# جديد /فزاعية لمسلم بن عقيل ع

مسلم مات بالكوفه _ يهل ناس

وينك ياكمر _ الحك يعباس

___

احظر يالسبع مسلم بحيره
وعلى دمه تره التمت الديره
سفير احسين يدرونه ونصيره
وبدمه _ وثقهه الخوه
____

تعال ابضهر ابو محمد الليله
وخلي ازلامهم تصرخ دخيله
تعال تلوكلك يبن الكحيله
وخليها _ تتسايل دمها
___

فلشها الزلم وياهّ واتعاون
وطحنهم طحن بالرحى والهاون
كشخه جفوفك وبالموت يتلاون
معروفه _ جفوف الهيبه
___

غدروه الاعادي وحيل اذوه
ماكالو سفير احسين راعوه
بالكوفه بقه حيران خلوه
وبالكوفه _ مسلم ضل وحده
____

ضل الوحده وعطشان ياحيف
بالدينار كلهم باعو الضيف
كُتب أقبل علينه محرفه وزيف
وباعوها _ الجنه بدنيا
__
تمت بقلم مريم الصدر ✍️ العمل مهداة إلى صاحب الزمان عج
لا أجيز حذف الاسم 🚫
https://www.tgoop.com/mmm234mm

هل تريد أن يكون عزاؤك في محرم هذا العام مختلف؟

اهتم بـ #عيد_الغدير وانصر أمير المؤمنين عليه السلام بنشر مناقبه وفضائله ومحاسن كلامه ومشاهد من سيرته المشرفة..

وأعدك أن دمعتك في عاشوراء ستختلف

فالقضية العاشورائية بدأت من سلب حق الأمير في الغدير....

#مريم الصدر

جديد ١٤٤٧ هـ

عتيق العباس ج ٢

خاص للعباس ع


الشاعرة العلوية مريم الصدر

متوفر في مكتبة الغدير بغداد
لدينا توصيل لكافة المحافظات


واتساب فقط
👇👇👇👇
07711395580

ليس لدينا رقم اخر


https://www.tgoop.com/eheh10

كُل ذي نعمةٍ محسود
نبي الله يوسف عليه السلام
كادو له إخوته


اخوانة ذبو بالبير واتهموا بالسرقة
وشاف إشكال البلاء
بالتالي
الله جعله عزيز مصر
وصار يحكم البلاد وقطف ثمار صبره
صبراً جميل والله المستعان
وشكراً لله على كل حال من الأحوال

#مريم_الصدر

السلام عليكم خدام الحسين عليه السلام
الديوان بمكتبة الغدير خلص حالياً الي ماحصلت تتصل على المكتبة ثبت طلب حتى المكتبة توفرلكم
ديوان عتيق العباس خاص بالعباس ع

متوفر في مكتبة الغدير بغداد
لدينا توصيل لكافة المحافظات


واتساب
👇👇👇👇
07711395580
ليس لدينا رقم اخر

https://www.tgoop.com/eheh10

جديد /// 🔥🔥🔥
قصيدة لرأس الحسين عليه السلام
......

راس حسين ......يفتر بالدواوين
عليه زينب تون ....وتجري العين
.......
بعد حرك الخيام وسبي العيال
الراس اعله الرمح يا حيف ينشال
زينب حايره ومشدوهة البال
(وبالحومه ....اتلم بعيالك)
.......
بالحومه الزلم يا حيف نومه
وحسين الشهم مو هذا يومه
سلبوا عمتة وسلبوا اهدومه
(ومن ايده.....خنصر مكطوع)
..........
كطعوا خنصره وباكو محبسه
رادوهه ليزيد اله يلبسه
من ايد الطهاره لأيد نكسه
( الحك شوفه....وينك عباس)
..........
وعباس السبع هشموا راسه
وكطعوهه الجفوف بكل شراسه
الحره خلاف عينه ابلا حراسه
(اعله اجفوفه....زينب مكسوره)
........
ضربوهه الثنايا كبال زينب
رقية صيح بابا وحيل تنحب
وكدام العليل حسين ينسب
( مضلومه.....ذرية حيدر )
.............
ولقصر الاماره الراس ودوه
وبالتنور راس حسين ضموه
ويفتر ع الدول هالراس خلوه
(وهضموهه.....بروس اخوتهه )
...........
تمت بقلم ام زينب الموسوي
(مريم الصدر )اهدي هذا العمل لصاحب الزمان عج وصدقة جارية لوالدي وأخي رحمهم الله غير مبري الذمة من يأخذ المفردات وينسبها لنفسة

https://www.tgoop.com/mmm234mm

فقط بالحسين 💔

🆕#_ قصيدة (قصيدة _ خيرات الحسين ع)


