ابوذية / الزهراء عليها السلام تخاطب ابيها النبي الاكرم صلى الله عليه و آله و سلم

متت وجروحي نار عداك ويهين
صعب بعدك علي شلون ويهين
عكب ويهك شفت بالناس ويهين
ويه طكني ويه يضحك عليه

نزلة
دار حديث بين عمار بن ياسر والأمام علي عليه السلام عن استسهاد فاطمة الزهراء عليها السلام والصبر بفقدان فاطمة فگاني بالامام علي عليه السلام يقول


   ياعمار الصبر يم فاطمه تبده
وموسهله اليحب من ينترك وحده
         ---------------------------------------
    ورگه الريح تاخذني وتوديني
      ياعمار شصبر ودعت عيني
     انجرحت تبتسم خافن تاذيني
    سبحه اطشرت بوداعها سنيني
   لمفارك محب كل حيل ماعنده
         ---------------------------------------
    احس بعيوني گام تبوك عافيتي
   من طب النعش ونشالت ام بيتي
     اشتم والهوه مايدخل بريتي
   صفيت اعله الدمع والنوح تاليتي
      يمر ذكراها بيه وعيني ماتهده
        -----------------------------------------
    اشتاگ الفاطمة وادخل لغرفتها
     ادخلها وتصير اگبالي صورتها
       واتذكر صلاة بگعده صلتها
      يلچمها الضلع وتبچي حالتها
       ومحسنها وگع مالحگ المهده
        ---------------------------------------
          يعمار الجبل لوسامع اتهدم
   عصروها الضلع من عصرته اتهشم
       جرح فاطم تبده وبيه مايلتم
    شصبر والجرح محتاج الف مأتم
     واني ادري السفر مابي درب رده
        ----------------------------------------
     اسمع من تون وجروحها يطلعن
   مثل طلعت نجم بااوجاعها التمن
   وبسامير الخشب بضلوعها يصلن
    من ذاگ الوكت ودموعي ماوگفن
  واخضر عل الجفن ذاك الدمع بعده
        ---------------------------------------
   وحشة البيت احسن والجروح هواي
    ونار الباب أكبر من كلام الماي
      بقيت الوحدي وماندل بدنياي
   راح احزام ظهري الچان دوم وياي
    الزلمة بكل وكت يحتاج ليسنده


خادم رقية عليها السلام
الشاعر مهند الدريساوي

من الارشيف

من ارض العراق لقم

هم حاقد وناغم خطأ مطبعي
الأصح حاقد وناقم

قصيدة (سيدة الجنة) استشهاد فاطمة الزهراء عليها السلام
 
المن تشتكي همومك
ماتت سيدة يومك
ماظل بعد بالدار
غير الحطب والنار
المن تشتكي همومك
ه_______
 
خلصت ياعلي وماتت
ودمعك ذبل عيونك
قالع خيبره و بيدك
هسه انته يگومونك
اول مره اشوفنك
اصفر وجهك ولونك
حقك شيعت بيتك
تطلع مايعرفونك
اخر لحظه چانت كسر الاضلوع
وي شيل الجنازه تشيل الادموع
 
غيبة فاطمة طالت
ودمعة حيدره سالت٠
عگبج علي محتار
غير الحطب والنار
المن تشتكي همومك
ه_____
 
ظلمه وموحشه داره
فارگ خيمت عياله
چانت شمعته وبيته
تگعد يمه تبراله
يحجي بَهمه وياهه
تعرف كلشي بحواله
الباقي من النبي بروحه
ماتت تركت اطفاله
اول مره اشوفن حيدره يطيح
ذاك البلحرب لمن يهب ريح
 
بسمار ودخل گلبه
من تشيّعت حبه
يابويه شنهي الصار
غير الحطب والنار
المن تشتكي اهمومك
 
ه______
 
ماتت نسمة الهادي
العاشت يمه بس كمره
شوفتها العلي تسبيح
چنهه عمامته الخضره
يصلي ويقره بالكوثر
بيده سبحت الزهره
يعني بكلشي هي وياه
موضع مقدسه وأمره
الله يعينه فارگ لبت العين
شاف الزهره تبچي بدمع الحسين
 
