للقاسم ع
____
يا اجمل حلم وعيوني تنتظره
يجاسم ليش متوذر عله الغبره
ليش اعله الثره تنام واروحن يمه للشام
يجاسم ليش متوذر عله الغبره
###########-###-
طِبَع بعيوني رسمك من صرت لليوم
صباح وليل حته بيقضتي وبالنوم
شفت بيك الحسن يبن الحسن مرسوم
زهيت بدنيتي وامنيتي ليه ادوم
ضميتك لتوالي سنيني# تكبر يوليدي اداريني
العمرانت يجسام# واروحن يمه للشام
يجاسم ليش متوذر عله الغبره
################
طفل وبليلي اساهر انظر عيونك
واميزك عل كمر جي لونه من لونك
ورد يلعطره فايح من يشمونك
لربيعك دنيتي انثرها من دونك
حصَّنتك يبني بنظراتي# وارويك الغالي بدمعاتي
يزهرة صبر الأيام # واروحن يمه للشام
يجاسم ليش متوذر عله الغبره
################
كبر بيه العمر وانت امل دنياي
اشوف الخير بيك اوليدي خيرك جاي
يانسمة فجر تشبه برودة ماي
صرت احيه اعله نبرة صوتك بسلواي
اتسله بصوتك يلغالي# كلشي البيك ايعيش ابالي
اعوفن شم الانسام# واروحن يمه للشام
يجاسم ليش متوذر عله الغبره
###############
وصلت لكربله ولمحملي حطيت
تشيد البيت بيدك ياعمود البيت
اثاري الموت تانيك والك تانيت بدمك شيب راسي الشيَّب اتحنيت
عمرك يبني الشيَّب راسي# بكطعة نحرك كطع أنفاسي
وراحت ذيج الاحلام# واروحن يمه للشام
يجاسم ليش متوذر عله الغبره
################
رماني سهام دهري وللكلب لاحه
من يومك ييمه وماشفت راحه
من يوم المنيه وذاك مصباحه
راح اكضي العمر باحزان ونياحه
فجعتني الدنيه بجم غالي# هدتني وكطعت آمالي
بدال الامل آلام# واروحن يمه للشام
#### محسن الجنابي ###

للمهدي
_
الفتنه بينه ووجرت نيرانها
طال ليلك يبن سيد اكوانها
___

كوم طفيها يبن حامي الحمه
الفتنه باسم الدين صارت مضرمه
سايمين اعليك امك فاطمه
اختلفت وتاهت علينه الوانها
^^^^^^^^^^^^^^
تاهت وظلمه صفت كلها الدروب
حاجبتنه اعليك مولاي الذنوب
شوكت واحدنه يبو صالح يتوب
ونفهم آيات العدل تبيانها
×××××××××××
ندري بالفتنه تشبها اهل الغدر
نار ماتطفي علينه وتستعر
يمته سيفك يبن حيدر ينتصر
تكوم بيدك كلها تلوي اعنانها
××××××××××
يمته بيك الفرج يايوم الظهور
بياسنه وياشهر من هاي الشهور
تخمد الفتنه التشبها اهل الفجور
كشّرت اهل البغي نيبانها
××××××××
طالت الغيبه لجن مانعترض
وين يبن الحبه ايمان وفرض
يمته تصفه وتنطوي ليك الارض
وين ياعدل السمه وميزانها
××××××××
الدنيه تضحك سيدي لاهل الفتن
والشريف اليستحي اتكسره المحن
زيج غيمك ياشمس يبن الحسن
واكشف المستور عن ميدانها
×× ×××××××××
اكشف المستور والماينكشف
هاي وادم تحجي مو وجهين الف
عن مصايبها الذي ماتنوصف
مره صاحب مره من عدوانها
×× محسن الجنابي ×××

اليساوونه بعلي هم مثله كون يصير
من يحمل السيف ويحمل الرايه
وهم يكدر يواجه بالحرب شجعان
مثل ماعلي واجه وادرك الغايه
حجي التاريخ ماصخ ماعليه اعتاب
المصحف ثابت وبيه لعلي اولايه
اقره المائده بال خمسه والخمسين
سادس جزء بي وامثبته الايه
عوف الكتب روح لسورة الاحزاب
من بلغت حناجر سيفه كفايه
من كامت الوادم ترجف من الخوف
الضمت روسها ماتنعد اهوايه
بيمن كفى الله الناس ذاك اليوم
من صاح ابن ود وين اهل الحجايه
ياهو بروح ابوك اتسمه داحي الباب
هم كلي فلان البي الف سايه
تره حجي النفاهه هواي بي تسطير
ما يشبه إملاكه سيوف الامنايه

