لمولاي موسى ابن جعفر (ع)


اسد بغداد يستقبل المشايه

ـ
يم كاضم الغيض التعب محلاته
يحمينه الكمر وفياي ريـشـاتـه
ياهو العنده حاجه يجيب حاجاته
وهنا هم حبيب يعدها خطواته


والحاجات ترد مكضيه

ـ
كلمن عده عله وبل دوه تـحـيـر
بهل ايام بس خل ينخه ابن جعفر
بس يحلف المسموم بالـمـنـحـر
تشفه العله والله يم ابن حيدر


والمعلول هنا يتعالج

ـ
بغداد انشدوها عن قصر هارون
راح تكول صار الصيت للمسجون
تكصد موسى ابن جعفر زلم يمشون
لارض الكاضميه صلاله ميتيهون


كبته تصيح اهلاً يالزاير

ـ
هذا الشيعوه ودمه بـجـفـوفـه
هم بالغربه مسلم جنه بالكوفه
نهر موسى ابن جعفر دجله بجروفه
صاحت شيعته للموت منعوفه


شلون نعوف الكاضم وسفه

ـ
علينه اجداد اضنهم ما يعرفونه
وعوفو المشي يا شيعه يحاجونه
واحنه البعث ما كدروا يمنعونه
مجانين الحسين احنه يسمونه


وام حسين حيهم صاحت



محمود محمد العطواني

ميمر كربلائي لمولاي الكاظم

اداء || الرادود مالك العطواني
كلمات|| محمود محمد العطواني

الرابط 👇👇
https://youtu.be/aDYyioBvdJ0?si=gz288gRIi5b9nc8J

هوسات شعبانيه




الفرح يا هل خلك لو جان عنده لسان
يصَيح جـا بـقـه بس يا هله بـشـعبان
وي هــلــت الـهـلال نـكـتـر الاحــزان

والفرحه تزيد بكل ليله

الفرح يتصاعد بشعبان كل ليله
والرافضـي دمـعـاتـه التـغـنـيله
الملا اليوم يطربنه بــمـولـويـله

هنيال الشيعي بافراحه




،،،🤍،،،🤍,,,🤍،،،🤍،،،🤍,,,🤍,,,




هوسات للامام الحسين (ع)


جنح فطرس قبل مـكسور وبـمـيـلادك تـجـبـر
وما صارت لغيرك هاي جا غير انـتـا ابـن حـيدر
وجرف يا سيدي امن جروف نهر الزاجيه الكوثـر


ترخص من الزهره يهز بمهدك ميكائيل


عقيقه عــدنـه للـمولود نذبح ربـنـه تـرتـيـبه
وعقيقت حيدره لحسين راس العامري يجيبه
صاح بصوت جبرائيل هيبه وخـلـفِـت هـيـبه


يا هنياله حسين عليك وانت اعلي هنياك



،،،🤍،،،🤍,,,🤍،،،🤍،،،🤍,,,🤍,,,



هوسات للامام العباس (ع)


أذنت بأذن عباس ودخن راس ابو الغيره
اشهد ان سيفك راح يخلي بالزلم حـيـره
عن طبراته بالميدان ديره تسولف لديره

انتا المن مهدك فارس ومناغاتك صوت السيف




الولد كالو اله بالخال ياخذ منه ثـلـثـينه
بس عباس يفرق جان طالع كله لحسينه
يشبه حيدر الكرار جي مخلوق من طينه

الكافل لو يتوضه بگطرت كصته ومن بالماي



طبرة الـعباس طـبـره بـيـهـا مـحـتـار العگلّ
تگسمه نصين المقابل وابــد ما يضرب غفلّ
طبرته محيره الگبايل والـعـشـايـر والـعـگِـلّ
انه ما شايفلي طبره تگسمه نـصـيـن الفصلّ

انتا الطبراتك كامت تحكم بالميدان وبالديوان




محمود محمد العطواني

#اسعد_الله_ايامكم
٢/١٤ ـــ ٣ شعبان



#محمود_محمد_العطواني

بالمنتضر هنيالنه 🤍 بالمنتضر هنيالنه

،،،🤍،،،🤍,,,🤍،،،🤍،،،🤍,,,🤍,,,

دار احزان فاطم صار دار افراح
وتزَين الليله بـشـمـع وبـقـداح
وتصَفگ الشيعه والنجم مرتاح

