• اللهم ارحمنا وارحم بنا ولا تسلّط علينا من لا يرحمنا.

• بعد هالأسبوع الحافل اللي مرّ علينا..

بشو وعدتوا حالكم تلتزموا أو أخدتوا قرار تغيير جذري بحياتكم؟؟ 💥

واللي لسا ما قرر، فهي الرسالة لتذكركم إنه من واجبنا ما نبقى على حالنا.. ولازم نرجع نقولب حياتنا من جديد ليتحقق وعد رب العالمين اللي بقول:
﴿إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ﴾
ولنكون فعلاً مستحقين هالنصر.. وجديرين فيه.


أنتظر الإجابات بالتعليقات 📩:

• تجميعة لأنفع سلسلة بودكاست سمعتها بحياتي #تذوق_العبادات:

الحلقة الأولى: الصلاة
الحلقة الثانية: القرآن
الحلقة الثالثة: الدعاء
الحلقة الرابعة: الذكر

عاهد نفسك كل يوم تسمع ولو نصف ساعة، رح تساعدكم بعون الله على أداء العبادات بشكل غير روتيني وبخشوع أكبر 💚.

• قيل: (ومن لم يقبل نصيحتك فليس بأخٍ لك)

وقت نقرأ أي كلام مكتوب، الأولى إنه نُسقط هالكلام علينا بعدين نسقطه عالآخرين..

فقلت: وقت حدا ينصحني.. يا ترى بشتغل بهالنصيحة؟ ولا بقول مين هاد لينصحني؟ وبتذمّر..

لازم نغيّر هالمفاهيم عنّا، ونبلش بحالنا كرمال نقدر نكون صالحين عن حق، وبعدها منبلش نُصلح غيرنا ونمشي على نفس نهج نبينا صلوات الله عليه..

وأهم أهم شي لما بدنا نقدّم نصيحة، تكون نصيحة هينة لينة ما فيها زجر ولو كنا معصبين ومزعوجين من الشي اللي سمعناه وشفناه.

هاد أول باب لازم نشتغل عليه حتى النصيحة تفوت للقلب وتستقرّ فيه. 💚

وخِتاماً:
متل ما قال سيدنا عمر رضي الله عنه: رحم الله امرءاً أهدى إلى عمر عيوبه، بدي طلب إنه تهدوني عيوبي كمان بأسلوب رقيق عالبوت 🌱.

#هامش:
هالنصائح من كتاب رسالة المسترشدين..
حابة كلنا نتشارك النفع وحابة تقرأوا ولو ٥ صحفات يوميًا وتسجلوا ع دفتركم الجُمل المفيدة متلي 🌸.

• أحلى خبر سمعته اليوم:

الدفعة السادسة من البناء المنهجي قربت تفتح جهزولي حالكم لنسجل سوا 😎💚

• وبالنسبة لسلسلة الميراث رح نبدأ بكرا نشر أول حلقة إذا الله راد 🤭🩷🩷

وبعد ساعتين رح انشر كتاب لسيد قطب اسمه (أفراح الروح) ونعمل تحدي نقراه بساعة وربع مع ذكر الفائدة اللي استفدناها منه 🌻.

والطلب الأخييير:

ارجعوا تفاعلوا عالمنشورات شبكم متغالظين 😭😂؟

+ شيلوا الكتم مشان توصلكم كل البوستات بوقتها وما تتراكم لأن بس تحمست بتحمس ها وبصيروا مية بوست بيوم

وآخر شغلاية
إذا بتحبوا ترجعونا لل ٥٤٠٠ فما بقول لاء 😁💕💕

اي وشيلوا الكتم مرة تانية..

• ‏كُتيّب أفراح الروح - لـ : سيد قطب.
عدد الصفحات: 38 صفحة.

المُلخص: 📜♥️
الكتاب عبارة عن مجموعة من الرسائل المليئة بالتأملات والأفكار حول معنى الحياة، الروح والمسؤولية الأخلاقية.

يتميز الكتاب بأسلوبه العاطفي العميق ويقدم رؤية فلسفية ترتكز على فهم أعمق للإنسان والعلاقة بين الروح والقيم العليا.

#كتب 📚.
@MayaDreamer.

