، بيطلعوا من حياتك ناس يومك كان مايتمّش منغيرهم، وبيخشوا لحياتك ناس مكنتش متخيّل إنهم حايكونوا قراب هكّي، مليون حاجة، بين حب وإنفصال ونسيان وتعلّم ونجاح وفشل وصداقة جديدة وتخصص جديد وأشخاص جدد ومكان جديد، حتعيشهم بلا تخطيط ولا توقّع ..

هي هكّي، الدِّنيا بتوريك إن عُمره الحاجة ما تقعد على حالها، في يوم وليلة ينقلب كل شي، تتغير هلبا حاجات في خلال ساعة بس، وينضافوا حاجات في ساعة برضو ..

عيشها كيف ما كانت، حلوة ولاّ إخّي، زعلاتك ولاّ فرحاتك، عيشها وأنت متوقّع كل شي وكل تغيير ممكن إنّه يصير في أي لحظة، عيشها وأنت عارف إنّه كلّه مكتوب من ربّي، وخلّيك واثق ومتأكد إن كلّه خير وكلّه وليه حكمة يومًا ما حتعرفها .. 🤍

أنت كسبتني، وهادي فُرصة العُمر لكنّك خسرتها .

"عندما تتوقف عن ملاحقة الأشياء الخاطئة، أنت تعطي فرصة للأشياء المناسبة أن تلحق بك" ✨

أنت أعمق من كونك شعُـور وينتهِي .. 🤍

"Talk to yourself like someone you love" 🫶🏻

' الحُب مُـقاومة '

أيه الحُب مقاومة، تقدر بالشّخّص إللي تحبّه تقاوم كل شي، التّعب، الضّغط، الخدمة، القرايا، المشاكل، الضّيق، الحزن، الدّموع، النّوم، والحياة ..
طُول ما الشّخص إللي تحبّه جنبك فإنت حتقدر تقرا وتسهر وتحارب وتخدم وتنجح وتكمّل، بكلامه، بأفعاله بتشجيعه ودعمه وثقته اللي ماليهاش حدود فيك، بمكالماته ومسجاته وفخره بيك في كل شي صغير أدّيره، بإحساسك بيه وبوجوده اللا منقطع في كل خطواتك، إنت ' حتقدر '
ما كذبوش لمّا قالوا الحُب مقاومة، لأنِّي نقاوم بيك في الحَـياة، اليوم وغدوة ودِيما .. 🤍

الإعجاب، شعُور البدايات، اللّهفة الأولى، الرّد في نفس الدقيقة، الضّحكة إللي ماتختفيش طُول اليوم، فرحت المكالمات وتسييب كل شي في سبيل نسمع صُوتك، إنّي نفقد فيك هلبا لمّا تغيب ساعة، شعور الوحدة وأنت مهناش، الرّاحة في وجودك، الرّواق والهدوء في حضورك، الـحُـب إللي حسّيته معاك، الشُّعور حلو بإحساسي بيه، الفرحة والطمأنينة والرّاحة والسعادة العارمة، الغِيرة إللي تحرق، المشاكل، العراكات إللي بسبب ومنغير سبب، النكد، حرق الدّم والدموع، التسييب، الليلات إللي مايبّوش يفوتوا وأنت مش قاعد، الوقت إللي يمشي بدال الدّقيقة ساعة ..

أني هذا كلّه حسّيته معاك، الحلو والإخّي الحُب والدموع الرّاحة والنكد، كله عشته معاك إنت، وهذا سبب كافي يخلّيني ماننساكش مهما يصير،

' نحبّك في كلهم ' 🤍

مهما حاولت ومزال حتحاول، مش حتقدر تقنع قلب يكمل في شي الشعُور فيه تم .

من في قلبه ذرة حُب ليا، يدعيلي أنا وأهلي، ربِّ يتقبل منا أجمعين 🩶

لمّا إنت شخصيًا ' عقليًا وعاطفيًا ' تقرر إنّك تكون فرحان، صدّقني حتكون فرحان مهما تعددت الأسباب إللي ماتسمحش، حتاخد أبسط الأمور العاديّة الطبيعيّة على إنها ' نعمة' و 'مفرحة'، لمّا بجديات إنت تقرر إنّك تفكّر بإيجابيّة، حتلقى روحك لا إراديًا إنسان إيجابي،
يعني ؟ الإنسان كيف ما يبّي في روحه يكون حيكون 🤍
ويعني برضو؛ ماتستخروش في روحكم حاجة ' حلوة ' تقدروا تعيشوها كل يوم منغير تدخّل شي وحد ✨

" أوقات كتير بِكون الأحسن مانحاول "