سفره ومو هودج عل هزله
وروس خواني امتاع الرحله

دم سيف اليحدينه •• من منحر والينه

••*••*••*••

سفره امــن الدلال لـســوط الانذال والمنحر دربها
وزينب ويلي لمن ذبحو حسين هـــــم ذبحو كلبها
وشمرهم للنهر باوع يهل نــاس بسوطه من ضربها
وخاطر ما تفيي بجفها لحسين الحادي حباله ضبها

مانعها الحادي امن الدمعه
وكل ما تتعب يمشي بسرعه

وضل ايكرب بينه •• من منحر والينه

••*••*••*••

راسك ينحلف بي خويه جا ليش مشيول برمحهم
راسك منگطع بس باقي يحسين ليهسه اعلى منهم
ووحگ الما نساها الـخوه ويـاك يم ضفة نهرهـم
مــا شعلو مشاعل بالدرب غير راسك ضّوه الـهـم

وصاير راسك فـــيّ لعيالك
وروحـــي تأمن من تدنالك

ضِل شفته يحامينه •• من منحر والينه

••*••*••*••

عيون الخضرمه ما شايفه ام عون وشافتها الشماته
ووينه حسـيـن عنها وويـنـه عـبـاس عــن مـدللاتـه
وگطع راس الحسين الغالي ويلاه الذي گاطع صلاته
وكاشخ بيها اجانه وصلفه عيناه الـمـسـلـب عـبـاته

ومـن عدنه يمر كلما يلبس
بجفوفه السلاب المحبس

وترد تبجي سكينه •• من منحر والينه

••*••*••*••

اهـل البيت جنه وصرنه يا حيف هسه اهل الخرايـب
وجان اسمي ام سبع خوان بس صار هسه ام المصايب
و رقيه الــي تنام بحضن الحسين نـامــت عــل ترايب
ويــن اهل الخدر شوما يفزعون حـيـهـم يــآل طالب

نـذبـل كلما تنزل دمـعه
ومنكم منتضرين الفزعه

وباد الحيل البينه •• من منحر والينه

••*••*••*••

ارد بالاربـعـيـن لـجـسم الـحسين ونحره ويـاي ارده
وعلى كبره نسلم من على النوك ونوكع وحده وحـده
وتسئل بيه سكنه والدي حسين صدك عطشان بعده
وتـنـشد جرحه ويـنـه بمعصبي اليوم خـلـيـني اشده

وكال السجاد ودمعه يهل
لا مـتـچـفـن لا مـتـغـسل


ومنضر ضل بعينه •• من منحر والينه


محمود محمد العطواني

يبعد الروح اجينه •• لحضرتك يا ولينه

يغالي تشوف • اجينه زحوف
الك محلاه مشينه

•• •• ••

يشيخ الراي • الك مشاي • اجيت وبيدي شايل احله رايه
يماي العين • الك جايين • اهلنه وبس خدمتك عدنه غايه
التعب محلاه • صحت والله • انه امشيلك ولا اهم بالمنايه
يروح الروح • اجيت تنوح • الك عيني وبعد محلاها هايه

اعله دربك يا امامي • نزلك دمعي دامي

الدرب محلاه • تره الينساه
بعد خل تعمه عينه

يغالي تشوف • اجينه زحوف
الك محلاه مشينه

•• •• ••

وحك عباس • ابو النوماس • اجيت وما تهمني انه المسافه
ضريحك كون • انه الممنون • اذا دلالـي مــن ابعيد شافه
شحلات الموت • اصيح بصوت• اذا يمك ولا اكولن حسافه
المريض هنا • صحت والله • يغالي بدربك هنانه ايتشافه

وحك المنطي جفه • المريض هنانه يشفه

اليجيك ايطيب • ابد ميخيب
اذا انتا التعينه

يغالي تشوف • اجينه زحوف
الك محلاه مشينه

•• •• ••

اشد حزام • الك كل عام • ابد ما ابطي عن دربك يغالي
ولا انساك • انه الاهواك • انه العل مدمع مخلص الليالي
يبعد الشوف • الك ملهوف • اجيتك وانتا تعرف شنهو حالي
بقيت وياي • انه المشاي • ابد ما فاركت يحسين بالي

اعله حبك علمتني • ابد ما فاركتني

عشت وياي • الك دنياني
الك عمري وسنينه

يغالي تشوف • اجينه زحوف
الك محلاه مشينه

•• •• ••

اجيك بحيل • ابـد ميميل • اذا اتـعـب فلا تـحسبني احبك
شكثر فرحان • انه التعبان • احسن نعمه يل محبوب تعبك
صحت يحسين • انه اعالعين• ارسمك يا بعد روحي واكتبك
واذا مـالـوم • اذا مـهـمـوم • اطيـبن سيـدي بـساعة اندبك