وشمس الله تلالّي 🤍 والبدر العالي 🤍 بميلاد الغالي
عيد الله بميلاد الغالي


بالمنتضر هنيالنه 🤍 بالمنتضر هنيالنه

،،،🤍،،،🤍,,,🤍،،،🤍،،،🤍,,,🤍,,,

طشو الواهليه وزيدو بالصفكه
وادعو الباري خل يَعجل الملگه
والميكول يضهر باجر انسحكه

من يضهر باجر 🤍 يرد ثار العاشر 🤍 الما يصبح ناصر
اندوسه الما يصبح ناصر


بالمنتضر هنيالنه 🤍 بالمنتضر هنيالنه

،،،🤍،،،🤍,,,🤍،،،🤍،،،🤍,,,🤍,,,

بميلاد اليضوي وشمعه بالهندس
مريم وي خديجه واسيا تهوس
الزجيه وياهن وكاللها يا نرجس

طلگاتج هايه 🤍 قران وآيه🤍 للمذهب رايه
مولودج للمذهب رايه


بالمنتضر هنيالنه 🤍 بالمنتضر هنيالنه

،،،🤍،،،🤍,,,🤍،،،🤍،،،🤍,,,🤍,,,

وحك جف الكفيل ورايته الخضره
ورد مـفـروشه اله كربله وسامـره
الفرحه اليوم تشبه فرحة الزهره

تخبل هل عاده 🤍 عوام وساده 🤍 بليلة ميلاده
فرحتنه بليلة ميلاده


بالمنتضر هنيالنه 🤍 بالمنتضر هنيالنه

،،،🤍،،،🤍,,,🤍،،،🤍،،،🤍,,,🤍,,,

اليوم العسكري ضحكاتـه تـحـلالـه
وفرح بالمهدي كلبه هواي من شاله
هـنـيـالـه عـلـيـك هـواي هـنـيـالـه

يا اجمل صوره 🤍 بعين المعموره 🤍 بجيتك مقهوره
واعداك بجيتك مقهوره


بالمنتضر هنيالنه 🤍 بالمنتضر هنيالنه




محمود محمد العطواني

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

١٥ شـعـبـان صـار الـمـنـتـقم
وصاحت الاكوان منك والنعم
بجيتك الانذال بــاجــر تـنهزم


هذا عالي وبالارض محد علاه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

بأجمل الاطوار غنت كربله
هله بهل مولود يا مية هله
نّور الاكوان شـيـخ الـمرجله


نّور بجيته ارض ربنه وسماه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

هذا هنياله الذي بحبه حضه
داره من الخير حاشاه ما فضه
هذا يا هل ناس جنه المرتضى


بالفضائل هذا واصل مستواه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

نهني نرجس بيه ويــه العسكري
واسمه من اقراه يــنسر نـاضـري
سـيـد الاكوان فــارس حـيـدري

اسمه يفرح بي جا كلمن قراه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

لا محال يصيح كلبك لا مـــحــال
يوم جيتك عـيـد ابـنـاء الـــحــلال
بس ضهورك ليش يـا مـولاي طـال


العطش لاسمك سيدي محد رواه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

اي وحگ قتال مرحب وابن ود
اغله من الكون هذا المـنـولـد
نــزل جـبـرائـيـل ويــوزع ورد

ووكف ميكائيل ويردد وراه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

يوسف و عيـسـى الــه كالو نـقـيـم
محفل بـهل يوم وويانه الـكـلـيـــم
غير هذا المهدي ذو الشأن العضيم

بعد هذا المهدي حجتنه شحلاه

ثــار الله الــمــنــتــضــر ثار الله
وجده ردتله الشمس بعد الصلاه



محمود محمد العطواني

لسان حال الامام الحسن ع

عجل يخويه وياي ـ انشيل الي جان فياي

محرابه من دمه انمله علـيـنـه
حيله انهدم يا خويه خل نعينه

ـ
يا علي كول وعلي خلنه نسنده
الدومه حلال الشدايد فكده شده
بيا وكت حيدر علي يسندونه ولده
حيله وي دمه على القبله تـبـده

صاحب سواد الليل ـ ما عنده ضل كل حيل

شالانه بيده وهسه دور اديـنـه
حيله انهدم يا خويه خل نعينه

ـ
عمامته المنها يفوح المسك عطره
ايتامه بيها يغطي جان ويكسي فقره
بيها بخت الساده كله عمامه خضره
لونها تغير يـخـويه وهـسـه حـمـره

