❤️...ኑ የእናታችንን ቤት እናስመርቅ...🙏

     ✝  ግንቦት 15 እና 16 ....🕯

በዳግማዊት እንጦጦ በአዳማ/ናዝሬት ደብረ ገነት ቅድስት ኪዳነምህረት ደጅ የእናታችን ቤት ስለሚመረቅ መቅረት አደለም ማርፈድ ክልክል ነው🙏🙏

አድራሻ:
ከአዳማ ምትነሱ ሰዎች አዲስ አበባ መውጫ
ከአዲስ አበባ እና ቢሾፍቱ ምትመጡ ሰዎች ደግሞ ቀጥታ ወደ አዳማ ሊገብ ሲሉ ያገኟታል።


ኑ የእናታችንን ቤት በጋራ እናስመርቅ🙏🙏🙏

@Mezmure_tewahdo

ቅዱስ ገብርኤል

በዕለተ ቀኑ ከክፉ ነገር ሁሉ ይሰውረን
ለሀገራችን ፅኑ ሰላምን ያምጣልን አሜን🙏

@Mezmure_tewahdo

ዛሬ_ግንቦት 21 እናታችን እመቤታችን ቅድስት  ድንግል ማርያም  በደብረ ምጥማቅ በምትባል ቦታ ወርቅ ወንበር ላይ ተቀምጣ ለአምስት ተከታታይ ቀን የታየችበት ዕለት አመታዊ በዓል  ነው እንኳን አደረሳችሁ/አደረሰን💙🙏

➢✍️ይህም በዓል ከ33ቱ የእመቤታችን በዓላት አንዱ ሲሆን በዚህ ቀን ግብጽ ደብረ ምጥማቅ በተባለ ቦታ በተሰራች ቤተክርስቲያን እመቤታችን ጻድቃንና መላዕክትን አስከትላ ትገለጽላቸው ነበር።

➢🥀 ስትገለፅላቸውም ሁሉም ህዝበ ክርስቲያንም በግልጽ ይመለከቷት ነበር።
➢  ከየ ሀገሩ ያሉ ሰዎችም ይሰባሰቡና
             ➻ ድንኳን ተክለው
             ➻ ሰቀላ ሰርተው
             ➻  አጎበር ጥለው እርሷን ይከታተላሉ

👉 ድንግል ማርያምም በዚህች ዕለት ግንቦት 21 ቀን ጀምሮ ለአምስት ተከታታይ ቀናት ሳታቋርጥ ትገልፃላቸዋለች
➢ 🥀በጊዜው የተሰባሰበው ህዝብም የተለያየ ጥያቄ ይጠይቃታል
       ➨አብዛኛው አዳም አባታችንን አሳይን ይላል
       ➨ ግማሹ ነብዩ ዳዊትን አሳይን ይላል
       ➨ ግማሹ ቅዱስ ጊዮርጊስን አሳይን ይላል
       ➨ የተወሰነው ደግሞ ከዚህ ቀደም የሞተውን ዘመዳችን አሳይን  ይሏታል

➢ እርሷም ለሁሉም ፍቃዳቸውን ትፈጽምላቸው ነበር
          ✅አዳምን ስትጠራው ከሔዋን ጋር
          ✅ ዳዊትን ስትጠራው ከበገናው ጋር
          ✅ ቅዱስ ጊዮርጊስን ስትጠራው ከጸአዳ ፈረሱ ጋር ነው እየመጡ ህዝቡ ያያቸው ነበር እመቤታችን  ቅድስት ድንግል ማርያም ለሀገራችን ሰላምን፣ የህዝባችን ፍቅርን ፣  ለታመሙት ፈውስን፣ ለተራቡት፣ ምግብን፣ ለተጨነቁት እረፍትን አንድነትን ትስጥልን አሜን፫ ✝️🙏


@Mezmure_tewahdo

ዛሬ የመጣሁት እንድት ተባበሩኝ ነው...🙏🙏

🙏እባካችሁ ተባበሩኝ ብዙ የማስተምርበት የ Tik tok አካውንቴ shadow ban ውስጥ ገብቶብኛል ከስር ባስመቀመጥኩት ሊንክ እየገባቹ ኮፒ ሊንክ ሼር አርጉልኝ አርጉልኝ👇👇👇


https://vm.tiktok.com/ZMSrmYR2L/

ግንቦት 26 

🕯...ልደት ሃብተ ማርያም ...❤️

ጻድቁ አባታችን አቡነ ሃብተ ማርያም አመታዊ የልደት በዓላቸው ነው :: እንኳን አደረሳችሁ አደረሰን !

