نحن جند القادسيَّة
جند سعدٍ والبراء

نحن لا نخشى البريَّة
مهر جنتنا الدِّماء!

📍 المالكي! 💕
الله أكبر الله أكبر والعزة لله!😭💕

صرت عايدته ألف مرة!
بقشعر البدن أقسم بالله!

يا رب تحمي هالشباب وتثبتهم
وتتمم نعمتك علينا يا الله ♥️

ما شفت أعظم من هالمنظر!

عم فكر أعمل كروب تحدّيات مشان ما كركب القناة
رح يكون الكروب عبارة عن اتفاقات وتحديات أسبوعية منشجع بعض على تنفيذها وكل يوم منحكي شو عملنا، ومنحدد التحدي ومنستمر سوا مشان نتشجع ♥️🔥

وبالنسبة للدراسة حيكون التحدي يومي وعلى مدار اليوم..

وكمان منفيد بعضنا بنصائح حتى نحس بتطور بطريقة دراستنا، تفكيرنا، دينياً ونحسّن من جودة حياتنا..

الكروب حيكون خاص وفقط للبنات.

فشو قلتوا ؟
بالنسبة إلي.. أنا متحمسة جداً لهيك شي 😁♥️

إذا صرنا فوق ال10 بنات رح أعمل الكروب
ومن بكرا منبدأ إذا الله راد 😁♥️

علقوا بقلب على هالبوست إذا حابين الفكرة ♥️

• انغسلت البلد غسل بهالمطرة
عقبال قلوب العالم يا رب

الله يبعت الخير ♥️♥️🌧.

_
• لا تنسَوا غزة والسودان من دعائكم
ولا تنسوا الدعاء للمجاهدين في سوريا.

عم فكر بأكتر من قصة بخصوص القناة
إن شاء الله مع بداية السنة رح غيّر كم شغلة وآخد قرارات بخصوصها 💕.

_
• امسح بالأذكار على وجعك بيقين،
توكل على الله وأبشر بالخيرات 💘.

صبحكم الله بكل خير أصدقائي.

• في هذا الصباح..

اللهم غزة
اللهم غزة
اللهم غزة

• بدأت بقراءة كتابٍ جديد مع مشكاة يُقصد إلى طلاب العلم وأهل الهمة والعزيمة.

عنوانه: "قيمة الزّمن عند العُلماء". ⏰

سأشارك الكتاب بعد قليل.. سائلة الله عز وجل أن ينفع بنا ويبارك لنا في أوقاتنا ويستخدمنا 💚💫.

• كتاب: قيمة الزمن عند العلماء.
للمؤلف: عبد الفتاح أبو غدة.
عدد الصفحات: ١٦٠ صفحة.

الكتاب رائع، يذكّرك بأهمية وقتك
وأهمية اغتنامه والتزوّد بما ينفعك! 💚

فقد قيل: الدنيا مزرعة الآخرة.

وقال أيضاً الحسن البصري:
يا ابن آدم إنما أنت أيام
فإذا ذهب يومك ذهب بعضُك ⏳.

سأنشر بعض الاقتباسات الهامة من الكتاب
على دفعتين إن شاء الله في التعليقات:

#اقرأ.
#مشكاة 🪔.

#كتب 📚.

@MayaDreamer.

• أخدت اليوم درس كتير حلو بالجامع، ورح لخص أكتر الأمور العظيمة اللي علقت بعقلي من كلام الآنسة:

- لما يكون في فرصة استغلوها فوراً.
وذكرتلنا عبارة حبيتا كتير فحفظتا بتقول:
"إذا هبّت رياحك فاغتنمها". 🍃

وسبب ذكر هالجملة جداً أثر فيي..
وكانت بسبب تابعي أسلم بعد وفاة الرسول ﷺ، بس لما كان عايش النبي اللهم صل عليه اجتمع فيه بتجارة كانت حاصلة بين أبو العباس (عم النبي ﷺ) وبينو لهالتابعي، ووقتا كان سيدنا موجود، فسأل التابعي أبو العباس وقلو مين هاد اللي كان قاعد معك؟ قلو إنو هاد ابن أخي وأوتي النبوة، وإذا بدك بعرفك عليه لحتى تتعرف عالدين وتأسلم؟ قام قلو خلينا بتجارتنا وما أسلم بوقتا..
فبعد وفاة النبي صلوات الله عليه، اجا هالتابعي عم يبكي ويقلو للعباس خسرتُ الصحبة، خسرتُ صحبة رسول الله.

فعنجد الواحد أوقات بتجيه رسائل من الله، بس هو ما بيفهم هالرسالة وبتمرق وبروح عليه خير كتير..
وياما الله بيبعتلنا رسائل بيومنا العادي، فلازم دائماً نضل مفتحين ومركزين، لأن ما منعرف وين بكون الخير.. وكيف الله بدو يقربنا منو بس أحياناً قد ما يفهم قلبنا هالرسائل.


- وكمان من الشغلات الحلوة اللي انذكرت بالدرس، إنو لما يكون هدف الإنسان واضح، ما عاد بتلهيه القصص الصغيرة والتفاهات..

فمثلا عنا الصحابي بلال الحبشي، اللي اتأذى كتير من الكفار، وكان يتعذب تحت أشعة الشمس وفوق بطنو حجر تقيل.. لو ما كان الإيمان متجذر بقلبو، وبيعرف إنو هاد دار ابتلاء واختبار للنية والصبر مستحيل كان يصبر، ولو كان همو الدنيا والمصاري والمتاع اللي فيها مستحيل كان يتحمل كل هالأذى، ففعلاً كانت نظرة الصحابة اللهم ارضَ عنهم نظرة شاملة للدين والنبي اللهم صل عليه زرع حب الله والآخرة بقلبهن بشكل رائع.

- السيرة النبوية بتجنن وبتعيشوا التفاصيل وبحنّ قلبكن للآخرة ولرؤية النبي ﷺ..

كل ما ناخد درس والآنسة تحكي موقف صار وشوف كيف تصرف النبي بحس قلبي رقّ، أو لما أعرف سبب نزول آية من الآيات بالقرآن، بحس بشعور مُذهل لا يوصف إنو عم اقدر اربط آيات الله بالمواقف اللي عاشها الرسول ﷺ مع صحابته رضي الله عنهم 💕.


#رسائل_من_الله 🕊.

• قال الله تعالى: الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ {الرعد:28}. ♥️🕊

أذكار المساء يا أصدقاء،
طمأنينة لا توصف.

#العفاسي.
#الأذكار.

@MayaDreamer.

• أول خلوني سمعكم أنشودة بتاخد القلب..
بعدين بكتب مقالة صغيرة عن الموضوع 💕

• صلوا عليه صلوا عليه 💚💚💚.

ما سمعت أجمل منها
اللهم صل عليك يا حبيبي يا رسول الله

#أناشيد.
@MayaDreamer.

حتى يعلو شأنُ هذهِ الأمة : نحتاج جيلًا من النّساء همهنَّ الآخرة، مسلمات قدوتهنّ أمهاتِ المؤمنينَ والصحابيّات؛ لا الممثّلات والمغنّيات والتّافهات.

مسلمات يتعلمنَ العلمَ الشرعيّ، يزرعنَ في أبنائهنَّ العقيدة الصحيحةَ، مسلمات ليس همهنّ الموضة والسّوق والأعراسَ والقيل والقال؛ بل همهنّ الصّلاحَ وتعليم وتطبيق الشريعة فمن هنا تكونُ البداية.

صلاحُ المرأةِ يعني صلاحَ الأمّة.

سورة الملك ♥️