• صراحة صارت المغادرات مُحزنة جدًا..

وللأسف ما في وقت يخليني أَغنِي القناة بالمنشورات المنوعة المفيدة بسبب الضغط اللي عليي هالفترة، بس يعني فترة وبدها تمرق أكيد وإن شاء الله ع خير💕.

لا تنسونا من دعواتكم 🌱

_
شاركونا قائمة أذكاركم لليوم الثاني 📝:

معكم للساعة ١٢ مشان اللي قصّر بالذكر حتى يعوّض ويشارك القائمة.

_
بتتذكروا هالتحدّي برمضان أديش كان حلو وفيه كسر حواجز وإحياء لقلوبنا؟

بما إنه بكرا عطلة، يعني اللي بحس بتعب وإرهاق بيقدر ينام بقلب النهار ليرتاح..

فحطوا ببالكم اليوم عال٢ ونصف تقوموا لصلاة التهجد وتقوموا ساعة من الليل بألف آية.. عسى أن نُكتب من المقنطرين.

واللي صعب عليه يصلّي كل هالقد من أول مرة.. جربوا تصلّوا بمئة آية ولو لمرة واحدة، وإن شاء له أجر القانتين!

العبادات هلأ أجرها مضاعف مضاعف
فيا هناه اللي بيغتنم وبكون سبّاق للخير.

وبعدها اللي بيقدر يصلي الفجر جماعة بالمسجد (للذكور) ويبقى حتى طلوع الشمس في مُصلّاه عم يذكر ويتعبّد فإن شاء الله بياخد أجر حجة وعمرة تامة.

وللفتيات، منصلّي ومنبقى بمصلّانا عم نذكر ونقرأ قرآن حتى طلوع الشمس بدون ما يتخلله كلام تاني، وإن شاء الله لنا الأجر ذاته.

وتقبل الله منا ومنكم
وجعلنا من السبّاقين المقبولين 🍃.

_
اعملوا نظرة عهالمنشور لو تكرّمتم💐.

• حابة كتير تفرغوا ساعة من يومكم
لتسمعوا أرقّ محاضرة سمعتا هالفترة! 🌸

الشيخ الشيباني سمعت له برمضان محاضرة وما استطعت إلا إنه اتأثر بالكلام، وعاينت بقلبي مقولة:
ما يخرج من القلب يدخل إلى القلب.

وسبحان الله بسبب الفتوح اللي ربنا عاطيه للشيخ، شعرت بمشاعر إيمانية قوية وقت حضرت محاضرته، ومتأكدة إنها تركت بداخلي شي حلو كتير..

واليوم بتمنى تفرغوا ساعة، وتحضروها مع استحضار تامّ بقلوبكم.
وتتعرفوا على حياة "الأواه المنيب": إبراهيم عليه السلام..
- مع الشيخ: مصطفى الشيباني.

عسى تكون نقطة تحوّل بحياة أحدكم.

رابط المحاضرة: 🏷
https://youtube.com/live/vcg2OEWcrgI

• أقسى حقيقة عم عيشها ومع الوقت قدرت اتقبّلها.. إنه وفاة بابا -الله يرحمه- هي اللي خلتني صير على هالحال، بهالشخصية وبهالقناعات وبهالالتزام!

دائمًا كنت اقرأ هالجملة وما افهمها:
"عندما يكون المنع عين العطاء"..

لوقت قدّر الله وسُلبت نعمة نادي بابا،
وحس إنه في حدا ورايي ومعي.

من لما توفّى صرت حس بضرورة كون قد حالي وكون قوية، لأن في مواقف رح نمرق فيها ما بترحم الضعيف.. وبدها إنسان قوي.

✍ ومن يومها بلشت رحلة التغيير بحياتي..

- بعد وفاة بابا بـ ٣ أشهر لبست المانطو وتركت كل لبسي القديم.. (وهالنقطة بالذات كان إله كتير أسباب كمان لوضلت إله الحمد لله)

- وبعد ٤ أشهر رجعت التزمت بمسجد بعد ما كان صرلي قاطعة من آخر الإعدادي وصار عندي صحبة صالحة.

- وبعد ٦ أشهر بدأت رحلتي بحفظ القران..

- ومن سنتين تقريبًا ما مرّ يوم شغلت فيه أغاني أبدًا.. ومن قبلها كنت عم جاهد إني بعّد.

- ومن ٣ أشهر الله أكرمني بالبعد عن ذنب كان مأرّقني وهو أحد أكبر أسباب الفتور عندي كل فترة..

- واليوم أنا قريبة جدًا من خطوة كنت سابقًا ارفضها وقول مستحيل أعملها بس اليوم أنا مطمئنة وعم ادعي تتيسر عن قريب.

كل اللي ذكرته فوق هو من فضل الله وكرمه إلي، وبعدها بشوف هالحدث الجلل اللي ترك جواتي ألم كبير، هو اللي رجعني لحقيقة الدنيا وحقيقة الموت.

كتير صرت حس إني مسؤولة أكتر من قبل، وإنه لازم كون ابنة صالحة عم تزيد رصيد بابا من الحسنات، وسبب لدعاء الناس إله.

كنت كل ما اشتاق ويصعب عليي شي بغيابه ابكي كتير وارجع جدد نيتي بأي عمل عم ساويه وانويه على روح بابا وصبّر حالي بإنه هالأعمال إن شاء الله بتكون بميزان حسناته والدنيا قصيرة مالنا مطولين لنلتقي..

صح ربنا أخد مني شخص بحبه كتير
بس بالمقابل زرع بقلبي الرضا
وأعطاني خير كبير وطمأنينة بقربي منه
واللي كنت فاقدتها كل هالسنوات..

كل هالعطاءات هي فضل من الله
وكل هالسكينة اللي بتغمرني هي نعمة الله يديمها.

التذمّر والشكوى بعد ما تفقد أي شي غالي بحياتك، ما رح يعمل شي غير إنه يقسّي قلبك ويغمسك بالدنيا أكتر لتنسى وتخفف من وطأة ألمك.

سلّم أمرك لله، وثِق إنه ربنا حكيم كريم
ما بياخد منك شي إلا لحكمة
وعبوديتك له سبحانه بتقلك لازم تخضع وتسّلم وتصبر.. ولأن ربنا كريم فأكيد العِوض كبير وعلى قد ما بتصبر بكون الانفراج.

فلا تقنطوا من رحمة الله ولا تجزعوا..
ودائمًا خلوا على لسانكم: الحمد لله.

📌 واتذكروا:
(قد يكون المنع هو عين العطاء).

_
شاركونا قائمة أذكاركم لليوم الثالث 📃:

بشارك أنا بعد شوي لأن ما خلصت أذكاري كاملة لهلأ.

_
• لا إله إلا الله وحده لا شريك له، له الملك وله الحمد وهو على كل شيء قدير.

📌الورد اليوم حتى الصفحة ٥٤١.
ننهي اليوم الجزء السابع والعشرين.

_
• كم ليلةٍ ينادي - وأنت غائب -:
هل من سائل؟ هل من تائب؟

- ابن الجوزي | الياقوتة 📚.