#Мезана_устозлари

Фазилатли шайх Аҳмад ал-АҲМАД

1954-йил туғилган. Дамашқдаги "Ал-Фатҳ" ислом ва араб фанлари институти, имом ан-Нававий номидаги шариат фанлари институтини тамомлаган. Мисрнинг Ал-Азҳар университетида араб тили бўйича бакалавр босқичини ўқиб, кейинчалик Дамашқ университетида араб тили мутаххасиси ва Байрут Ислом университети Фатво бўлимида илоҳиёт магистри даражаларига эга бўлган.

Шайх Муҳаммад Адиб Каллос ва Шайх Абдураззоқ Ҳалабий каби замонасининг улуғ олимларидан дарс олган. Узоқ йиллардан бери илм толибларига шариат илмларидан сабоқ бериб келади.

Ҳозирда устоз Аҳмад Mezana халқаро илмлар академиясида наҳв, сарф ва балоғат фанларидан дарс бермоқда.

#Мезана_устозлари

Фазилатли шайх доктор Аҳмад Фозил

1966 йил Дамашқда туғилган. Аллома шайх Абдурраззоқ ал-Ҳалабий, аллома доктор Нуриддин Итр, устоз Муҳаммад Али Султоний каби уламолардан дарс олган.

Судандаги Умму Дурмон Ислом университетида Тафсир ва Қуръон илмлари фанлари бўйича докторлик диссертациясини ёқлаган.

Истанбулдаги Султон Муҳаммад Фотиҳ университети Исломий фанлар факультети доценти. Турли йилларда Суриядаги Левант университети Дин асослари факультети, Фалсафа ва Дин асослари кафедрасининг мудири, Дамашқда Вақф ишлари вазирлиги қошидаги Имомлар ва воизларни бошқариш ва имтиҳон қилиш ҳайъатининг аъзоси бўлиб ишлаган.

Ҳозирда Mezana халқаро илмлар академиясида тафсир илмлари ва ҳукм оятлари фанларидан дарс бермоқда.

#Мезана_устозлари

Фазилатли Шайх Айман ЖАМОЛ

1972-йил туғилган. Ироқ ва Шомнинг машҳур уламолари Шайх Абдул Фаттоҳ Абу Ғудда, Шайх Ҳишом
ал-Бурҳаний ва Шайх Абдурроҳман аш-Шоғурий ва отаси Шайх Аҳмад Жамол каби олимлардан дарс олган.

У Албайда шаҳридаги Умар ал-Мухтор университетида шариат кафедраси мудири, Маккаи мукаррама институтида шариат сиёсати профессори, Рушд университетида ислом маданияти профессор-ўқитувчиси ва бир қатор университетларда профессор-ўқитувчи бўлиб ишлаган. Исломий таълим йўналиши бўйича Бағдод Университетида докторлик даражасини олган.

Ҳозирда Mezana халқаро илмлар академиясида фиқҳ усули ва мантиқдан дарс беради.

#Мезана_устозлари

Фазилатли шайх доктор Муҳаммад Самир Ал-Ҳалабий.

1965 йил Дамашқда туғилган. 1987 йилда Шайх Абул Ҳасан Ал-Курдийдан Қуръони Каримнинг Имом Ҳафс ривояти бўйича ижоза олган.

1989 йилда Дамашқ университетида иқтисод бўйича бакалавр даражасини,
2000 йилда Азҳар университетида Шариат ва ҳуқуқ бўйича ҳам бакалавр даражасини қўлга киритган. Қиёсий ҳуқуқшунослик (Ал-Фиқҳул муқорин) бўйича магистр даражасига эга.

Ливанда шариат илмлари, грамматика (Сарф ва наҳв), тафсир ва фиқҳ фанларидан дарс берган. Қуръони каримни ёд олиш ва ижоза бериш қўмитаси раҳбари бўлиб ишлаган.

Ҳозирда Мезана халқаро илмлар академиясида талабаларга тажвид фанидан сабоқ бериб келмоқда.

#Мезана_устозлари

Доктор Муҳаммад Акрам Абу Ғуш

Фаластинда туғилиб, Иорданияда вояга етган. Иорданиялик ёш уламолардан.