اندليت الدرب _ بخدمة احسين

اكون ابخير _ اذا صبيتله العين
_
شغلني احسين عن القيل والقال
وبعدني من النفاق وغير الحال
بس يمك حبيبي راحة البال
ويم احسين _ الكيت الراحه
__
صاحب فضل ابو اليمه عليه
منه انترست وجفوفي واديه
اتشكر منه كل صبح ومسيه
ومن خيره _ الكل شبعانه
__
بسمك يبن حيدر عالي صيتي
يلحارسني كلي وحامي بيتي
على المذبوح دمعه لو بجيتي
اطفيهه _ النار الكبرى
_____
اريد بيوم ماكو اليفزعلنه
تحضر ياحسين وتشفعلنه
انته البيك خلينه املنه
وتمحيهه _ ذنوبي ابجاهك
_____
احلفك يابو الاكبر بالعقيله
تخف اعليه الهموم الثجيله
انته الما تعطل عن دخيله
وتفزعله _ الداخل عندك
___
بقلم #مريم_الصدر
العمل مهداة إلى صاحب الزمان عج
لا أجيز حذف الاسم 🚫
https://www.tgoop.com/mmm234mm

🔴دعاء الحسين في الطف

🔴اللهم أنت ثقتي في كل كرب، ورجائي في كل شدة وأنت لي في كل أمر نزل بي ثقة وعدة، كم من هم يضعف فيه الفؤاد، وتقل فيه الحيلة، ويخذل فيه الصديق، ويشمت فيه العدو، أنزلته بك وشكوته إليك رغبة مني إليك عمن سواك، ففرجته وكشفته، وأنت ولي كل نعمة، وصاحب كل حسنة، ومنتهى كل رغبة "
وحسبنا الله ونعم الوكيل
#مريم_الصدر

السلام عليكم
المنشور عام وليس خاص ✍️
والمقطع من مواقع التواصل
للأسف الشديد وصل الحال لهذا المستوى المتدني !!!!

الكشخة حلوة ومطلوبة ومهمة لكن مو بهالطريقة
يعني اليوم السيدة زينب عليها مكسورة بفقد وذبح اهلها واني اجي اتكشخ بعزاء اهلها ؟!
زين _ خلي نجي نقارن بين مجالس عزاء أهلنا على سبيل المثال ( فاتحة احد افراد عائلتنا ) معقولة نكشخ بهالطريقة هاي ؟؟؟؟
زين اذا ( لا ) معناها أهلنا اعلى مقام من أهل البيت عليهم السلام وحاشاهم أكيد
فهاي الفديوات بيها أذى واساءة لآل البيت ( ع )
وبيها غيبة علينه كشيعة
فخلي الزهراء عليها السلام كدام عينج بكل خطوة تخطيها لأجل أولادها ( ع )
وللأسف هواي متفاعلين مع هكذا نوع من المنشورات وصار واحد يقتدي بالاخرى بالطريقة الخطأ
ولاحول ولاقوة الا بالله العلي العظيم

اللهم وفقنا لخدمة الحسين وتقبل منا واهدنا لما تحب وترضى يارب العالمين
#مريم_الصدر

الشوارع ممتلئة بمعاوية
لكن بثياب الحسين ( ع )

الواقع للأسف👌

        قصيدة ثكيله
من ديوان
#عتيق_الحسين_الجزء_الأول


  ( سفينة النجاة )
قال الامام الصادق( ع) (كلنا سُفن نجاة ولكن سفينة جدي الحسين أوسع واسرع يأمن من ركبها )


سفينتنه الحسين وبيهه ننجه
وهنياله اليضل يمشي اعله نهجه
واليركبها فائز / ويحصل جوائز
سفينتنه الحسين وبيهه ننجه
سفينتنه الحسين وبيهه ننجه


سفينتنه الحسين واهل بيته
بخدمتهم تره تربح هديته
الهدية من الزجية تعلي صيته
وختم حيدر علي هوه هويته
هوية اتصير اله كون / الخادم هوة ممنون
بيهه اعله الصراط ايصير زجه


سفينتنه الحسين اكبر سفينه
ريحانة رسول الله ونبينه
بعبربتنه على مصابك بجينه
دخيلك سيدي لتعوف ادينه
دخيله ابابك انه / لاتكطع رجانه
العبد المثلي بالمولى ترجه