وحجو عني الاعادي • وكلت ميهمني عادي

فلاِ يهمون • اليبغضون
اذا راضي علينه

يغالي تشوف • اجينه زحوف
الك محلاه مشينه

•• •• ••

انه الملهوف • اجـيـك زحوف • اريـدن فيّيك تـخـلـي عليه
يشيخ الناس • انه اعله الراس • اخلي عكالي ترب الغاضريه
يبعد العــين • الك ماشـين • اجـوك لحضرتك يابن الرضيه
يابو الـسجاد • اجــتي اعداد • الـك كـثـره بكثر مـدمع رقيه

الحسبهم ايده تتعب • وضريحك صحنه رحب

الصحن محلاه • صحت والله
يابو الروح الحنينه

يغالي تشوف • اجينه زحوف
الك محلاه مشينه



محمود محمد العطواني

عـل جـدم عـنـايـه ـ بيدي رفت رايه
جيت الك مشايه ـ يمولاي الك جاي

ـ
وداعت امك الراضيه الـمـرضـيـه
من يخلص صفر احسب على الجيه
انــه شـعـنـدي غـيـر الاربـعـيـنـيـه
من كل كلبي ادعي تصير يـومـيـه

دربك جا بعد يحسين مالي العين والرجلين تهواه

الزاير يشبه التكبير وجه الخير فَيه الطير فوكاه

كلبي وي اجدامي ـ اتسابكن كدامي
من لبست احزامي ـ يمولاي الك جاي

ـ
اكل للكلي شنهي الفايده بتعبك
ميضيع التعب يا سيدي بوجهك
اتيه داري بس ما تيهت دبرك
يل تحسبها زوارك مثل اهلك

هله تنكل هله امن تكول تعبي يزول يل مدلول ويروح

بابك حاشه يل مضلوم ينسد يوم لا بل دوم
مفتوح

حاشه ينسد بابك ـ سيدي اعله احبابك
حطني اسم بكتابك ـ يمولاي الك جاي

ـ
حسبت حساب من زغري وعله النيه
الرايه الـبـيـهـا اسمك يـعـنـي عـلـويـه
من اعكدها احسها تكلي مـكـضـيـه
طبعها توراد اويه المره الـبـدويـه

رفيقة دربي يا مولاي وبممشاي دوم وياي يحسين

كون انحطها فوك الراس من تنباس كلها احساس وونين

بيدي يا مذبوحي ـ جني شايل روحي
وجدمي للطف يوحي ـ يمولاي الك جاي

ـ
رايه اقماش لاجن ابد ما تعتگ
وعلى طول الدرب حاشاها تتطبگ
شما هزيتها شمس الله تـتـشـبـگ
وهواها من ترف منه الهوه يشهگ

يا مولاي بيرغ جاه يا محلاه والجواه مرفوع

كلمن شاله راسم بين عين وعين درب حسين بدموع

بيرغك يل غالي ـ مهجتي ودلالي
وانت تعرف حالي ـ يمولاي الك جاي

ـ
من كل بقعه اجينه وكربله المسره
وشمحله الدرب بي فاطمه الزهره
ما بينه التعب وتوچد بـضـهـره
تعبنه يزول كله بشوفة الحضره

يل مذبوح وبكل عام هل خدام فرد احزام شدوه

والزوار وكت الزاد كلمن راد يعبر غاد منعوه

فشله من الزاير ـ ما نضيفه وعابر
انفذ احنه ويامر ـ يمولاي الك جاي

ـ
وحك البات بفراش النبي وهاجر
من بيت اهلي اعزنه اكثر الـجـادر
عدنه اليمشي حافي فشله هل منضر
واول حافي انه بمشيتي اتفاخر

الزاير حافي الك مشاي لجلك جاي يا مولاي مهيوب

كلبه يفور لملاكاك جي يهواك جي سماك محبوب

عمري عاش ابجالك ـ و واجب اتعنالك
تعبي بس يحلالك ـ يمولاي الك جاي


محمود محمد العطواني

حيدره باب العلم ••• والحسن باب الكرم

•••

العنده حاتم خل يضمه من نسولف عالحسن
زينب ونسوان هــاشــم جــا بعد بــي ينتخن
للغريب ابــن الـزجيه مستعد يــكــرم وطــن
وزاده لــو مــا بـي ملذه الـ بالسمه مــا وچرن