داره موحشه الليله
حيدر منكسر حيله
يابويه عل الكرار
غير الحطب والنار
المن تشتكي همومك
ه_____
 
انزع ياعلي الحلقه
والبس حزنك بروحك
جرحك بالحرب مضموم
وهسه مطشره جروحك
منهو اليعرف شياذيك
ومنهو الزيدت نوحك
راسم فاطمة ومكسور
بكلبك مووسط لوحك
اني اعرف تشمها بيت الاحزان
قران اندفن واليبجي قران
 
اتخيل وحدك اتخيل
حيدر شايف المقتل
طاح الدمع مدرار
غير الحطب والنار
المن تشتكي همومك
ه______
 
چانت فاطمة ولايه
هيه اعله الخلك ايه
حيدر چانت انياطه
تمشي بكلمته ورايه
موسهله يموت بسيف
بس اتكتله الحجايه
من ادگله عصره الباب
فاطم صارت ادمايه
يوگع ياابوذر وگوم تچي
حيدر منتهي مايگوه يمشي
 
الله يعظم امصابك
مرتك ماتت ابابك
كون الوجع يندار
غير الحطب والنار
المن تشتكي همومك
ه____
 
ينصب فاتحه بچادر
بس بگلبه موشارع
خاف يشوف ابن خطاب
شامت يطلع يباوع
دافنها بسواد الليل
محد شافه من راجع
جفونه مفطره بدموع
عليهه من البچي شابع
الله يساعده لمن دفنهه
گبل بساعه يشتمهه وحظنهه
 
ماينظم جرح غالي
طاحت دمعته تلالي
ويلي الجروح أكبار
غير الحطب والنار
المن تشتكي همومك
 
 
خادم رقية عليها السلام
الشاعر مهند الدريساوي
١٤/١١/٢٠٢٣
 
 
 
 
 
 
 
 
 

قصيدة استشهاد ام البنين عليها السلام


تربيتج ..بالطف ايه
يم عباس..يالوفايه
راح تموتين ..مويم حسين ...ولابو الرايه
-----------------------------------
وحيده تموت ..بدون حباب ..ولادفان
نشيع شلون... وهذا الدار....بس نسوان
گلبج مات . .گبل الموت..... عل الشبان
عمرج صار....لجل حسين... بيت احزان
 
.يودعونج.. موش احفادج
يدفنونج.... بدون اولادج
سولفلي شلون ... مدفون الكون..صعبه هوايه
------------------------------------
مره بسعبين..الف وتزود....من تنعد
عمرهه ادگول..كله حسين ..لاوازود
حزن يعگوب..صبر ايوب.. بيهه اشهد
شريجت روح..موبالدار.... هم ابعد
 
يحبونج ...مثل الكوثر
لجل عيونج..محد قصر
ها يم عباس ...راسج ينباس... عالتربايه
----------------------------------
علي موجود.. رَيت بذيچ.. المنيه وياچ
يغسلچ كون... يم عباس.... ماينساچ
ويجيچ حسين..ركض ملهوف..يتلگاچ
يجيب چفوف....للعباس ....يگلج هاج
 
هنيالج..وفيتي الدين
سويتي.. كلشي لحسين
عمرج ينجاب...تنطي لحباب.... هايه الغاية
---------------------------------
عمر خلصان...هي تنوح.. ولاتهداش
بدون حسين.. عمر لهاب..ولاينعاش
هيه ادگول .يطب للبيت .فرشت افراش
حزن ممدود...بممات حسين..دمع يبداش
 
مكتوبه... بگلب الزهره
حسين وياج..وسط الحضره
وتاج يخليچ..يتنومس بيچ....اجمل ثاية
-----------------------------------
غريبه تموت..بدون اولاد....بس حيطان
يلاهي شلون...نشيع الكون... والإنسان
ورد ذبلان.... نشيع الماي... والبستان
يودعونچ... وداع الموت... والقران
 
