مـــــــوشــــــــح
بحق امير المؤمنين ع

قال طــه المصطفى عـنك علي
ربي يأمـرني بعلـي هــو الـولي
«وياك وياك الله ياعلي»
*-------------------*---------------*

رافــعك حيــدر علـي رب الـعـلا
كل عمل مرفوض من غير الـولا
بغيـر حيـدر باطـله حتى الصـلا
حاير وسوده الصحيفه ومبتلي
*-------------------*---------------*

الدنـيا حـــزنانـه الك حتـى الورد
ياللــي مامثـلك بشــر طـــه يـود
بالحــرايــب ياعلـي بيـــها يـــهد
ودومه منصور بعلي وهم ينجلي
*-------------------*---------------*

شامـخ وعـالي علي ذكرك يــظل
الشيعي لجلك بالحزن دمعه يهل
يبچي كل عمره الك هـم مايـمل
فـدوه منـذوره الك كـــلهم هـلي
*-------------------*---------------*

ناده صوته بالسمه جبريل الك
الليله ينعه بالحزن حتى الملك
بسيفه بن ملجم ترى هز الفلك
وينحب آذان الفـجـر منهو الي
*-------------------*---------------*

منهو يگدر يحصي افضالك يعد
ابيا علي نوره الفجر نوره صعد
ياعلـي مثـلك وصي ماكـو بعـد
صـاح ديـن الله ونعى ياكافـلي
*-------------------*---------------*

ظلوا ايتامك علي حسين وحسن
وبظلامه الليل اجه و والهم يون
وحتى نجمات السمه بالهم بچن
وبالسمه هالصـوت شاع ويعتلي

كلمات
احمد السالمي
*-------------------*---------------*

شوط كربلائي
قــــرآن انطبـر هاليوم
واياتـه بـدمـع مــدرار
الدين انهدمت اركانـه
الفگدك يا علي الكرار
⊰---------------⊰✾⊱---------------⊰

ديـن الله ينوح بـآه  بحزنه واعتلى اذانـه
حتى بالسمه جبريل نشر بالدنيا أحزانه
محمد منطبر هاليوم جنه ويبچي قرآنه

كبــر بالســمه جبــريل
علي منه يطيح الحيل
دمه راسه عليه يسيل
علي الما تمم صيامه راح اللي يحبه الجار
⊰---------------⊰✾⊱---------------⊰

أمان الله ويشع انوار علي اتعرفه جميع الناس
خادم لليتامه چان و يحن الهم مثل عباس
بحنانه والشجاعه فنون مثل المصطفى ينقاس

مايوم بجهاده ادبر
وتشهدله الحرب ما كر
وباسمه النبي كرر
علي العالي علي الوالي علي القرآن وبيه اسرار
⊰---------------⊰✾⊱---------------⊰

علي من السمه نازل أمير الخلگ والأديان
علي جبريل اليخدمه  امن الله والي الرحمن
وايات وسور تشهد فسرها بصدق وجدان

تلگاها علي العنوان
لتحير اقرا بالميزان
راح تحصل التبيان
روايات وكتب تشهد بحق حيدر ابو الاحرار
⊰---------------⊰✾⊱---------------⊰

الكنت مولاه علي مولاه طـه المصطفى من گال
على التله ولزم ايدك وايدك يا علي  من شال
الخليفه الثاني والأول علي أشرف مقام النال

مجموعه الخلگ كلها
طـه بصوته كللها
علي الأول يظل الها
وگال بكل علات الصوت الما حبك يروح النار
⊰---------------⊰✾⊱---------------⊰

مفجوعه الرسل كلها  مكســـورة گـــلب وتنـوح
علي مخلوقة اله الاكوان بالمسجد دما مسفوح
كليم الله ينوح بآه  وگلبه اعله الولي مجروح

أبوكم يالحسن وحسين
راسه منشطر نصين
وعلى زينب يدير العين
يگلهم هاليتيمه شلون من بعدي تطب للدار
⊰---------------⊰✾⊱---------------⊰

تموت انت نگول شلون وبينه القائد الها اليوم
كل ساعه ننادي بصوت وينك يا علي الجيدوم
ابـونـه والمدد منـك وبيــــنه مـا تـظل اهمـوم

باب الله علي معروف
بيته الجنه بيه نطوف
كريم وما يرد ملهوف
والي ونصبه الرحمن وامير الناس حيدر صار

كلمات
الملا احمد السالمي
⊰---------------⊰✾⊱---------------⊰

مـــوشــــح

انت باب الله علي انت الشفيع
اليدخل الدينك علي لاما يضيع
امان الله علي
امان الله علي
"""""""'''---------""""""""""""

ندخل الدارك علي ومنك نريد
تثبت الأقدام ونصير العبيــد
للنبي باسمك علي لان الحديد
علينة واجب سيدي أمرك نطيع
❃❃❍❃❃❍❃❃❍❃❃❍❃❃

الدنيا لاجلك هذا مخلوق الفضاء
شاهد القرآن الك ويه الدماء
أنته دين الله ورفع بيك السماء
وانت لاحبابك غداً سداً منيع
❃❃❍❃❃❍❃❃❍❃❃❍❃❃

