ሚድሮክ ኢንቨስትመንት ግሩፕ በአጋሮ ከተማ ላስገነባው የዳቦ እና ዱቄት ፋብሪካ ከቀዳማዊት እመቤት ጽህፈት ቤት የእውቅና ሽልማት ተበረከተለት::

ሚድሮክ ኢንቨስትመንት ግሩፕ የዶሮ እና የእንስሳት ምርቶቹን በስካላይት ሆቴል እየተካሄደ በሚገኘው ዓውደ-ርዕይ በስፋት አቅርቧል::
**********************************************
ሚድሮክ ኢንቨስትመንት ግሩፕ ጥቅምት 19/2015 ዓ.ም አዲስ አበባ

ኘራና ኤቨንትስ መቀመጫውን ሱዳን ካደረገው አጋሩ ኤክስፖ ቲም ጋር በመተባበር የዶሮ እና የእንስሳት ሀብት ዓውደ-ርዕይ ጥቅምት 17 ቀን 2015 ዓ.ም በስካላይላይት ሆቴል በይፋ መከፈቱ ይታወቃል፡፡

ለሶስት ቀናት እንደሚቆይ በተገለጸው በዚህ ዓውደ-ርዕይ ላይ በተለይም የሚድሮክ ኢንቨስትመንት ግሩፕ አካል የሆነው ኤልፎራ አግሮ ኢንደስትሪስ የዶሮ እና የሥጋ ምርቶቹን በስፋት አቅርቧል፡፡

ዓውደ ርዕዩ ዛሬ ጥቅምት 19 ቀን 2015 ዓ.ም እንደሚጠናቀቅ ይጠበቃል።
11ኛው የዶሮ ኤክስፖ እና 7ኛው የእንስሳት ሀብት ዓውደርዕይ በወተት፣ በዶሮ እና የሥጋ እሴት ትስስር በመፍጠር፣ አዳዲስ ቴክኖሎጂዎች በማስተዋወቅ፣ የእውቀት ሽግግርን በማምጣት እንዲሁም የኢንቨስትመንት ዕድሎች ያስተዋውቃል ተብሎ እንደተዘጋጀ ተነግሯል።

በዚሁ የዶሮና የእንስሳት ሀብት ዓውደርዕዩ ላይ ከ10 ሀገራት እንዲሁም ከ 4 ሺህ በላይ የዘርፉ የንግድ ባለድርሻ አካላት እና ባለሙያዎች ጋር የንግድ ግንኙነት የሚፈጥሩበት መድረክ ይሆናልም ተብሏል።

የኢትዮጵያ መንግሥት በ10 ዓመት የልማት ዕቅዱ የወተት ምርትን ወደ 11 ነጥብ 8 ቢልየን ሊትር፣
የሥጋ ምርትን ወደ 1 ነጥብ 7 ሚልየን ቶን፣
እንቁላል 5 ነጥብ 5 ቢልየን እንዲሁም
የዶሮ ሥጋ ምርትን 106 ሺህ ቶን ለማድረስ አቅዷል።
ይህም የእንስሳት ተዋፅኦ ምርቶች የነፍስ ወከፍ ፍጆታን በከፍተኛ ደረጃ ይጨምራል ተብሎ ይጠበቃል።

የሚድሮክ ኢንቨስትመንት ግሩፕ ዋና ሥራ አስፈጻሚ አቶ ጀማል አህመድን ጨምሮ የንግዱ ማህበረሰብ አባላትና የመንግስት ኃላፊዎች በይርጋለም የተቀናጀ የግብርና ኢንዱስትሪ ፓርክ የማስተዋወቂያ መድረክ ላይ እየተሳተፉ መሆናቸው ተገለጸ፡፡
***************************************
ሚድሮክ ኢንቨስትመንት ግሩፕ ጥቅምት 19/2015 ዓ.ም አዲስ አበባ

የይርጋለም የተቀናጀ የግብርና ኢንዱስትሪ ፓርክን ለባለሀብቶች የሚያስተዋውቅ መድረክ እየተካሄደ መሆኑ ተገልጿል።

የሲዳማ ክልል ርዕሰ መስተዳድር አቶ ደስታ ሌዳሞና የኢንዱስትሪ ሚኒስትሩ አቶ መላኩ አለበል በተገኙበት የይርጋለምን የተቀናጀ የግብርና ኢንዱስትሪ ፓርክን ለባለሃብቶች የማስተዋወቂያ የኢንቨስትመንት ፎረም በሀዋሳ እየተካሄደ ነው።

እንደ ኢዜአ ዘገባ የሲዳማ ኢንዱስትሪ ፓርኮች ልማት ኮርፖሬሽን ዋና ስራ አስፈጻሚ አቶ መምሩ ሞኬ በ2014 ከፓርኩ የአቦካዶ ዘይት ለውጭ ገበያ መቅረቡን ተናግረዋል።

ፓርኩ በአሁኑ ወቅት እሴት የተጨመረባቸው የማር፣ የወተት ፣የቡናና ሌሎች የግብርና ምርቶችን ለገበያ እንደሚያቀርብም ገልፀዋል።

እንደ ዋና ስራ አስፈጻሚው ገለጻ በፓርኩ 11 ባለሀብቶች ስራ ላይ የሚገኙ ሲሆን ከእነዚህም ሶስቱ በሙሉ አቅማቸው በመስራት ምርቶችን ለሀገር ውስጥና ለውጭ ገበያ የሚያቀርቡ ናቸው።
https://m.facebook.com/story.php?story_fbid=pfbid0S4qzuyXwYc39NCW2RYf19JMFa7J2rw42zoDXPifvox7eTLVG3T7JD9MFQtJhZSoSl&id=100076612531374