*📜اه يازينب اه:*

يدنيه اشگد مصايب [منعباتي]
ابدليلي و ما دريتــي [منعباتي]
الشمس تستحي ظلت [منعباتي]
گد ما بسلتهه اسياط اميـه.

✒️… .ملا عاشور الصیداوی

*لسان حال السیده زینب (س) :*

وحيد حسين برض الطف يردعون
يــحشم علـ لـذي چانو يردعون
ردت عبــاس واتمنـــه يردعون
يـفكون الــسلاسل من اديـه.

✒️… ملا عاشور الصيداوي

*السیده زینب (س) تخاطب الطاغیه یزید*

محمد لـو جنح عنده ~بفرعون~
الی ویگل بنی هاشم ~یفرعون~
ابدیوانک یشوفونی ~یفرعون~
السمه ایطبگونهه فوگ الوطیه.

✒️… ملا عاشور الصیداوی

*السيده زينب سلام الله عليها:*

ابساعة موتي يالسجاد - لتغمضلي اعيوني
وجيبو عشر خياله - علتربان ايسحگوني
بين حسين والعباس - اوصيكم تدفنوني
حتي اشتم ريحت خواني

✒️… .ملا عاشور الصيداوي

قال رسول اللّه (صلى الله عليه وآله وسلم)
*اِنَّ الْحُسین مِصباحُ الْهُدی وَ سَفینَهُ الْنِّجاة:*

حچنـه ابساط حبك /وسفينه
ابگلبنه وعله الخالف /وسفينه
يـمصباح الــهدايه /وسفينه
الوسيعه البيهه تنجي الجعفريه.

✒️… ملا عاشور الصيداوي

السيده زينب تخاطب الحسين(ع)

نوم الشمس يبن امي [ضراعليك]
عله اجروحك رمل شفته [ضراعليك]
اجيتك شايطه ارد انصب [ضراعليك]
منعني الشمر خويه وهد عليه.

✍🏻… ملا عاشور الصيداوي

يَا أَهْلَ يَثْرِبَ لا مُقَامَ لَكُمْ بِها

خل يثـرب مـأتم حــزن [تنصاب]
وبدال الدمع خلي ادموم [تنصاب]
علــوياتــهم بــشــام [تنصاب]
و روس اشيوخهم علـسمهريه.

✒️… .ملا عاشور الصيداوي

أخي من يحمي بنات محمد
صرن يسترحمن من لا يرحم

الـ عيله فرت ابدهشه ~ولابت~
ولا خيمه البگت عدنه ~ولابت~
يا اخـت الـمضربوهه ~ولابت~
الما ورمت متنهه اصياط اميه.

✒️… .ملا عاشور الصيداوي

أم هز عطفك بشر في النعيم وفي
خبا النساء ضرام النار مشعول

رحل المجد من ينعد /فرحلاك
عالي، وانته موت العِز /فرحلاك
ابنعيم الجنه هم اتحس /فرحلاك
او خواتك مشن علهزل سبيه.

✒️… ملا عاشور الصيداوي

*|بابي من سُلبت عمامتهُ|*

مصـايـب كربلـه كلفه *[عمتكم]*
وعله الهزل مشت غصبن *[عمتكم]*
مــن الهـامـات ذبـوهــن *[عمتكم]*
حسين ابلا اعمامه اعله الوطيه.

✍🏻… .ك:
*ملا عاشور الصيـداوي*

السيده زينب تخاطب
اخيها الحسين عليه السلام

اسلبوك و ثوب ماظنتي [ظلعليك]
الـحوافـر مَتركت سـالم [ظلعليك]
اجيـب امنين يبن امـي [ظلعليك]
اسلبوني وبس بگه ثوب العليه.

✒️… ملا عاشور الصيداوي

*📜وجبلك:*

الـبچه والـنوح يبن امي [وجبلك]
دوه ولا ماي ضل عندي [وجبلك]
گلت احضر گبل ذبحك [وجبلك]
ذباحک سبگنی وفتک بیه.

✒️… ملا عاشور الصيداوي

*السيده زينب تخاطب الحسين:*

طحت والجيش يبن امي /دراعليك
شطتلك والـدمـع مـن دم /دراعليك
شفـت أمن الــنّبل فصلو /دراعليك
او سمعت الشمر حشّم لعوجيّه.

✒️… ملا عاشور الصيداوي

*اه يازينب اه:*

اسيوف العده ابجسم حسين گطعت
وعگبـــــــه ويلـغــرب بلــدان گطعت
تلــگونــــي اهـالـــي الــشـام گط.عت
ابحجر واحبالهم تاكل بديه.

✒️… ملا عاشور الصيداوي

سأصبر حتى يعلم الصبر أني
صبرت على شيءٍ أَمَـرُّ من الصبر

مـل الــصبـــر منــــــچ */مافزعليچ*
ومـــن ونــــچ الــميــت */مافزعليچ*
علــي بـالـنجــف يمـــچ */مافزعليچ*
عجب مو عادته حامي الحميه.

✒️… ملا عاشور الصيداوي

*طأطِئُوا الرؤسَ إن رأسَ حسينٍ*
*رفعتـــه فــوق القنــا الــخطّارِ*

يساده ابجور هـلدنيه /همتكم
ومصايب كربله اهوايه /همتكم
هبطــو لا ترفعــوهـــا /همتكم
روس اشيوخكم علسمهريه.

✒️… ملا عاشور الصيداوي

*ويَصِيحُ وا ذُلاَ اَينّ عَشيِرتي.*

ردت واحـد الـي بـطف /يلمعون
ويشيل اقمـار علـقبـره /يلمعون
المصيبه الشمر بسياطه /يلمعون
يطگ واشگف وعمتي اتلوذ بيه.

✍🏻… ملا عاشور الصيداوي

*أَنْتُمْ نِیامٌ أَرْجُوکُمْ تَنْتَبِهُونَ*

نخیت الکفل خدری مایفزعون
غفه و عالترب ابنــی مایفزعون
اهلــنه اشــعطلاهم? مایفزعون
الحرمهم گبل لا تمشی سبیـه.

✒️… .*ملا عاشور الصيداوي*

*اه يازينب اه:*

الـنوايب نـارهه‍ آبگلبی[وينهه]
وتمنيت الـعمر يـخلص [وينهه]
عليه الشمر ضل يامر [وينهه]
ولقبني لقب ميلوگ بيـه.

✒️… ملا عاشور الصيداوي