من زغر سنه الحسن ••• عالعزوبيه انفطم
حيدره بـاب العلم ••• والحسن باب الكرم

•••

نــار كـُسـرى بـنـاره ضـاعـت يـوم فَوّر دلته
وراحت الضيف اليطبله عنده اعز من چبدته
قمه جان امن التواضع ودوم جانت عادته
موش متصدر مضيفه بيده يفرش سفرته

العنده حاجه وطب اله ••• ابد ما يوم انهضم
حـيـدره بـاب الـعـلـم ••• والحسن باب الكرم

•••

عل الحسن عدهم روايه تناقلوها اهل الدجل
بالفروسيه اعله كــده وجان مــو كلش بـطـل
رايد اسئلهم واكـلــهـم للسؤال انطوني حــل
منهو يا ناس الي طاعن بالرمح ذاك الـجـمـل


ياهو مثله بـهل الخلگ ••• هذا ابن سِيد الامم
حـيـدره بـاب الـعـلـم ••• والحسن باب الكرم

•••

خرسه كل الدنيه تصبح لمن يدك هاونه
وكلمن يطب لمضيفه يصير اعز امن الضنه
العرب ثلث ايام جانت ضيفها ينام بهنه
والحسن يتمنى ضيفه يبقه بمّضيفه سنه

اجبال يطحن هاونه ••• ومـوگـده بـنـار انـضرم
حـيـدره بـاب الـعـلـم ••• والحسـن باب الكرم

•••

يـرعـب وجـانـت صـفـاتـه كلها تشبه والــده
واسمه لو واحد يذكره ترجف كلوب الــعــده
جان مو بس حطب يشمر حتى روس بموگده
وغصبان اعليهم صفاته بكل كتبهم خــالــده

ومن بعد حامي الحمه ••• صار اهو والي الحرم
حـيـدره بــاب الـعـلـم ••• والحسـن باب الكرم



محمود ومحمد العطواني

هذا الحسن ـ شيخ الكرم
بس دلتــه ـ تضاهي الهرم

هذا الحسن هذا الحسن
ـ

هذا الحسن من ينذكر طاريه
اجــلالاً ادنـكـلـه الـعـزوبـيـه
ودلاله حاشه بيوم ما مجـفـيه
ولو تنجفي تميل الكره الارضيه

يــا هـاونــه ـ كل ما يدگ
اهل الشرك ـ بي تنسحگ

هذا الحسن هذا الحسن

ـ

للكرم يل سويت صـيـت وسـمـعـه
ونلكه البخت بمِضِيفِك امن نضيعه
تتلكه ضيفك ركض مـثـل الـفـزعـه
وقــانــون العزوبيه انــتــا مـشـرعـه

عـنـدك كـرم ـ ما ينوصف
وعندك بخت ـ بي ينغرف

هذا الحسن هذا الحسن

ـ

ضيفك وحي امن الزغر بيه تهلي
يبن الذي يعـزب وهـوه يـصـلـي
غيره منو محبسه مـنـطـي كـلـي
كد ما كريم وياي شايل حـمـلـي

وهذا الشبل ـ مــن الاسـد
بكلبي نصب ـ خيمه و وتد

هذا الحسن هذا الحسن

ـ

يل علمت عباس من عـنـادك
وانطيت كل الناس من مرادك
محشي بدراهم يل تقدم زادك
ولجل ابو اليمه عزبت بـاولادك

يل قاسمك ـ وجه الشمس
عـزبـتـه بهدوم ـ الـعــرس

هذا الحسن هذا الحسن

ـ

ما فرغ بيتك يـوم مـن الـخـطـار
خيرك الواصل دوم حد لسابع جار
ويعزب بـحـيـلـه ابو الراس الحار
حاتم الطائي كبال صيتك محتار

من موگدگ ـ غارت صَقر
نــارك تــره ـ تـسـر النضر

هذا الحسن هذا الحسن

ـ

عندك كرم وهواي بي جم عبِره
ما ترضه الك مولاي نرفع حضره
وتكول زحمه شلون من الزهره
ولهسه كلبك بي صواب العصره

يا لوعتي ـ ويا لوعتك
اللهَ يساعد ـ حالتك

هذا الحسن هذا الحسن

محمود محمد العطواني

قصيدة :: شهر حسين
اداء الرادود :: مصطفى الحميداوي
كلمات :: محمود محمد العطواني

محرم الحرام ١٤٤٦هـ

رابط القصيدة للمشاهده 🔗🔗👇
https://youtu.be/1xAmhsNhXbc?si=WzQTqFoI7nWt9038

#للمشايه
قصيدة :: وية جدامي
اداء الرادود :: علي محمد رضا
كلمات :: محمود محمد العطواني