اليساوونه بعلي لو نبي لو قرآن
لو نفسه علي يتساوه وي رايه
لو بي أيه نزلت لو انشقله البيت
لو آخا محمد قارنه بهايه

لو موجود وصفه بهل اتى تلكا
لوايده اعله وجهه وايحفظ مايه

ياحسين ''' وانت مولد رحمة الله الواسعه
لو مَ دمك '' جان كل اديان ربك ضايعه
ياحسين' ' اتصورت بالعرش نور
وغطه نورك بالسماء السابعه
انت من كبل الارض نور اعله نور
وكل بحار النور منك نابعه
كبل شعبان وكبل هجره ومسيح
هذا بس تقويم واحنه نتابعه
كبل شمس الله وكمر ماكو ونجوم
وكبل ما كل كوكب الله الصانعه
انت آية ضوه وصورة كبرياء
يعني مصدر لامع الكل لامعه

موشح وفاة السيده زينب ع
____
وين يالغايب وتوصل شامها
عمتك زينب وهاي ايامها
~~~«««««~
هاي ايام المواكب والدمع
كل سنه صوت الخدامه ينسمع
اتغير بهالمره مولاي الوضع
والمواكب مو هذيچ اعوامها
~~~
ردت الغربه اعله زينب ياغريب
لاتعازي التوصل. الها ولاحبيب
بطلعتك منها الجرح يشفه ويطيب
وتوصل لمرقدها وي خدامها
~~~م
مثل ما ظلت وحيده. بكربله
بالنوايب والحزن. متحمله
شلون يبن العسكري بهالمعضله
چنها بالطف ولهيبه خيامها
~~««~
چنها بالطف وانسبت بيد الشمر
ردت اعليها السلاسل واليسر
زينب الماخلّصت حته بگبر
ميته واترادفت بيها آلامها
~~~~~
ميته والشامت اسياطه املوحه
يصيح محد. يوصل بلا مستحه
گلوب زوار العقيله امجرحه
بكسره ردت مثل حال ايتامها
~~~~
يمته يبن الحسن يأذن بالفرج
ربك وتشفي بطلعتك هالمهج
والنداء من السمه المهدي خرج
وينكشف وجه الحقيقه الثامها
~~««««««~~~~
محسن الجنابي 1446 ح ز

حياكم الله خدام الحسين ع
للتواصل مع خادمكم على التلغرام 07817265617

كعده للانصار
___
انصارك احنه وللمنيه_ شتامرنه ياروح الزجيه
علعهد نبقه انصار_ شما حكمت الاقدار
انصارك احنه والمنيه
××××××××××
الله خص من عالم الذر زلم وبهمه ومعالي
واحنه خصنه لبو اليمه لان عنده حسين غالي
ارجال موقفنه شرفنه وبالعقيده الشرف عالي
_
رايتنه لحسين اخفكت_ بيها الارواح اتعلكت_ للعليه هيه اتسابكت
وبالمنيه مانبالي
وقعنه بالدم مو بالايدين_ كلحنه فدوه نروح لحسين
لو صار وشماصار_ شما حكمت الاقدار
انصارك احنه وللمنيه
×××××××××××
مدرسة امجاد والطف مرحله جانت اخيره
حسين وقع بالنتيجه فايز وفوزه جبيره
اطلعنه بيها بوجه ابيض ناجح اللي حسين اميره