تاسع عشر رمضان ـ مـتـخـضـب القران

راح وبعد بس الحزن يـجـيـنـه
حيله انهدم يا خويه خل نعينه

ـ
طاح ابونه وطاحت ويا كل سمانه
ومنهو أِليعوض الابو ويترس مكانه
منهو يوصل عشرته الحلوه وحنانه
عــلــمــانــه ودلالانـــه وكـبـرانـه

راح العزيز الجان ـ هيبه وصدر ديوان

ومن دمه تراس لحيته وجبـيـنه
حيله انهدم يا خويه خل نعينه

ـ
يمه كعدت ولده وتشاهد طبرته
وراح يصفك راح من راحت ضحكته
الكمر يمه ينوح ويشاهد دمـعته
وكالت ام كلثوم ابونه ما عرفته

متغير ومتعوب ـ منه الفرح مسلوب

وما بّطـل الكافـل ابـد ونـيـنـه
حيله انهدم يا خويه خل نعينه

ـ
حسين زينب شافته ويا لوعة اخته
بين طبرة حيدره وطيحـة دمـعـتـه
تكله من بعد الولي ودمه وطبرتنه
خوف عاشوراء يالعطشان عـشتـه

شفت الولي مطبور ـ وتخيلت عاشور


چفت مدامعنه بكثـر بـجـيـنـه
حيله انهدم يا خويه خل نعينه

ـ
يا عميد الساده يا شيخ النشامه
اباب دارك واكفه اتاني الـيـتـامه
تدعي ربها تكوم ليـها بالـسـلامـه
يل العلي خلي علي يتمم صيامه

حيدر ولي الايتام ـ يسمونه يابو الثام

واب النه كالو مو فقط ولـيـنـه
حيله انهدم يا خويه خل نعي


محمود محمد العطواني

علي علي علي علي علي يا علي

ـ
علي الاسم الاعضم ـ علي لا ما يـنـضـم
علي الهيبه الضيغم ـ بالحرب ما يرحم

علي دومه الـعـالـي ـ علي كـلش غـالـي
علـي راحـت بـالـي ـ بـحـبـه يا هنيـالـي


هذا الاسم من ينذكر الهم ينجلي
علي علي علـي عـلـي علي يا علي


ـ
علي النور الساطع ـ علي البدر الطالع
علي صيته الشايع ـ ولا حشاه مو رابع

علي بـ طه اتـكـفـل ـ عـلـي هـوه الاول
علي مصحف منزل ـ ذل زلم بس ما ذَل


تخشع سمانه بهل اسم من ينـتـلـي
علي علـي عـلـي عـلـي علي يا علي


ـ
علي راعي الشيمه ـ علي فّي بالهيمه
علي للحك خيمه ـ وبالقحط هم غيمه

علي ايه وسوره ـ علي العرش ايزوره
علي الكون ايدوره ـ كشخة المعموره


والـجـنـه لـمن تنسئل منهو الولي
علي علـي عـلـي عـلـي علي يا علي


ـ
علي رازق واهـب ـ علي سيفه الضارب
علي عالشر غاضب ـ امنتف اكبر شارب

علي حـيـل الـبـاري ـ علي بالـدم سـاري
عـلـي وانـه الـقـاري ـ اسمه من صياري


هذا النداء امن الصغر ضل يعتلي
علي علـي عـلـي عـلـي علي يا علي


ـ
علي مربع حيفه ـ علي شاطر سيفه
علي كلشي بكيفه ـ الوحي بداره وضيفه

علي احزام الهادي ـ علي باسمه انادي
علي ولجلك فادي ـ يالعزيز اولادي


هوه انه غيرك يل فحل جا منهو الي
علي علـي عـلـي عـلـي علي يـا عـلـي


ـ
علي ذخر الشيعه ـ علي امره انطيعه
علي لا مـنـبـيـعه ـ واله نهدي البيعه

علي اليصبح جاره ـ عـلـي ايبَـرد نـاره
علي واحنه انصاره ـ الميت و حّي زاره


لمن يدفنوني افتخر يمـه هـلي
علي علي علي عـلـي علي يا علي



محمود محمد العطواني

ميمر كربلائي


مختلفه يا حيف الناس ••• اول علي لو رابع

=====

ما تفتهم هاي الخلگ عاذرهم
مو بالتسلسل قدرك شيقنعهم
سِيِد الرسُل طه لجنه اخـرهـم

العاشر لّون يحطوك ••• واضح تضل ما ضايع

=====

موش برقم قدرك عـلـي يــتـحدد
يل ما يعرفك بس إلهك واحــمــد
ودومه الوحي لدارك يجيي ويتردد