رابط القصيدة للمشاهده 🔗🔗👇

https://youtu.be/dyDfO8Qic08?si=if513-wYot9GSZwT

قصيدة :: راية المشايه
اداء الرادود:: مصطفى الحميداوي
كلمات :: محمود محمد العطواني


رابط القصيدة للمشاهده 🔗🔗👇

https://youtu.be/c7mF2tZdHu4?si=DeHP4nTKAhcDMmjB

اخافن لا اموتن بـالسنه الجايه
وما ابجيلـك وما امشي مشايه

•••.•••.•••.•••.•••.•••

احلفك بالمشت عـالهزله مـسبيه
اريدن فضلك يضل كل سنه اعليه
انه الــكل عام اخدمك بيه ما بيه

وما انساك لامك منطي الحجايه

•••.•••.•••.•••.•••.•••

شاني ارفعته من دموعي طاحتلك
وعشت عيشت ملوك بساعت اخدمتك
ومثل ذيجه السنه يحسين من كتلك

طوّل عمري حتى اقرالك قرايه

•••.•••.•••.•••.•••.•••

طوّل عمري مو طمعان بالدنيه
ولا خاطر تشم هذا الهوه الريه
اريدن كون الك احضرلي لطميه

والطم والمدامع تنزل هوايه

•••.•••.•••.•••.•••.•••

طوّل عمري لجل الخدمه بالموكب
ولـزوارك اوكــف سـيـدي مـعــزب
بالعام اليجي عطـرك اريـده ايـهـب

واشتمه اريدن واحزن برايه

•••.•••.•••.•••.•••.•••

صحت من مجلسك ماريد تحرمني
وبالعام اليجي يــحــســيـن وفـقني
لـعـزائك يابو الاكبر هـم تـحـزمـنـي

واترف كون بيدي بكل سنه الرايه

•••.•••.•••.•••.•••.•••

خايف لو اموتن مـن يـدفـنـونـي
بلون ابيض يحيف اهلي يچفنوني
وانه المتعود اسود دوم الك لوني

مو من موتي خايف خوفي من هايه

•••.•••.•••.•••.•••.•••

اعرف لو اموتن انتا تـحـضـرني
ومن عيني البجت لجلك تقبلني
ومثل لزمة رقيه ادريك تلزمني

ولجنة عدن تتمشه ويايه



الشاعر محمود محمد العطواني

ميمر مشترك

قصيدة :: العودة للاربعين

▪️اداء :: الرادود سيد مصطفى الموسوي
▪️وايضاً :: الـــرادود علي نجم الكناني
▪️كلمات :: محمود محمد العطواني

هيئة خاتم الاوصياء


رابط القصيدة للمشاهده👇🔗
https://youtu.be/052cZyCqymA?si=

استشهاد رسول الله (ص)


تدري بتك بويه شنهي اخبارها
فزعت اعليها العصابه بـنارهـا

🔗🔗🔗🔗🔗

صحت وا ويلاه اه يا والدي
حيره من يا سوط وياك ابتدي
تدري بيه اخلافك شسوه الردي
الكال عنك تهجر اعلي يعتدي

بويه ريحانتك حــركــوا دارها
فزعت اعليها العصابه بـنارهـا

🔗🔗🔗🔗🔗

علينه تدري الضيم بويه شكد سده
والمصايب هـــاي مــن اهل الـرده
الله لا يـنـطـي سـقـيـفـــة سـاعـده
منها ذبح حسيـن وعــيـالــه ابـتـده

والهزل والسوك من افـكـارهـا
فزعت اعليها العصابه بـنارهـا

🔗🔗🔗🔗🔗

بعده بيه صوابك الما ينجرع
وفزعوا اعليه الي ما بيهم سبع
اعليه يا بويه اندفع ذاك الجذع
وفوك كسري اعليك كسرولي الضلع

ومني يا بويه العده اخذت ثارها
فزعت اعليها العصابه بـنارهـا

🔗🔗🔗🔗🔗

بموتتك يا حيف هل دين انعدم
واعله اهل البيت جم غادر هجم
تصيح ربعك يال ثـارت الـصـنـم
نحرك الباب وغداً نحرك خــيــم