يودعونج..من تموتين
يخلونج..وانتي تغربين
غربة وشبان ...گبلي بتربان...صار هوايه
------------------------------------
 
شني من ايثار... تصيح بصوت...ابو السجاد
اخير انفاس... وام عباس ....على الميعاد
تجيب حسين...گلي منين ...صعب ينعاد
وداع الموت...من يحيين...الولد ينراد
 
انشال الخير.... خير الساده
مثل الطير...دون أولاده
يفرفح ويموت....تطلع بسكوت....بدون حجاية
 
 
 
خادم رقية عليها السلام
الشاعر مهند الدريساوي
٢٢/١٢/٢٠٢٣
 
 
 
 
 

ابوذيات لخادم اهل البيت عليهم السلام السيد محمد باقر الفالي

حسين الخير محبوبي وفالي
يگول الناعي ظلع امي وفالي
دفنه بحضرتك جاسم وفالي
ناعاويهم بعدهي اعله الزچيه

حزن ومچودر علينه تراكم
راح وغرب الفالي تراكم
يمته عيوني عل المنبر تراكم
عگب ماغربت بيك المنيه



خادم رقية عليها السلام
الشاعر مهند الدريساوي

نزلة / استشهاد الامام الهادي عليه السلام
 
ودعناك ياغالي ...ودعناك ياغالي
 
كل خادم يجي المجلس
صدره محضره للرادود
يحس بجيت الزهره
لطفهه بكل وكت موجود
من يحضر عزه المسموم
وهدومه لبسهه السود
للهادي مآتم نوح
للغالي الحزن مريود
 
ودعناك ياغالي..ودعناك ياغالي
 
 مثل شفة العزيز حسين
گلب الخادم اتفطر
مايحمل جرح وهموم
دمعه يسولف المنظر
كل ساعه تسحگه الخيل
هيچي كليبه يتكسر
مثل الحسن يالمسوم
چبدك دمه يتگطر
 
ودعناك ياغالي... ودعناك ياغالي
 
مانگعد عزائنه يريد
وادم واگفه وشادود
اتحزم للعزاء احزام
وافزع فزعة الهادود
وطوف بجسمك الحضره
بگبرك مايمسك دود
بأجر ايدك وصدرك
يم الهادي هنه شهود
 
ودعناك ياغالي...ودعناك ياغالي
 
والظالم يحد سيفه
تبختر بيده وذراعه
وادم خافت وگالت
سمعاً سيدي وطاعه
وشوف العسكري دموعه
تشرح جرحه ووظاعه
وعايش فاگد الوالد
حزنه يسولف اوجاعه
 
ودعناك ياغالي... ودعناك ياغالي
 
خادم حشم الخادم
گوموا لمو الوادم
مستشهد عزيز الگوم
سمه الطاغية الظالم
ونرفعه عزانه اليوم
للمهدي عهد قائم
ولظنهم ذكر يمحون
هذا مدوهن واهم
 
ودعناك ياغالي.. ودعناك ياغالي
 
ابچي بحرگه عالعتره
اباب المجلس الزهره
تسجل من دخل مجلس
وتحسب هيه منتظره
خل تفزع تجي الخدام
مجلسكم مثل حضره
ودمعك بذره مزروعه
وبالمحشر الك ثمرة
 
ودعناك ياغالي....ودعناك ياغالي
 
 
خادم رقية عليها السلام
الشاعر مهند الدريساوي
 
10/1/2023

ياعلي

عشگتك والعشك بالعين لوحيظ
بخت دربي المشيتة وياك لوحيظ
خطواتي اعلة دربك نور
ياخبزة بحلك تنور
يالمضوك اليتامى احساس
يالمعدل يبوالعباس
اشتم من كفاك الياس
واسمك بالكلب خطيت
احلف ع اليضدك هاذ
شرط امة موبت بيت
لوبن زانية ومعروف لوحيظ
ماتقبل غلط والهاشمية