• كاسات متواضعة للأطفال رح تتوزع بكرا 😁💚
فيها شوية أكلات طيبة ومعجون وبوالين..

كمشة أكلات 💚

• يلا نقرأ الكتيب سوا.. اللي بخلص يترك هون خلاصة أخدها منه 💚🌸.
.
.
.

في حِكم بسيطة تستنبط من الكُتيب بس عميقة جداً..

رح انشرها بالتعليقات 💚.

• شو سبب الفتور بالعبادات والحلّ؟

عم حضّر منشور بهالعنوان..
أي أفكار إضافية ببالكم أو حابين ينحكى عنها..

ابعتولي عالبوت كرمال يكون المنشور متكامل ومفيد 🌱

@MayaDreamerBot

• لنزع الشكّ من قلوبكم.. وخصيصا لكل حدا عم يقول بدها تخرب عنا ترجع ويخوفّكم من التقسيم وإسرائيل وبطيخ..

الأمر كله بيد الله.. ونحن مع رب العالمين بجميع الظروف وصابرين بكل الأحوال.

حبيت تسمعوا هالمقطع البسيط.. كرمال يتطمن كل حدا خايف من المستقبل وعم يسمع كلام بنغّص الفرحة اللي بينت على وجوه هالشعب بعد الغصّات اللي كنا عايشين فيها.

ما في موقف وحدث منأسقط عليه القرآن.. إلا وبتطمئن قلوبنا ومنستقر نفسيًا وبتتلاشى مخاوفنا.

اتطمنوا.. بس هيك بدي قلكم
اتطمنوا وما رح يصير إلا كل خير 💚

وما تتركوا إلا التلي/ اليوتيوب/ الواتس
وخالصين!
بكفي نسمع شائعات ونخاف.. مالنا ناقصين وعي لنصدق كل شي منسمعه ونعيش بتوتر من أي خبر بمرّ علينا.

@MayaDreamer.

• جهزوا ورقة وقلم.. 🔥🔥🔥

عال٧ رح نبدأ بأول درس من سلسلة ميراث النبوة.. وتعتبر هالسلسلة هي أول مرحلة بالبناء المنهجي وقت بلشت فيه.

فخليكم بكامل تركيزكم..
ولا تأجلوا الدروس حتى ما تتراكم 💫

رح ننشر أسبوعياً ٣ دروس 🔥.

• الدرس الأول: مرجعية الوحي ✨.

ولِمن أراد حضورها على يوتيوب،
اضغط (هُـنا)

لمن يريد رابط الكتاب.. (هُـنا)

ضع/ي "تم" في التعليقات
عند الانتهاء من سماع الدرس ✅.

#ميراث_النبوة.
#أحمد_السيد.

@MayaDreamer.

• أستاذتنا آلاء الرائعة.. رح تقدّم بعد بكرا "الثُلاثاء" المُحاضرة الأولى من سلسلة محاضرات مجانية وتفاعلية.. وحتكون أونلاين كمان.. بعنوان:

"استعادة التوازن النفسي والحياتي"

رح تركّز على معالجة المشاعر، استعادة التوازن، وبناء الإنسان السوي للمستقبل 💕.

كونوا جاهزين عالساعة ٨ لنكون كلنا سوا.

• خطر ببالي شغلة.. ع قد مالها بسيطة بس رح اعتبرها خطوة سهلة ومبدئيّة بطريق التغيير 💘.

كل حدا مسمّي حالو بالإنكليزي بالتطبيقات يرجع يسمّي حساباته بالعربي..

نحن عرب ومنعتز بلغتنا العربية اللي هي فخر إلنا وتكريم عظيم إنه معجزة القرآن كانت بلغتنا.

خلونا نبدأ نقلة التغيير من هالشغلة البسيطة، ونخفف من الأسماء الأجنبية بالتطبيقات 😁💘.

• حُبّ الحياة أرتدي.. كي أبذل الحياة.

من يرتجي كنزاً ثمين.. قدر استطاعته يُعين
هو رابحٌ دنيا ودين.. فلتنوِها لله.


يا صباح الخيرات 💚🌸.

@MayaDreamer.

• اللهم غزّة وأهلها
اللهم الطف بغزة وأهلها

الجرح لازال ينزف ولم يندمل
زملوها بدعائكم يا أصدقاء 💔.