هذا الحمه بسيفه الدين ••• وذمته لاحد ما بايع


=====

الرابع حسب حيدر عرفنه جروحه
جـده تره الـفـقـاره مـاخـذ روحه
يكول العنب حامض تره الميلوحه

ومنهو اليلوح الكرار ••• بهاي الزلم ما سامع

=====

الرابع يكول اخذه اعلى كد عقليته
وكله شتضــن قدر الوصي نصـيته
لوما علي اول الله مـا شـگ بـيـتـه

الكعبه البناها ابراهيم ••• انشكتله حتى تبايع

=====

الاول علي قبل اكتشاف الارقــام
واكبر مصيبه انشافت بهل ايــام
اللاح الشمس يتقارن ويه الاقزام

شوف الفرق بالمقياس ••• ما حاجه اكلك شاسع

=====

الاول علي بكلشي تره متفقين
بس ذولفقاره يأشر برقم ثنين
معناها انه وشيعتي منـتصرين

من الرضاعه امن صباي ••• حبك يحيدر نابع

=====

باكبر كتبتهم شفنه هذا الشاهد
الثاني شـرد بالحومه واول واحد
الـثـالـث ثلث تـيـام كالوا شـارد

ابسط مثال انه انطيت ••• وشكد مصادر جامع



محمود محمد العطواني

نزله اهوازيه


الجانت شوفتك تسگي ذابل من عكب عينك

ـ
رد يا والدي اعله العيد ضل جم يوم يل غالي
بعدك كلي اعيد شلون وانتـا بطولك اهـلالـي
كل عام ودموع العين بعدك بـويـه تـبـرالـي

ميت من بعد عيناك واليحيـنـي جـفـيـنـك
الجانت شوفتك تسگي ذابل من عكب عينك

ـ
يل صنديد احلفك بيش لحباببك تـرد سـالـم
تدري بروحتك هل يوم كسرت كل بني هاشم
ابو الاكبر عليك يـنـوح ويا لوعة ابو الـقـاسـم

ليش تشيل يل كرار رد يا خيمة حـسـيـنـك
الجانت شوفتك تسگي ذابل من عكب عينك

ـ
طحت وطيحتك يل شيخ طاح وياها كل حيلي
عكبگ ضـلـمـت دنـيـاي ومصباحي شبه ليلي
شاب وشيبت بـچـفـاك ويا عمري سبگ جيلي

من بعدك دموعي تسيل وينك يل رحت وينك
الجانت شوفتك تسگي ذابل من عكب عينك

ـ
عميد الساده شال اليوم وچفه الحسن دلاته
وضلت تـنسمع عـبـاس لذاك الصوب وناته
راح الـجـان روح الـروح وراحت ذيج ضحكاته

وترجع النه يل كـرار سـالـم جـا مـتانـيـنـك
الجانت شوفتك تسگي ذابل من عكب عينك

ـ
بعدك بويه أنه حسين راحي يصفگ براحي
يل غالي وگبل عاشور هجرك صار ذباحي
عدويي اغيابك الچتال ولا ما ينفع اسلاحي

يـال حيرت ريتي ويـاك بين الهوه وما بـيـنـك
الجانت شوفتك تسگي ذابل من عكب عينك


محمود محمد العطواني

لا سـلـطـه رايد منه انـه ولا شُـهره
بس رايد اطلب هل طلب من نحره
احيي اربـعـينه الجايه واول عـشـره


اسئل الله ان يوفقنا وأياكم لخدمة مولاي سيد الشهداء

👇برنامج محرم الحرام ١٤٤٦هـ 👇


خادمكم #محمود_محمد_العطواني

كل خـطـوه بالـف اهلاً يبو الـيـمه
اجيت وجبت النه اللوعه والخدمه

ـ
شديت الرحال وكربله المسره
محضوضين كلش بيك والزهره
وزغيرنه حضر للطم صدره

والشيعي الك اسود صبح هدمه
اجيت وجبت النه اللوعه والخدمه

ـ
دمك يا ابو السجاد شرفنه
تره ومن نينوى شكد غارت الجنه
لو ما انتا عدنه كلشي ما عدنه

ترهم بس الك ثق كلمه النعمه
اجيت وجبت النه اللوعه والخدمه

ـ
بلاد الخير عود وبي يصب نهرين
صح بي خير بس لكن يبعد العين
كل خير العراق العدنه من حسين