እሊህ ጻድቅ ደግሞ የሀገራችን ኮከበ ገዳም ናቸው። “ጽድቅና ትሩፋት እንደ ሃብተ ማርያም” እንዲሉ አበው። ባሕር ከሆነ ጣዕመ ሕይወታቸው ጥቂቱን ለበረከት እንካፈል።

ጻድቁ መካነ ሙላዳቸው ሽዋ (የራውዕይ) ውስጥ ሲሆን አባታቸው ፍሬ ቡሩክ፣ እናታቸው ደግሞ ቅድስት ዮስቴና ትባላለች። በተለይ ቅድስት ዮስቴና እጅግ ደመ ግቡ፣ ምጽዋትን ወዳጅ፣ ቡርክት ሴት ነበረች። እንዲያውም ከጻድቁ መወለድ በፊት መንና ጭው ካለ በርሃ ገብታ ነበር።

ግን የበቃ ግኁስ አግኝቷት “ከማሕጸንሽ ደግ የሥላሴ ባርያ አለና ተመለሽ” ብሏት እንደ ገና ተመልሳለች። በዚህ ቀንም ጻድቁ ተወለዱ። ይህ ዕለትም የልደታቸው መታሰቢያ ነው።

በእንተ ልደቱ ለሃብተማርያም አድባር ኮነ ኅብስተ ሕይወት፤ ወዕፀወ ገዳምኒ ፈረዩ አስካለ በረከት።

እንኳን ለጻድቁ አባታችን አቡነ ሐብተማርያም የልደታቸው መታሰቢያ ዓመታዊ ታላቅ የንግሥ ክብረ በዓል በሰላም በጤና አደረሰን፣ የጻድቁ አባታችን ጸሎት ምልጃቸው አይለየን፣ የጻድቃንና የቅዱሳን ሁሉ አምላክ ቅዱስ እግዚአብሔር ረድኤት በረከታቸውን ያሳድርብን፣

የዓመት ሰው ይበለን፣ አሜን።

@Mezmure_tewahdo

ቤተ ክርስቲያን መሄድ ጥቅም የለውምን ?

የግብጻዊው መነኩሴን ምክር ላካፍላችሁ

ብዙ ጊዜ በእግረ ስጋው ወደ ቤ/ክ ይመላለስ የነበረ አንድ አማኝ ወደ አንድ አባት ሄዶ ብዙ ጊዜ ቤተ ክርስቲያን መመላለሱ ስሜት አልባ እና ትርጉም የሌለው ነገር እንደሆነበት እየተማረረ እንዲህ አላቸው “ለ 30 አመታት ያህል ቤተ ክርስቲያን ተመላልሻለሁ፣ በእነዚህ አመታት ብዙ ጉባኤያትን ተካፍያለሁ፣ ቅዳሴ አስቀድሻለሁ፣ ንስሀ ገብቻለሁ. . . . . . ግን ትርጉም ያለው ነገር የለኝም፣ ካሳለፍኳቸው አገልግሎቶች ውስጥ ትዝ የሚሉኝ ብዙም የሉም፣ እንደ ትዝታ የሚታወሰኝም የለኝም፣ እንደ ብክነት አየዋለሁ . . . .ካህናቱና ሰባክያኑም ያለ ምንም ትርፍ ጊዜያቸውን እያባከኑ ያለ ይመስለኛል. . . . .”

ካህኑ በጥንቃቄ አዳመጡት፡፡ የብዙ አማኝ ችግርም እንደሆነ አስረዱት፣ ሰይጣን ሆነ ብሎ የቀየሰው ወጥመድ እንደሆነ አስታወሱትና ያለፈውን የህይወት ተሞክሯቸውን እያነሱለት እሱ እንደ ብክነት መስሎት የተመለከተው ነገር ጥቅሙ እንደነበር ነግረውት የእሱ ችግር ሰይጣን ቤተ ክርስቲያን ባሳለፋቸው 30 አመታት የተጠቀመውን እንዳይመለከት አይኑን ዘግቶት ጉድለቱን ብቻ እያሳየው ተስፋ እያስቆረጠው እንደሆነ ነግረውት የራሳቸውን ተሞክሮ በዘይቤ እንዲህ አሉት ፡-

