• طلع كل الشعب السوري محلل سياسي اسم الله حوله 😆

لاء ومفكرين رأيهم مسموع وعم ينفعلوا

• كيف يوجّه الإعلام تفكيرنا؟ 💥

- #فداءالدين_يحيى.

• اسمعوني شوي 💘

أنا يا جماعة ما ضد إنو تنحفظ حقوق المرأة، وضد أي رجال بيقمع الأنثى وبيمنعها من حقوقها الطبيعية (دراسة وطلعة من البيت وروحة عند رفقاتها) وببلش يفرض سيطرته بس لأنه رجل..

وضد أي شب ورَجل بيجي بعلي صوته على أخته وبيمنعها من أبسط حقوقها.. بحجة إنو هو الأقوى والرجال وصاحب البيت.

الأسلوب دائماً بفوز..
وسبب نفور البنات بهالطريقة هو الأسلوب السيء اللي اُستخدم، والصلاحيات اللي الأب بيعطيها للأخ حتى يتحكم بأخته..

• نحن دورنا كإناث ما بيتلخص بإنو نشتغل برا وهيك منكون حققنا ذاتنا،

شغل البيت مو عيب، وتربية الأولاد من أنبل المهام، وبناء أسرة عالإسلام والدين الحنيف هي أعظم مهمة رب العالمين خلقك كرمالها..

تخيلي تكوني سبب بإنه تجيبي أطفال وتربيهم عالفطرة السليمة، تديري بالك على مشاعرهم، تسمعيهم للأخير ويكبروا وينشروا هالدين بأي طريقة!

ولا نفكر طاعة الزوج من الأمور اللي بتقلل من كرامتنا أو بتهيننا..

إذا رب العالمين سخرلك زوج صالح، عفيف، بيعرف رب العالمين وبخافه فيكِ.. فوين المشكلة تطيعيه (طبعاً بدون ما يفرض أمور مُبالغ فيها ويمنعك من أصغر الأمور بدون ما يبررلك)

• لمجرد تكوني ضد النسوية، ما بيعني إنو تنازلتِ عن كرامتك، ولا بيعني إنو تنازلتِ عن الشغل برا البيت..

في كتير رجال متفهمة، بتناقش وبتسمح إنه الأنثى تشتغل (سواء بالبيت كعمل حر أو براته) بس يفترض أنت تكوني مدركة لنوع العمل وطبيعته، قبل ما تقاتلي إنه يلا بدي اشتغل وبس!

أما لما تعيطي بدي اشتغل بدون ما تفكري إذا هالعمل بناسبك أو لاء، فهاد بكون قلة وعي وأنتِ لستِ كذلك وعندك عقل بيوزن بلد.

• وبما إنه القناة بتعكس أفكاري، وبعتبر عن شخصي..

فأنا للأمانة، ضد إنو يجي الرجل يحدّ من طموحي ويمنعني من الشغل لمجرد هو رجال وخالصين.. وخلص بس من باب فرض النفوذ والسيطرة بدون نقاش..

أنا دوماً مع الحوار، ولازم نكون كلنا هيك.. منسمع للآخير بعدين منعصب 😂💕

لا تخانقي قبل ما تفهمي وجهة نظر اللي قدامك، لا تنفعلي وتضيعي طاقتك بدون ما تسمعي الطرف التاني، بركي عنده سبب مقنع وعنده شاهد قرآني أو من الحديث! وقتها ما عنا حجة نعطي رأينا لطالما الموضوع مو شخصي ورأي مجرّد..

• فيعني منوصل لفكرة..
أنا ضد مثلاً يجي شخص يقلي ما في تكفي بمشروعك، بس من باب إنو بدو يعمل حاله رجل (لأن هاد أصلا بكون ماله رجل ولا بيعرف شو هي الرجولة 😂)

أما إذا أقنعني وأعطى أسباب حقيقية، فوقتها أكيد ما رح عارض لمجرد في سبب بيستحق..

وطبعاً أنا كبنت بتفكر وعندها عقل، بتعرف ترتب أولوياتها، وبتعرف إنه الرجل والبيت والأولاد بينحطوا أولوية، بعدها بتجي باقي القصص (وطبعا بدون ما تهمل نفسها وحالها لأنه لتقدر تقدم وتعطي لازم يكون عندها شي تقدمه)

• باختصار شديد، وقت قال الرسول ﷺ (ناقصات عقل ودين) ما كان لأجل التقليل من قدر وقيمة الأنثى.. وببساطة:

ناقصات دين، لأنها ببعض الأيام تُعذر عن الصلاة والصيام فعبادتها أقل من عبادة الرجل.

ونقص العقل، لأن عاطفتها تغلب عقلها فجعل شهادتها نصف شهادة الرجل.

• أنت شيءٌ كبير
أنت أملٌ كبير
أنت يُمكن أن تصنع الفارق؛
فلا تُضيِّع نفسَك.

- الشيخ #أحمد_السيد.