والوصيه الگيدت صـكـارهـا
فزعت اعليها العصابه بنارها

🔗🔗🔗🔗🔗

ويه اكل اذان ابـقـه اعليك احن
بفركتك ضل دوم يرهملي الحزن
ومنعت الانذال بويه اعليك اون
الله لا يـنـطي ابو كـلـمة (وأن)

والسياط اعله الـمـتن اثـارهــا
فزعت اعليها العصابه بـنارهـا

🔗🔗🔗🔗🔗

ويلي صحت بصوت يا بعد النضر
بين باب وحايط ولـيـدي انـعـصـر
ومن بـعد عـيـنـاك يبرالي الـقـهـر
وراح الحكك هيه حسبت جم شهر

وسر كبر بتك بقه امن اسرارها
فزعت اعليها العصابه بـنارهـا



محمود محمد العطواني

للمدينه لــو لـمـشـهـد تهمـل العين
بالرضا احتارت الدمعه وجد الحسين

حتار شوكي المن يزيد
والدرب كـلش بـعـيـد

•••_•••_•••_•••_•••

ليا فجيعه دموعي تنزل للرضا لو للرسول
ثنينهم روحي هوتهم والدرب ادريي يطول
فكري تايه يهل وادم والله حاير شارد اكول
بفكد ابوها لو ابنها بـيـمـن انـعزي الـبتول

وفاطمه تون المسيه والدمع سال
ثنيهم سـم الكـتلهـم بـيـد الانذال

والذبـح بيت القصيد
والـدرب كـلش بعيد

•••_•••_•••_•••_•••

دمعي المن هسه ينزل حاير وما عـندي بال
عيوني كـلت ثنين هـنـه بيـهـن المدمع زلال
وكـلـت اوزعـهـن عِيوني بالتساوي وبـعـتدال
للرسول اليمنه صارت وللرضا دموع الشمال

هل مصيبه شكد عضيمه اتهدل المتون
ومو دموع العين اطـيح كــون الـعـيـون

بالنواعي ابقه اعيد
والدرب كلش بعيد

•••_•••_•••_•••_•••

تراب من مشهد اريد ويثرب اشتم منها ريح
والهم شكد كلبي رفرف رايـد يبوس الضريح
والله لو عله اجتني وابـقـه بفراشي طــريــح
عيوني لو تنضر كببهم كـل مرض مني يطيح

هيه بالصوره المناير تشفي الجروح
شلون جا لو بالحقيقه تفرفح الروح

كبـة الـجـد والحفيد
والـدرب كـلش بعيد

•••_•••_•••_•••_•••

يهل وادم كبة خضره تنحني يمها الرؤس
ومن ذهب كبه شحلاها يمها ترتاح النفوس
مو النجمه تغار منهن منهن تغار الشموس
وحده المَحليه المدينه وثانيه الي مَحليه طوس

الهن شكد يهل وادم عطشت العين
هنه ذني يصيرن ابعد واحـلـه كبتين

بس اشوفنهن اريد
والدرب كلش بعيد

•••_•••_•••_•••_•••

كــون اروح وبالنيابه عـن ابـو صالح ازور
وربي احلفنه بمحمد ورضا ايعجل الضهور
نموت راح وما نشوفه يا كلبنه شكد صبور
ضلمه دنيانه تراها وهوه بس المهدي نور