“ትዳር የያዝኩት የዛሬ 30 አመት ነው፣ ካገባሁ 30 አመት ሞልቶኛል፡፡ በእነዚህ 30 አመታት ውስጥ ባለቤቴ ከ 32,000 በላይ የምግብ አይነት ሰርታ መግባኛለች፡፡ ሆኖም ግን አንድም ቀን እነዚህን የምግብ ዝርዝሮች ለአንድ ጊዜም ቢሆን አስታውሻቸው አላውቅም፣ የማውቀው ነገር ቢኖር ግን ይህንን ነው፡- እነዚህ ምግቦች ተንከባክበውኛል፣ በሽታ እንዳያጠቃኝ ተከላክለውልኛል፣ ስራዬን በአግባቡ እንድሰራ ጥንካሬ ሰጥተውኛል፣ የነቃ አእምሮ እንዲኖረኝ አንቅተውኛል፡፡

አንድ ወጣት ወደ እግዚአብሔር ፀለየ እንዲህ ብሎ አምላክ ሆይ 💰1000.000 ብር
ስጠኝ ብሎ
እግዚአብሔርም እሽ ነገር ግን ላንተ አንድ ሚሊየን ከሰጠውህ ለጒደኛህ በ
እጥፍ 2 ሚሊየን💰 ብር እሰጠዋለው አለው ሰውየውም እንዴ የለመንኩህ እኔ
እንዴት ለኔ ለለመንኩህ ትንሽ ለሱ ግን በ እጥፍ ለምን ትሰጠዋለህ አለው
እግዚአብሔርም እንዲህ አለው አንተ እኮ የለመንከኝን አልከለከልኩህም ነገር
ግን ላንተ አንድ ነገር ስሰጥ ለጒደኛህ እጥፍ እሰጠዋለው አለው
ሰውየውም እንግዲያውስ የኔን አንድ አይን አጥፋልኝ አለው
የሱ አንድ አይን ሲጠፋ የጒደኛው ሁለት አይን ሊጠፋ ነው ማለት ነው
አይገርምም ሰው ማለት በክፋት የተሞላ ፍጡር ነው ከራሱ ይልቅ ስለሰው
ሲጨነቅ ሲጠበብ ሴራውን ሲያሴር
የሰውን መጥፎ ነገር መናገር ማዋርድ ማንቊሸሽ። ይቀናዋል
እስኪ እራሳችን እንፈትሽ እኛስ ጒደኛየ ከኔጋ ስራ ጀምሮ ለምን በለጠኝ አብርን
ከሀገር ወተን እንዴት እሱ ይሄን ሰራ። እንዴት አለፈለት በማለት አሸሸ ገዳሜ።
ነው የምንለው እግዚአብሔር ስለራሳችን እንጂ ሰለው ስኬት እንዳናስብ አምላክ ልቦና ይስጠን አሜን🙏።

@Mezmure_tewahdo

🙏...እናቴ እባክሽ ጸሎቴ ከልጅሽ ዘንድ እንዳይደርስ የጋረደውን ደመና ቀዳደሽ ጣይልኝና ቅዱስ ገብርኤል በዘካርያስ በማዕጠንቱ በስተቀኝ እንደ ቆመ በጸሎቴ በስተ ቀኜ ቁምልኝ እንደ መልአኩ ጸሎትህ ተሰምቷል በይኝ እናቴ እመ አምላክ
🥰✝

❤️...እንኳን አደረሳችሁ ነገ ጾመ ሐዋርያት ይገባል...🕯

@Mezmure_tewahdo

🤲...እግዚአብሔርን አንዲት ነገር ለመንኹት፥ እርስዋንም እሻለሁ፥

በሕይወቴ ዘመን ሁሉ የዘላለም ማረፊያው በሆነች በእናቱ ፍቅር እኖር ዘንድ፤ እርሷን ደስ አሰኝ ዘንድ ፤ ያማረው የፊቷንም ብርሃን እመለከት ዘንድ፤

በዓለም ካሉት አእላፋት ዝና ይልቅ ልቤ የድንግልን ፍቅር ይመኛል፣ የዓለሙ ዝና ነፍስን ለሚያቆስል ትዕቢት አሳልፎ ስለሚሰጥ ምን ይጠቅመኛል? የድንግል ፍቅር ግን ዕረፍትና ጸጥታ ይሆነኛል፣ ወደ መዳን መንገድም ስቦ ያስገባኛል፤

ልቡናዬ የክብርሽን ገናንነት ይናገር ዘንድ ይወዳል፥ መላሴ ግን በኃጢአት ፍሕም የተበላ ኮልታፋ ሆኖ ተቸግሯል፤ የልሳኔን ከንቱትነት አርቀሽ፥ እኔ ደካማ ባሪያሽን በምስጋናሽ ቃል የምትሞይበት የኃይል ቀን መቼ ነው?

ዋላ ወደ ውኃ ምንጭ እንደ ምትናፍቅ እኔም ምስጋናሽን እየተጠማሁ ያቺን ቀን እናፍቃለሁ።

መቼ እደርሳለሁ? መቼስ አንቺን አመሰግንሻለሁ?