Шайх Саид Абдуллатиф Фуда ҳафизаҳуллоҳ ва бошқа улуғ шайхлардан таълим олган. Зарқо шаҳридаги Ҳошимий университетида мехатроника муҳандислиги бўйича бакалавр даражасини, Истанбулдаги Султон Муҳаммад Фотиҳ университетида Калом ма мантиқ ихтисослиги бўйича Магистрлик даражасини олган. Мазкур университетда Калом илми бўйича докторлик диссертациясини ёқлаган.

Истанбулдаги кўплаб ўқув юртларида калом ва мантиқ фанларидан дарс берган. “Нофиъ” шаръий ва ақлий (ментал) билимлар платформаси ижрочи директори.

Атеист бошқа ғайридин тоифалар билан илмий баҳс-мунозаралар қилишга жуда қизиқади.

Ҳозирда Мезана халқаро илмлар академиясида мантиқ ва калом фанларидан дарс беради.

2024-2025 ўқув йиллари учун талабалар сони кўпайгани боис Mezana‘га янги устозлар ишга таклиф қилинди. Бугундан бошлаб янги устозлар ҳақида маълумот берамиз:

Шайх Мустафо Муҳаммад Амин ал-Исмоил

1971 йил Сурияда таваллуд топган.
Дамашқ университетида шариат илмлари бўйича таҳсил олган. Худди шу йўналиш бўйича магистрликни Сабаҳаттин Заим университетида тамомлаган.
Ҳозирда Султон Муҳаммад Фотиҳ университетида фиқҳ ва усули фиқҳ бўйича докторлик даражаси учун илмий иш ёзиш жараёнида.

Шайх Муҳаммад Амин ал-Исмоил 1994-2004 йиллар оралиғида Суриянинг Ҳимс шаҳридаги илмий-шаръий маъҳад ва айни шаҳардаги эркаклар учун шариат ўрта-махсус мактабида шаръий фанлардан мударрис бўлиб ишлаган.
1997-йилдан 2004-йилгача Ҳимс шаҳри масжидларидаги Қуръони Карим ёдлатиш муассасаси раҳбари бўлган.

Шунингдек, 1995-йилдан 2004-йилгача «Расулуллоҳ соллаллоҳу алайҳи васаллам халифалари Абу Бакр Сиддиқ розияллоҳу анҳу» жомеъ масжидида имом-хатиб лавозимида хизмат қилган.

Ўтган йиллар мобайнида шайх Ҳимсдаги «Нахла ал-Умарий» масжидида ҳанафий фиқҳи фанидан мударрис, «Раҳмат» ривожлантириш муассасасида даъват ҳайъатининг мудири бўлиб фаолият олиб борган.

Қолаверса, Истанбул шаҳри, Фотиҳ туманидаги «Мустафо Оға» ва «Алтой» масжидларида ҳанафий фиқҳи ва фиқҳий қоидалар мударриси, «Раҳмат» даъват марказида фиқҳ, фиқҳий қоидалар, мусталаҳ-ул ҳадис (ҳадис терминологияси) каби шаръий илмлар мударриси сифатида ҳам из қолдирган.

Айни вақтда шайх Мустафо Муҳаммад Амин ал-Исмоил «Мезана» халқаро илмлар академиясида ҳанафий фиқҳи, ҳанафий мазҳабининг далиллари ва усули ҳадис фанларидан талабаларга дарс бериб келмоқда.

@mezanauz

#Мезана_янги_устозлари

Устоз Абдулҳамид Туркман
1983 йил Истанбулда таваллуд топган.
2006 йил диний таълимни Покистондаги Дорул улум мадрасасида таҳсил олиш билан бошлаган, қолаверса, Эрондаги диний илмлар мадрасасида исломий илмлар ва ҳанафий фиқҳи йўналишида бакалавр дипломини олишга сазовор бўлган.

Устоз Абдулҳамид Туркман таълим бериш билан бирга, китобларни таҳқиқ қилиш билан ҳам шуғулланади, қуйида улардан баъзиларини келтириб ўтамиз:

1. Мулла Алий Қорининг "Зовъу маолий аълаа бадъи амалий" китоби
2. Абдуллоҳ Яздийнинг "Таҳзиб" шарҳи
3. Аллома Абдулҳақ Хайрабодийнинг "Мирқот"га шарҳи
4. Қозизода Румийнинг "Мантиқул ҳидоя" шарҳи
5. Асийриддин Абҳарийнинг "Ҳидоя" асари ва бошқалар.

