👀 Касіць ці не касіць? Пытанне, актуальнае для ўсіх беларускіх гарадоў.

У вас таксама лета асацыюецца з гукам трымера і пахам травы? Гарады выкошваюць цалкам, мы да гэтага прывыклі. Але ці варта гэта рабіць? 🤔

Вы дакладна чулі мноства прычын, чаму касіць траву важна: ад барацьбы з неахайнасцю да абароны ад кляшчоў. Вядома, ёсць участкі, дзе касіць трэба, — зоны, якімі мы актыўна карыстаемся, напрыклад, лужкі каля дамоў, дзе мы займаемся ёгай ці гуляем з дзецьмі.
Але ці сапраўды патрэбна ўвесь час выкошваць у нуль неэксплуатаваныя зоны каля дарог, схілы і г.д.?

Давайце разбірацца, што даюць «неідэальныя» няскошаныя газоны? 🌾🌱

✔️ Атрыманне кіслароду: добры луг паглынае больш вуглякіслага газу і дае значна больш кіслароду, чым выкашаная пад корань зялёная прастора.

✔️ Зніжэнне тэмпературы летам: не толькі дрэвы і кустоўе, але і высокая трава дапамагаюць змяншаць эфект «гарадской цеплавой выспы», зніжаючы тэмпературу паветра ў горадзе.

✔️ Паляпшэнне якасці глебы: высокая трава дапамагае ўтрымліваць вільгаць у глебе, што зніжае патрэбу ў дадатковым паліве і стварае спрыяльныя ўмовы для дажджавых чарвякоў і мікраарганізмаў, якія фарміруюць урадлівы глебавы пласт.

✔️ Захаванне біялагічнай разнастайнасці: расліны, якія квітнеюць, прыцягваюць пчол, матылькоў і іншых насякомых, якія адыгрываюць ключавую ролю ў экасістэме. А, напрыклад, дзьмухаўцы, з якімі так актыўна змагаюцца на траўніках у беларускіх гарадах, — важны корм для птушак.☝🏻

✔️ Натуральны фільтр ад пылу: Высокая трава і разнатраўе дзейнічаюць як прыродныя фільтры, затрымліваючы дробны пыл і забруджанні.🍃

✔️ Эканамічная выгада: Разнатраўе амаль не патрабуе догляду і сродкаў на яго падтрыманне. Трэба проста дазволіць прыродзе рабіць сваю справу. Газоны ж патрабуюць сталага догляду: іх трэба касіць, падкормліваць і паліваць, каб яны не выглядалі як выпаленая зямля.

Як могуць выглядаць разнатраўныя газоны, паказваем у картках 👉

🔤 Што думаеце, ці варта падстрыгаць газон? Напішыце свае думкі ў каментарах!

☀️ Як там ваша лета, даражэнькія ўрбаністкі і ўрбаністы? Дзе шукаеце матывацыю, каб працаваць у такую спякоту?

Мы вось вырашылі дадаць лёгкасці і пачаць новую рубрыку #штонатхняе. 🤗
Раз на месяц мы будзем расказваць пра тое, што нас натхняе рабіць нашу працу: праекты, падкасты, артыкулы, выставы, людзей і шмат чаго іншага!

Заклікаем і вас далучыцца, дзяліцеся ў каментарах класнымі момантамі пра горад, якія вас натхнілі апошнім часам. 😍

Паехалі, мы пачнём!

🤌 Што натхняла каманду Менскай урбаністычнай платформы ў чэрвені?

1️⃣ Rendair — нейрасетка, якая робіць прыгожыя архітэктурныя рэндары з тэксту / чарцяжа / скетча і нашмат лепей за вядомыя Midjourney і Stable diffusion спраўляецца з архітэктурай.

2️⃣ Queer Urban Design: Planning for Inclusive Cities — артыкул пра важнасць стварэння бяспечных і інклюзіўных прастор, у тым ліку для прадстаўн_іц ЛГБТ + кам'юніці, і пра сумесную працу з квір-людзьмі з рознымі ідэнтычнасцямі на ўсіх узроўнях гарадскога планавання.

3️⃣ Der Zollverein Park — ландшафтны праект ад студыі Die Planergruppe на месцы былой каменнавугальнай шахты Zeche Zollverein. Мэтай гэтага праекта было адкрыццё публічнай прасторы для наведвальні_ц пры мінімальным умяшанні ва ўжо створаны гісторыяй кантэкст.

4️⃣ Child-responsive Urban Policies, Laws and Standards: a Guidance — полісі ад ААН-Хабітат і ЮНІСЕФ па гарадской палітыцы, законах і стандартах, якія ўлічваюць інтарэсы дзяцей. У дакуменце вы знойдзеце набор глабальных рамак па правах дзіцяці, патрэбных для надання дзецям роўнай каштоўнасці і гарантавання ім патрэбнай абароны і магчымасцяў для ўдзелу.

5️⃣ «Краснуха — раён, якога няма?» — выстава ў Вільнюсе пра адзін з першых раёнаў у рэгіёне, спраектаваны даступным для людзей з парушэннямі зроку, але больш вядомы сваёй адметнай атмасферай. Праз карты, макеты і фота можна пабачыць прастору раёна такой, якой у розныя дзесяцігоддзі яе бачылі жыхар_кі і спецыяліст_кі.

Спадзяёмся, аднойчы будзе створана нешта падобнае пра Серабранку, Зялёны Луг ці іншы ваш і наш любімы раён. ❤️

👏 Сёння адметны дзень! Ажно 11 беларускіх гарадоў святкуюць Дзень горада! 🎉
Наша каманда дасылае віншаванні і вельмі хоча паказаць вам, што кожны з гэтых гарадоў непаўторны: 1 горад — 1 цікавостка!

І вы таксама дзяліцеся сваімі цікавосткамі пра гэтыя гарады ў каментарах!