_
وبكلب ابيض ناصعي_ناصَرنَه عن حب ووعي_ واجهنه جيش ابن الدعي_
وفّه واحدنه لضميره
وفّينه من عاهدنه للموت_ خل تسمع الأجيال هالصوت
لدين النبي المختار_ شما حكمت الاقدار
انصارك احنه وللمنبه
×××××××××
اوكفنه بالطف وكفه يشهد الها تاريخ الرجوله
عابس الشاكري وجون ولحبيب اروع بطوله
صرنه مو سبعين واحد شكال قائدنه نكوله

واحدنه شامخ كالجبل_ بالحرب يوجع لو حِمَل_ ماعدنه خوف ولاوجل
نمشي للموت بسهوله
طشينه الارواح بطريقه_ من شفنه بحسين الحقيقه
نسحك على الاخطار_ شما حكمت الاقدار
انصارك احنه وللمنيه
×××××××
الذله مالايكه ويانه من انولدنه احرار للطف
بينه خط الشرف اسمه وصرنه من الشرف اشرف
كلوبنه بحب الزجيه وكل كلب بحسين ينظف
_
من انخلقنه لكربله_ انصار لابن عقد الوله_ شفناها اقدس منزله
الله بينه بهاي ألطف
من مكرمة الله بعباده_ يكتب مع حسين الشهاده
ودرب العدل يختار_ شما حكمت الاقدار
انصارك احنه وللمنيه
××××××
احساس سبعينك يقائد يشهدالله احساس واحد
انت بس حسين عدنه ليا بشر بعدك نعاهد
نعم سبعين بعددنه بس بلف وكت الشدايد

سبعين الف وكت الشدد_ هاك اخذ من عدنه عهد_ انصارك احنه وللابد
يا حسين والله شاهد
موته بشرف نكتبها بالدم_ عن زينب وعن المخيم
اتعلمنه ع ايثار_ شما حكمت الاقدار
انصارك احنه وللمنيه
××× محسن الجنابي ××××
١٤٤٥هج ر ع

ابت نفسه المذله. ماتبيها
ومن حست حميده. مات ابيها
اختنگت واهي تناشد. متى ابيها
يجي ومن عنده تشبع شوف هيه
//محسن الجنابي

موشح يوم العاشر
~~~~~
شسوت بجسمك حوافر خيلها
حتى عرش الله غده يبچيلها
~~~~~
وزعت جسمك على ارض الطفوف
بعد مانالت املاگات السيوف
گامت اعليك الحوافر بس تطوف
ورضتك خيل اعوجية بحيلها
~~
وصل فوگ الگاع بالطف طحنتك
لستحت فرسانها ولا رحمتك
گبال زينب واهي تعاين جثتك
ولا اهل. عدها الذي تشكيلها
~~
كل عضو من اعضاك خيل الرضته
بعد موتك اجت زينب حضنته
نادت القربان هذا وشالته
بدمعة دمك فاطمه من تسيلها
~~~~
تسيل دمعتها على امچان السحگ
وشافت ضلوعك من انطبگن طبگ
تگول جسم حسين ماظل بي عِرگ
بيا گلب زينب لجثته تشيلها
~
بيا گلب زينب على جسمه اوگفت
نادت بصوت الحزن يمه ونخت
هذا ياجدي الحسين اللي اسحگت
خيل اميه • وعيلتك جن ليلها
«««محسن الجنابي»» ~1447