@Mezmure_tewahdo

👉 ሥጋ'ወ ደሙን አለመቀበል እኮ በደል ነው 🥹

🫴...እንድንቀበለው [እንድንቆርብ] መጥቶ ስንቴ 'እስመ ሃያል' እያልን መለስነው፣ ይቀበሉኛል ብሎ ወጥቶ ስንት ዘመን ሙሉ ሳንቀበለው መለስነው 😥

🤲...ሳንቀበለው ለመለስነው ዘመን ይቅር ይበለን 🤲

ከጌታ ሥጋ እና ደም ተቀበሉ አደራ ይህ የህይወት ማዕድ ለኛ ለኃጢአተኞች እንጂ ለጻድቃን የተዘጋጀ ሽልማት አይደለም ቁረቡ !!!!


@Mezmure_tewahdo

💪....አይዟችሁ ....👌

     ✍️....ወቅቱ ጥሩ ያልሆነላችሁ ነገሮች ግራ  የገቧችሁ 

     🫴በሰው የተጎዳችሁ ያዘናችሁ ተስፋ የቆረጣችሁ

     🫴ነገሮች የጨለሙባችሁ ያልተጠበቀ ነገር የደረሰባችሁ

     🫴 የቤተሰብን ሃላፊነት ለብቻችሁ የተሸከማችሁ

     🫴 የትም መሄጃ እንደሌላችሁ ስላወቁ ሰዎች የጨከኑባችሁ


🫴...ብቻ ግን አይዟችሁ አንድ አምላክ እግዚአብሔር አለላችሁ መሸሸጊያ የሆነች እናቱም አለችላቹ አይዞህ/ሽ ድንግል ማርያም አለችላቹ

በቃ አይዟችሁ! ♥️

@Mezmure_tewahdo

❤️ማር ሚካኤል❤️


ማር ሚካኤል ልበል ማር ሚካኤል  ልበልህ(2)
ባርከህ አሳደከኝ በቅኔ በዜማ
መዝሙር አልሰስትም አባቴ ለአንተማ


ጅማሬዬ ታናሽ ያልበቃሁ ብሆንም
እንድፀና አውቃለሁ ከፊቴ ስትቀድም
ፍፄሜዬ እንዲያምር እንዲዋብ በቤትህ
አበርታኝ ልበርታ አፅናኝ ልፅና ልጅህ


ባህሩን ክፈለው በደረቅ እንዳልፈው
እንዳልፈራ አበርታኝ እጄን በእጅህ ያዘው


ከእንቅልፍ ያነቃኛል የደጅህ ደወል
በሌሊት መጥቼ ቤትህ እንድውል
በሄድኩበት ሁሉ ካፌ አትነጠልም
የማር ወለላ ነው ሚካኤል ያንተ ስም


ማር ሚካኤል ስልህ ማር ማር አለ አፌ
ውልድህ እውነት ነው በምልጃህ ተርፌ

በሞቱ ቀጠሮ ሰርግ የደገስክለት
ምን አለ ባህራን ስታተርፈው ከሞት
ዛሬም ታምርህን ትድግናህን አይተው
ብዙዎች ይሉሀል ሚካኤል ሙት አንሳው


ረዳኤ ምንዱባን በስደት ደጋፊ
ከክፉ ከልለህ በድል አሳላፊ


አለቱን ከፍለኸው በበትረ መስቀል
ከጭንጫው ሰጠኸኝ ማርና ፀበል
ቀድሞ ለእስራኤል ያኔ እንዳደረከው
ያኔ የሰማነውን ዛሬ ሆኖ አየነው


የብርሀኑን አምድ ፋና ተከትለን
ከቅዱሳን ስፍራ ዛጅርማኤል ደርሰን


ከእንቅልፍ ያነቃኛል የደጅህ ደወል
በሌሊት መጥቼ ቤትህ እንድውል
በሄድኩበት ሁሉ ካፌ አትነጠልም
የማር ወለላ ነው ሚካኤል ያንተ ስም


ማር ሚካኤል ስልህ ማር ማር አለ አፌ
ውልድህ እውነት ነው በምልጃህ ተርፌ


@Mezmure_tewahdo
@Mezmure_tewahdo

✍....በስደት ሳለሁ ጠብቆቱ አልተለየኝም፤ ሚካኤል ብዬ ጠርቼው አጥቼው አላውቅም ቅርቤ ነው፥ በረሃቤ ጊዜ የህይወት መናን ይመግበኛል።