Айни пайтда устоз Абдулҳамид яна таҳқиқ жараёнида бўлиб, навбатдаги китоблар устида ишламоқда:

1. Муҳаққиқ аллома Шариф Журжонийнинг илми калом борасида "Мавақиф" китоби шарҳи
2. Мийрак Бухорийнинг "Ҳидоя"га шарҳи
3. Фозил Мирзоҳид Ҳаравийнинг "Тасаввур ва тасдиқ" рисоласи шарҳи
4. Қутбиддин Розийнинг "Шамсийя" рисоласи шарҳи.

Фазилатли устоз Абдулҳамид Туркман бир нечта чет тилларини яхши ўзлаштирган бўлиб (туркман, араб, форс, урду, турк, инглиз тиллари), ҳозирда Mezana академиясида Ақийда ва Мантиқ фанларидан дарс бeрмоқда.

@Mezanauz

"Mezana" талабалари ҳам сайловда иштирок этди

Жорий йилнинг 27 октябрь куни Ўзбекистон Республикаси Қонунчилик палатаси ва маҳаллий кенгашлар депутатлари сайлови бўлиб ўтди. Туркиянинг Истанбул шаҳрида жойлашган Mezana халқаро академияси талабаларининг ҳам сайловда иштирок этиши учун шароитлар яратиб берилди. Талабалар консуллик томонидан ажратилган махсус кичик автобусларда Истанбулдаги сайлов участкасига бориб, ўзлари танлаган номзодларга овоз бериб келишди.

©️Azon Global

@Mezanauz

#Мезана_янги_устозлари

Устоз Муҳаммад ибн Ҳусайн Сабсабий

1976 йил Сурияда туғилган.

2000 йилда Дамашқдаги Фатҳ исломий институтини шариат ва араб тили йўналиши бўйича аъло баҳолар билан тугатган.
Сўнгра диний илмлар маркази бўлган Мисрдаги Азҳар университетида ҳадиси шариф йўналишида таҳсил олиб, у ерни 2004 йилда тамомлаган.

Кейинчалик устоз Муҳаммад ибн Ҳусайн илм излаб Истанбулга келади ва бу ердаги Султон Муҳаммад Фотиҳ университетида ўқиб, магистрлик даражасини олади. Устознинг навбатдаги режаси докторлик йўналишида ҳам таълимни давом эттириш, ушбу ишни осон қилишини Аллоҳ таолодан сўраймиз.

Устоз Сабсабий фаолияти давомида узоқ вақт имом хатиблик вазифасини ҳам ўтаган, хусусан, Дамашқдаги масжидларда 14 йил, Урдундаги масжидларда эса 5 йил мобайнида хизмат қилган.

Таъкидлаш керакки, устоз Муҳаммад ибн Ҳусайн қатор мамлакатлар, Сурия, Урдун ва Туркиядаги мадраса ва институтларда шаръий илмлардан сабоқ бериб келган.

Яна бир жиҳат, устоз Сабсабий бир қанча ижоза эгаси бўлиб, илмий давраларда ҳам иштирок этган.
Масалан, ҳадис илми бўйича Саййид Шариф Абдулазиз Ғумарий роҳимаҳуллоҳ, аллома Саййид Шариф Алавий Моликий роҳимаҳуллоҳ, Саййид Шариф Муҳаммад Абул Ҳуда Яъқубийлардан ижоза олган.
Шунингдек, фиқҳ, Қуръони Карим, тафсир, мусталаҳул ҳадис, араб тили каби илмларни эса замонамизнинг бошқа етук олимларидан пухта ўрганган.
Дарвоқе, устоз Сабсабий турк ва инглиз тилларида ҳам сўзлаша олади.

Ҳозирда устоз Муҳаммад ибн Ҳусайн Сабсабий Мезана халқаро илмлар академиясида шаръий илмлардан талабаларга дарс бериб келмоқда.

@Mezanauz