ياصاحب الزمان
•••••••••••••••
تچوي گلبك كربله وآلامها
وعمتَك زينب ونار اخيامها
_____
يظل يوم حسين يسعر بالدِليل
وعله طاري الطف دمع حزنك يسيل
يوم ماظل بالخيم غير العليل
وزينب احتارت بلم ايتامها
~~~
تنرسم كل لحظه صورة كربله
شلون جدك وگع من تتخيله
علم عباس اويه نبلة حرمله
دم نحر عبدالله يحچي اجرامها
~~~
وين يامن غارگ بفيض الدمع
عايش ابالك يمهدينه الوضع
گبال عينك صار كلشي ينجمع
العطش والنار ونبل واسهامها
~~~~
العطش والنيران والتل والسهم
والنهر وچفوف شيال العلم
چنك اتعاين لزينب والخيَم
وقيدها والسبي ووگفت شامها
~«~~
تشوفها مسبيه تمشي ويه الرمح
بيا گلب وحسين اخوها منذبح
لا كفيل ولا انصار اللي تصح
ولا اهل ليها اليصح اولامها
~~~
محسن الجنابي 1447

نزله للسجاد ع
-------------------
آه يازين العباد. ومحنته
كل وكت عالصار تنزل دمعته
_____
عاشت جروح الطفوف ويا عمر
يوم نزّل جثة حسين الگبر
بيا گلب عاين عليه وبيا صبر
فوگ جسم حسين سالت دمعته
__
دمعته بكل وكت من عينه تسيل
يوم شاف حسين تسحگ جسمه خيل
ابو الباقر عاش مجروح الدليل
ماطفت للموت تسعر جمرته
__
شلون ينسه النهر والتل والخيم
شلون ينسه النار شبت عالحرم
وسهم وچفوف وجسد من انهشم
بالحوافر خيل امية طحنته
___
بعد اكثرهن مصاب البالسبي
بعينه شاف اليحدي بالنوگ اجنبي
شلون زينب تمشي ويه الناصبي
وينظر بعينه لخواته وعمته
___
بالدرب ويصد على راس الرمح
جروح ابو الباقر جرح يلچم جرح
شلون شاف اگباله كلها تنذبح
آه يامن عمره عاش بحسرته
««««محسن الجنابي»»»»»»
1447

تجليبه لزيد الشهيد ع
««««»»»»»»»»»
عن زيد المواقف ثوره تحچيها
مثل عباس غيره بكل معانيها
_______
ثورة روح من مبدأ حسين وصار
من شاف الظلم ماسكت عنه وثار
هاي سيوف صايغها علي الكرار
ماتغمد اذا طغيان مر بيها
~~~~
صور من كربله مرسومه جدامه
چن حسين طاح ولاهبه خيامه
وبالحر. والشمس واليسر ايتامه
وزينب عالتل ومطروح واليها
~~~~
نهض والنهضه صرخة ثار لحسينه
من دم هاشمي حر مذهبه ودينه
باچر لو طلع بالرايه مهدينه
كل ثارات هاشم مايخليها
~~~~~
ظلت كربلاء تعيش بأفكاره
مثل زين العباد بليله وانهاره
قرر زيد لازم ياخذ بثاره
جرّد صارمه وللحومه طب ليها
~~«~~
جرد صارمه وگباله طف وخيام
يشوف حسين طايح بس نبل وسهام
وزينب بالسبي متمحنه بالايتام
وعگب عباس شامت نوگ حاديها
~~~
محسن الجنابي 1447 ح ح

نزله للاربعين
••••••••••••••••
جينه ياجابر وهاي اضعونه
جينه ريت الاهل يتلگونه
_____
هاي ردتنه يعمي من اليسر
ضيم درب الشام راوانه شكثر
شسوه ياجابر شضمنّه الدهر
من الحبل ليهسه اثر بمتونّه
~~~~
لسه اثر للگيد ياجابر طبع
بالدرب ماينحمل تدري الوضع
بين آه وبين حسرات ودمع
شحچي عالشافت يعمي عيونَّه
~~~~
رحنه مچتوفين للكوفه بحبل
وبعد درب الشام ابد ماينحمل
صعبه زينب بت علي تركب هزل
والامَر شماتنه يشوفونَّه
~~~~د
بالدرب ياعمي وي روس. اخوتي
مره اصد ليهم ومره لعمتي
عين ماغمضت وتنزل دمعتي
وفوگ هذا الخارجه يسمونَّه
~~~~~
هاي ردتنه يعمي من السبي
طحنه بيد الاجنبي والناصبي
لاچن احنه ابينهم عترة نبي
يسره من كتر لكتر يهدونَّه
•••••«محسن الجنابي»»••••••
1447

تلفت رأسه والرمحُ دامي
ازينب ارجعي حُرقت خيامي
بقيت على صعيد الارض ملقى
وسار الشمر في قبسٍ امامي

تهادتني السيوف ولم ابالي
وجاؤا بالجياد على عظامي
تلوح الاعوجية فوق ظهري
وفي صدري اشتباكً للسهامِ

توسدت التراب وحان موتي
وقلبي عندكم والكبد ضامي
تهادى صوتك يانور عيني
ولكن لاجواب من الإمامِ

اتاني شمرهم فاحتز راسي
فاصبح منحري قيد الحسامِ
ونادتني السماء حسين اقبل
فان الله يشتاق الكرام
اخيتي قد سمعت صراخ طفل
فهل اذاه زجر بانتقامي
محسن الجنابي ###

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://www.tgoop.com/ahmed_alziwar1