ዓይኑ የዋህነትን የያዘ ርግብ ነው፣ ልብሱ የመብረቅን ብርሃን ተጎናጽፏል፣ ክንፎቹ ለምህረት ይፈጥናሉ፣ ሰዳዴ ሳጥናኤል ነው።

🫶....ብዙ የባሕራንን የመሰሉ ሞቶች ተቀይረውልኛል በመንገዴ ሁሉ አለ ከፊት ይቀድማል፤ ማንም በሌለኝ እና በፈራሁ ጊዜ በባሕር በየብሱ መከታ ሆኖኝ ልጁን አሻግሮኛል።

🫴....ስለ ቅዱስ ሚካኤል ሌላ ምስክር አልሻም ህይወቴ ምስክር ነው! ሁሌም ከእኔ ጋር ነው። ማን እንደ እግዚአብሔር ነው ጥሩት ደገኛ መልአክ ነው ይራዳችሁማል።

.˝ቀዊምየ ቅድመ ሥዕልከ ሶበ አወትር

ስኢለ፤ በብሂለ ኦሆ ፍጡነ አስምዐኒ ቃለ።˝

(በሥዕልህ ፊት ቁሜ ልመናዬን በማቀርብበት
ጊዜ ሁሉ እሺ በማለት ፈጥነህ ቃልህን አሰማኝ።)🤍
           
እየመራኝ በብርሃኑ ፋና ፤ ሚካኤል መንገዴን አቀና🙏🥰

@Mezmure_tewahdo

ወር በገባ በ14 ....🕯

ጻድቁ መናኙ የሙሽራው «ገብረ ክርስቶስ» ወርኀዊ በዓሉ ነው።

እርሱም የንጉስ ልጅ ነው ከጫጉላ ቤት ጠፍቶ መነነ አባቱ ወታደሮችን ላከበት።

ገብረ ክርስቶስ ሌት ተቀን ተጉዞ የእመቤታችንን ደብር አገኘ ተንበርክኮም እመቤቴ ወታደሮች እንዳይዙኝ መልኬን ቀይሪሊኝ አላት የውስጥ ሰውነቱ ተገለበጠ በቁስልም የተመታ ሆነ

ደጀ ሰላሙ ላይ ምጽዋት ከሚለምኑ ድሆች ጋር ተቀመጠ ወታደሮቹ ደረሱበት አላወቁትም ምጽዋት ሰጥተውት ያልፋሉ።

በዚያች በቤተክርስቲያን 15 ዓመት በተጋድሎ ኖረ።

እመቤታችን ተገልጻ ለአንድ የቤተክርስቲያኑ አገልጋይ የገብረ ክርስቶስን ጽድቅ ብትነግረው ምሥጢሩን ለሀገሩ ሁሉ አዳረሰበት፡፡

ሙሽራው ገብረ ክርስቶስም ‹‹ግብሬ ታወቀ፣ ከዚህ ውዳሴ ከንቱ ልሽሽ›› በማለት ወደሌላ ሀገር በመርከብ ሲጓዝ ፈቃደ እግዚአብሔር መርከቢቱን ያለ አቅጣጫዋ ወስዶ አባቱ ደጅ አደረሰው።

ከዚያም ወደ አገሩ ተመልሶ በአባቱ ደጅ 15 ዓመት ወድቆ ለመነ።

አባቱ ለአሸከሮቹ እንዲህ አለ ይህንን ደሃ ምጽዋት ስጡት ልጄ ምናልባት ልክ እንደዚህ ደሃ በሰው አገር እየተንከራተተ ይሆናልና አላቸው።

የአባቱ አሸከሮች ግን የእጅ እጣቢ ፤ ሽንት ይደፉበት ነበር በላዩ ላይ አጥንት እየወረወሩ ውሾች እንዲጣሉበት ያደርጉ ነበር።

በእንዲህ ያለ ተጋድሎ 15 ዓመት ኖረ፤የእረፍቱ ቀን ሲደርስ የንጉሱ የቴዎድዮስ ልጅ መሆኑን የደረሰበትን ሁሉ መከራ ጽፎ ይሞታል።

ሊቀብሩት ሲሰበሰቡ ይህችን ጽሁፍ ያገኛሉ ፤ አባትና እናቱ መሪር ለቀሶ አለቀሱ አገሩ በሙሉ አለቀሰለት

ከበድኑ ገራሚ ገራሚ ተአምራት ተገለጹ ድውያን ሁሉ ተፈወሱ በታላቅ ክብርም ቀበሩት።

ሙሽራው ገብረ ክርስቶስ በምልጃው ይጠብቀን🙏

@Mezmure_tewahdo