بهل عزاء ارد ارفع ايدي وادعي هل يوم
ربــي عـجـل فـي ضهوره وزيـل الهموم

هل مسه المدمع يزيد
والــدرب كـلـش بعيد



محمود محمد العطواني

حسين العصر يرتقي في يوم طف جديد


#وداعاً_ابا_هادي

بداعت الي عِمه عيونه السهم
سجلي اسمي بسجلات الخدم

••=••=••=••=••

حبج تربع تره • بالكلب يل طاهره
وعندي اعضم مفخره • خدمتج

فيّ خدمتج احله فيّ • رايد اديمي عليّ
وكل رزق خيرات اديّ • خدمتج

والله يا اصل الخدر • كسري باسمج ينجبر
وعندي اغله امن العمر • خدمتج


وخادم لــو سمتني الناس
يصعد شاني ويعله الراس

ها
هيبه لو صار اسمي الخادم


يلي يمج وجــع روحــي انعدم
سجلي اسمي بسجلات الخدم

••=••=••=••=••

خدمتج اعضم كنز • كلها صيت وكلها عز
صرتي للخادم حرز • يـيمه

بضلعج احلف والطفل • خدمة الوادم تذل
وخدمتج اصل وفصل • يـيمه

بصايتج اسمي انعرف • والله يا منعى الشرف
وعالمجالس كلبي رف • يـيمه

وبالمجلس ما شيل العين
جيفن بـي انـتـي تحضرين

ها
چي موجوده ابقه مدنك


وبالمجالس ضلع صدري انهشم
ســجـلي اسمي بسجلات الخدم

••=••=••=••=••

راسي بيها شكد عله • هيه اصل المرجله
وبيها روحي مدلله • خدمتج

انتي اليبغضج هلك • وبامرج يدور الفلك
وبيها يحسدني الملك • خدمتج

والله يا ام الحسن • مجلسج اكبر وطن
وما تروح اويه الزمن • خدمتج


وهاي احنه اليوم الخدام
لـمـصابـج شدينه حــزام

ها
اللطامه متوزره اعليج


تلث روايات انـوح بـكـل آلــم
سجلي اسمي بسجلات الخدم

••=••=••=••=••

عيوني من كثر الدمع • اخذن اطباع الشمع
يبجن لكسر الضلع • يـيمه

ولو نزل يا فاطمه • دمعي لمصابج دمه
شاني يصعد للسمه • يـيمه

دمعي مو عن عاطفه • ولا رياء ولا عفه
ابجي من كد الوفه • يـيمه


الـينزلج دمعه ترفعي
ويا هينال الي التقبلي

ها
يا هنياله الاسمه تسجلي

واليبغضج مِــن الـجـنه انحرم
سجلي اسمي بسجلات الخدم

••=••=••=••=••

شما صرت وتصيرت • ليج ارد لو غربت
ارجعلها شما رحت • خدمتج

هيه صيتي وسمعتي • هيه عزي وهيبتي
هيه شيخي ورايتي • خدمتج

جوه جدمج جنتي • يا نعمتي ورحمتي
ومن تّضلم شمعتي • خدمتج


ولـو خـادم بـيـه تـقبلين
انذر عمري لجرح حسين

ها
واعله دموعي تحسدني الغيمه


بجمرت الباب احلفج والخيم
سجلي اسمي بسجلات الخدم



محمود محمد العطواني

اليفكد امه •• يعيش بضلمه

آويه دموعه اطيح احلامه
وبـلا ضحكه ايكضي ايامه

••••.••••.••••

الما يكله امه امن ايطب داره وكواك الله وليدي تـكـله
تضل بعيونه دموعه مخيمه وخوبن خل يموت احسله
يـهـتـز الفنجان احــذاهـا ومــا يــدري بـ آلام الـدلــه
والما فاكد امه شيدري وعالفركه يـكـول شـكـد سهله


المدمع زايد •• بس للفاكد

وبــس للنوح يشد حزامه
وبـلا ضحكه ايكضي ايامه

••••.••••.••••

حسين يسولف وي غاليته يحجي شويه ويبجي شويه
نسمه انتي ومو حفره امجانج كون نضمج وسط الريه
مـن ليلة دفـنـج للعاشر مــا طالع مـصـبـاح اعـلـيـه
الدنيه انتي الجنتي محليتها وهسه خلافج مـره الدنيه


بلا غاليته •• مضلم بيته

وحسرة كلبه بكثر اسهامه
وبـلا ضحكه ايكضي ايامه

••••.••••.••••

الزلمه شما يكبر بعيونه حضن امه يضل ملجأ روحه
والمن اول عمره تيتم الله الـيـدري شـكـد جـروحـه
الـفـاكد امه يصير مبين مـن دمعة عينه المفضوحه
يبجي شما يذكر كعدتها وبس الموت ايسكت نوحـه


وحشه سنينه •• وتهمل عينه

وبس اللوعه تصير ولامـه
وبـلا ضحكه ايكضي ايامه

••••.••••.••••

اليـفـكـد ام واخ دمــوعـه تـنزل مثل السيل وحمره
وحسين امه الكسرت كلبه والمحسن هم كاسر ضهره
وحركة فركاهـا الام تبقه بـكـلـب الفاكد مثل الجمره
وصدر حسين مجمر باقي لحد ما لعبت خيل بصدره


يبجي وينحب •• هوه وزينب

وحيدر يمـه يـدك عالهامه
وبــلا ضحكه ايكضي ايـامه

••••.••••.••••

بيت وما بي ام ما ينطب ومصباح العيد يضل وحشه
والشالو نعش امه اكباله بـعيونـه اهون شيلت نعشه
بطرف اهدومه يصير الفاكد يمشي ويتعثر بالممشـه
مـن كبر امه تـراب يلمـلم وفوك الراس يضل يطشـه


