لحن قصيدة الشام بويه الشام

لحن قصيدة تغربت مرتين ☝️☝️

نعي للسيدة زينب عليها السلام

يامالك الروح .. جرح الگلب ملچوم  يامالك الروح
شوف الجره وياي ..اختك سبيه تروح  شوف الجره وياي
اركب على النوگ.. عگب الجفيل اليوم  اركب على النوگ
مااشكيي الحال..غير الأخوي حسين  مااشكيي الحال
طبتنه للشام...حمل الجبل فوگاي طبتنه للشام

خادم رقية عليها السلام
الشاعر مهند الدريساوي

قصيدة استشهاد الامام الكاظم عليه السلام
 
مشايه مشاي
متعني مولاي
واتشرف بهاي
بالكاظميه
___
مشايه ونزور ..كل خطوه عاشور ..نتبادل الدور .. نمشي وخدامه
نقره الزياره.. واحنه الغياره.. ليل ونهاره ..درب السلامه
نتحزم برايات زينب واهلهه
للشامخ بغداد تتعنه كلهه
للكاظم اهدي الروح ويرد املهه
 
نمشيلة خطوات
والزاير يبات
واتشرف بهاي
بالكاظمية
____
يتعب جدمنه ..ونحمل ألمنه..لأجل اليحبنه..عشگي شحلاته
زاير واجيله..عاشگ خليله...روحي قليلة.. فدوه الحياته
كل خطوه بيه مراد تنحل قضية
..والشدة سهله تصير يالجعفريه
واني احضن الشباچ هاي المسيه
 
ندخلهه بغداد
ونعيد الامجاد
واتشرف بهاي
بالكاظمية
____
المهدي يجينه ...يسأل علينه...واحنه اعتنيه..لجده مواكب
يمسح وجهنه...بيده ويحبنه...يزيحه تعبنه
..هو أنه صاحب
والمهدي هم مشاي ويانه زاير
يمشي ويسجل جاي بيده الدفاتر
للكاظم المشاي والگلبه فاير
 
مثل المطر ماي
ونزورك اهواي
واتشرف بهاي
بالكاظمية
__
يعيش بفكرنه..ونطبله جنه..منهو أحله منه ..ونحبه معصوم
ونطبله بدموع ...واحدنه مفجوع..اذانه موضوع.. مولانه مسموم
والزهرة تبچي اليوم هذا حزنهه
لبست سواد تنوح ام اعله ابنهه
ودمع الزچيه يفيض كله بجفنهه
 
والدمعه مدرار
تبجيله لأنصار
واتشرف بهاي
بالكاظمية
_
نتحزم بروح..متهمنه الاجروح.. نبچيله ونوح..طول الزياره
يابيت الامجاد ..بيه العشگ غاد ..ومنوره بغداد...لون المناره
مثل العلك مشدود حبك يغالي
كل لحظه تمشي وياي وانته اعله بالي
متعني اجيك ازحوف اني وجهالي
 
اسود لبسنه
احنه واهلنه
واتشرف بهاي
بالكاظمية
____
ارزقني مولاي..ازيارتك هاي..واتعنه مشاي..هاي امنياتي
مثل الكواكب..هاي المواكب..شيب ويه شايب..تخدم يغاتي
وادري الگلب مولاي يمك نسيته
دورته بالشباچ طايح لگيته
طول الدرب بچاي والحب نعيته
 
النعمه عدنه
انته يجدنه
واتشرف بهاي
بالكاظمية
 
 
 
خادم رقية عليها السلام
الشاعر مهند الدريساوي
 
 
 
 
 
 
 

موشح / قصيدة استشهاد الامام الكاظم عليه السلام
 
شلون وحده اعله الجسر ميت غريب
ماكو ناصر من يشيعه ولاحبيب
::::::::::::::::::::::::::::::::::::::
كلشي يگضي والمواقف اله دور
روحه محترگه وثبت عطره البخور
وهاي عاش الكاظم وماتت قصور
واسمه ثوره بكل زمن يحيه ويصيب
::::::::::::::::::::::::::::::::::::::
تموت ناس وناس هايه التنحيي
الكاظم ابن المرتضى وجده النبي
چبده ممرود بسموم الناصبي
چنه جده حسين عالغبره سليب
::::::::::::::::::::::::::::::::::::::
الكاظم يموت بغدر ولد الحرام
بعده عل الدنيه العفه ونقره السلام
روحه صعدت للسمه طيرت حمام
مات وحده وماكو دمعة ولانحيب
::::::::::::::::::::::::::::::::::::::
هذا جسمه اعله الجسر يامسلين
ميت الكاظم ابو گلب الحنين
گلبه عالشيعة التحبه المخلصين
وماكشف سم الحقد بس الطبيب
::::::::::::::::::::::::::::::::::::::
كاظم الغيظ وامان لكل حياة
فارگ الشيعة ورحل وكت الممات
حيل توجع من ترد الذكريات
بروحك تعيش الالم كله بثغيب
::::::::::::::::::::::::::::::::::::::
الليله بغداد اشتهت ملكانه
نمشي والمهدي يزور ويانه
الكاظم بروحه هله اتلگانه
العاشگ المعشوك والموقف رهيب
:::::::::::::::::::::::::::::::::::::
بالشباب وشيب وأطفال ونساء
نگصد الكاظم نزوه بكل ولاء
وندخل لبغداد من طف كربلاء
نجدد البيعة من ارض دم الخضيب
::::::::::::::::::::::::::::::::::::::
العراق اليوم أعلن بي نفير
لزياره يطلع زغير وجبير
هذا عهد المانعوفه من الاخير
من الوريد الكاظم اعلينه قريب
 