احنة شيعة ونفتخر بين العباد
جينه منك ياعلي نريد السداد
وعلى جرحك بيه متوشح السواد
يابيان وعَلمك ربنا البديع
❃❃❍❃❃❍❃❃❍❃❃❍❃❃

والله جرحك ياعلي بچانه دم
وخبر موتك يالولي بالدنيا عم
حتى جبريل الملك هم لاحه غم
دم الك يبچي الصبح ويه الربيع
❃❃❍❃❃❍❃❃❍❃❃❍❃❃

جينه ننزف بالدمه لحامي الحمه
وتنــــعه ويانه الك حتى السمه
وحيده ظلت يا علي بت فاطمه
كلشي من زينب ترى عگبك يضيع
❃❃❍❃❃❍❃❃❍❃❃❍❃❃

قال طــــه المصطفى عنك علي
لاجله مخلوقه السمه وإلها ولي
وانته للناس اليشع نورك جلي
رافعك رب العلى هـو السميع

كلمات احمد السالمي
❃❃❍❃❃❍❃❃❍❃❃❍❃❃

بالتــنزيــــل   والتـأويـــل
ولــي للــه علــي الڪرار -------------------------------------------
         
بيت اللـــه إله مسكــن كلها  تعرف وتعلم
انشگت ياعلي الحيطان  قبلتنه إِلك معلم
القصد انت اللي بالتبليغ  وربنا  للنبي كلم
بلغ ما  اگوله   ليك   فرض للجاهل تعلم

فرض واجب .. نــزل كاتــب
جبـريـل ونـشر اخبار
-------------------------------------------

علي حزب الله عنوانك اليحبك يا علي صله
والي ومن گبل آدم الينكرك دينه بي خله
والقرآن الك شاهد  باسمك يا علي اتعله
علي العالي الذي علاك الوصي أنت الرسول الله

النبأ انـــته .. علي شفته
ولادم أسـمك الأسـرار
------------------------------------------- 

بطل معروف ابو الحملة أبميادين الحرب كبر
علامات النصر بيده الشجاع گباله مايصبر
وعنده بالشجاعه فنون علي ماقاتل المدبر
شنوصفه اليذل ابطال وتشهد معركة خيبر

يذل ابطال .. نبينا گـال
على الكافـر  يصب النار
-------------------------------------------

نضحي الحبك الأرواح وصانة النبي المختار
من بعدي الوصي ألكم  الوالي حيدر الكرار
ونتبع هالنهج واجب  ماترهم بعد أعذار
علي الوالي مثل طــه قسيم الجنةِ والنار

علي الوالـي .. ويظل عالي
واســـمه بكــل فخر ينـزار
-------------------------------------------
       
بنشر توحيد إلٰٓه الكون حيدرنه ختم عمره
ومهموم العمر كله الدنيا احتارت بصبره
وعنك يا علي  شِنگول طه أسمك يفسره
محـد يعرف اوصافك  اللــه والنبـي أدرى

شــهد قـــرآن .. ولي الرحمن
وصفاتــه  هيـه حامـي الجـار

كلمات
احمد السالمي
-------------------------------------------

لحن
بالتــنزيــــل   والتـأويـــل
ولــي للــه علــي الڪرار
كلمات احمد السالمي
اداء
حيدر الفريجي

اَلْحَمْدُ للهِ الَّذِي يُجِيبُني حِينَ أُنَادِيهِ ،.. وَيُعَظِّمُ الْنِّعْمَةَ عَلَيَّ فَلا أُجَازِيهِ وَالْحَمْدُ للهِ قَاصِمِ الْجَبَّارِينَ مُبِيرِ الظَّالِمِينَ ..

السلام عليك ياصاحب الزمان ورحمة الله وبركاته صبحك الله بالخير والعافية وعجل فرجك بحق الحسين ع
وفرج الله عنا وعن جميع المظلومين بك ونسالك الدعاء والعفو ورضاك يافرج الله القريب العاجل ويوم مباركة عليك ايها المولى

الهي، اني سامحت كل من أساء الي معنويا.. لفظا.. اي نوع من الاساءة.. من المؤمنين و المؤمنات..

و لا تجعلني عثرة في دخوله لرحمتك
و جنانك يا ارحم الراحمين..

نسألكم الدعاء كثيرا.. و سامحونا جميعا..

🤲

كل يوم وأنتم أقرب إلى الله تعالى.
مبارك لنا ولكم التمسك بكتاب الله والعترة الطاهرة.
مبارك عليكم العيد السعيد.

السلام عليك ياصاحب الزمان ورحمةالله وبركاته صبحك الله بالخير والعافية ونسألك الدعاء

من يدعو لإمامه فاليدعو له امامه
وهنيالة اليحسن عاقبته الله
طاب مسائكم احبائي

شاركونا النشر ، وكونوا سببًا في نشر النور🌦️🩵🩵،

لنزرع معًا بذور الخير، فكل من يُضيء قلبه بكتاب الله، يظل أجره في ميزانك - بإذن الله - 💕💕🌸.
ومحمد وال محمد
https://www.tgoop.com/mkmklmklmk