💎 Бонус для тых, хто дайшоў да канца!

Цяпер пры ўездзе ў кожны з раёнаў Менска вас будуць сустракаць вось такія знакі.

Візуальны складнік уразіў нас да глыбіні душы! Так, вось такі дызайн у 2024 годзе, праект распрацаваны «Мінскзелянбудам». Чаму інсталяцыі настолькі розныя, таксама незразумела.

Фота: «Мінскзелянбуд».

Мы вельмі рады, што вам спадабалася наша новая рубрыка #штонатхняе і першая падборка за чэрвень. Таму працягваем захапляцца гарадамі і ўсім, што з імі звязана, разам. 😍

Далучайцеся да нас і дзяліцеся ў каментарах праектамі, падкастамі, артыкуламі, выставамі, фота і любымі іншымі класнымі момантамі пра горад, якія натхнілі вас апошнім часам. Найлепшыя мы дадамо ў наступную падборку!

🤌 Што натхняла каманду Менскай урбаністычнай платформы ў ліпені?

1️⃣ «Облик Минска» — лімітаваная калекцыя гадзіннікаў ад «Луч» з выявамі менскай архітэктуры: панэлек, сталінак і вокнаў Траецкага прадмесця.

2️⃣ «Гендерно чутливе відновлення і розвиток на місцевому рівні: 20 рекомендацій»
Нашы сябры з Cedos выпусцілі тэкст, у якім даюць 20 рэкамендацый па ажыццяўленні прынцыпу гендарнай роўнасці і інклюзіі ў гарадской прасторы.
У артыкуле вы знойдзеце практычныя рашэнні ў 6 сферах: кіраванне, бюджэты, бяспека, сацыяльная абарона, мабільнасць і адпачынак.

3️⃣ «Сваю Асмалоўку нашу з сабой» — цішоткі ад Lizpinium з планам забудовы Асмолаўкі.

4️⃣ La Quebradora Hydraulic Park — праект па вяртанні вады ў гарадскую прастору, які прайшоў 7 колаў бюракратычных перашкод. Складаны, у тым ліку палітычны, лёс водных рэсурсаў на тэрыторыі Мехіка.

5️⃣ Прынты ад vokladki.by
Хацелі выбраць нейкі адзін прынт з калекцый «Беларусь» ці «Менск», але не змаглі: усе файныя! Таму вось спасылка на старонку, каб вы маглі самастойна выбраць, што будзе вас натхняць гэтым летам. ☀️

Сядзібна-паркавыя комплексы Беларусі — важная частка культурнай спадчыны краіны. Яны маюць значны турыстычны патэнцыял, увасабляюць нашу багатую гісторыю, а многія з іх валодаюць і мемарыяльным значэннем.

🔵 Як складаўся лёс сядзібна-паркавых комплексаў у постсавецкай Беларусі?
🔵 З якіх крыніц фінансавалася аднаўленне і рэстаўрацыя сядзіб і што змяняецца?
🔵 Як на сядзібна-паркавыя комплексы ўплывае прыватызацыя і якія новыя пагрозы ім узнікаюць?

➡️ Разбор са мноствам прыкладаў і ілюстрацый глядзіце ў новым артыкуле «Сядзібна-паркавыя комплексы Беларусі пасля 1991 года: узлёт ці падзенне?»

🔤 Менская ўрбаністычная платформа запрашае на серыю анлайн-размоў «На беразе» пра беларускія рэкі і гарады! 💦

Разам з вядучымі эксперт_камі ў гэтай сферы пагаворым пра тое, як рэкі ўплывалі на развіццё нашых гарадоў у мінулым, як яны выглядаюць сёння і якія перспектывы нас чакаюць у будучыні.

🔤 Што ў праграме?

⏩Лекцыя пра рэкі Балтыйскага басейна
20 жніўня, 19:00 па Менску

⏩ Дыскусія пра рэкі і гарады
27 жніўня, 19:00 па Менску

⏩ Размова пра набярэжныя
3 верасня, 19:00 па Менску

🔤 Як далучыцца?
Перайдзіце па спасылцы і зарэгіструйцеся!

Далучайцеся паслухаць і задаць пытанні спікер_кам падчас важнага абмеркавання пра будучыню беларускіх рэк. Да сустрэчы анлайн у ZOOM!

❤️ P.S. Будзем удзячныя ўсім, хто зможа падзяліцца інфармацыяй пра івэнты!