ثكل بالطف عليه .......كله وانه (كل هوانه)
وصده اجروحي يتفتك كله وانه
اجيتك واعثربهمي
اطيح وانته مويمي
اشوفن راسك واشهك
اجيلك وبكفاي انطك
اكوم واعثربظلي
لجحت اعيونك اتكلي
يزينب عينج عليهه
رقيه ابنيتي داريهه
نارالخيم تجويهه
دوس الخيل ياذيهه
خايف تعرف شبيهه
يخي كطعوا تراجيهه
بعباتي اركض واغطيهه
وعلي متني يتشطب كله وانه
اشاكف والسياط اتلوح بيه.......بقلمي المتواضع

قصيدة السيده رقية عليها السلام

بالدمعات..... مودعينك
    بالحسرات....... مودعينك
بحافر خيل مأذينك... بحافر خيل ماذينك
      ____
من حافر الخيل انطبع.. فوگ الأرض.. وسهامه حيل تآذي
بصدره الرمح وي الحجر.. من الضرب...وجروحه كله اتبدي
فاركني وجفوف العدو... لمن طحت.. تصفحني حيل بخدي
موبنتك اني شأخرك... تدري اكبرت.. وجروحي بويه بگدي
يابويه ماكو وينك
           _______
    خليلي من عندك حضن... شني السهم.. شاركني بويه احضانك
عيشني ورده بنص غصن.. مابي ألم... وشتلني يم بستانك
حاجيني يم نحرك وگع...كل النظر.. صبرني بس ايمانك
ازغيره مومال انحرم.. من شوفتك... مااشمها ريح اوطانك
بويه بدمعي مغطينك
            ______
    فوك الرمح راسك نزف. مثل الخيم..
والنار مثل الحافر
خليني بعيونك رمش.. مايندفن.. وجروحي تكسر خاطر
كلش هدوء الطف صفه.. ليل اهدعش.. ويرعبني بعده العاشر
اخر وصيتك بالحضن.. من نفترك.. يوحشني حضنك باجر
وسهم اعداك بنص عينك
           ______
تاركني طفلة بنص خيم.. من الحرگ..محترگه مني اذيالي
تدريني شمعه من احترگ... بدرب السبي... وتخوصرت عذالي
ضيعته عطرك من ردت.. شمت نفس.. كاتلتي هجر الغالي
خليني خنصر منذبح.. واشبع ألم.. بس لاتفارك بالي
بجمر اخيام مجوينك
           _______
خليني اشوفك لوحلم.. لاتبتعد..  لوطيف هم مربيه
تدريني اغفه وريحتك.. مثل النبض.. تشبعني بس حنيه
يابويه گوم الطف خلص.. فاطم بقت.. منتظره منك جيه
عگب الدلال وعزتك...امشي بحبل.. وتفرگست رجليه
ومحد يمك ويعينك

خادم رقية عليها السلام
الشاعر مهند الدريساوي

دارميات
رقية عليها السلام
بوية شتضن بالجيش ذرة خجل بي
يرحم ضعن نسوان ومية ينطي
الحسين عليه السلام
تعذرني بت حسين هذا الجرة وياي
رجعني سهم البين ماجايب الماي
___
رقية عليها السلام
ادري السهم جتال بس خفت اذيك
ماريده حملي يزيد يجودر عليك
الحسين عليه السلام
يبنيتي كلشي يهون بس الضعن لا
راح الكمر عباس من يمشي وياه
____
رقية عليها السلام
بويه المصايب هاي مثل الجمر سيل
حضنك فكدته هواي من داسته الخيل
الحسين عليه السلام
يابتي حافر خيل داستني تدرين
عذريني حضني انداس عدمن تنامين
رقية عليها السلام
حرمتني منك خيل معقولة بابة
عكب الدلال البيك اغفة ابخرابة
___
الحسين عليهالسلام
يبنيتي حتى انياط كلبي انكطع بي
كل بالي يمج صار وشلون اهديه
رقيه عليها السلام
يابوية دربي ابعيد وصغيرة لجدام
وحادي الضعن شرير مابيهم اسلام
____
الحسين عليه السلام
راسي برمح مشيول واني التفت ليج
سار الضعن لشام بس دعمتي اعليج
رقية عليها السلام
سالم يبعد الروح وتردنة للبيت
عكب الدلال البيك طولك يرد ميت
____
الحسين عليه السلام
جرح السهم مقبول بس جرح الوداع
اصعب عليه يصير من كسر الأضلاع
رقية عليها السلام
موعاشر بعاشور جن الكمر طاح
صرنة بضعن شمات والوادم اصياح
___
الحسين عليه السلام
شماتي بت حسين اهل الرسايل
جابتني ضدي النوب طلعت تقاتل
رقية عليها السلام
يابويه وحشه الليل عكبك رحت ليش
بسياطة يضرب حيل مستهتر الجيش
_
الحسين عليه السلام
راسي برمح مشيول بس كلبي وياج
من كربله للشام مالحظة انساج
رقية عليها السلام
يابويه راعي الطيب محله المحاجي
طحت من اذاني الجيش كطعو تراجي
خادم رقية عليها السلام
الشاعر مهند الدريساوي

الحن اوداعك بروحي ورتل
وثكيل السان المفارك ورتل
عگب حسين تالي البد ورتل
وأنه چان التراب يلوذ بيه

سجن دلالي مافك من خيمات
وعدوك بيده يحرك من خيمات
غريبه ابوحدي واركض من خيمات
وصبح جرف النهرسجان اليه

كل عام وانتم من الثابتين على ولاية امير المؤمنين علي بن ابي طالب عليه السلام