 
خادم رقية عليها السلام
الشاعر مهند الدريساوي

‏مقطع صوتي من مهند الدريساوي

شعبان شهر الخير والبركة

هوسات مولد الامام الحسين عليه السلام
 
شع نور الجليل ونور اخو العباس
مولود الحسين الليله ياهل الناس
وننثر بالورد ونطشله احنه الياس
هذا الاسمه اعشگه وبالعجل ينباس
ولحيدر زفينه ابشاره
 
هله بجيت خليله ورزقه لعباده
هله بشيخ الطوايف هيبة الساده
 هله بجيت  العزيز ولبة القادة
هذا حسين ينطي اليعتني مراده
مبروك حسين بميلاده
 
خادم رقية عليها السلام
الشاعر مهند الدريساوي
 
 
 

شعبان اجانه وصار فرحة بفرحتين
هم مولد العباس وعيونه الحسين

نور وزهه السجاد يامحله نوره
بهذا الشهر ياناس سر بسروره

للمهدي شع النور خيره وصفاته
يحضرنه هذا اليوم بويه شحلاته

شبه النبي مولود اكبر يغالي
اسم يمر وارتاح مره عله بالي


ياروحي طيري وفوگ گبتهم اليوم
ريتك شهر شعبان تحضرنه للدوم

محله شعبان بسم المنتظر
محله شعبان أحله من الگمر
يامهدي. يامهدي

توه هالمولد حله بمهدينه
أنه يبقى القائد ووالينه
احنه بعيون العده طبينه
الليله مهدينه يشع علينه

نفرح اليوم كلنه بطلته
نفرح اليوم محله شوفته

اليوم مبتشره بسعدهه اجداده
اليوم فرحانه وتهلي الساده
الليله مهدينه انولد يا قاده
الليله أول خطوة تبدي أمجاده

الليله مولود. لزهره ولد
الليله مولد أحله من الشهد

اليوم ابواب الجنان مشرعه
اليوم عنوان افتاخري بمطلعه
اي وحق جدك امير المشرعه
الشيعه كل حبهه بمحبته مجمعه

حبك اليوم. يكبر مازغر
حبك اليوم مهدي المنتظر

اليوم روحي بمولده فرحانه
اليوم فرحانه السمه بمولانه
ياابوصالح عايش انته ويانه
الشيعه احنه بخدمتك تلگانه

نشعل شموع ..للمهدي صدگ
نشعل شموع..حب مانفترگ

نريد تكمل فرحتك لحبابك
نريد تطلع مانريد غيابك
نروح فدوه سيدي لترابك
يمته تطلع واحنه نلزم بابك

يمته موعود ونشوفك عجل
يمته موعود يالكلك امل



خادم رقية عليها السلام
الشاعر مهند الدريساوي

نعي / استشهاد سيدي ومولاي الامام علي عليه السلام

انطبر راعي المحنه
وتطشر خير اهلنه
حنين الماكومنه
بعد ياهو يلم وصلنه
والجروح الماغفن هنه
ذكرياتك حيل أذنه
اهنانصلي أهنا گعدنه
يبعد عيونك الجنه
مشيت ومنهو النه
طلعت بليلك اجنازه
العزيز تشيعه اعزازه
مات واني محتازه
علينه الفارك عيوني
تدفونه تدفنوني
اطب بگبره خلوني
بعد ماشابعه عيوني
من عنده لاتحرموني ..يابويه ياعلي


