Ўзбекистонда кўп фастфуд жойлари бир-бирига ўхшаб, Ғарб тармоқларига тақлид қилади. Аммо бизда овқатланиш — шунчаки тамадди эмас, балки дўстлар билан йиғилиш ва биргаликда вақт ўтказиш усули.

Шу ғоядан келиб чиқиб, биз Hubchik брендини яратдик:
- hub — учрашув жойи
- chik — товуқ

Айдентика ва маскотда бу метафора ўз аксини топди: атрофида ҳамма тўпланадиган дўст.
Натижада бозорда ёрқин, самимий ва дарров танилиши мумкин бўлган бренд пайдо бўлди.

Агар сизга мазали творогли сирокларнинг сири мусиқада эканлигини айтсак, нима дейсиз?

LATTICO бренди учун биз мусиқа оламидан илҳом олиб, ёрқин ва эсда қоларли қадоқ дизайнини яратдик. LATTICO фермаларида сигирлар классик симфониялар ва жаз мусиқаларини тинглайди, натижада улар ғоят бой ва хуштаъм сут беради.

Шу тарзда ғоя туғилди: ҳар бир творогли сирок — мусиқий композиция, қадоқ эса — концерт афишаси каби. Унда кайфият, қаҳрамонлар, ранглар ва ҳис-туйғулар мужассам.

Ишимизга баҳо беринг.

Лампочкани алмаштириш ҳақида фақат эскиси куйганда ўйлаймиз. Пештахтада эса ўнлаб бир хил қадоқлар туради, аммо уларнинг ҳеч бири эсда қолмайди.

Биз маданий инсайтга таяндик: Ўзбекистонда кўп нарсаларга шаклига қараб “халқона ном” берилади. Шу тариқа Brilux “нок лампочка” номи билан танилди.

Қадоқ ушбу образни мустаҳкамлаб, брендни ёрқин, оддий ва осон таниб олинадиган қилди. Энди дўкон токчасида Brilux’ни кўрмасдан ўтишнинг иложи йўқ.

📌 Тўлиқ кейсни сайтимизда ўқинг

Устоз — бу қоронғи йўлимизни ёритиб турувчи маёқ 🔥

Ҳар қандай ютуқ ва муваффақият замирида устознинг меҳнати, сабр-тоқати ва ақл-заковати ётади. Устоз нафақат билим беради, балки фикрлашни, савол беришни ва жавоб топишни ўргатади, ҳаёт йўлини кўрсатади.

Бугун — Устоз ва мураббийлар куни. Шу муносабат билан барча устозларимизни чин дилдан табриклаймиз! Соғлик, тинимсиз илҳом ва ҳамиша шогирдларингиз меҳри сизларга ҳамроҳ бўлишини тилаб қоламиз.

Байрамингиз муборак бўлсин, азиз устозлар!

Президентимиз кўрсатмаси билан UzAgroStar холдинги ташкил этилди. Унинг мақсади — Ўзбекистон аграр маҳсулотларини марказлашган тарзда жаҳон бозорига экспорт қилиш.

Биз эса бу ташкилот буюртмаси асосида турли маҳсулотлар учун қадоқ дизайни концепциясини ишлаб чиқдик.

Миллий арка ғояси ва почта тематикаси бўйича ишланган концепция уникал ечим бўлди. Батафсил эса видеода томоша қилишингиз мумкин.

📣 3 та лойиҳамиз TAF'25 шорт-листида!

Аввалроқ агентлигимиз TAF танловида иштирок этаётганини айтгандик. 3 та лойиҳамиз танлов шорт-листидан жой олди — бу биз учун яна бир улкан қадам!

Шорт-листга кирган кейслармиз:
• Uzagrostar — агро маҳсулотлар
• Hubchik — фаст-фуд тармоғи
• Gurung — снеклар

Энди лойиҳаларимизни халқаро ҳайъат аъзолари баҳолашади. Бизни қўллаб-қувватлаб туринг 🙌

Zarqand брендидан янги маҳсулот учун қадоқ дизайни ишлаб чиқдик

Бозорда турли қадоқдаги бисквитларни кўришимиз мумкин: болалар учун ёрқин ранглиларидан тортиб арзон-гаров турларигача. Лекин бир муаммо бор — уларнинг ҳаммасини ҳам дастурхонга безатиш учун қўйиб бўлмайди.

Биз олдимизга вазифа қўйдик: Benelle шундай кўринишга эга бўлиши керакки, унинг қадоғи нафақат дўконда харидорларни жалб қилиши, балки премиум маҳсулот ҳиссини ҳам бериб, байрам дастурхонини безаб туриши керак.

Натижада бу кейсимиз World Brand Design ҳамжамияти томонидан ҳам эътироф этилиб, жаҳон брендлари сафига қўшилди

Амалга ошган яна бир лойиҳа

Hubchik жамоаси: асосчи ва раҳбарлари, маркетологидан Minim агентлиги ҳақида самимий фикрлар олдик.

Илк hubchik фастфуд тармоғи нуқтаси очилганида биз ортга назар ташладик — ғоядан то тайёр брендгача бўлган йўл қандай кечгани ҳақида гаплашдик. Мижозларимиз нега айнан Minim агентлигини танлашгани, ҳамкорлик қандай кечгани ва биздаги ёндашув нима билан ажралиб туриши борасида фикрлар билдиришди.

Ҳақиқий лойиҳа, ҳақиқий одамлар ва ҳақиқий таассуротлар.

Биз Nijji конфетлари учун машҳур нордон таъмлардан тортиб Колагача бўлган турли лаззатлардан илҳомланиб, қадоқ дизайнини яратдик.

Ҳар бир қадоқ — бу энергия чақнаши: дадил ранглар, динамик типография ва кайфиятни бир зумда оширадиган визуал ечимлар уйғунлиги.

🚀 Брендингиз учун ўзига хос, замонавий ва эсда қоларли дизайн яратишда ёрдам берамиз.