وصار الخير بي لمن وطاء جدمه
اجيت وجبت النه اللوعه والخدمه

ـ
كاصد كربله شد العزم مولاي
وبضعن الخدر راعي العلم حداي
عمت عين اليعوفه وعمت عين الماي

وقبله حسين دز للكوفه ابن عمه
اجيت وجبت النه اللوعه والخدمه

ـ
تلث يمه اجونه بهل ضعن يحدون
متريس ضعنهم راكب الميمون
ما نفرش ورد نفرشها كون عيون

شيعتهم فخر هل اسم نتسمه
اجيت وجبت النه اللوعه والخدمه

ـ
ضعن اصل النبوه ومعدن النوماس
عز ما بعده عز بالدنيه ما ينقاس
من هودج ام عون لريشة العباس

ضعن غيره وشجاعه ومرجله وهمه
اجيت وجبت النه اللوعه والخدمه


محمود محمد العطواني

تراثنا ـ عزاً لنا

ـ
اللطم لجل الحسين و ولده والساقي
مـن جَـهـنـم بـيـوم الـحـشـر واقـي
الشوط الـكـربـلائـي بـكـل وكت باقي


((زينب لفت يم الحسين ـ لجن كابعه بالهم
تكله يا ضوه عيوني ـ عليمن هل فزع ملتم))


اطوارنا ـ عزاً لنا
تراثنا ـ عزاً لنا



ـ
وحگ ذاكه الرجع من النهر مكسور
بلا هاي القصايد ما يصح عـــاشـور
والتجليبه يا محلاته هــذا الـــطـور


يبني الضيعتني بضيعتك مني
دوهني زماني بيك دوهــــني

ـــــ
دوهـنـي زماني وتاه مني الراي
يلب حشاي يالمنگطع من حشاي
يـماي  العين عگبك نزل بيها الماي
ظني چان بيك وخيبت ظني
ــــــــــــــــــــــــــــــــــــــ


اهاتنا ـ عزاً لنا
تراثنا ـ عزاً لنا



ـ
اللطم عـنــد الروافض والله ابد ما شح
اليصح بس الصحيح وغيره ابد ما صح
وقصايدنه شحلاها بـطـور الـمـــوشـح


زلزل العالم مصابك يا وحيد
يا جريح ويا ذبيح ويا شهيــد
ـــ
اه ما والله يبن الـــمــصــطـفه
الجرحك البجبودنه يحصل شفه
ومشعل مصابك فلا ساعه طـفـه

وبحشه الاسلام للمحشر وجيد


ابائنا ـ عزاً لنا
تراثنا ـ عزاً لنا


ـ
شبلنه امن الزغر يحضر حسينيات
امه امن المهد تقرالـه لـطـمـيـات
بطور اهل النجف يهوه الثلث دكات


((لمن توجه للنهر حـامـي الـضـعـيـنـه
جم طفله ضلت جم طفل تربيله عنيه
يا ريت يسراه سالمه وتسلم يمينه

خاف القدر ميرجعه لخيمة عضيده))


امجادنا ـ عزاً لنا
تراثنا ـ عزاً لنا

ـ
بـعـاشـور بـمـحـرم ذبـحـوا عـزازي
وبدينه احنه العقيله وفاطمه نعازي
بدار الشيعي تسـمـع طـور الـهـوازي


((يا دار الاهل يا دار يا صوب ارحلوا عنج
شالوا والمسير ابعيد ما يبطل بعد ونج ))


الحاننا ـ عزاً لنا
تراثنا ـ عزاً لنا


محمود محمد العطواني

اهوازيه ( للعليله )

يا نوك الاهل يا نوك اعليج مجاني جا وينه
ارضه بهزله مو مكعاد لو اركب وي سكينه

ـ
رحتي وحمليتي وياج وين الغالي والغالي
جتال الاهل المرسال وانه الفركه جتالي
كد ما انطر اعله الباب يعلم بابنه بحالي

جنت اتمنى ابو السجاد بهاي النوك حادينه
ارضه بهزله مو مكعاد لو اركب وي سكينه

ـ
كل ما اوكف اعله الباب اذكر جدتي الزهره
واسمع باب داري يكول ويحاجيني بالعبره
بالطف مو اباب تصير بحوافر باجر العصره