توجهنا بك يحسين لله
نترجاك بدموع والف اه
اليخدمك من صدك تحسنها عقباه
ومن ضيم الوكت مولاي ترعاه
وتعجلنه بظهوره / وكبر امك نزوره
ومن نصرة امام اعلينه حجه


نضل خدامك ليوم المنيه
تبيض اوجوهنا يم الزجيه
وخير الزاد خدمه بصدق نيه
وطول العمر دمعة اتضل جريه
دمعة ولطمة اصدور/ وخاطر بيك مكسور
اخلاف احسين حالتنه محرجه


باجر بالفلك مضمون المجان
والتتواضع ايخلوهه قبطان
ومهتمنه تصير كتابه والحان
وي زينب نسوي عزه النسوان
وانشارك حزنهه / وانون اعله ونهه
وكلبهه من الجمر احنه نثلجه


بقلم #مريم_الصدر
لا أجيز حذف الاسم 🚫
https://www.tgoop.com/mmm234mm

ملاحظة الديوان متوفر في
#مكتبة_حسن_الطريحي

#جديد_فزاعية_(للخدم)

شدن راس للخدمه .. ينسوان
شهر احسين هذا شهر الاحزان
....
شهر احسين هذا اقبل علينه
شهر بي دمعتج كلش حزينه
على العايف ابنيته بالمدينه
( يستاهل لطمه _ من الزينه )
....
شهر عوفن الغيبه والنميمه
التهن بحسين والصار بحريمه
بي زينب اسيره ياهضيمه
( نواسيهه _ ياكون بدمعه )
....
الاستعراض ما يستاهله احسين
ولايستاهل اتلبسين وجهين
العفه الجانت بطف الذبيحين
( هل عفه _ لازم نحييهه )
.....
الاسود موش كشخه ولبس غالي
ولازينه الذهب يلمع يلالي
كون مكدره المضيعه والي
( والشيب ايبين _ بالشيله )
...
حسبن فاطمه بهاي المجالس
تبجي اعله الذبيح بلا ملابس
لاتتغاون ابلبس المحابس
( ومقبوله _ الدمعه ابعبره )

بقلم #مريم_الصدر
العمل مهداة إلى صاحب الزمان عج
لا أجيز حذف الاسم 🚫
https://www.tgoop.com/mmm234mm

اتمنى التمعن جيداً بهذه القصيدة !!!!

ما مبرية الذمة وخصمها الحسين عليه السلام بالدنيا والآخرة
كل وحده تقرأ قصائدي بهاي الطريقة
طريقة غناء وياها إيقاع موسيقى
مااقبل نهائياً والخصم مولاي الحسين عليه ●

أكتب قصائد حماسية حربية تتكلم عن شجاعة آل البيت عليهم السلام
وانزلها على حب آل محمد ( ص)
لكن مااقبل ولا ابري الذمة لأي وحده تقراها بهذه الطريقة
🚫🚫🚫ممنوع

سقط الحسين ممزقاً
كي تفهموا ان السكوت على الطغاة محرم!

الطغاة في كل مكان
بالعمل
بالمنزل
بالاقارب
في اي مكان
لهذا انتبه من تصير بالامتحان ولاتصير بجيش يزيد من حيث لا تدري !!!

#مريم_الصدر

        ( عمه اتوسطيلي )
فزاعية للسيدة فاطمة العليله عليها السلام

من ديوان #عتيق_الحسين_الجزء_الأول


عمه اتوسطيلي / يم الحسين
اروح وياه لرض الموت والبين


يعمه الليل لو رحتو اشيخلصه
يترك بالكلب ياعمه غصه
ماموجوعه هسه وهاي فرصه
اصير كبال عينه ابوضع زين


اريد اروح وي اختي رقيه
واهز مهد الطفل بثنين اديه
انه اتنخيت بيج انتي السخيه
تره افراك الاهل يريد حيلين


خواتي افراكهن مابيه حيله
اليفارك عزيز ايطول ليله
يافكد الاحبه ضكتي ويله
على اخواني ابد ماتغمض العين


الصبر ثوبج يعمه وبي معروفه
وانه العافيه من عندي مخطوفه
ايد احسين للمعلول موصوفه
خل يمسح عليه بيده الاثنين


عمه ارجوج فزعيلي يعمه
اروح وياج قنعيلي ابو اليمه
اضل لوحدي كلفه وهضمه
ومادري المنيه حدهه لاوين


بقلم #مريم_الصدر✍️
العمل مهداة إلى صاحب الزمان عج
لا أجيز حذف الاسم 🚫
https://www.tgoop.com/mmm234mm