يشيل عيونه •• فوك متونه

وموش شماغ دموعه لثامه
وبــلا ضحكه ايكضي ايـامه




محمود محمد العطواني

لو نفترض ماكو الوصيه ـ وهجمو على دار الزجيه
جا من علي ما تسلم ركاب ـ وبيهم يسوي الغاضريه

ـ

لوما وصيّة طه ـ جان الزلم بجاها
وبلا ركب ساواها ،، تحت السقيفه

رايه عليها يفرضه ـ بالشرده محد يحضه
غصبان على الما يرضه ،، شيخ وخليفه

بحد السيف ياخذ حگه لو راد
كلها تموت لو كال احنه الاسياد

يا زلمه هذا اليمه يدنه ـ محد يضل لو كفها ردنه
يا طبرته ما خابت بيوم ـ جا حيدريه هاشميه
وبيهم يسوي الغاضريه

ـ

مو قصة مگيدينه ـ لا حيدر موصينه
واعله اليشوفه بعينه ـ لازم يصابر

موصي محمد كله ـ سيفك ابد لتسله
يا خويه همك حمله ـ يل تبقه حاير

اصبر كاله وخل غيضك يـهـيـد
بحرب الجمل رد ثارك يصنديد

خل ذولفقارك يصبر شواي ـ باجر وراه دم يا علي هواي
دمعه النزل دم يصبح اضعاف ـ طول الليالي الفاطميه
وبيهم يسوي الغاضريه


ـ

شحده الكرب من حده ـ سالم بعد شيرده
غير الذبح ما عنده ـ يا محله سيفه

لو بس يكف اردانه ـ محد يضل بمجانه
وشيطلب اعله السانه ـ كلشي اعله كيفه

آنه السمتني امي بصوت لو صاح
المحسن جان سالم بقه وما طاح

جان الضلع محد يصيبه ـ وما ينضرب خد الحبيبه
بس الله يستر من ابو تراب ـ حي الله حماي الحميه
وبيهم يسوي الغاضريه

ـ

امن فلانه اخذو رخصه ـ كالت تراه موصه
ما فوتوها الفرصه ـ ولد الدعيه

بيها بخت هل زمره ـ من هجمت اعله الزهره
يعرفونه حيدر صبره ـ موصيّ نبيه

ويعرفها القضيه شـيـخ الانذال
تره لو لا الوصيه (وان) ما كال

يدري بعلي صبره اليسكته ـ جا ما كدر يدفع زهرته
يدري بمحمد وصه ابو حسين ـ يصبر على ذيج الرزيه
وبيهم يسوي الغاضريه

ـ

ثمرة صبر والينه ـ باجر تبين لينه
جا لو ضهر مهدينه ـ يشهر حسامه

يرده عزيز العتره ـ ثار الزجيه الزهره
يصلبهم اعله الشجره ـ بسيف الامامه

باجر يضهر النه وياخذ الثار
ويحركهم بناره الشعلو النار

بعد الصبر تفرج يحيدر ـ المهدي يرد ثار التوذر
وثار الجبد والطبره والعين ـ وثار العبايه الزينبيه
وبيهم يسوي الغاضريه



محمود محمد العطواني

يبعد العافيه ويا شمعة البيت
ادخيلج ويـنـي اويـن التوابيت

ـ

يا غـالـيـتـي اجيبن مثلج مـنـيـن
عكبج حـالـي حاير بين الاثـنـيـن
اسكت روحي لو اسكت بالحسين

اموت وياج يام زينب تـمـنـيت
ادخليج ويـنـي اويـن التوابيت

ـ

ضلعج منكسر وكليبي مكسور
وما تحلالي بس كعدات الكبور
كل مغرب يمرني چفاج عاشور

يفاطم بالدمع عكبج توضيـت
ادخليج ويـنـي اويـن التوابيت

ـ

عكبج حيدره للـنـوح تـالـيّ
قـالع باب خيبر بـابـه يـاذيّ
تسگي اجم نهر ضلت بواجيّ

تغطيتي بترب وبـ هم تغطيـت
ادخليج ويـنـي اويـن التوابيت

ـ

ذبحني الباب حيف ورمحي بسمار
اون ضليت كـلمـا ازتـلـي خـطـار
واشـوف الباب ذاك وبـي اثر نـار

بفراكج يزهره انه الـتـچـويـت
ادخليج ويـنـي اويـن التوابيت

ـ

امن دموعي انمله يا فاطمه البير
واليدفن زهرته بعطره شـيـصـير
جـذاب الـيـكـلـج حـيـدر بـخـيـر