• بكرة مخبيتلكم محاضرة صوتية ما بينمل منها.. حرفياً بمثابة كنز كنز كنز وأكتر من كنز ✨✨✨
خصوصاً لكل حدا حابب يبدأ بالقراءة وما عرفان كيف يتابع ويستمرّ..

مليئة بالنصائح ووقت سمعتا بقيت منبهرة كل الوقت بالكلام، فبنصح كل حدا يجهز حاله (دفتر وقلم) ليسمع ويكتب كل حرف بينقال فيها.
.
.
☀️ وبالنسبة لميراث النبوة
رح ينزل اليوم الدرس التالت عال٧ إن شاء الله.

ورح ابقى عم انشر الدروس كل ( أحد - ثلاثاء - خميس) وبقية الأيام لتعويض النقص فخليكم مستمرين معي.
.
.

☀️ بالنسبة لكتاب رسالة المسترشدين رح ينزل وردين بعد ساعة، كمان اللي متابع معي فيه يقرأهم ويسجل، الكتاب جميل جداً.
.
.
☀️ ومشان بوست الفتور بالعبادات فأنا لسا عم حضرلها واسمع محاضرات ودروس عن الموضوع واتوسّع، + وصلني درس عالبوت جداً جميل وبيشبه درس آخدته بجامعي.. فبدي شوية وقت لرتب الكلام ليحقق الفائدة.

📚 الكتاب (هُـنا) لمن يودّ القراءة معنا.

• الورد العاشر من الصفحة ١٢٩ إلى ١٣٩.

• الورد الحادي عشر من الصفحة ١٤٠ إلى ١٤٩.


من يقرأه يضع في التعليقات: (تم)

• الدرس الثالث: تعظيم حدود الله ✨.

ولِمن أراد حضورها على يوتيوب،
اضغط (هُـنا)

لمن يريد رابط الكتاب.. (هُـنا)

ضع/ي "تم" في التعليقات
عند الانتهاء من سماع الدرس ✅.

#ميراث_النبوة.
#أحمد_السيد.

@MayaDreamer.

• دوماً أركّز على الموجود،
وأتناسى كل مفقوداتي لأعيش..

أصبُّ تركيزي على الموجود كي أعيش
وأنا رُغم فقدي إياكَ،
لازلتُ أعدُّك من الموجودات على أصابعي
ولا تكفيني تلك الأصابع للعدّ
صوتك
روحك
وجهك
حماسك
حُبك

أرى طيفك يجلسُ بيننا
وأفقد أبسطَ حقوقي.. احتضانك!

بابا.. كيف عساي أنساك؟
وأنتَ تتربع في بؤبؤ عيني
انظر إليّ..
فأراكَ ماثلاً أمامي، أراكَ فيَّ..
وأحسُّك

وأدرّب شوقي
أن يناديكَ كل ليلة..
لأثبّت اسمك بقلبي فيتجدد حبّي من جديد
ويُجاهد جُزئي الناقص على الالتئام.


أحاول ألّا أبكيك صدّقني
ولكنّ قلبي فاض بابا، فاض حنينا.

تجمّعت العائلة كلها بعد زمان حول الموقد،
وعادت الجلسات الدافئة في بيت الجدّة
وأنتَ أين؟ في قلبي يا بابا
لستَ بيننا ومعنا،
لكنّك فينا..

وأقسى ما في الأمر الآن
محاولاتي المتكررة كلّ الوقت
بإقناع نفسي أن هذا يكفي.

١٩/تشرين الأول/٢٠٢٤.
#مايا_بركات.

• اختموا يومكم بالاستغفار، وناموا مُطمَئنين.

تُصبحون على إجابة دعاء وفرج 🩵.

• قال اللّه تبارك وتعالى في حديثه القدسي:

(يا ابن آدم إنك ما دعوتني ورجوتني غفرت لك على ما كان فيك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة).

- رواه الترمذي.

• للرجال:
.
.
فتحت الفيس خمس دقايق،
لقيت هالمنشور وعجبني.. قلت بنشره 😁.

• (كيف أقرأ؟ وكيف أنتفع بما قرأت؟) ✍🏻♥️

جهزولي القلم والقراءة يلا.. كل كلمة بهالمحاضرة "فن القراءة" تستحق التوثيق.

+ ما رح تشعروا بالملل وعد.

المحاضرة للداعية: علي أبو الحسن.

🔆 اضغط (هُنا) لسماعها على اليوتيوب.


#مشكاة 🪔.
@MayaDreamer.

• اليوم يُترّخ حرفيًا..
مبسوطة من قلب قلبي 😭♥️♥️

• لبين ما تتحمل الصور، استنوا التعليق عليها 🏃🏼‍♀♥️

كتييير بستغرب لما توجهوا هيك شي عالخاص،
إنه شو حاكية شي مهم حتى يتوجه عالسحابة؟

ولا عم تِشلوا عليي 🤣♥️؟