لو رحتي ويه ابوج هناك وي عمتج تلمينه
ارضه بهزله مو مكعاد لو اركب وي سكينه

ـ
يا نوك الاهل يا نوك اخذتي وياج عافيتي
الف يا حيف راعي البيت بفراكه نهجم بيتي
حنينه النوك كالوا عود ريت عليه حـنـيـتي

وي ام الكمر ضليت والمدمع يـواسـيـنه
ارضه بهزله مو مكعاد لو اركب وي سكينه

ـ
عيوني لوالدي الصنديد والعباس مشتاكه
الاشوفه منين ما اندار ما اكدر على فراكه
وي دموعي ما ينقاس نهر العلكمي وراكه

ابوي الكلي اردن ليج يل علويه تـانـيـنـه
ارضه بهزله مو مكعاد لو اركب وي سكينه

ـ
اشوفن خنصر وجفين واحلم بالطفل ضامي
واتمناه طغاة احلام وما تتحقق احلامي
واسمع رمله تبجي تصيح وا ويلاه يجسامي

وعمي اعله النهر مطروح عاميها السهم عينه
ارضه بهزله مو مكعاد لو اركب وي سكينه


محمود محمد العطواني

لمولاتي العليله

رحت ـ يل حملت عافيتي رحت
متت ـ من ما لكيت مجاني متت

يا غالي بعدك جريحه احوالي ما باقي بس خيالي
وحدي بجروحي

بدموعي بس الدمع موضوعي بردانه حيل ضلوعي
يمدفي روحي

يا بويه بعدك حالي بالويل
بل يمته ترجع يخلص الليل

ـ
الم ـ يل من رحت عايفلي الم
خيم ـ بروحي توج يوميه خيم

بالفركه كوه النفس لو شهكه روحي تحن للملكه
جا يمته ترجع

بدلالي يل ساكن انتَ ابالي نوحي اعله هجرك عالي
بنياحي اسمع

يا بويه اسئل عتبت الباب
يوميه انطر يمها الاحباب

ـ
سهر ـ مرافك يبويه عيوني سهر
قهر ـ كل مسه وكل اصباحي قهر

حاجيني حط جفك بجفيني وينك يقرة عيني
يا بويه وينك

يا هيبه غالي ويشيخ النيبه الرايح بعد شيجيبه
رايح حنينك

عبدلله لو عايفلي يا جان
هون عليّ وحشة هل مجان

ـ
ضمه ـ فراكك عطش يا غالي ضمه
سمه ـ يل جنت تارس عيني سمه

يل رايح بحلامي شفتك طايح عل غبره دمك فايح
احاه يغالي

يا ويلي مصابك يفتت حيلي مصباحي يشبه ليلي
مشلول حالي

بحلامي شفتك حيل ونيت
وداعي طغات احلام يا ريت

ـ
ترد ـ ما ضل امل يا بويه ترد
ورد ـ ماي انتا بويه وانه ورد

يمعدل تدريني بعدك اذبل والفركه صارت منجل
تحصد بالافراح

هاهيه منك كطعت الجيه مجانك يبويه الريه
مو فوك الرماح


يا راعي بيتي البيت مهدوم
ماضلي منك بس الهدوم


محمود محمد العطواني

يا عباس من سيفك ردت راده

ـ
اعرفنك كفيلي وتسمع النخوه
احلفنك يخويه بداعت الخوه
من عندك ردت يا خويه بس رجوه
خلي الروس منك كون تتچوه

وابشري وكافلج انه الكمر ناده
يا عباس من سيفك ردت راده

ـ
يكلها اني الي مني انخلقت الغيره
لاخلي جيوش خالي باجر بـحـيـره
كل راس الاذبحه هـنـا بـتـكـبـيـره
و وجهه الجيش باجر المن يـديـره

يـتـيـه مني باجر حتى مشراده
يا عباس من سيفك ردت راده

ـ
المثلك بالحرب يا خويه ما اكله
يابن الما سكت فد يوم عل ذله
ضيگ كربله عليهم يابو الحمله
شما تصعب عليك المعركه سهله

وعلگ روسهم بحصانك گلاده
يا عباس من سيفك ردت راده

ـ
الموت بكربله مو كلـمن ويـومـه
الموت اليدنه من كفالي بالحومه
ميلحگ الـشـارد يـنـزع اهـدومـه
وهيه الكاع كاعه بـكـيـفه محكومه

وخل يذوگ خدكم سطرت الساده
يـا عـبـاس مـن سـيـفـك ردت راده

ـ
راية كـافـلي مـا يـوم طـبـگـهـا
ودوم بنص جيوش الناصبي يادگها
ربات زلام ابد ما منوكل حگها
وكل جيوشهم بگعابه يسحگها