اعله ذوالفقار من امشي توچيت
ادخليج ويـنـي اويـن التوابـيـت

ـ

تهمل دمعتي واحجي اويه التراب
ومامش صوت يرجع من الاحباب
طاحت كل سنيني بدفعة الـبــاب

وكون بضلعي كسر الزهره يا ريت
ادخليج ويـنـي اويـن الـتـوابـيـت

ـ

منهو المثلي حط عمره اعله المتون
وهـوه شـلون يبجي الـفـاكـد عـيـون
ضلمه سنين عمري وصبحي مدفـون

انه مبجي الزلم وعليج ونيت
ادخليج ويـنـي اوين التوابيت

ـ

كلـمـا اطب حجرتج دمعتي تزيد
يل كلما اشوفج ينـحـسب عـيـد
واريدن بس اشوفج كلشي ما اريد

وا ويـلا يـام حسين نـاديـت
ادخليج ويني اوين التوابيت



محمود محمد العطواني

يا علي البسمار من صاب الضلوع
خلف بـابـك خـلـه فاطمتك تلوع
تصبح وتمسي بقيت اعله الدموع

سيدي اعله الصار الله يعينك

…

يل قلعت الباب يل ذل اليهود
ما اضن حيلك عكب فاطم يعود
شيبت يا حيدره بعمر الورود

شيبت يل هيبه كبل سنينك

…

غسلتها وللضلع وصلت اديك
والسماوات السبع طاحت عليك
جان الا شويه هم مغسليك

وويه فاطمتك علي مجفنينك

…

ادفنت نور نسنينك بعز الضلام
وصاحت دموعك على الفرحه السلام
عكب عين الزهره عينك ما تنام

وبعد ما نشفت يحيدر عينك

…

هوه داحي الباب بس فياره باب
وجرحه لليوم انه لا ماضنه طاب
هل مصاب الصار ما بعده مصاب

ادفنت عمرك يا علي بجفينك

…

من امر عبده عـلـى الزهـره اللعين
وهيه جانت عدها شيله وسبحه طين
صابها بسوطه الدعي كبال الحسين

وكال يا واليها اطلع وينك

…

اطلعت بس موصه يا اعضم امام
الثاني خليته بغضب حدر الجدام
بس ذكرت المهدي بايده الانتقام

وكتله يابن العسكري متانينك



محمود محمد العطواني

يا يمه حك رباي ـ لسكينه جربة ماي

اوصيك بوصيه وكون تسمعني
ماريدن جتف منك يــشـيعنـي

ـ
ها يا يمه يا عباس ـ تعبي اعليك ما ريده
من عدك اريدن هاي ـ وانت فارس البيده

اريدن هاي منك يا ضوه العين
مو تچوه لكبرتي تچوه لحسين


اعليك ارضه يا عباس ـ لمن اشيل الراس

اريد اتباها بسمك يل كمر يبني
ماريدن جتف منك يـشـيـعنـي

ـ
جفوفك مـا اريـدنـهـا ـ تهل تراب فوكايه
اريد جفوفك يطيحن ـ كبل ما توكع الرايه

صح هوه الـولـد لــلـكـبـره مريود
اهم من عمري لاجن يولدي الجود

لازم تـوصـل الماي ـ شي ابده من شي هاي

اريدن ترتوي زينب وتذكرني
ماريدن جتف منك يشيعنـي

ـ
عزيزه عليك واعرف هاي ـ بس ماردين بموتي
عـيـنك يـمـه يا عـبـاس ـ تـدمـع فـوك تابوتي

عليّ عينك تهل لا يبن الطياب
اريدنها بمثلث كـون تـنـصاب

عينك انه يالحيد ـ منها دمع ماريد

اريدن منذبح زينب تبشرني
ماريدن جتف منك يشيعني

ـ
ماريدك انه وياي ـ تنزل يمه للحفره
اردينك ثلث تيام ـ طايح كون عالغبره

انه بفاتحتي واكف يبني ما اريد
اريـدك طـايـح ولا راس لا ايـد

سالم الي لتعود ـ يوليدي ضحي زنود

اريدن فعلك لفاطم يقربني
ماريدن جتف منك يشيعني

ـ
بّر الام شرط عباس ـ وتباريني مـاريـدك
اريدك تمسح الاثار ـ يوليدي السبع بيدك

يا صـنـديـد هـا يـا زلِـمَـة الـزيـن
ارضه اعليك لمن يرضه الحسين

وللغيره اسمك تاج ـ تتوصه ما يحتاج

اريدن بـاجـر بلا ايد تشبـكـني
ماريدن جتف منك يشيعـنـي


محمود محمد العطواني