- عم يحكي عن فضل هالذكر 💕:

لا إله إلا الله وحده لا شريك له، له الملك، وله الحمد، وهو على كل شيء قدير.

يتكلم عن ضرورة الالتزام "بأذكار ما بعد الصلاة" 💚.

من يقولها بقلب حاضر، تكون من تمام الزاد الذي يتزوّد به الإنسان
والتي يسقي بها قلبه ويرتوي..

بالله فوتوا اسمعوا الكلام هلأ.. عظيم عظيييم

• كتار سألوني مشان البناء المنهجي
نسجل أو لاء؟

بتحبوا احكي هون رأيي عالسريع؟

_
حرائق كاليفور.نيا اللي التهمت كل شي، وانتصار مدينة ود السودانية على الميليشيا..ت المسلح.ة أخبار بتشفي القلب وحياة الله.

التهليلات بالمساجد بالسودان مهيبة بشكل!!!
والحريق اللي صار بفرّح القلب قسما بالله.

سبحانه يمهل ولا يهمل..

سبحانك يا الله
ما قدروك حق قدرك 😭.

_
مبسوطة من قلبي مبسوطة جداً
الحمد لله الحمد لله الحمد لله

كل مرة بقول بنفسي..
الحمد لله على نعمة قراءة المسلم للأحداث بشكل مختلف عن غيره،
الحمد لله إنه منقدر نشوف كل شي وقائع بطريقة غييير، ودائما مرجعنا كلامه سبحانه وتعالى وكلام نبيه اللهم صل وسلم وبارك عليه.

اللهم أعز الإسلام والمسلمين
اللهم أعز الإسلام والمسلمين
واشفِ صدور قوم مؤمنين.

_
بالمناسبة يا أصدقاء..
أنا بعدني عند رأيي بإذن الله..
وناوية إني سجل إذا الله راد

لأن انسألت عالبوت من أكتر من حدا
بعد ما نزل رأي مغاير لرأيي بأحد القنوات
وطبعا بحترم آراء الجميع وعلى راسي

بس إن شاء الله نيتي بمحلها
ومنتظرة يفتح التسجيل لسجل.

الموضوع بيرجعلكم..
ما حدا عم يجبرك عشي
استفتِ قلبك، استخير
وشوف الله شو بيسرلك. 💕

_
اليوم رح نبدأ بالجزء السابع..
شدوا الهمة اللي لسا مقصر.

📍الورد اليوم حتى الصفحة ١٣١.

• عم فكر ارجع انشر نصوص أدبية..

كونه حابة ارجع نمّي حسّي الأدبي اللي تلاشى آخر سنة ونصف 😁🌱

• لا يخدعنّك الناس بأنّ "الإيمان في القلب"!

فلا حقيقة لمشاعر في القلب لا تُصدّقها وتُثبتها الأفعال والأعمال.

- تسنيم راجح.

_
• لا إله إلا الله وحده لا شريك له، له الملك وله الحمد وهو على كل شيء قدير.

📍الورد اليوم حتى الصفحة ١٤١.

• يقول الرافعي: يا بُنيّ، إذا أراد الله أمرًا هيَّأ أسبابه، فرُبما سعى المرء بكُلّ سبب فلم يفلح، ثم يقع له سبب لم يمتهِد له وسيلة قطُّ فإذا هو عند بُغيته، وإذا هو قد ملأ يديهِ مما كان قد يَئِس منه، فلا يكون عجبهُ كيف خاب في الأُولى بأشدَّ من عجبهِ كيف نجح في الثانية!

صباحكم خير وطمأنينة أصدقاء دريمرز 🩵.

- هتافات مناصرة لغزة من مدينة حماة السورية.

"يا غزة حنا معاكي للموت"

وكأننا عم نحلم والله! لك أديش حلو هالمنظر؟
بتمنى من قلبي تتوحد الأمة الإسلامية وما عاد نميّز ونقول هاد من مصر هاد من اليمن، خلص كلنا مسلمين موحِّدين وقلب واحد وجسد واحد!

يا رب تحمي شباب الأمة الإسلامية وتوحد صفوفنا، وتخلص الحرب بغزة ويرجع السودان لأهله يا رب.

يا رب نسألك التمكين، وتوطيد الأمن والأمان بكل محافظات سوريا بأقرب وقت وتحسّن ظروف الحياة عجميع الأصعدة..

وإن شاء الله رح نرجع نبني هالبلد سوا ونكون إيد وحدة ونرجِّع للدين عزّه عإيدنا وبهمتنا 💚.

• بعد ما عملنا تحدي الاقتداء بهدي رسولنا ﷺ:

ما تخيلت أبداً اقدر اضبط أعصابي هيك، مع إنه إلي فترة بحاول ما عصب وما عم اقدر.

من لما بدأنا تحدّينا لليوم.. كل ما كان عم يصير موقف يستدعي إني عصّب، بقول بتذكّر كلام الرسول اللهم صل عليه وبقول بقلبي (لا تغضب ٣ مرات) وبتعوّذ من الشيطان الرجيم.. وبلاقي نفسي هديت وبقدر اتعامل بهدوء مع الموقف.

بكرا آخر يوم بهالتحدي.. ورح أعمل تصويت لنشوف مين قدر يلتزم ومين لاء بتطبيق السنّة الأخلاقية والتحلّي بالهدوء، وعلى أساسه منممدد لأسبوع جديد بنفس السنّة أو منبدأ بغيرها ♥️.

_
أما تحدي (الشاشات) رسبت فيه بجدارة، وخجلانة من لقطة الشاشة اللي لازم شاركها معكم بعد كم يوم 🤷🏼‍♀

شكلي رح احذف التلغرام بكرا لاقدر امشي معكم، وعالأقل ما حس إني مدمنة تلغرام 🙃💔.

_
• صلِّ على رسول الله ﷺ دقيقة كاملة 🩵.

📍الورد اليوم حتى الصفحة ١٥١.
بدأنا اليوم بالجزء الثامن.