الشاعر محمد هزاع البهلولي

((نصايح ما عليها اشتباه))

ذي مايـثـبّت عـلـى درب الـكـرامه خطاه
ما يـنفـعـه ما مـع اخـوانـه ولا مال ابـوه

هل عـاد به محـكـمه لـلـجـيد والا قـضـاه
يقضو على الظلم والمظلوم لو ينصـفوه

لا بـه مـسـاواه ولا حــد قـدّره واحــتـواه
اهـم شي هـوه والا هـوه مـن غـيـر هـوه

ما يـعـرف الا الـذي جـنـبـه وذي هـم قفاه
كـمـل حلـيـبـه ولا كـفّى الـذي بـحـلـبوه

هل عاد به من يـقـول الـصدق و ادي شقاه
من غـيـر ما هـم يحسو بـه ولا يـبـسـروه

بعـض الرجاجيل ماتحـتـاج منصب وجاه
ووجـههـا وجـه ماهو مثل بعـض الوجـوه

والبعـض بيـتـيـن وكـل اسـبوع يدي فتاه
والبـعـض لابــيـت شـلـو لـه ولا زوجــوه

والبعض في معظم الحاجـات ماحد دعاه
والبـعـض كـم لاحـقـو بـعـده وكـم دوّروه

والبـعـض من هول ماقد شاف شابع حياه
هـذا اذا مـا تـشـفّــو فـيـه واسـتحـــقــروه

والبـعـض في شـاشـه الـتلفاز واصل نـراه
والبـعـض حتى فــي الـجـوال ما صــوّروه

والبـعـض معـنـاتـه ان الناس عـنـده شُقاه
مــا فــكّــر انْ عــادهــم لـلآن بــيــقــدّروه

والبـعـض لا قـال كلـمـة حـق (حُمّى لحــاه)
قالـو محـرّض،، وداخــل كشفـهـم صنّفــوه

ومــن تملـق ونافـق،،، يـرفعـوا مسـتــــواه
وهم ببعض المصـاري والفلـوس اشتـــروه

مهــمــا بَلـغ مستـــواه،،، انــه مـجــرّد أداه
مــا دام و اْنهــم بضغــطــة زر بيحرّكـــوه

عندي نـصـايح عديده مـا عـلـيهـا اشـتـبـاه
ما صاحب الا ويحسب صاحبه مثل اخوه

قال المثل ساير ابن الناس و احمل حـذاه
و الـنـذل لاتـقـربـوا مـنـه و لا تـصـحـبـوه

الـخـيـر لا مــا وصـل لاهـلـه ولا لـ اقـربـاه
مـا بـا يـصل لـلـذي حـولـه وذي يـعـرفـوه

يـستـاهـل الـبـرد مـن فـلّت وضـيّـع دفـاه
ما الناس ما با يجـيـبـوا لـه ولا يـرحـمـوه

ذي مـايـحـافـظ على نفسه وقـوتـه ومـاه
مـا اظـن يحفـظ حـقـوق الناس لا مـكّـنـوه

لا تـأمـن البـعـض لا شفته يـقـيـم الصلاه
بـه مـنـهـم لو مـعـاهـم خـمـر لا يـشـربـوه

وبـعـضـهـم مايـجـوز انــك تــصـلـي وراه
غبني على ذي مشو بعده و ذي صـدقـوه

الـفـين حمى وخـمسـيـن الـف يـابـاطـلاه
عـلـى الـذي شـافـو الـمـنـكـر ولا غـيـروه.

#الشاعر_جلال_السكري

🥰1

445 viewsالشاعر محمد هزاع البهلولي, 21:44