ما يستنكي بس شيوخ والقاده
يـا عباس من سـيفك ردت راده

ـ
اخيج اني اخيج يا نضر عيني
وما يحتاج يا زينب تحشميني
لاخلي الجيش هذا اليوم تدريني
شط من الدمه ما بينه وبيني

ومن سيفي اليريد يحصل مراده
يا عباس من سيفك ردت راده



محمود محمد العطواني

هذا انه عباس ـ صاح الكمر لـمـن نــزل
هذا انه عباس ـ تربات ابو الحمله الفحل

ـ
من هد على الكوم ـ شافوها الَنجوم
وكت الضهر يم النهر

كال انه هل جاي ـ ولجودي رواي
وارويها من عدكم صَقر

سيفي انـه صـيـاد ـ للـمـالـه رداد
غير انه ابن فارس مضر

هذا انه موجود ـ والسالم يعود
هل حاله صارت ما ندر


هذا انه عباس ـ اذبحكم بسيفي بعـجـل
هذا انه عباس ـ تربات ابو الحمله الفحل

ـ
صاح انه صنديد ـ وابـن الاجـاويـد
ربانـي قـتـال الـعـرب

ما اتعب بيوم ـ تشهـدلـي الـعـلـوم
بسمي المثل والله انضرب

بـيـه يـعـرفـون ـ مـنـي يـرجـفـون
ما يرجع لبيـته الـكـرب

سيفي مِن يصوم ـ يفطر عل الدموم
سيفي على دمهم طرب

هذا انه عباس ـ والـيـسلم يسموا بـطـل
هذا انه عباس ـ تربات ابو الحمله الفحل

ـ

من يخزر الجيش ـ يهتز مثل ريش
من صارمه الكون ارتجف

منه الذي فات ـ ينعد عالموات
تربات الي بكاع النجف

صاح انه والواي ـ عازم على الماي
وافنهيم العل شط حلف

واليكرب يصير ـ من المخاسير
وانه الذي سيفه انعرف

هذا انه عباس ـ يا زلمه لحـدودي وصـل
هذا انه عباس ـ تربات ابو الحمله الفحل

ـ
تربات الخيام ـ عالذل ولا نام
وام البنين الرتبه

ما طاحت بيوم ـ مرفوعه للدوم
بين العشاير رايته

لو بيهم يصيح ـ تخنكهم الريح
ما ثنه صوته وضربته

وصاح انـه كـفـال ـ لـلـربـت ارجـال
واخته اعز من دنيته

هذا انه عباس ـ اعضم مره بـوكـتـه كـفل
هذا انه عباس ـ تربات ابو الحمله الفحل

ـ
الما يعرف الخوف ـ ما عز الجفوف
فدوه انه كال لسيدي

صاح انه عباس ـ افنيها هالناس
كلها بأمر من قائدي

عاشك للحروب ـ وكلبي تره يذوب
بيها مثل ما والدي

عنده الحرب عيد ـ ورباته صنديد
بيه الاشواس تقتدي

هذا انه عباس ـ اشبه علي خـيـر الـعـمل
هذا انه عباس ـ تربات ابو الحمله الفحل


محمود محمد العطواني

ابن الحسن هذا وربات دلاله

ـ
أني انا شبل الحسن من ناده
خله المعسكر يخلّه من القاده
غاضب تعنه ربات شيخ الساده
وينادي وين العلى عمي تماده

وين من سيفه يفر ـ ابن سعد اويه الشمر
الزلمه من يمه يمر ـ ما يكوم الـيـنـسـطر

يا زلمه بيهم مسعتد يدناله
ابن الحسن هذا وربات دلاله

ـ
ابن الحسن هذا الفحل ترباته
وارثها من عمه الكمر خزراته
مثل الحسين تهل نده حجايته
وحيدر علي الكرار جن صولاته

هذا تربات الشيم ـ عزمه يرعب من هجم
من طلع من الخيم ـ شمعه شايله وعلم

نسل الهواشم بزرت العياله
ابن الحسن هذا وربات دلاله

ـ
شردت الوادم لمن اتعناها
وجفوفه من دم الزلم حناها
وذيج الصفوف بكربله طشاها
هاشمي واباله الزلم حطاها