خادم رقية عليها السلام
الشاعر مهند الدريساوي

زينب عليها السلام تنعى حالها برحيل فلذة كبدها الامام علي عليه السلام

   وحشة دارك...عكبك عشت مثل الغريبه
     وحشه دارك...الله يساعد الفارك حبيبه
     حيدر تشيع عجيب...ميت الزينب حبيب 
                        وحشة دارك
          __
               كلب العقيلة وهامتك بالطبره
                من الالم ماتخمدلهن حسره
              عشت اليتم موت الابو والزهره
               ليلي برحيلك طول وبي جمره
    بانتظارك...... اشوف الدنيا بعيوني اسيره
     بانتظارك.....عطري من البجي ميت عبيره
     صبري بعيون الرقيب....ميت الزينب حبيب
                        وحشة دارك
           _
                 دمع الحسن بالكوفه ظل يلالي
              رمضان اجاني واني مات اهلالي
                 حسرة يتيمه و ودعت كل غالي
                  ارجف وناشق والحزن يبرالي
     ودعيته.......وافرش ذكرياته وانشق ابآه
      ودعيته....ابوي الغالي كلي شلون انساه
       اليله تشيعك رهيب.....ميت الزينب حبيب
                         وحشة دارك
           ____
               جانت عزيزه بوكت ابونه الجمعه
                مات الأذان وي الفجر منسمعه
                 تلطملك املاك السمه بالسبعة
                يبجيلك ادموع العرش مودمعه
     راعي بيتي....مات وظلت ايتامه وحيده
     راعي بيتي... المسافة البيني والبينه بعيدة
      صحت حيدر مايجيب...ميت الزينب حبيب
                           وحشة دارك
           __
             يبجي الحسين وي الكمر كل ليله
               ميت ابونة بكل بوكت نبجيله
              منهو اليعوض هيبته ونشكيله
             جان اليتامة بكل فرض تدعيله
    كل كلامك..اذكرنه ويهد اعيوني الاوداع
    كل كلامك....ربنه مئيده وقران ع الكاع
      تبجي الايتام بنحيب..ميت الزينب حبيب 
                          وحشة دارك
         _
             ابيضت عليك عيوني لايارمضان
            اهلالك يهل ومن كمل بس أحزان
               شهر الله وبيته انطبر بي قران
           ركن الله طايح حيدره راعي الشان
         مونهاية...يبقى بكل زمن ينعاك محراب
        مونهاية...تبقى اعيون ولدك ناطره الباب
    هذا ابونه موغريب       ميت الزينب حبيب
                           وحشة دارك
         _
            طاح العمود الخيمه من يمهه اطيح
                مثل الورود التنشلع من الريح
             دارك خليه وزينب بوحشه تصيح
         دمعي اعله بوي الغالي مثل التسبيح
  للغوالي..ادموعي  البلحزن فاضت ع الاخدود
  للغوالي... احسه بكل نبض وياي موجود
سابح بدمه خضيب         ميت الزينب حبيب
                      وحشة دارك
   


     خادم رقية عليها السلام
      الشاعر مهند الدريساوي

نزله للامام علي عليه السلام

طاح رباط السوالف  والمضيف بلاملح
     الفريضه براسه طبره ودمه ينزف للصبح
        _
          شيوخ طاحت بالسلف ماكو اقوياء
           الدنيه وحشه ومابقت بيهه ابرياء
            شلون جرءه وسيفك يطر السماء
            جان وحده وخارس افواه الرياء
       الكاع يبست من بجيهه ودمعت حتى الفلح
         _
           الهيبة ماتت من وكع صدر المضيف
           وجاي يحكمني اعله تالي المو شريف
              مات حيدر يعني شيعنة الرغيف
             الشجره تزعل لو قرب يمهه الخريف
          الخير مطبور اعله راسه وبين بروحه الجرح
           ____
               مات حيدر وارتفع صوت الوثن
            وشال نعشه وغركت اعيونه الحسن
             تره الفارك حيدره مفارك وطن
             حسين يبجي اعيونه من دمعه انتهن
       كل ملامح وجهة راحت سابح بدمه سبح
            __
              جاع حيدر حتى يشبع كل فقير
                 اليتامه تشوفه اول مواخير
               هذا حيدر يعني ابو كلب الجبير
             اهدومه خشنه ولبس الفقره حرير
       عاش كل همه اعله ناسه وماطلب منهم ربح
            __
               كل جوامع الله تبجي وماتمل
                استشهد القران بيهه وتنسئل
                ليش يمج منطبر كل الثكل
               جان يعرف بالفقيره من النمل
       هذا تربات النبوه  ومايخاف من الذبح
              ____
               كون كل شيعي اعله راسه ينطبر
                 شلون طبروهه المراجل بالفجر
               المهدي يبجي ويلطم ويانه الخضر
                   مانوافي لون نبجيلك عمر
          باجر افعال الظوالم من دمعنه تنفضح
   
   
        خادم رقية عليها السلام
          الشاعر مهند الدريساوي