وشيفضها طلابته ـ هاشميه غيرته
ما يثني بضربته ـ بي تنخت عمته

ومحلاته فوك حكيلته المياله
ابن الحسن هذا وربات دلاله

ـ
هل من مناصر ناده عم القاسم
يا عمي ابشر كله وانه الخادم
لفنيها عن بكرت ابيها الوادم
يا عمي لخيامك اليكرب واهم

عليهم ابن العود هد ـ من زئر مثل الاسد
جيشهم خله وشرد ـ وره التل كله لبد

بالصحره دمهم شبل حيدر ساله
ابن الحسن هذا وربات دلاله

ـ
معرس عليهم هد حلات لثامه
جنه الحسن لمن لبس هندامه
ومن شال سيفه وبيده شد حزامه
ركض زلمها وما بقت كدامه

بجدمه داساها الزلم ـ هذا جاسم والنعم
هد عليهم مبتسم ـ جا بعد هوه الشهم

يكسر الخاطر جيشهم ضل حاله
ابن الحسن هذا وربات دلاله


محمود محمد العطواني

تيهتك يخويه وفكري ضل حاير
وكلت خـل اتـبـع اثـار لـلـحافـر

الخيل خويه السحگتگ دلتني بيك اثاراهـا
جيت اكلـلـك تره هالـكوم شــبـت نـارهـا

ـ
اجيتك والـدلـيـل اثار ـ حوافر خيل سابينه
وجبتها ويايه يل المذبوح ـ عزيزة كلبك سكينه
ولازم بيده سوط هناك ـ خولي يدور اعلينه

خويه الحك بناتك كوم ـ ما ترحم سياط الكوم
يل ما يحله ليـك الـنـوم ـ نـسـوه وغربه تدرينه


اجيت وبالمخيم عفت علويه
دم متروسه اذنها بلايه ترجيه

تنادي يا بويه العده من يمنـه اخذت ثارها
جيت اكللك تـره هـالـكـوم شـبـت نـارهـا

ـ
جـسمـك سـورة الـتـوبـه ـ وراسك بسمله صاير
وجدنه المصطفى المختار ـ الجان لجيتك يناطر
عـلـى صـدره نـزل قـران ـ وعلى صدرك نزل حافر

بصفين انرفع مصحف ـ وراسك منرفع بالطف
و الله بـغايـتـك أعَـرف ـ من الداني والكافـر

اعداك تجيبهم تاخذهم حـجـايـه
وبس سبعينك الفهمو شني الغايه

وعداك من بعدك اجت بنارها اويه حجارها
جيت اكلـلـك تـره هالـكوم شــبـت نـارها

ـ
اجيت بضهري عفت ارماد ـ ما ضلت ولا خيمه
والبحضنك ربن يحسين ـ عگبگ ترسن الـهـيمه
دمعهن تارس الوجنات ـ وتلكه بكل جفن غيمه

يبجن والدمع مدرار ـ ولو شردن تره امن النار
سياط يلاكن اويه حجار ـ من الي بلا شيمه

ذبـاحـك اجـانـه ونـهـب صـيـوانـك
و وحده بوحده لاذت خويه نسوانك

خاف ما عندك علم بالعيله شنهي اخبارها
جيت اكللك تـره هـالـكـوم شـبـت نـارهـا

ـ
من حد الخيم للتل ـ كل عثره اصبحت شيبه
وجسمك تارس التربان ـ كبالي مطشره الهيبه
الدلال اجفاك شال وراح ـ ودلالك خويه شيجيبه

التعبهم قـبـل عـزمـك ـ ضربونه وخذوا هدمك
وشمرهم لو ذكرنه اسمك ـ متنّه برضبته يصيبه

شمرهم جاب نحرك يمنه من شاله
و وي فجر اهدعش حضرهن احباله

والي من سيفك شرد بحباله زينب جـارها
جيت اكللك تـره هـالـكـوم شـبـت نـارهـا


ـ
اجيت وجيتي صحوة موت ـ يل جسمك خطف لوني
مـنـك خـويـه مـن رديـت ـ على الاموات حسـبـوني
بيـهـن مـا اهـم بالـشـوف ـ اهـم لـدمـعـي بعيوني

يل جنت الهوه لعمري ـ بعدك ما عشت تدري
يحسين انسلب خدري ـ والمسبـيـه سـمـونـي

لوما بـالـحـرم وصيت ما اعوفك
يعيش شلون هوه الطايح يشوفك

وداعت الخلف الجذع منغرس بسمارها
جيت اكللك تـره هـالـكـوم شـبت نـارها


محمود محمد العطواني